الليله يوم رقيس العروس ــ هي بسم الله ــ رقيص الرئيس

[أبوبكر عباس]

المشاركة الأصلية كتبت بواسطة سماح محمد

والله كلام عبدالمنعم الفوق ده هو البيحصل في الغالب وكلام منطقي جدا
دي سودانويتنا بتفاصيلها وأعرافها الممكن ما تكون مثالية..لكن ده واقعها

أبوي مواليد 1954 (يعني أصغر من الريس ).. راجل ليبرال جدا..وبتذكر في طفولتي بيهجج ويرقص ويحت ذاتو..هسه الوضع اتغير .. أي نعم بيحضر وممكن يجامل ببشيرة..لكن كمان ما بيحتو..فللسن وقارها..
وده مثال بس..سووو نفهم رأيك..ما فيها حاجة يعني رقصتو؟؟!

انتي يا سماح قايلة الناس مختلفة مع الإنقاذ في شنو؟ مختلفة معاها في فرضها لتنميط مُعين وفرضه على الناس على انو دا الصاح المطلق.
من مداخلتك انتي وكباشي ومنعم ممكن نقول:
- السودانيون لا يقبلون رقيص الرجل بعد سن الستين
- الرقص يفقد الوقار
- الحت والرقيص الماجن مقبول تحت سن الستين
- يجوز لك وانت في سن الستين حضور الحفلات بشرط ان لا تكون العروس بنتك بالبايولجي أو بالتبني
- الرقيص زي رقيص البشير الفي البوست دا يعتبر ماجن (خاصة بكباشي)

http://www.youtube.com/watch?v=hgXeU_Du5DM&NR=1

[سماح محمد]

المشاركة الأصلية كتبت بواسطة سماح محمد

دي سودانويتنا بتفاصيلها وأعرافها الممكن ما تكون مثالية..لكن ده واقعها
!

المشاركة الأصلية كتبت بواسطة بابكر عباس

انتي يا سماح قايلة الناس مختلفة مع الإنقاذ في شنو؟ مختلفة معاها في فرضها لتنميط مُعين وفرضه على الناس على انو دا الصاح المطلق.
]

يابابكر عشان ما نلفلف الكلام

أنا في مداخلتي وضحت انو الأرضية الأنا حكمت بيها على الموقف ده هي ما صاح مطلق..ما ممكن تطالبني بنظرة متقدمة غير متعارف عليها عشان أتقبل بيها موقف شخصية عامة غارقة في التقليدية وبتتدعي الإنحياز للأعراف الإجتماعية والدينية..

مستوعبة طرحك لكن أفتكر ده ما مقام انتفاض على التقاليد المقيدة للناس تبعا لأعمارهم..
نحنا حكمنا في ظل الموجود..

وانت برضو ما وريتنا رأيك..السلوك مقبول بالنسبة ليك؟؟

[Hassan Farah]

المشاركة الأصلية كتبت بواسطة بابكر عباس

انتي يا سماح قايلة الناس مختلفة مع الإنقاذ في شنو؟ مختلفة معاها في فرضها لتنميط مُعين وفرضه على الناس على انو دا الصاح المطلق.
من مداخلتك انتي وكباشي ومنعم ممكن نقول:
- السودانيون لا يقبلون رقيص الرجل بعد سن الستين
- الرقص يفقد الوقار
- الحت والرقيص الماجن مقبول تحت سن الستين
- يجوز لك وانت في سن الستين حضور الحفلات بشرط ان لا تكون العروس بنتك بالبايولجي أو بالتبني
- الرقيص زي رقيص البشير الفي البوست دا يعتبر ماجن (خاصة بكباشي)

http://www.youtube.com/watch?v=hgXeU_Du5DM&NR=1

----------------------------------------------------------
يا دكتور بابكر هل يحق لنا ان نقارن رقص يلسن برقص البشير صاحب المشروع الحضارى كما يدعى... يا اخى يلسن دا لم يدعى فى يوم من الايام انه يحمل رسالة ربانية...راجل سكير ومعترف بذلك قال الشريعة الشيوعية دى مكدرة عليه وعلى اصحابه مزاجهم ...ولهذا لا بد من القضاء عليها...نجح فى ذلك وانتهى من الاتحاد السوفيتى وروسيا ...ثم ماذا... وبشيركم عايز يقول شنو

[قيقراوي]

سلامات يا ناصر و بقية الشباب
و عيدكم سعيد

حقيقي لو البشير ما عمل كدا - شخصياً- كنت زعلت منو!
دا اقل واجب يقوم بيو تجاه ربيبتو، و من هي في حكم بنتو
ما الجديد!؟
حكاية عدم التناقض حق اريد به باطل ..
و هي الحجة التي اسقطت في يد الخليفة عمر الفاروق همسلف!

