دكتورة بيان
عيد سعيد وكل عام وأنتي بخير وربنا يعافيك ويحفظك اولادك واولادنا وجميع اولاد السودان
اقتباس:
سلامات
دا موضوع مهم شديد
الكشف قبل الزواج يجب ان يكون للامراض المعدية ايضا
وللايدز تحديدا
كم من زوجة اصيبت بالايدز من زوجها المصاب قبل الزواج
ولذلك يجب على الحكومة ان تفرض الكشف الطبي قبلعقد الزواج
مع اني متأكدة انه عدد كبير ممكن يلقى تقرير بدون الكشف لو دفع قروش
ولكن القحة ولا صمة الخشم
|
والله يا دكتورة الموضوع دا مهم وتضاهي اهميته موضوع ختان البنات ولا يقل عنه في شيئ
يا دكتورة الأن في السودان السكري ينتشر كالنار وعادي تلقى شباب بل اطفال مصابين بيه غير الأمراض التانية كالتخلف العقلي والمنغوليين وأمراض الدم والاقزام ودي كانت حالات نادرة جداً وبرضه وفايات المواليد بل حتى عرفت أنو الأجهاض عندو دخل بي حكاية الامراض الوراثية يعني في سيدات ما بتم حملهن نسبة لأمراض ومتلازمات وراثية
بالنسبة لموضوع الإيدز والكبد الوبائي دا مفترض على أي شاب مقبل على الزواج يعمل من تلقاء نفسه ولو ما عمل كدا يكون أناني وجبان
والله يا دكتورة غايتو لو بيدي سلطة اخلي شهادة الخلو من الإيدز دا شرط اساسي لعقد القران يعني لو العريس ما جاب للمأذون صورة من شهادة خلو من الايدز ما يعقد ليه ..... غايتو أظن لو عندي بت وجاني زول قال دايره لو ماجاب لي شهادة الخلو دي ما بسلم عليه زاتو
