لبني أحمد حسين في رسالة لعمر البشير : العيب هو اندفاع الشيوخ لحلبة الرقص مع الحسناوات بعد دفعهم الشباب الى الحرب للقاء بنات الحور فى الجنة
( نص رسالة الاستاذة لبنى أحمد حسين الى عمر البشير أدناه) :
بسم الله الرحمن الرحيم
السيد رئيس الجمهوية / عمر حسن احمد البشير
بواسطة السفارة السودانية
تحيات طيبات مباركات
وبعد
يسرنى ان اتقدم اليكم بالتهنئة بمناسبة زواج ربيبتكم الغالية ابنة الفقيد او الشهيد ابراهيم شمس الدين اسعدها الله ورزقها بالذرية الحسنة ، كما يطيب لى انتهاز الفرصة لأجدد الطلب بالغاء قوانين وشرطة ومحاكم النظام العام بمسمياتها المختلفة بكافة ولايات السودان / او رفع حصانتكم ” غير الشرعية ” لمحاكمتكم بقوانينكم التى تسمونها شريعه.. لتسرى عليكم وعلى حرمكم ووزير دفاعكم احكامها ، حيث ينص قانون النظام العام بولاية الخرطوم لسنة 1996 م.
المادة السادسة البند الاول :
أ- حظر الرقص المختلط بين الرجال والنساء
ب- حظر رقص النساء أمام الرجال
وكما هو موثق بشريط فيديو بثته شبكات الاعلام الاجتماعى ، انكم قد خالفتم البندين اعلاه من القانون و العقاب تبعاً لذلك :
المادة 26 – يعاقب كل من يخالف احكام هذا القانون بواحدة أو اكثر من العقوبات الآتية :
أ – السجن بما لا يزيد عن خمس سنوات ب – الغرامة ج – العقوبتين معا د – الجلد
لا يدهشنا الرقص عند ذكر الجنوب بعد أنفصاله،ولا نستنكر تمايل جسد من انهك جسد البلاد و العباد بالحرب والفقر و الجوع و الغلاء ، بل نؤكد حقك فى التعبير عن افراحك طرباً ورقصاً و تراقصاً، فكل يعبّر عن مشاعره حسب خلفيته و ثقافته و مقامه ،لكن تبقى الفضيحة ان ما هو حلالاً لكم حراماً على الشعب ، والجريمة هى اقتصار تطبيق قوانينكم على ظهر الملايين من الضعفاء و أكثرهم دون العشرين من العمر بينما اذا رقص الرئيس و تراقص اختلاطاً وهو فوق الستين تركوه.. العيب هو اندفاع الشيوخ لحلبة الرقص مع الحسناوات بعد دفعهم الشباب الى الحرب للقاء بنات الحور فى الجنة .. و العبث هو الاصرار على تسمية كل هذا الهراء (شريعة) ..
و السلام .
لبنى احمد حسين – الصحفية السودانية
السبت 19 نوفمبر 2011م
بصورة الى : الاتحاد الافريقى
منظمة المؤتمر الاسلامى
جامعة الدول العربية
جمعيات وهيئات حقوق الانسان و الناشطين
http://www.alrakoba.net/news-action-show-id-34968.htm
الـتـعـلـيـقـات
[Ibrahim] [ 20/11/2011 الساعة 10:36 مساءً]
(يا أيها الذين آمنوا كونوا قوامين بالقسط شهداء لله ولو على أنفسكم أو الوالدين والأقربين، إن يكن غنياً أو فقيراً فالله أولى بهما. فلا تتبعوا الهوى أن تعدلوا، وإن تلووا أو تعرضوا فإن الله كان بما تعملون خبيراً)
[ضارب الدف] [ 20/11/2011 الساعة 10:29 مساءً]
الغريبة الاغنية الرقص فيها ( بنت النيل )
ليك من سحــــر ( الجنـــــــــــــــــــوب قسماتو )
ومن طيب زهــر الشمــــــــــال نسماتو
أحبّو واحب نوناتو نوناتو الفي ...وجناتو
يا اخت لبنى
إذا كان أمن المؤتمر ( ضــــــارب ) دفٍ ...فشيمة ( الرئيس الرقص والطرب )
[سوداني مشّرد] [ 20/11/2011 الساعة 9:51 مساءً]
ياناس إنتو جنيتو ولاّ شنو ؟؟؟
خلوا الرئيس في حالو !!!