المشاركة الأصلية كتبت بواسطة سماح محمد

أنا بتفق مع (ناصر) بفهم بسيط:

(لاتنه عن منكرٍ وتأتي بمثله)

والكلام ده ممكن أحاسب بيهو أي زول بيتناقض في تصرفاتو..
ونعم ضد إنتهاك الخصوصية..ضد مصوري المشاهير البيحرسو الناس ويلقطوهم من شبابيك بيوتهم..ويستغلو صورهم وكدة..
لكن دي مناسبة عامة..لاحظ دهشة الحضور ذاتهم..

في ضريبة لأنك تكون شخصية عامة..
ما معناتها انك ما تمارس حياتك بصورة طبيعية..
لكن على الأقل ما تتناقض لينا قدام وشوشنا!!

(أردوغان) يغني بي حقو..لا حجّب الإعلاميات غصب..لا منع الرقص في الحفلات العامة..
حيشوفوهو الأتراك ويبتسموا..الوضع أكيد مختلف

وشبعانين حراق دم وروح..

يا سماح يا اخية
هل البشير اتناقض ليكم قدام وشوشكم ام انتو الزحمتو مش بس انوفكم بل وشوككم دي كلها في خاص الناس!؟
مالكم كيف تحكمون!؟
الحفل في الآخر، حفل خاص .. و الاولى بالادانة القبح في التلصص على الناس، و هتك ستر حيواتهم الخاصة!
اليس كذلك!؟
البشير - رغم بغضي لكل ما يمثله - لكنه في الفيديو زول سوداني اصيل ..
مسلم سمح .. اسلامنا السوداني السمح داك .. دون غلو او تطرف
كونه يدعو لدولة الشريعة، او يحرّم الرقيص .. فدا موضوع تاني و في حقل تاني
و ما اكتشفنا التناقض دا الا بتناقضنا نحن ذااااتنا!!
اخرها نسترق النظر لحاجات الناس الخاصة كمان!؟ و في عقر دارهم الآمنة!؟
العيب وين؟ في الرقيص و لّ سرقة النظر!؟
سيدنا عمر لما احتج المخطئ في عقر داره، حجاهو بي دي .. فاستغفر ربه
هلا تستغفرون!؟

اللهم ارنا الحق حقاً و ارزقنا اتباعه ..
و ارنا الباطل باطلاً و ارزقنا اجتنابه

[سماح محمد]

تحياتي ياقيقراوي وكل سنة وانت طيب

المشاركة الأصلية كتبت بواسطة قيقراوي

يا سماح يا اخية
هل البشير اتناقض ليكم قدام وشوشكم ام انتو الزحمتو مش بس انوفكم بل وشوككم دي كلها في خاص الناس!؟
مالكم كيف تحكمون!؟
الحفل في الآخر، حفل خاص .. و الاولى بالادانة القبح في التلصص على الناس، و هتك ستر حيواتهم الخاصة!
اليس كذلك!؟

عدم أخلاقية إستغلال الفيديو مسألة خلصنا منها في النقاش وقد كتبت:

وأتفق أن في إنزاله عبر اليوتيوب إنتهاك لخصوصية الكثيرين..لا إختلاف في ذلك

البشير - رغم بغضي لكل ما يمثله - لكنه في الفيديو زول سوداني اصيل ..
مسلم سمح .. اسلامنا السوداني السمح داك .. دون غلو او تطرف
كونه يدعو لدولة الشريعة، او يحرّم الرقيص .. فدا موضوع تاني و في حقل تاني
و ما اكتشفنا التناقض دا الا بتناقضنا نحن ذااااتنا!!

