من أفواه البسطاء - لا المجانين - خذوها

[حافظ حسين]

(إستوا تستوا في النار)

الجملة الفوق دا قالها إمام زهجان جداً ما صرف مرتبه بتاع الامامة.

(بوست منعم دا يا حافظ في ناس حتكون شايفه خيال علمي)

دا طازجة قالها مهند الخطيب امبارح و فتحت حوار طويل عن التنوع و إختلاف الثقافات, جابت ليها مقارنة بين محجوب شريف كمعبر عن المدينة و حميد الريفي,

[حافظ حسين]

"في النهب دايرين تعملولنا عنصرية"

جماعة نهب مسلح وقفوا ليهم لوري, نزلوا كل الناس الا في أعمامك اتنين كدا متحكرين ما نزلوا... في واحد من العصابة قال ليهم:

هوي انتو الفوق دول ما قالو لكو إنزلوا مالكو؟
قال ليه... نحن أولاد عمكم (و ذكروا القبيلة)
قالوا ليهم انزلوا نزلت روحكم في النهب كمان دايرين تعملولنا عنصرية؟!!!

[عبدالمنعم الطيب حسن]

المشاركة الأصلية كتبت بواسطة حافظ حسين

(إستوا تستوا في النار)

الجملة الفوق دا قالها إمام زهجان جداً ما صرف مرتبه بتاع الامامة.

ودا يا حافظ مُصلي عادي وجعان كمان دخل اقرب جامع وبعد الفراغ من الصلاة ناس الجامع اتسرتقوا وخلوهو براهو
كتب على الحيطة : الجامع بدون عيش
بانينو ليش
رد الماموم : الجامع بانينو للصلاة
يا قليل الحياء
رد الجوعان :الصلاة جائزة في كل فلاة
: انعل ابو الج... على ابو البناه

ياخ الجوع دا ما حبابو .....

[QUOTE=حافظ حسين;440028(بوست منعم دا يا حافظ في ناس حتكون شايفه خيال علمي)

دا طازجة قالها مهند الخطيب امبارح ,[/QUOTE]

هذا مع محاولاتنا لتقريب اللهجة ولو توغلنا جد جد عِلا يفهما ناس عكود وانت طالع
اذكر ايام الطلب عندما تاخذني النوستالجيا ارجع ريفي طليق
وتاتيني عبارات يفهما فقط من الشلة صلاح من شندي وجويدة من الرهد ابدكنة وعنكبة من ريفي الحوش ، اما ناس مدحت من بحري وناس حللي من عطبرة فكنت اساعدهم بترجمة على الشريط ....

[سماح محمد]

سلامات يامنعم

بوست جميل والله
ونحن له من المتابعين وان خذلتنا الذاكرة في استحضار مثل هذه المقولات..

بس زعلني غياب العنصر النسائي
هسه يقولوا النسوّن ما بفهمن الطرفة
وحاااة الله فاهمين
وكان الله سهّل بنعرّج بي جاي ان شاء الله

* ويامنعم البوست قرّب بالجد يبقى بنين فقط

إحترامي

[حافظ حسين]

المشاركة الأصلية كتبت بواسطة سماح محمد

سلامات يامنعم

بوست جميل والله
ونحن له من المتابعين وان خذلتنا الذاكرة في استحضار مثل هذه المقولات..

بس زعلني غياب العنصر النسائي
هسه يقولوا النسوّن ما بفهمن الطرفة
وحاااة الله فاهمين
وكان الله سهّل بنعرّج بي جاي ان شاء الله

* ويامنعم البوست قرّب بالجد يبقى بنين فقط

إحترامي

سنة يا الذاكرة الخانت سيدها... أها قول ما خانتك يا السمحة حتكتبي شنو؟
إنت عارفة يا سماح دي ذكرتني بواحدة زهجان, ركب الحافة بعد تعب و الحافلة مليانة فل ... أها جاء واحد تاني قال ليه يا إبن العم الحافلة دي ماشة وين؟
قال ليها: أفرض ماشة بيتكم حتركب وين؟

[سماح محمد]

(يانفيسي كنك أرفعي ضراعك النطايب محمد وليدي)

