بورداب الإمارات، قبال ما رمضان "يوحشنا"

[أبوبكر عباس]

ح أكتب لي تهاني زي بتاعة حجاج ولاية الجزيرة لمان يلقوا إذاعة أمدرمان!
- تهاني لناس الإمارات (بورداب الداخل)* وعلى راسهم الجميل بابكر مخير ومن بعده للعمدة والمشرف الفني الجديد الشديد.
- الأماني الشفيفة للأنيق الوليد عمر وللشباب ياسر وبلول، وللأصيل باسط المكي، ونعطف على أم القوين بمناسبة العودة للنبيذ الأحمر، وأسلم على مرافي وأسرتها بمن فيهم همس (الواطة عيد نسلم عليها) وبرضو جيجي (المسامح كريم).
بعد الإمارات بتحرك بالتهاني حسب الرقي، (مصر والسودان والسعودية يمكن أجيهم في الأخير لو فضل لي مساحة في الصفحة).
أوربا، أبدأها بالأنيق رافت ميلاد والغوث محسن خالد، عندي إحساس انو محسن دا يوم العيد بجعر (يا أخي المسيكتاب سطوتها كبيرة!)، وتهاني للصديقة الحليفة سارا ولصديق صديقي أشرف السر، ولنبيل و أرسنال ذاتو، وللدكتور زين عبد الله بالإنجليزي، الجيلي تبع ناس السودان!
بعد أوربا الترتيب بجي لقطر وبالمرة مع الباش، كيشو، فيصل، أشتر وشليل بسلم برضو على عزام صاحب الفرق!
تجي بعد قطر سلطنة عمان الما معيّدة معانا!** و التهاني بمناسبة اليوم التلاتين والعيد، للرصين أسامة الكاشف والوريف عبد العزيز عبد الله (الوريف دي لو كررتها أعفوا لي).
مباشرة لامريكا وكندا، البتكون واطتم يا دوب صبحت! وقبل تلفون جانيت لأمريكا; بهني محمد مصطفي والإسلامي التقدمي حسين عبد الجليل -إن شاء البركة فيكم يا حسين، في وفاة رئيس جاليتم السابق- ومنها لبراري كندا وتبركات لنديدى صاحب الشفافية العالية، فيصل سعد وبحملو رسالة إعتذار لمنصور المفتاح الزعلان مننا.
تهاني خاصة جدا لشيخ المنتدى بقاهرة المعز، الشاب فتحي مسعد حنفي وأم أحمد وآلاء.

ناس السودان والسعودية، يا أخي انتو كتار خلاص! بهنيكم بالعيد جملة مع تفصيل واحد لأجمل زول بالمنتدى*** وهو حليفي الرشيد.

هامش:
* ناس الامارات هم بورداب الداخل لانو سيد المنتدى معانا.
** سلطنة عمان تتبع المذهب الإباضي زيهم و زي الفلاتة، لازم يشوفوا الهلال حمرة عين.
*** أجمل زول دي لزوم تكسير التلج للرشيد خوفا من الحردي.
هامش تاني:
تهاني خاصة للثورات العربية ممثلة في أخينا كانديك.