بس الموضوع التاني ده النحنا بنناقش فيهو..معناتها كل واحد فينا بيناقش موضوع مختلف

اللهم ارنا الحق حقاً و ارزقنا اتباعه ..
و ارنا الباطل باطلاً و ارزقنا اجتنابه

آميــــــــــــن

[قيقراوي]

المشاركة الأصلية كتبت بواسطة سماح محمد

تحياتي ياقيقراوي وكل سنة وانت طيب



عدم أخلاقية إستغلال الفيديو مسألة خلصنا منها في النقاش وقد كتبت:





بس الموضوع التاني ده النحنا بنناقش فيهو..معناتها كل واحد فينا بيناقش موضوع مختلف




آميــــــــــــن

يا سماح الله يهديك
ما بكفي انو تقولي ما اخلاقي و تواصلي في البتقولي فيو دا!؟
لا اول و لا تاني ..
ما دام اساس النقاش ما اخلاقي .. يبقى النقاش ما اخلاقي
بعد ما اخلاقي دي - مفروض- بق فل استوب!
لانو مافي اساس للنقاش اصلاً
ما بني على باطل فهو باطل!!




----------

افهم انكم بتناقشوا سياسة سياسة هنا!؟
و لّ قصدتي شنو بانكم بتناقشو في الموضوع التاني القلتو انا!
ما بنفع الالتفاف على السياسة بخصوصيات الناس
فيما نقاتلهم اذاً!؟

[قيقراوي]

اسمحوا لي بادراج المداخلة دي من الصديق سيف مصطفى .. و اضافتها لوثاق البوست دا :

أخونا قيقراوى
سلامات
تابعت بوستات الفيديو وبفتش لى لبوست مناسب أفك فيه أحباطى من الحاصل دا، الله جابك لى..
المؤسف أنو الناس وصلت مرحلة متأخرة جدا من التشويش بأنواعه....
بما فيها الإنسانى زى ما بتقول...

الفيديو دا الناس كان ممكن تناقشه مناقشة ونسة أجتماعيةوربطه بالسياسة من مدخل الونسه... لكن الناس كلها أصطفت وعملوها يا معارضة أو حكومة... دا فى حدى ذاتو ما غلط لو ألتزم الناس اللى بيصنفوا معارضين بأدواتهم...

كتابات الأشخاص هنا وفى أغلبها آراء شخصية مثلها مثل الونسات وبالطبع أساسها قد يكون الموقف السياسى أو الآ يدلوجى من النظام ، لا أستبعد وعى من يكتب هنا بأن ما يكتبوه يمكن أن يفسر كرآى معارض، لا غبار على ذلك، ولكن هذا لا يعنى أن ما يكتب هنا هو موقف كل من يعارض النظام لا كما ولا محتوى...
من أكبر الأخطاء التى بيرتكبها الأخوة اللى بينتموا للمعارضة هى الأنحدار بقيمة أدوات المعارضة وأساليبها واللجوء لنفس أدوات النظام ود هو اللى بيؤدى إلى الرأى اللى بيضع الجميع ،معارضة وحكومة، فى مستوى واحد بخصوص أخلاقيات الممارسة السياسية... وهو رأى مجحف ولكن أصحابه حتما ليس مع الحق المجرد اللى هو أساس المفاصله فأس البلاء أن هناك حق مسلوب وهناك من يطالب به ممن سلبه وكل من يعميه ما يحدث من ممارسات من الجانبين عن رؤية أصل البلاء فهو إما مغرض أو أعمى بصر وبصيرة...

الفيديو:
رقيص البشير عادى جدا فى حفلة عادية بتحصل كل يوم كل ما فى الأمر أن الناس بينظروا ليه بصورة مختلفة بحكم منصبه، بغض النظر عن أحقيته بالمنصب..

كل ناس السودان بيرقصوا مهمم و ومسكينهم وأى فكر أو رأى دينى أو فتوى أو قانون بيمنع أو بيدعو لمنع الرقص، لايمت بأى صلة لواقع السودان الثقافى حاليا وسابقا... نعم هناك أختلافات نسبية بين الناس فى تفاصيل المناسب شنو ودى مسألة شخصية جدا ونادرا ما تكون عرف سايد وحتى أن وجدت فسيادتها كعرف نسبية جدا...
مثال ما ردده الأخوة عن سن الراقص أو علأقته بالعروس..و .و

الأصل على العموم أذا هو أن الرقص مباح ومقبول أجتماعيا وعلى جميع المستويات....
ودا مفروض يكون المحور بتاع نقاش رقص أى زول كان البشير ولا غيره.

