أبوا لى ...بى اللبن!

[أسعد]

المشاركة الأصلية كتبت بواسطة جيجي

والله اكتر حاجة مزعلانني منك انهزاميتك ورميان روحك في الواطة
ياخ والله حننتني
تدفع كم واكسر ليك تلج زي التلج

حنتك ما بناباها لكن الفيك اتعرفت
وشكرا على التعاطف والمحاننة

بس اصلن اصلن الدنيا دي ضل ضحى
والحياة الآخرة هي الأبقى
فقلنا احسن نركز علي اللونغ لايف ^_^

[جيجي]

المشاركة الأصلية كتبت بواسطة وجدي الأسعد الأسعد

حنتك ما بناباها لكن الفيك اتعرفت
وشكرا على التعاطف والمحاننة

بس اصلن اصلن الدنيا دي ضل ضحى
والحياة الآخرة هي الأبقى
فقلنا احسن نركز علي اللونغ لايف ^_^

اها وكان دخلت النار

[عبدالمنعم الطيب حسن]

الحمار يرفس
الحكومه ترقص
والمواطن يفطس
.............
ميسون كل سنه وانت طيبه
طوَّل الغيبات
جاب الغنائم ،

السكر واللبن والرغيف والمواصلات
كلو في السماء
سياسه الحكومه مزيدا من قهر الشعب
واذلاله
والشعب قنع من خيرا فيهم
ويطيل حبالهم
لا لكي يطيل حياتهم
ولكن لتكفيهم لينشنقوا

[أميرى]

بوست يستحق (الرفع) رغم إنعدام مروة أحرفنا

أطن ست البوست (مرفوعة) الرأس رغم (الرفع) الوقافي الذي تمارسه الحكومة
وإلا لكانت نكست رأسها كما و آخرون وأكتفت بهاء (الرفع)

جيتك تستحق(رفع) القبعات

[صلاح نعمان]

شيختى
بت المطر
سلامات وحمد الله بالشوفة
كان كده نغيب عشان تظهرى
ترحيب فقط
وبدون سيد اللبن والترمس .... وهكذا وهكذا ....

[ميسون مطر]

المشاركة الأصلية كتبت بواسطة وجدي الأسعد الأسعد

أحسن زاتو عشان تعيشوا مع الرجل السوداني العازب معاناة حرمانه من اللبن ^_^
ويكون الحرمان واقع على الجميع الرجال والنساء المتزوجين منهم والعزاب


ازيك يا بت يا فقرية
وحاط الله موشتاقين

يا وجدى ...
يا عزابى أنته

"عليك بلبن البدرة...فأنه لك وجاء"

[ميسون مطر]

المشاركة الأصلية كتبت بواسطة جيجي

ميسون
ازيك وكل سنة وانتي طيبة
وطولتي الغيبة شديد

جيجى وانتى بكل الخير

[ميسون مطر]

المشاركة الأصلية كتبت بواسطة بابكر مخير

ميمي
أخوك "الفضولي" دآ،،
قولي ليهو:
ما يمشي يقول يشوف الرئيس "بيرقص" ذيهو ولا لآ،،
بعدين تبقى "رفسة" الحمار،،
"أقول هولا وعِظماً" مما سينوبه من "الفسفائي دآ"............

ده "فضول علمى" يهدف للمعرفة
لكن الحمار قطعو ليهو فى رأسو

رئيس وبيرقص......كيف ليك؟

[ميسون مطر]

المشاركة الأصلية كتبت بواسطة عبدالمنعم الطيب حسن

الحمار يرفس
الحكومه ترقص
والمواطن يفطس
.............
ميسون كل سنه وانت طيبه
طوَّل الغيبات
جاب الغنائم ،

السكر واللبن والرغيف والمواصلات
كلو في السماء
سياسه الحكومه مزيدا من قهر الشعب
واذلاله
والشعب قنع من خيرا فيهم
ويطيل حبالهم
لا لكي يطيل حياتهم
ولكن لتكفيهم لينشنقوا

سلامات عبد المنعم

أها لكن الشعب ده يطيل ويطيـــــــل فى الحبال لمن إتلفت ليه فى كرعينو وداير تجيبو الدلجة ....

الله يدينا حاجة تحلنا........ان شالله "طولة البال"

[ميسون مطر]

المشاركة الأصلية كتبت بواسطة أميرى

بوست يستحق (الرفع) رغم إنعدام مروة أحرفنا

أطن ست البوست (مرفوعة) الرأس رغم (الرفع) الوقافي الذي تمارسه الحكومة
وإلا لكانت نكست رأسها كما و آخرون وأكتفت بهاء (الرفع)

جيتك تستحق(رفع) القبعات

شكرا جزيلا للمساهمة فى عملية "رفع" البوست!

سمعته مارسيل خليفة؟
قال: "منتصب" القامة أمشـــــــى
"مرفوع" الهامة ...أمشــــــــــى
فى كفى حفنة زيتون...وعلى كتفى نعشى....

ظريفة ...اسمعها

[ميسون مطر]

المشاركة الأصلية كتبت بواسطة صلاح نعمان

شيختى
بت المطر
سلامات وحمد الله بالشوفة
كان كده نغيب عشان تظهرى
ترحيب فقط
وبدون سيد اللبن والترمس .... وهكذا وهكذا ....

ود النعمان...
يا بُن حامـــــــــــد وريحة كوستى

غالبنــــــــى بى كرمك .........ستة\ صفر

[الرشيد اسماعيل محمود]

المشاركة الأصلية كتبت بواسطة ميسون مطر

غالبنــــــــى بى كرمك .........ستة\ صفر

إذن..
التحكيم فاشل..


قلنا نساهم في "رفع" البوست..
كيفك..؟

[ميسون مطر]

المشاركة الأصلية كتبت بواسطة الرشيد اسماعيل محمود

إذن..
التحكيم فاشل..


قلنا نساهم في "رفع" البوست..
كيفك..؟

ود اسماعيــــــــــن ...كيفنك؟
شوق وسلام...

شكرا على "رفع" البوست...."رفع" الله قدرك ...قول آمين

[ZEIN ABDALLA]

ازيك يا ميسون
وكنا زمن نفتش ليك ...
وان شاء الله تكونى خلصتى الماستر.
اعملى حسابك من شرب اللبن فى السودان نسبة لاضافة مادة
الفورمالين الضارة عليه لتمنع تخثره.(بابكر عباس مفروض كان
يحذرنا)


.

[قيقراوي]

ميسو يا ميسو
صلينا صلاة الشوق عليك .. نافلة، و بآياتٍ قصيرةٍ
وينك يا بت يا مطر ملون

اما بعد
بخصوص ما دار محور سؤالكم عنه

المشاركة الأصلية كتبت بواسطة ميسون مطر

موضع المقارنة وين نان؟

بلغي اخوك انو يبطل استحمار ؤ كدا!!

لا مقارنة هناك آتول!!





-----------------

ثم ياخ دي من نوع المقارنات الما بتحتاج رفع أي حاجة ذاتو!
بالعين المجردة ساي .. و شوية تفكير بس (بكسر الباء)