خلوه يرقص ويتمتع ويطرب .. مش هو رئيسنا وقائدنا وحارسنا وفارسنا
ولو لو مارقص الرئيس مين الحيرقص غيرو
وبعدين عيب يالبنى !!!
أحترمي فارق السن
تجرجري ليك زول في مقام أبوك للمحاكم .. مش كفاية مشاكل السودان كلها على راسو
والعينو في راسو بعرف خلاصو
[اسودانتة] [ 20/11/2011 الساعة 9:46 مساءً]
اولا التحية للاخت لبنى الاخ مدحت لمن اختك ولا بنتك تتجلد فى الشارع دى حاجة بسيطة عندك يابدر الدين انت اكيد شغال فى النظام العام على حسب تسميتكم
[الجنيد حمد] [ 20/11/2011 الساعة 9:46 مساءً]
والله
انتي
انثي ولا دستة رجال
الفخر بك سيدتي
[القدال] [ 20/11/2011 الساعة 9:42 مساءً]
قمة الادب والذوق يا استاذة لبنى ان يكون هذا اسلوب شخص مغبون ؟
ولكن الشايل القلم ما بكتب نفسوا شقى؟
عليكم الله رايكم شنو فى التومات حلااااااااااااااااااوة مولد
[قول النصيحة] [ 20/11/2011 الساعة 9:36 مساءً]
استاذة لبني اريتك طيبة و متعافية
هو تاني البجاهد منو ؟؟؟
و عشان شنو ؟؟؟ و ليييييييييييييييي ؟؟؟؟؟
تاني مافي ام او اب بيفرض في فلذة كبده عشان خاطر عيون الفاسدين و الفاسدات
و بعد ان قال شيخهم ، الموت في الجنوب فطاااااااايس
تاني الجهاد حق الكيزان السمان الشبعو من اموال البلد و تخنو وراء وقدام
تاني الجهاد حق اولاد الكيزان السمان المليانين دولارات و عملات صعبة اشكال والوان
تاني الجهاد حق كلاب الامن
الشعب السوداني عرف و خبر تماما الكيزان بني كوز الفاسدين تجار الدين المنافقين الانجاس الابالسة ،، هي لله لا للسلطة و لا للجاه
لا لدنيا قد علمنا كلنا للدين فداء
طز طز طز
[عبدالحق] [ 20/11/2011 الساعة 9:35 مساءً]
التحيه للمرأة السودانيه ممثلة فى السيده لبنى التى تعتبر اشجع من بعض حكامنا الذين صرخوا رعبا من كرسى خشبى رفع فو مواجهتهم .. قوانين الجبهة هى قوانين تحمل تفاهة من الفوها وصاغوها لاهانة الشعب الكريم وتحقيره .. ولا زال هؤلاء المرتشين من تجار الدين يدافعون عنها لاستمرار الامتيازات من الرشاوى التى ادناها سيارات البرادو ... هذه القوانين تطبق غلى البؤساء والضعفاء فقط من امثال فتاة الفديو التى لم تكن تملك حق المواصلات .. ولا تطبق على من يملك المال والسلطة ..لذلك نحن ندوس باحذيتنا القديمه على هذه القوانين التى يسترزق من قدسيتها المزعومه الكهنوت الدينى والقضاء الاعرج التابع للسلطة ... نامل عودتك عاجلا استاذه لبنى لحضور تشييع النظام لمثواه الاخير .. وعاش المواطن السودانى عزيزا كريما فى ارضه ..
[خالد هبار] [ 20/11/2011 الساعة 9:26 مساءً]
كنا نتمني حضور برنامج افراح افراح ............ وينك يا امجد
[العنقاء] [ 20/11/2011 الساعة 9:24 مساءً]
الواحد ما بلوم الاستاذه لبنى على الكلام القالتو ومن حقها لانو الاتعمل فيها ماكان هين . بس لو كان البلد ده فيها حرية ودمقراطية ده كلو ماكان حصل .
