إستراحــة مع (الـــكاكـــى ) بســـودانــيات

[سمراء]

اقتباس:
المشاركة الأصلية كتبت بواسطة مهند الخطيب
النور يوسف .......... ازيك ياخ ،؟ مالك؟
فحقو اقدم ليك مقترح انو اسئلتك الختمت بيها دي تبقى بوست تقيل نجي نداوس فيو بريدة (مابتاعت القصيم) ولو رفضت الاقتراح يانا الخرمجنا ليك بوست الجمال ده .... تحياتي واحتراماتي ومودتي...

مهند ياصديقى العزيز
البوست مشرع ومفتوح بكل الاتجاهات التى تحبها !!
وهو فرصة لنكشف ونستكشف ماوراء هذا الاخضر من اشياء ...بالحوار الهادى

فقط ...بدون خرمجه ياخ

[سمراء]

اقتباس:
اقتباس:
المشاركة الأصلية كتبت بواسطة البديري

فعلا بوست جميل لنرى الوجه الاخر من حياة العسكرية ، فى مشاوير حياتهم بكل افراحة وآلامة ، ونفحات عن زكرياتهم وعطاءهم لنا ، لهم اجمل التحية لمن افنى عمرة فى خدمتنا بكل شرف وامانة ، ومنهم من قدم روحة فداءً لنا لهم الف رحمة ونور لجنودنا ( جيش وشرطة ) لاستشهادهم فى كل بقعة فى ارض وطنا الحبيب ٠تسلمى يا سمراء
والحمدلله قريت البوست سريع سريع و ( ماقبضونى ) عساكرك ديل
لكم اجمل التحايا

البديرى لك كل التحايا وانت تشاركنا هذا الجمال ...
ومالونته لك ...هو بالضبط مانريد ان نصل اليه فى هذا البوست
ثم ...
سجن ديل ...ولا حرية هناى ديك

خليك قريب وواصل

[سمراء]

اقتباس:
المشاركة الأصلية كتبت بواسطة الطيب بشير
.
فكرة سمراء، كما تصوّرتها، أن العسكرية فيها جفاف و صرامة ..كيف تأتـّـى أن جمعت شعراء و أدباء، و بالتالي فكرة البوست ليست، بأي حال، تلميع الكاكي أو تأكيد بهائه المطلق..
مع ذلك لا نحجر على أي تعليق بالطبع..

هو كذلك ياجنابو ....هو كذلك ما قصدته

[سمراء]

اقتباس:
المشاركة الأصلية كتبت بواسطة مرتضى يوسف
سيدتي الجميلة سارة
بدءاً أشكركم لما تفضلت به من بوست يلامسني بأعضاء المنتدى وغيرهم من الزملاء بالشرطة الذين نكن لهم كثير ود وإنتماء ...
0

وهنا ايضاً ...(جنابو ) يظهر من بين تلك الكتيبة الانيقة ..
الف مرحب بيك جنابو مرتضى يوسف ...
والدار بلا شك تختال مرحبة ومزهوة بك ...تفضل

تعليمات :
تجرى تصلح سارة دى بسرعة لى سمراء لانو سارة لو جاتك هنا عييييييييييك
الا الكريم تانى يخارجنا

احضار واحد صورة بالكاكى ..للتوثيق وكدة

[جيجي]

سمورة الجميلة
شايفاك فتحتي لينا قسم بوليس هنا

[سمراء]

اقتباس:
اقتباس:
المشاركة الأصلية كتبت بواسطة الرشيد اسماعيل محمود
تحياتنا ليها برضو يا النور..
...
بوست يستحق المتابعة.

رشيدنا الحبيب ...بالاى انت حي !

التحية ليك وللغالية البنوته الحلوة ....بت جنابو النور

[سمراء]

اقتباس:
المشاركة الأصلية كتبت بواسطة جيجي
سمورة الجميلة
شايفاك فتحتي لينا قسم بوليس هنا

جيجوش ياماى هارت
عشان كده مفروض تلمى عدة الشاى حقتك دى وتنضبطى

[جيجي]

المشاركة الأصلية كتبت بواسطة سمراء

جيجوش ياماى هارت
عشان كده مفروض تلمى عدة الشاى حقتك دى وتنضبطى

ههههههههه
والله مافي اي طريقة
اوعى من الطارة
صدقي كنت عايز اكتب ليك انت فارشة شائيك جنب النقطة مالك
بعدين غيرت رأي

[آيات]

المشاركة الأصلية كتبت بواسطة سمراء

جيجوش ياماى هارت
عشان كده مفروض تلمى عدة الشاى حقتك دى وتنضبطى

إزيك ياسمراء
ماعاوزين ليكم غنايه ؟؟.. غايتو نديكم عينه .. كان عجبتكم أضربو لي


عيان ومرضان شالوني بالنيسان الريده ياسلااام
عيانه شيلوني الريده ياسلام في سريرو ختوني
يلا يا هاا ... هاهااا
وبالكاكي غتوني .. الريده ياسلام
عيانه انايا يازول ..الريده ياسلام
لوجابو لي دكتور
لوموته سببي الزوول
عيانة انا مابطيب . لو جابو لي طبيب
ولو موته سببي نقيب

