فزت ب900 الف دولار ؟؟؟؟

[ميدو]

الاخوة بسودانيات

تحية طيبة

حدثت لى تجربةطريفة ايام العيد حبث ارسل لى احدمواقع اللوترى عن طريق الايميل واخبرنى بفوزى بمبلغ

930 الف دولار وطلبوا ارسال بياناتى الشخصية وبلدى ورقم حساب البنك وبالفعل قمت بارسالها وبدات اسرح

فى الاحلام الكثيرة والكبيرة والزواج من الحسان اللائى سيتهافتن على وانا اختار من اريد واخذها ونطوف العالم

وبدات ارى صورتى بالصحف التى تنشر صورى كاول سودانى يفوز بهذا المبلغ الضخم عن طريق الانترنت

بعد ذلك بيوم ارسلوا لى شهادة تفيد بفوزى بالمبلغ وطلبوا ارسال مبلغ 1600 دولار ثمن تحويل المبلغ

طبعا انا طلبت خصم المبلغ من الجائزة وارسال الباقى لكنهم رفضوا وعرفت انهم نصابين .

وتبخرت الاحلام ووئدت الامال لكن تبقى طرافتها وغرابتها فى ان وسائل الاحتيال والاجرام تتطور مع تطور

البشرية .

[Lolo]

سلام

مبرووووووووووووووك

اهم شئ انك حلمت ودى تمام

صديقتي حصل لها نفس الشئ بس تذاكر للكاريبي وبعد فتره اكتشفت انهم عصابه من اللصوص...

يعرفون من اين تؤكل اللحم؟؟؟

الله يعين

[عمر صديق]

المشاركة الأصلية كتبت بواسطة Lolo

مبرووووووووووووووك

اهم شئ انك حلمت ودى تمام

ما حدث لك يا يا صديقى هو محاولة لعملية تمارس بالالاف عبر الشبكة الاليكترونية

[ميدو]

الاخوه عمر ولولو

شكرا على المداخلة وحقيقة عندما تخبر بانك فزت بمبلغ كهذا ولو كذبا فانت تحلم غصبا عنك


مييييييييييييييييييييييييييييييييييييييييدو

[جمال تاج السر]

[align=justify]العزيز ميدو
سلامات
كويس أنك أكتشفتها من الأول وما جاريت الناس ديل كتير
عندي صحبي جاراهم وحتي رسل ليهم مبلغ علي رقم الحساب الموضوع في الرسالة
وأتصلو عليه لتأكيد الاستلام ولكن طلبو منه مبلغ آخر للأتعاب.
أصدقاؤه شكو في الموضوع وطلب من التاكد من ذلك
وعندما أتصل بصديقه من نفس البلد تأكد له أنهم مجموعة عصابة تعمل عبر الشبكه لنهب الأربرياء ويستخدمون هواتف الطرق وعنوايين مزيفة.
وكانت الصدمة الكبري
والطريف في الموضوع أنو كان عاوز بيع عربتو عشان يرسل ليهم المبلغ الثاني.. وكان حتكون الطامة الكبرى [/align]

[ناصر يوسف]

ميدو يا هندسه ......

تعرف إنو أهم شئ في الموضوع ده شنو ؟؟؟

يعني لو ما شكيت في أمرهم كان رسلت ليهم 1.600 دولار مش كده ؟؟؟

وده معناه إنك عندك أصلا 1.600 دولار في جيبك ؟؟

عليكم الله عاينو لناس الهندسه ناس ميدو ديل ؟؟
جبتهم من وييييييييييييييييييييييين ؟؟؟؟ من أين لك هذا وهكذا إذن وهلم جرررررا .....

ـــــــــــــــــــــــــــــــــــــــــــــ

كما ذكرت لك الأخت لولو كويس إنك حلمت بعد داك وحقو تشكرهم علي الأحلام الحلوه الأوحوا ليك بإنك تحلمها ....

أنا شخصيا لو كنت مكانك كان إتصلت بأوبرا شخصيا أقلاها ممكن .... ممكن يعني تحن علي وخسوسا بأني أفريقي زيها ومن بلاد السجم الفقر ، و ي م ك ن يعني يمكن تسويهن لي مليوووووووون دورراااااار .

أوعدنا يا رب بماهية تكفينا شر الدين من سيد الكنتين الفي الحلة حقتنا ومن سيد بيت الإيجار ومن دين الرجال ومن سجم رمادنا ...

ياااااااااا رب أللهم آآآآآآآميييييييييييييييييييييييييييييييين

....

الحبيب المهندس ميدو الله يديك العافيه

[ميدو]

لاخوان جمال وناصر

شكرا على المداخلة وياناصر هى لو كانت حقيقيه 1600 كنت بلمها انشاء الله شيرينق

مييييييييييييييييييييييدو

[ناصر يوسف]

هاهاهاها
أها البيدفعوا معاك في الشيرنق ديل بعدين بتقسم ليهم ولا حتعزمهم تسالي ؟ هاهاها

ربنا يحقق ليك أمنياتك يا هندسه ونقول يا رب

[ميدو]

العزيز ناصر

كان بديهم معاى فى رايك الفين او ثلاثة كفاية

ربنا يحقق امال الجميع

ميييييييييييييييييييييييييييدو

[Garcia]

الاخ/ ميدو ... تحية طيبة
حصل لى الموقف دة من شركة نصب محترفة قبل سنتين ...
وكنت حينها مقيم بهولندة ... المهم وصلنى خطاب من اسبانيا
قالوا لى مبروك فزت ب 300 الف دولار وتم اختيارك بصورة
عشوائية فقط راسلنا ومطلوب ارسال صورة الجواز ورقم حسابك ,,
وبعدها اتصل بى واحد منهم قال نفس الكلام اضافة لارسال مبلغ 1000 دولار ..
( شوف الكذبة ) قلت ليهو شيل 10 الف دولار ورسل لى الباقى
وهنا طبعا معروفة الحكاية دى نصب واحتيال على مستوى وكثيرون وقعوا
ضحايا تلك المافيات .... واخيرا مشيت مكتب البوليس وفتحت فيهم بلاغ كبيييير
حتى ينقذوا ما يمكن انقاذهم من اؤلئك اللصوص ....

كل التحايا