الصحيح أن يتم الأستدلال بهذه الفيديو على عبثية المواقف الأيدلوجية والسياسية والقانونية والدينية التى تسعى إلى أثبات العكس...
أولا دينيا
من الخطأ الشنيع الأستدلال بفتوى الوهابيين على أن ما فعله البشير محرم... دا أما بيعنى قناعتنا بصحة الفتوى أو بإنتهازية الممارسة فى حالة عدم قناعتنا بها. فتاوى الوهابية وتنطعهم بشأن الفنون مرفوض من حيث المبدأ ولا يصح أطلاقا تفعيلها أو أستدعائها بغض النظر عن مرتكب الفعل وموقفنا منه..ودا بيصب فى تطابق أستخدام الأدوات والإنجرار إراديا لملعب الحكومة وما يدعمها من متنطعين..

قانونيا
يجب أن يستدل بالفيديو على خطل القانون وعبثيته فنيا ودعم خط إلغائه وليس المطالبة بتطبيقه على البشير. لأن هذا يعنى تبنيه وترسيخه على مستوى القول والممارسة وهذا يهدم أساس الدعاوى الفنية التى تبناها القانونيين بخصوص الأ لغاء...
سياسيا
من حق كل من عانى من جرائم النظام أنتقاد الفيديو و مقارنة ما ما يرمز إليه من مستوى معيشة بحال الآخرين وتذكير الناس بأن الراقص مجرم وقاتل وزبانيته لصوص وفاسدين...
أسف للتطويل يا قيقراوى يا أخوى... لكن أستحملنا ياخ

صاحبنا حمد

بالله يا حمد أنت شخصيا ما حضرت عرسك... ؟؟؟ كان كدة نحن ما بنندم تب...
تسلم ... وأنشاء الله أنت وقيقراى تجبجبوا فى عرس بناتكم قول آمين.. وكان حضرنا ما بنقصر...

لكما ودى
سيف مصطفى

[عبدالله الشقليني]

[rams]http://alrakoba.net/videos-action-show-id-118.htm[/rams]

[سماح محمد]

المشاركة الأصلية كتبت بواسطة قيقراوي

يا سماح الله يهديك
ما بكفي انو تقولي ما اخلاقي و تواصلي في البتقولي فيو دا!؟
لا اول و لا تاني ..
ما دام اساس النقاش ما اخلاقي .. يبقى النقاش ما اخلاقي
بعد ما اخلاقي دي - مفروض- بق فل استوب!
لانو مافي اساس للنقاش اصلاً
ما بني على باطل فهو باطل!!

؟

وجهة نظر، وواضحة جدا..ومضطرة أحترمها

المشاركة الأصلية كتبت بواسطة قيقراوي

افهم انكم بتناقشوا سياسة سياسة هنا!؟
و لّ قصدتي شنو بانكم بتناقشو في الموضوع التاني القلتو انا!
ما بنفع الالتفاف على السياسة بخصوصيات الناس
فيما نقاتلهم اذاً!؟

نعم..الحديث عن التناقض هنا ذو أبعاد سياسية..
والسياسة is a dirty game
متى ما إتوفرت ليك معلومة عن الخصم..لازم تستغلها، وتحديدا بطرق الحتة بتاعت التناقض الزي ما أنت قلت

كونه يدعو لدولة الشريعة، او يحرّم الرقيص .. فدا موضوع تاني و في حقل تاني

يعني دايرنا نفوتها؟؟!!
نحنا ما ملايكة ياخ!
وبعترف تماما انو المشهد المرتبط بالفيديو ده برمتو بيعكس تردي قانوني وأخلاقي، وفساد الراعي والرعية..

_________

بالنسبة للمداخلة المنقولة،مافيها حجة قوية لأي شئ، بالإضافة للعبارة الفنانة دي:

من حق كل من عانى من جرائم النظام أنتقاد الفيديو و مقارنة ما ما يرمز إليه من مستوى معيشة بحال الآخرين وتذكير الناس بأن الراقص مجرم وقاتل وزبانيته لصوص وفاسدين...