[صابر] [ 20/11/2011 الساعة 8:39 مساءً]
أستاذة لبنى، تحية طيبة تحية الوفاء لحسناء من حسناوات بلادي وقفت بجرأة وشرف أمام الظلم والظالمين وسجلت موقفا عجز الكثير من الرجال في بلادي أن ينظموا مظاهرة لمساندتها وهي تتعرض للابتزاز والقهر باسم شريعة الإسلامويين الجدد.
هذا الرئيس الراقص يعتقد أنه رسول الفضيلة في أرض الفضيلة والقباب، يرقص على أجساد شعبه كل يوم والعجيب في الأمر أن هنالك حتى هذه اللحظة من يظن أنه لا يأتيه الباطل من بين يديه ولا من خلفه. قتل وسرق وسحل وقسم البلاد وأفقر العباد، في عهده اغتصبت حرائر السودان في مكاتب الدولة وعذب الرجال والنساء في بيوت الأشباح وأوكار الأمن المختلفة وبيعت سبل أرزاق العباد إلى كل من هب ودب واشتعلت النيران في كل أصقاع السودان ومع كل ذلك يرقص الرأس بالرغم من الركب لم تعد تقوى على حمل جسده المترهل.
وضعت أصبعك على الجرح وليت من يدافعون عن نظام الإنقاذ المدفوع لهم من عرق شعبنا يخرصون أو على الأقل لا يتحدثون عن الشريعة والفضيلة وهم أبعد الناس عن خلق أهل السودان وطباعهم.
[كايندى] [ 20/11/2011 الساعة 8:20 مساءً]
فالنتذكر جميعا قول الخليفة عمر --- اصابت امراة واخطأ عمر
[بريمو] [ 20/11/2011 الساعة 8:10 مساءً]
خلاص كويس اسي يالسيد عمر الفهم شنو يعني كده كويس دائما تهرجونا البنت لبني ردت عليك بي اسبات بس المشكله فيك انك بارد زي لوح التلج غيره خالص منتهي بتحب ترقص سبحان الله في افكارك من ما اتخلق السياسا ما شفنا رئيس دوله بيرقص او بيبتسم بلا سبب ممكن نقول عبيط او قلت ادب ياناس الراكوبه اسمحو لي بي النفس دخ من غير اي حزف لو تكرمتو دوله تنقسم علي شطرين دي فضيها تف يادنيا تف وعلي السلطه
[بت البلد] [ 20/11/2011 الساعة 8:03 مساءً]
جاتك لحدي عندك يا لبنى ومافي كبير على القانون ولا تنهي عن خلق وتأتي بمثله عار عليك اذا فعلت ذميم ... خاصة اذا كنت رئيس دولة !!!!!
[كدوده] [ 20/11/2011 الساعة 7:58 مساءً]
والله كلام عجيب
[mustafa] [ 20/11/2011 الساعة 7:56 مساءً]
يالبني
الليلة زعلتيني شديد
اصلو انا علي وشك الستين لكن مع منطال system
و t shert
تقولي ثلاثيني عشان كدا لاتجرمينا من التصابي والتمتع بالحياة وبهرجتها
وبعدين يللبني ظاهرة الرقيص في بيوت الاعراس بالنسبة للريئس ظظاهرة ايجابية تصب في صالحه ولو عرف اهل الانقاذ الرقيص منذ مجيئهم لانصلح حال السودان
[ مدحت الهادي] [ 20/11/2011 الساعة 7:45 مساءً]
من العجيب والغريب أن تستغربوا لمن يمنع الممنوع للعبض ولا يمنعه على نفسه !!!! وما الغريب يا ناس أن يُمنَع ويُحَرّم على البعض وعليهم ليس بحرام ؟؟؟؟ وماهو الغريب في الأمر ؟؟ ولماذا علامات التعجب ؟؟؟ ومن الأستاذة التي تلقت من قبل بعض المشاكل التي عجب لها الناس في كل أنحاء الدنيا !!!! ولكن بكل صراحة ووضوح ... هل أنتم عندما أنزلتم هذا الموضوع في كامل وعيكم أم أنتم خارج الشبكة ؟؟؟؟؟؟ لأنني الآن أنا في حيرة عندما قرأت لكم هذا الموضوع والذي يعرفه الكل ... ولكن ولكن ولكن ؟؟؟؟؟؟ لماذا أنتم تتكلمون في هذه المواضيع البسيطة والتي هي لا تسوى شيء إذا قورنت بباقي الأشياء الأخرى والتي هي هزت السودان والشعب السوداني بأكمله يا أخواني أولاً :- 1/ هؤلاء الذين كانوا لا يملكون شيء ونعرفهم جيداً بالإسم وهم الآن يملكون المليارات من أين لهم هذه لماذا لا تتابعون هذه المواضيع في حين أن الشعب الآن لايعرف كيف يعيش تقولوا الرقص ؟ 