[مرتضى يوسف]

[QUOTE=سمراء;411643]وهنا ايضاً ...(جنابو ) يظهر من بين تلك الكتيبة الانيقة ..
الف مرحب بيك جنابو مرتضى يوسف ...
والدار بلا شك تختال مرحبة ومزهوة بك ...تفضل

تعليمات :
تجرى تصلح سارة دى بسرعة لى سمراء لانو سارة لو جاتك هنا عييييييييييك
الا الكريم تانى يخارجنا

عذرا سيدتي الكريمة سمراء
يحكى عن ملازما كان جالسا في إستقبال وزارة الداخلية فمر بالإستقبال عقيد في طريقه الى داخل الوزارة فعمد الملازم على عدم الوقوف وقال افط ليك العقيد وانسى حكاية الوقوف دي يعني الكون حينخرب فما كان من العقيد إلا وبعد أن خطى خطوات لداخل الوزارة أن صاح بالملازم أجمع يا ملازم فنهض الملازم موديا التحية العسكرية فقال له
العقيد( وين الإنتباه و التحية الأولى )
فلم يجد الملازم مخارجة غير أن يقول
يا سعادتك قبيل إتكبكبت...
ربما وهذه القامات الشرطية التي تتضمنها بوستيك تفاعلت مع جيناتي فانتابتي قليل ....
فطالتك سيدتي سمرا ءبلا قصد فلا عليك ...
احترامي سمراء

[بابكر مخير]

المشاركة الأصلية كتبت بواسطة سمراء

هو كذلك ياجنابو ....هو كذلك ما قصدته

يعني الدكاترآ البيجزرو
بالمشرط وبالكآش..
يبقآ وسطهم شعرآ وفنانين وإحنا
لآ..
لينا الله وعيشت السوق

[سمراء]

اقتباس:
المشاركة الأصلية كتبت بواسطة عبدالأله زمراوي


في غاية الإندهاش منذ أن علمتُ بأن الشاعر نصار الحاج كان يعمل في الشرطة! لم أتوقع ذلك، ليس لأن العمل الشرطي فيه عيبٌ، بل لأنني تخيلته (خيالاً) شخصاً وقد درسَ الآداب ودخل مجال الصحافة وصقل موهبته وصار شاعرا جميلا...

_

شاعرنا المجيد زمراوى
نتبادل الدهشات ، وليس كم زكرت لعيب بالشرطة ...
ولكن لاننى وجدت معظم الادباء ، من لابسي الكاكى ، رغم قسوة العمل بهاء
ولا ندرى !

هل تأثر المجال الشرطة بهم كأدباء ؟
ام ..ماذا؟

التحية لك مكرر الشاعر الانيق ، وعبرك موصول الى الاديب نصار الذى ننتظر حكاياته هنا وزكرياته

[سمراء]

اقتباس:
المشاركة الأصلية كتبت بواسطة سيد احمد محمد علي المامون
... سمراء
... وكل الاحباب ...

... شخصيه .. ( الكاكي ) ... غنيه بالاحداث .. ولها ابعادها النفسيه .. وصراعها بين.. الشخصيه المهنيه .. والانسانيه ... تماما مثل مستر جيكل .. ومستر هايد ... وما بين ( انتباه ) .. الكاكي .. و ( غفوه الميز ) ..و .. مبروك عليك الليله يا نعومه ...... يلجا ( الكومندان ) .. الضخم .. الي الفن بكل خيالاته بوصفه ملاذ الروح ... ليوازن بين ( ضبط ) .. المجتمع .. و (ضبط ) .. الايقاع الوجداني ...

... ... كيف تنسجم مقوله ... لو كان صباعك شرطي اقطعوا .. مع تحقيق .. الشرطه المجتمعيه ... والتي تتطلب كسب ثقه افراد المجتمع وتاييدهم ... لبناء شراكه مع رجال الشرطه .. للوقايه من الجرائم ... وتكريس الاستقرار ...


... كل الحب ...

سيدا احمد العزيز
يشرفنى وجودك هنا ، واعجبتنى عبارة ضبط الايقاع تلك
ومعك ارفع كل تلك التساؤلات الى اصحاب الشأن ...

فهم حقيقة يضربون المثل فى حياة التناقض بين وظيفة جافة جدا ولها حدود صلبة
وبين دواخل تعج بكل ماهو مرن ولطيف ..

[فيصل سعد]

بوست في السلك

[سمراء]

اقتباس:
المشاركة الأصلية كتبت بواسطة فيصل سعد
بوست في السلك

ده طبعا اكيد عشان صورتك بتاعت الكاوبوى ديك مزيناهو

بالمناسبة اتا موش برضو ( كاكاوى )

وتيييب!!