هذه العبارة قالتها احدى قريباتنا لأختها التي هي نسيبة ابنها في نفس الوقت، بعد حديث بدأ ب(مكاواة) من نسيبة محمد لأختها قائلة : (ولدك خلاص ختيناهو تحت ابطانا ) فعندما همت أم محمد بمغادرة المكان ابتدرت هذه العبارة وهي في قمة غيظها..فانفجر الجميع بالضحك

[سماح محمد]

المشاركة الأصلية كتبت بواسطة حافظ حسين

سنة يا الذاكرة الخانت سيدها... أها قول ما خانتك يا السمحة حتكتبي شنو؟
إنت عارفة يا سماح دي ذكرتني بواحدة زهجان, ركب الحافة بعد تعب و الحافلة مليانة فل ... أها جاء واحد تاني قال ليه يا إبن العم الحافلة دي ماشة وين؟
قال ليها: أفرض ماشة بيتكم حتركب وين؟

انت ياحافظ قايلني جاية من وين؟!!

والله مداخلتي كتبتها قبل اشوف مداخلتك
ووحاة الخوة..وبأمانة .. الذاكرة ما خايناني
لكن اهلي الشوايقة لسانهم:... (لا اله الا الله محمد رسول الله)
بيودينا كلنا الخور
ولاشنو يااااعمدة؟؟

[حافظ حسين]

غايتو يا سماح وقت جابت ليها شوايقة و السن فللناس برضو السن

نعيمة راجلها عرس فيها , و عرس بت صغيرة و شديدة شدة قال ليك, أها عمك ما وقف في العرس بس, مع العرس جابت ليها مكاواة مرة جاء لمرتو القديمة الصباح قال ليها:
يا نعيمة شفتي البرنيسة؟
نعيمة قال ليه: أي شفتها علا بدور لها سواق

[اشرف السر]

بوست مميز بحق اخي عبد المنعم...

وأدلي معكم..


(عدم الموضوع في البلد دي بقى لينا برنامج)



ياسر علي الزين في قمة قرفه من الأوضاع،
مجيباً على سؤالي له عن أحوال الشباب في 24 القرشي....




(أكان شفت البيت، تقول يا ليل)



ذات نهار وبمعيتي حافظ وناصر ومهند، نرتشف الجبنة، إمرأة في أواخر الستينات، ضاحكة السن وسريعة البديهة، جلست مع ست الشاي لمعرفة بينهما، وانتقل حوارنا لموضوع بنات الزمن دا، فتحدثن هي بلسان الممعنين في الهرم، فقلت لها مداعباً "إنت لسه شباب"، ضحكت وردت بالنفي أنها ليست شابة، وإني أيام شبابها
(أكان شفت البيت، تقول يا ليل)...
فهمت المعنى وفهمه مهند..
وما زال حافظ وناصر يبتسمان
لبراءةٍ تخصهما

[جيجي]

المشاركة الأصلية كتبت بواسطة سماح محمد

(يانفيسي كنك أرفعي ضراعك النطايب محمد وليدي)

هذه العبارة قالتها احدى قريباتنا لأختها التي هي نسيبة ابنها في نفس الوقت، بعد حديث بدأ ب(مكاواة) من نسيبة محمد لأختها قائلة : (ولدك خلاص ختيناهو تحت ابطانا ) فعندما همت أم محمد بمغادرة المكان ابتدرت هذه العبارة وهي في قمة غيظها..فانفجر الجميع بالضحك

حلوة والله ولماحة ام الولد وصافية كمان
سماح سلام ليك ولاهلك

[عبدالمنعم الطيب حسن]

المشاركة الأصلية كتبت بواسطة حافظ حسين

"في النهب دايرين تعملولنا عنصرية"

جماعة نهب مسلح وقفوا ليهم لوري, نزلوا كل الناس الا في أعمامك اتنين كدا متحكرين ما نزلوا... في واحد من العصابة قال ليهم:

هوي انتو الفوق دول ما قالو لكو إنزلوا مالكو؟
قال ليه... نحن أولاد عمكم (و ذكروا القبيلة)
قالوا ليهم انزلوا نزلت روحكم في النهب كمان دايرين تعملولنا عنصرية؟!!!