[أبوبكر عباس]

المشاركة الأصلية كتبت بواسطة Hassan Farah

يا دكتور بابكر هل يحق لنا ان نقارن رقص يلسن برقص البشير صاحب المشروع الحضارى كما يدعى... يا اخى يلسن دا لم يدعى فى يوم من الايام انه يحمل رسالة ربانية...راجل سكير ومعترف بذلك قال الشريعة الشيوعية دى مكدرة عليه وعلى اصحابه مزاجهم ...ولهذا لا بد من القضاء عليها...نجح فى ذلك وانتهى من الاتحاد السوفيتى وروسيا ...ثم ماذا... وبشيركم عايز يقول شنو

دكتور حسن
لومتابع للحوار هنا، أنا أمنت على الجزء الأخير من مداخلة عبد المنعم.
جلبي لفيديو داير أقول بيهو انو السن والمركز "الأعتباري" لا يمنعان الرقص.

[أميرى]

قيل أن حديث الذبابه شغل الناس ١٤٠٠عام ثم عافت النفس الشراب حتي وإن صح سند سلسلتها الذهبية إن وجدت
و كان هدرا عظيما للورق والحبر وجهد الرجال

كنتا داير أقول شنو؟

[أبوبكر عباس]

المشاركة الأصلية كتبت بواسطة سماح محمد

وانت برضو ما وريتنا رأيك..السلوك مقبول بالنسبة ليك؟؟

لو قصدك الرقيص، أيوة مقبول ونص بالنسبة لي.
من حق أي حد ممارسة شعايرة الدينية وطقوسة الإجتماعية بالطريقة التي يراها مناسبة، فقط لا تنتقص هذه الطريقة من حرية الآخرين.

ويا بشير، قانونك بتاع النظام التي ترى فيهو ممارسة لدينك وعرفك، هذا القانون يعتدي على حقوق آخرين لا يوافقونك هذه الروية.

[قيقراوي]

المشاركة الأصلية كتبت بواسطة سماح محمد

بالنسبة للمداخلة المنقولة،مافيها حجة قوية لأي شئ، بالإضافة للعبارة الفنانة دي:

ما عارف قريتيها كيف اذاً!؟

عموماً ما مشكلة .. غيرك - وانا واحد منهم- شايف فيها كل الحكمة!

المشاركة الأصلية كتبت بواسطة سماح محمد

نعم..الحديث عن التناقض هنا ذو أبعاد سياسية..
والسياسة is a dirty game
متى ما إتوفرت ليك معلومة عن الخصم..لازم تستغلها، وتحديدا بطرق الحتة بتاعت التناقض الزي ما أنت قلت

يعني دايرنا نفوتها؟؟!!
نحنا ما ملايكة ياخ!
وبعترف تماما انو المشهد المرتبط بالفيديو ده برمتو بيعكس تردي قانوني وأخلاقي، وفساد الراعي والرعية..

كدا بالضبط اكدت لي نك وقعت في الشرك (باي تشكيل بتحبي)
ممكن تأصلي لي العبارة دي:
[والسياسة is a dirty game]
فلسفياً و علمياً .. من القائل؟ متين؟ وين؟
و تقعيدها في سياق نفهم المعنى تماماً

لي وكتها ..
فهي عندي تندرج في بند الكلام الساي، و قيل المغرض ..
و الغرض، مرض زي ما بتعرفي. المطلوب تطفيش الناس من السياسة ما اكتر!
و انا واحد من الناس ديل، الوساخة لزوما شنو!؟ عشان احقق شنو بيها؟
و هل ح يرضي ضميري!؟

يا ستي السياسة و الاخلاق حاجة واااحدة، و الفرق - و العهدة على ابو العلوم ارسطو- بين علم السياسة و علم الاخلاق، هو فارق منهجي فقط. حيث يدرس الاول المجموع، و يركز علم الاخلاق على الفرد. و علم السياسة اجترح من لدن علم الاخلاق.
فكل ما هو سياسي لابد ان يكون اخلاقي بالمقام الاول ..
شفت كيف انو الحاجات ما بتنفصل!؟


تحياتي و المحبة

-----------

زي ما قال اميري
اها دي فل ستوبي
الموضوع اخد اكتر من حقو!