2/ أين الذين أكلوا السكر أي كوتات السكر وأين ذهب السكر ومن المسؤول الآن عن ضياع هذا السكر ؟؟ 3/ أين المبالغ الكبيرة التي جمعت من الجبايات التي أهلكت الناس في الطرقات أين تذهب 4/ وأهالينا في الشمالية دفعوا دم قلبهم للمشاريع الكاذبة وضاعت فلوسهم ونهبت والآن تنهب أموال الشعب السوداني ولا أحد يكتب سواكم في الراكوبة ونريد من الكل أن يكتبوا عن النهب والسلب وبالله عليكم أتركوا سفاسف الأمور لأن الحكاية شوية صعبة يا ناس وما تستاهل وإلا أن نكتب عن الشيء اللي نشف ريق الشعب السوداني ويا لهذا النهب والسرقة في وضح النهار ولا أحد يتكلم من الحكومة الشعب أنتهى وأطفال كانوا لا يملكون شيء والآن مليار ديرات ومن أين لهم كل هذا نهب في وضح النهار يا ناس حرام عليكم ... والشكوى لرب العالمين .
[ابوعلى] [ 20/11/2011 الساعة 7:35 مساءً]
التحية للسيدة لبنى احمد حسين و هى تواجه قوانين النظام العام المُجحفة فى حق الضٌعفاء من نساء بلدى .
هذا النظام الفاسد و مسئوليه فى كل المستويات أبعد الناس حرصاً في تطبيق مبدأ العدالة والمساواة امام القانون الذى رسموه بأيديهم . و فعلاً اذا كانو فعلاً يطبقون شرع الله و رسوله عليهم بتطبيقه أولاً على نفسهم و ليضربو المثل في تطبيق مبدأ العدالة والمساواة بين كل المواطنين , لأن الجميع في نظر الشريعة سواء .. لا تفريق ولا تمييز بين القوي والضعيف.. والغني والفقير.. والشريف والوضيع.. فالناس في ميزان الدين سواسية كأسنان المشط ..
لقد أقّر رسولنا الكريم مبدأ الحق، والعدل والمساواة بين جميع الطبقات حينما قال (("إنما أهلك الذين قبلكم أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد، وأيم الله لو أن فاطمة بنت محمد سرقت لقطعت يدها " متفق عليه .))
والإسلام دين الحق والعدل والمساواة , لا يرضي بالمبدأ الجائر الظالم مبدأ التفرقة بين الناس والتميز بين الافراد .
هذا هو الاسلام الحق و هذا هو شرع الله , فهل يطبق القائمين على الامر فى البلاد ما جاء فى هذا الاسلام الحق و هم دائماً يلوحون بتطبيق الشريعه الاسلاميه بكل حذافيرها !!
إذن فلتقم شرطه النظام العام بالقبض على كل من ظهرت صورته فى الفيديو المذكور و تقديمهم للمحاكمة العادلة بناءَ على المادة لمادة السادسة البند الاول من قانون النظام العام بولاية الخرطوم لسنة 1996 م . و إذا أراد القاضى دليل فِعلى فهناك فيديو واضح يبين ما حدث بالصوت و الصورة , من دون أى دغمسة كما قال "القوى الامين" فى إحدى نوادره السابقة .
[القوس] [ 20/11/2011 الساعة 7:33 مساءً]
يابنتي يا لبنى - الراجل يحمل وسام الرقص الذي تتباهى به الانقاذ - والرئيس معذور - عندو دستور - اولاد ماما - وبحب نوناتو - ما تنسي انو وداد مبسوطة من تسييروا على هواها - واسألي زوجتو فاطمة - بس ياخسارة تمنيت لو جيتي الحفلة ببنطلوك ورقصتي مع الرئيس - كان عرفتي بش بش على حقيقتو - الراجل خريمي يموت في الجتس اللطيف - ولو درتي تكوني مستشارة - مستعد يديك وزارة -
[متفائل بسقوط النظام] [ 20/11/2011 الساعة 7:26 مساءً]
كلام لبنى في التنك !!
