الدوحة بالنص

[سمراء]

والله ياجبرا المفاوضات دى فتحت بيوت الله يعلم !
وبسببه استحدثو وظائف ودرجات وظيفية حدث ولا حرج ..
اسع ذى " المسهل" ده ممكن يكون عندو مساعد مسهل ، وسكرتيرة مسهل ..الخ
وعععادى يكون فى حنانة مرت مفاوض ودلاكة وسجامة ورمادة

الله يقطع التفاوض من امو لاى ابو كان فضحونا مع القطريين وشالو حسنا

[Sahar]

أستاذنا الجميل الفاتح جبرا
كالعادة
جرعة كاملة الدسم

.....
تلعب برأسي منذ فترة بعض الافكار الشيطاينة (محمد معانا ما تغشانا)
مواليد القضارف انا لان أمي وكما جرت العادة رأت حين مولدي ان تقوم بذلك في بيت أمها..

القضارف منطقة غنية جداً ولا احتاج لذكر المزيد

تربيتُ في توتي (تقول لي مناطق مُهمشة وتقسيم ثروات) وما ادراك ما توتي (قطعة بحر) من الخرطوم (ده طبعاً زمان قبل الكبري)

خلاصته وبما انني امضيت مايقارب نصف عُمري في حالة هجرة وتشرد(اريتو تشرد حبيبك) فقد قررت وانا بكامل قواي العقلية (علشان الحق الكيكة القاعدين يقسموا فيها دي والملم لي كم ريال قطري) ان اعلن عن قيام حركة تحرير مزدوجة لكلٍ من توتي والقضارف..

وقد عينتُ نفسي ناطقاً رسميا باسم الحركة (لزوم الاتصالات بمُمثلي الدول الاوروبية التي تسعي لمُساندة حركات التحرير وكمان لزوم الاعلام واستضافات نشرات الاخبار)
كما وإنني ايضاً عينت نفسي مُمثلاً لمفوضية قسم المرأة بالحركة، الذي ينادي بان للمرأة دور قيادي في الحركات التحريرية وعليه يجب يكون التمثيل في جلسات المفاوضات في دول قطر الكريمة (التي تصرف الريالات بلا حساب)
للمرأة..

وعلى اهلي ( المنكوبين) في كلٍ من المنطقتين اعلاه الاستعداد لرحلة التشرد وحياة الملاجئ والخيام (وما هي الا ضريبة صغيرة ستدفع حتي أتمكن انا والقيادات في الخارج من الحصول على الدعم المطلوب عالمياً)

اما عن الطرف الحكومي في المفاوضات، فان القيام بتاسيس حركتنا يمثل لهم الفرصة الذهبية لإطالة مدة بقائهم على طاولة المفاوضات وبالتالي الاستفادة اكثر من كرم الدولة القطرية..

[الفاتح جبرا]

المشاركة الأصلية كتبت بواسطة سمراء

اسع ذى " المسهل" ده ممكن يكون عندو مساعد مسهل ، وسكرتيرة مسهل ..الخ

حلوووووووووة يا سمراء .. وناطق رسمي باسم الملين !!

[الفاتح جبرا]

المشاركة الأصلية كتبت بواسطة Sahar

خلاصته وبما انني امضيت مايقارب نصف عُمري في حالة هجرة وتشرد(اريتو تشرد حبيبك) فقد قررت وانا بكامل قواي العقلية (علشان الحق الكيكة القاعدين يقسموا فيها دي والملم لي كم ريال قطري) ان اعلن عن قيام حركة تحرير مزدوجة لكلٍ من توتي والقضارف..

يا حليلك يا سحر .. ما خلاااس الكيكة كملت وما فضل فيها التكتح !!

[الفاتح جبرا]

المشاركة الأصلية كتبت بواسطة سارة

والله انك ضربت فى موطن الالم

تلقى الفى مرادك يا الفاتح

إن شاء الله الشعب السوداني الفضل كوولو يلقى الفي مرادو يا سارة !

[الفاتح جبرا]

المشاركة الأصلية كتبت بواسطة الرشيد اسماعيل محمود

؟
بعدين يبدو لي العلاقة وطيدة ما بين التفاوض والفوضي..
المهم:
..

بقت حاجه واحده يا الرشيد !!

[الفاتح جبرا]

المشاركة الأصلية كتبت بواسطة بله محمد الفاضل

.. ولا يشد شعرو الأبيض دا ..
ولا يسوي شنو عليك الله .. كدي قولي؟؟

الشعر الأبيض ينفع في اليوم الأسود !يا بله فلا تشده !!

[البديري]

توحة سلامات

[الفاتح جبرا]

المشاركة الأصلية كتبت بواسطة البديري

توحة سلامات

أهلاً بالبديري ... يا هلا ومرحباً

[معتصم الطاهر]

ليتنا تستطيع التحدث الآن..

فقربنا من الحدث و مشاركتنا الضعيفة في جوانب خارجية منه تمنعنا أخلاقيا من النشر ..و أيضا أن هناك ما لم يكمل تنفيذه من وثيقة الدوحة
وهناك جانب (حافظوا على غسيلنا نظيفا) ولو الذى ينشر فى هذه البلكونات

و لكنك يا استاذ تحاملت على المفاضين من جانب واحد .. آه لو تعلم ؟

[الفاتح جبرا]

المشاركة الأصلية كتبت بواسطة معتصم الطاهر

و لكنك يا استاذ تحاملت على المفاضين من جانب واحد .. آه لو تعلم ؟

أعلم يا معتصم وقد كنت حضوراً لجزء من هذه المفاوضات بفندق شيراتون .. وده الخلانا نتكلم وننتقد ...