[سماح محمد]

يبدو أنا حنقنا كشعب مقهور قد حولنا في لا وعينا إلى نُسخ جديدة لإختلال المعايير والتناقض..
محاسبة سلوك البشير (الماغسنا) بنفس أدواته المرتكزة على تقييد حرية الآخرين، تجعلنا دون أن نشعر نتشبه به بغية الإنتقام!!
حوارنا أعلاه جعلني أدرك أن ممارسة العدالة أصعب بكثير من ممارسة الظلم..
(المظلوم لا ينتصر إلا إذا كان في جوهره أفضل من الظالم)

وعليه

سودانويتنا بتفاصيلها وأعرافها

التي قضينا ردحا من عمرنا ننتقد تعديها وتقييدها لحرية الأفراد في كثير من المفاصل لا تصلح كأداة للتجريم إلا إذا ارتكزنا على نفس الأرضية التي ظل يقهرنا بها هذا النظام أكثر من عقدين من الزمان..

ربما فارقنا مبادئنا (نحن) في محاولتنا لتعرية هذا الرجل صاحب السجل المملوء بالتعدي العام .. ونحن لسنا بحوجة لذلك لنهدر في سبيله أدوات قضيتنا

العدالة حارة شديد

بس يابابكر وقيقراوي ومبر وآخرون..قولوا ربنا على الظالم والمفتري
ويامنعم والرفاق ..قولوا ربنا يقدرنا على أن لا نظلم كما ظُلمنا

تحياتي وإحترامي
وإعتذاري للجميع

[عبدالمنعم الطيب حسن]

المشاركة الأصلية كتبت بواسطة سماح محمد

يبدو أنا حنقنا كشعب مقهور قد حولنا في لا وعينا إلى نُسخ جديدة لإختلال المعايير والتناقض..
محاسبة سلوك البشير (الماغسنا) بنفس أدواته المرتكزة على تقييد حرية الآخرين، تجعلنا دون أن نشعر نتشبه به بغية الإنتقام!!
حوارنا أعلاه جعلني أدرك أن ممارسة العدالة أصعب بكثير من ممارسة الظلم..
(المظلوم لا ينتصر إلا إذا كان في جوهره أفضل من الظالم)

وعليه
التي قضينا ردحا من عمرنا ننتقد تعديها وتقييدها لحرية الأفراد في كثير من المفاصل لا تصلح كأداة للتجريم إلا إذا ارتكزنا على نفس الأرضية التي ظل يقهرنا بها هذا النظام أكثر من عقدين من الزمان..

ربما فارقنا مبادئنا (نحن) في محاولتنا لتعرية هذا الرجل صاحب السجل المملوء بالتعدي العام .. ونحن لسنا بحوجة لذلك لنهدر في سبيله أدوات قضيتنا

العدالة حارة شديد

بس يابابكر وقيقراوي ومبر وآخرون..قولوا ربنا على الظالم والمفتري
ويامنعم والرفاق ..قولوا ربنا يقدرنا على أن لا نظلم كما ظُلمنا

تحياتي وإحترامي
وإعتذاري للجميع

الاخت سماح
لا شيء تعتذري عنه البته
كلامك اقرب الي وجدان السوداني العادي ....
من كلام مثقفاتيه حار بيهم الدليل - بابكر مستثنى لا اراهو مثقفا -
هذا الرجل الراقص ليس شخصا عاديا
ولكنه اعتباري ....
انه يرقص على اشلاء شعب يحتضر ...
وكمان بالغ في الحت والكشف بما لا يتناسب مع السن والمركز
هذا كل ما في الامر....
وسنقول هذا الكلام ...
ونكرر حتى يفهم من به صمم
ونقول برضو السكر غالي والبنزين والمواصلات واللبن
والفساد فات الحد
والدوله كادت ان تتحلل
والى النموذج الصومالي اقرب
والشعب روحو انسلت
ومافي حكومه حاسه بيهو
وانهارت كل معاني الدوله في نظره
وبراهو
براهو
ودي الغربه الحقيقيه
اها الرقيص زي دا في ظرف زي دا
من راس الدوله
امر غير مقبول ولا معقول
والدنيا صيف وزيف


ويوم بكره جميل ....