واحدة من أبرز دلالات الشريط بالاضافة لما أوردته لبنى, هي توضيحه غربة اسلام النظام في بيئة السودانيين وبعده عن التصور السوداني الشعبي الصوفي الرائع للاسلام !!
-- اسلام هؤلاء غريب جداً عنا , مما دعا لتساؤل كاتبنا العبقري الطيب صالح الشامخ: من أين جاء هؤلاء ؟؟؟؟
-- المفارقة الساطعة أن هذه هي صورة اسلام السودان البسيط الذي ترسخ فينا عبر آلاف السنين وكان الرقص ولايزال موجوداً عند السودانيين منذ الممالك القديمة - مملكة سنار مثلاً وسلطنة دارفور وغيرها .. (البشير على سجيته و بعيدأ عن الدولة وقانونها المتزمت (النظام العام 1996 والجنائي1991 ) يعبر وبامتياز عن اسلام السودان الرائع الرحيب المسماح!!
-- الاسلام الرسمي السلفوي المتزمت لا يشبه شعب بيئتنا ولا شعبنا الرائع المسماح !!
-- الاسلام في السودان وأفريقيا لم ولن يأتي أبداً عن طريق القمع والقوانين المتزمتة ... فقط عن طريق( النوبة والتجارة ) يمكن أن يجد الاسلام بيئة رحبة في كامل أفرقيا ولكنه عن طريق التزمت السلفي لن يجد أبداً موطأ قدم في القارة التي شهدت موطن الانسان الأول كما دلت الاكتشافات الآثارية !!!
[وردى] [ 20/11/2011 الساعة 7:06 مساءً]
الى الذين يدعون الناس بالتمسك بشرع الله - يجب ان تفرقوا بين الشرع الإلهى ومن يدعون انهم ظل الله فى الارض وهم وحدهم المخولون بتطبيق الشرع فى الناس . يجب ان تتحرروا من التبعيه العمياء وعدم الانجرار خلف كل من اكثر التكبير والتهليل . الامور يجب ان تسير بصوره منطقيه وعقلانيه , كلام الله لا جدال فيه , ومن المنطق ان يتوفر من هو اهل لتطبيق شرع الله قبل كل شئ , وفى حاله عدم توفر صفه امير المؤمنين فى شخص ما , فمن اجدى ان يحتكم الناس لما هو مدنى من القوانين . قوانين مثل الحدود ليست غايه فى حد ذاتها , انما الغايه منها التخويف وليس تقطيع اوصال الناس وجلدهم واذلالهم . انظروا الحكمه الالهيه والترتيب المنطقى فى ظهور الرسول (ص) وشهادة حتى اعداءه بأنه صادق وانه امين , ثم نزول القرأن الكريم (ليس جمله) , ثم نشأة الدوله الاسلاميه ومن بعدها تطبيق شرع الله
أنا مسلم , ولكنى لن افوض اى شخص بتطبيق شرع الله حتى اتأكد من صدقيته وامانته - واتحمل تماما وزر تطبيق قوانين من وضع الانسان ولن احمل امانه الهيه لأنسان هو ليس باهل لها
بمعادلة حسابية بسيطة - لو قلنا ان الشريعة = الحدود الحاكم العادل
والحاكم العادل = الامانة الصدق (لان الرسول - ص - شهد لة
بالصدق و الامانة قبل ان يطبق الشريعة) . ازن تصبح المعادلة صفرية
في حال عدم توفر الامانة والصدف في الحاكم او كل من يدعي انة
مفوض لتطبيف شرع اللة
[kalifa] [ 20/11/2011 الساعة 6:42 مساءً]
الأخ بدر الدين حميدة...... يظهر أنك قراءت مقال الأستاذة على عجل.....اولا هي لم تستنكر الرقص والفرح مع الأهل كعادتنا التي تربينا عليها إنما أستنكرت قانون النظام العام وطالبت بالغاء هذا القانون او تطبيقه دون خيار وفقوس وعلى الكبير قبل الصغير وعلى القوي قبل الضعيف....ثانيا كلمات الأستاذة كانت بجد مهذبة لحد بعيد رغم ما لحق بها من سجن وتشنيع سمعة وأخيرا منفي إجباري غير محدود الزمن...رغم هذة المرارات الأستاذة لم تشذ ولم تشطح ......ولو تعلم أخي ما سببه هذا القانون المغلف بالشرع الكريم من أذي وبلاء للكثير من الأسر وكان سبب في تشريدها وتشظيها لوقفت معها ضده.... هذا قانون مخل ومذل يطبق على الهوي وضد الضعفاء فقط !!!!!