( هُسس ولا كلمة ياحاجة )
الحرامي مخاطبا امراة سودانية كبيرة في السن وقد هبط بيتها ليلا ووجدها لوحدها
وعندما بدات في الكلام خاطبها بالعبارة اعلاه
وردت الحاجة الوحيدة
( عاد يا ولدي هس في بيتي )
ويقال ان الحاجة والحرامي ذاب بينهم الجليد
وعند مغادرته قالت له الحاجة
( ياولدي اكان لقيت لك حاجة بِسَيْطة كدي اخدا )
ولم ياخد الحرامي شيئا
وغاب في الظلام ،

ايش جاب لجاب ؟
مع حراميتنا العلي عينك يا تاجر تحميهم دولة الفساد حولهم
كلهم حرامية ومزاوغية ...
ليهم يوم

[عبدالمنعم الطيب حسن]

المشاركة الأصلية كتبت بواسطة سماح محمد

سلامات يامنعم

بوست جميل والله
ونحن له من المتابعين وان خذلتنا الذاكرة في استحضار مثل هذه المقولات..

بس زعلني غياب العنصر النسائي
هسه يقولوا النسوّن ما بفهمن الطرفة
وحاااة الله فاهمين
وكان الله سهّل بنعرّج بي جاي ان شاء الله

* ويامنعم البوست قرّب بالجد يبقى بنين فقط

إحترامي

شكرا سماح للمرور
العنصر النسائي موجود بقوة
صانعا للطرفة الحكمة
وناقلا لها
ومتفهما
وتسلمي

[عبدالمنعم الطيب حسن]

المشاركة الأصلية كتبت بواسطة حافظ حسين

غايتو يا سماح وقت جابت ليها شوايقة و السن فللناس برضو السن

نعيمة راجلها عرس فيها , و عرس بت صغيرة و شديدة شدة قال ليك, أها عمك ما وقف في العرس بس, مع العرس جابت ليها مكاواة مرة جاء لمرتو القديمة الصباح قال ليها:
يا نعيمة شفتي البرنيسة؟
نعيمة قال ليه: أي شفتها علا بدور لها سواق

حافظ اليوم بس اضحكتني مرتين
مرة بالحافلة الماشة وين دا
ومرة بالنهب المسلح وجماعتك المطمنين
والله الحرامية اعقل منهم ...
وهذه
التالتة
تسلم

[عبدالمنعم الطيب حسن]

المشاركة الأصلية كتبت بواسطة حافظ حسين

"في النهب دايرين تعملولنا عنصرية"

جماعة نهب مسلح وقفوا ليهم لوري, نزلوا كل الناس الا في أعمامك اتنين كدا متحكرين ما نزلوا... في واحد من العصابة قال ليهم:

هوي انتو الفوق دول ما قالو لكو إنزلوا مالكو؟
قال ليه... نحن أولاد عمكم (و ذكروا القبيلة)
قالوا ليهم انزلوا نزلت روحكم في النهب كمان دايرين تعملولنا عنصرية؟!!!

يقال ان الشباب اختلفوا مع ابائهم حول مسالة تهم القرية
وفي الاجتماع قال واحد مدعي

( والله الشباب ديل مشكلتن دي ما يحلوها الا بعنصرية )
ورد شيخ الحلة
ديل بعرفوا عنصرية ديل ...
وفي نفس الاجتماع قال واحد مدعي برضك وبسمع الرادي كتير
( يا جماعة الشباب ديل مشكلتن دي حلها كالاتي )
وجلس
الجماعة الكبار رط رط رط صفقوا
ورد شيخ الحلة
اها ود حمودة حلاها تب

[ود المامون]

..

.. صاحبنا .. ( العطا ود احمد ) .. يعمل في مجال ( جلط ) البيوت (بالكرك ) .. في البلد .. سافر مصر .. وغاب ( اسبوعين ).. وبقي يتكلم مصري .. لما رجع .. زار كل البيوت للسلام .. في الطريق قابلته ...( العاجبة) ..
.. اتلومت .. يا العطا مشيت للناس دي كلها .. مالك ما جيتنا ...
.. العطا قال ليها .. والله يا خالتي العاجبة .. بيتكم راح مني ...


.. قال ليهو ..

.. الغبا اليغباك .. درب .. (محارتك ) لسة فوق حيطنا ...