[alzool] [ 20/11/2011 الساعة 6:38 مساءً]
يجب ان يتصدر هذا المقال مانشتات كل الصحف حتى سقوط النظام
راجل غريب الاطوار
الدولارطالع ....عطالة خريجين..قوانين نظام عام..ابادات اجتماعيه.....
والريس يرقص
من رقص نقص
[ناصح] [ 20/11/2011 الساعة 6:07 مساءً]
اقول أن هولاء الكيزان المنافقين لا يمثلون الا انفسهم ونزواتهم المريضة , فلا يحجوز بأي حال من الاحوال محاربة قوانين الدين الإسلامي من أجل اولئك الكيزان عبدة الدرهم والدينار قالتهم الله ،،، عموما نراهم قد أوجدوا فرصا ذهبية للهجوم على الإسلام وهم أبعد مايكون عن الإسلام قاتلهم الله .
[اسطنبولي] [ 20/11/2011 الساعة 5:09 مساءً]
لبنى دي بتهظر ولا شنو ؟؟؟ نقدر زعلك واحتجاجك لكن ان ويد الى محاكمة رئيس واوالغاء قوانين عشان مواطن واحد فدي بااااااااااااااالغت فيها
تعديل القانون يحتاج الى برلمان ونقاشات وفوق كل ذلك رغبة القائمين على الامر وبصراحة لا بد من الاهتمام نعم ولبنى الله يديك الصبر نحن مافي اوروبا معليش نحن افارقة وعرب مستهترين وكسلانين ومخالفين لامور ديننا
[بدرالدين حميدة] [ 20/11/2011 الساعة 4:46 مساءً]
اولا كيف حال السيدة لبنى عموما نتمنى لها حياة طيبة و عودا حميدا الى الوطن اما بخصوص الرسالة للرئيس فاعتقد انه جانبها الصواب و الرقص فى الاعراس فى السودان منذ قديم الزمان معروف و حتى اليوم لا يستطيع احد ايقافه الا اذا تعدى الادب و يتم ايقافه من اهل البيت اولا و ليس من الشرطة و السودانيون يختارون الكلمات فى مخاطبة من هم اكبر سنا فيجب مراعاة ذلك.
[Kunta Kinte] [ 20/11/2011 الساعة 7:23 مساءً]
عليك الله يابدرالدين هسع كلام لبنى ده فيهو شنو ؟؟؟؟ قمة التهذيب حتى مع البشير البذئ اللسان ....!!! بعدين إشانة السمعة الإتعرضت ليها هى والكثير من الحرائر السودانيات بسبب قوانينم البطبقوها على الضعفاء ومن لا سند لهم دة البقتضى منك إدانة لو كنت حقانى بجد
[بوكش ] [ 20/11/2011 الساعة 6:15 مساءً]
الاخ بدر الدين ايضا انت لك التحية
كما التحية للاخت لبنا ايضا
ما تقصده الاخت لبني واضح ( تطبيق قوانين النظام العام علي الضعفاء والمقصودين ؟؟؟) ما عوقبت به الاخت لبنا لانها ارتدت البنطلون . ارجو ان تشاهد الفيديو الذي يخص الحفل المقصود بعيدا عن الرقص كم فتاة به كانت ترتدي بنطلون وانت الحكم .
[حسين قنديل ] [ 20/11/2011 الساعة 4:37 مساءً]
والله العظيم أنت أشجع من خلق على وجه الأرض لكن ما فكرت في الخوف وفي جماعة أهل الإسلام المنافقين هؤلاء أنهم أباليس زمانهم وأعمل حسابك ما يقوموا يرسلوا ليك جماعة ويقوموا بتصفيتك زي ما عملوا مع رفقاء دربهم أنهم جماعة الهوس الديني كما أ سماهم الشهيد محمود محمد طه تقبله الله .
