الطيب بشير منافس البايو كلير الخطير

[ملكة سبأ]

أن الفرق بيني و بينكم-و هو فرق السما للواطة -أننا نستثمر في وجوه الخير
أما أنتم فتثتثمرون في وجوه البنات المغشوشات ....

يااامراحب قرض

صدقني ما في اي فروقات ولا حاجة

فاستثمارنا في تلك الوجوه جزء اصيل من استثماركم في مخارجة العوانس كما تتقولون

وعليه اعلم ان لنا عليكم حقا ونسبة مقدرة في كل مخارجة يفتح الله بها عليكم



وطبعا عارف حقنا يذور

[ملكة سبأ]

والله خبر ما زين ان (اللوكيسد أر ) يكون بقي دقة قديمة الحالة دي مجهز لي كرتونه
نظام تجارة وكدا

اااااخ بس لو اضمنك !!


تفكيرك يدل على انك شريك ممتاز جدا

البرج الحمام ، رقم الحظ ثلاثة اصفار

بعد كدا الواحد يقبل علي امريكا يجيب ليهو كرتونة (الطيب بشير )

صحصح ياعمك

الله يقطع حامد لأبو العطش

ابوبشير لسة محلي عندنا هنا ومحتاجين لشريك ذي ميسرة لنرتاد به آفاق العالمية ...

اها دا ممكن يتباع قدر ظروفك ولا
لازم كامل الوصفة ؟؟

امشي ادفع حق الإستشارة وتعال

[ملكة سبأ]

الملكة
سلامات ومشتاقين كتير
نصيحتي ليكي وقبل ما كان توري الناس بي أبو بشير دة, كان تعملي تسجيل( براءة إختراع ) عشان إحتمال يجي واحد/ة ياكلك حنك و يسجل براءة الإختراع دي بي إسمو ويخلي خشمك ملح ملح في الرمضان الساخن دة

آهلييين ود النور
واسمع القرار الخطير دا

قرار إداري رقم (1)

تعيين

عليه وبموجب الصلاحيات المخولة لنا نعين ود النور مستشارا قانونيا لسلسة شركاتنا (باعتبار ماسيكون)

صدر تحت ختمنا وتوقيعنا

يا قــــــــرض الخـــــــــــير دة منوالداير تستثمر في وشو دة ؟!!

ماتضمنه ياود النور قرض يستثمر في وش ابليس
بصفتك اعلاه خلي بالك منه شديد

[ملكة سبأ]

الملكة عزيزتنا..
ما كان العشم..تشيلي وتكتبي لي
بتاكل في شنو ؟ وبتشرب في شنو؟
وما جبتينا خبر الطيب ون....

نان آحمدّو انت فاضيلي من الليل كشحة الخميري ؟!
حيرت ناس العطا منو آزول

وا شماتة
هبة فيكي

هبة دي خلها بعيد ..
دايرنها العميل رقم صفر ( عشان مايعرف عواقب تجاربنا احد)
علمون شنو ؟ المرايي تعرفيها ؟!
قوي قلبك وماتسمعيلي كلام حميد دا
قال صبرة قال

اقعدي اطحني فيهن كدي لامن تطحني وشيك

على كدي هسي مصارينك مدبوغات آلشقي

[ملكة سبأ]

وأنا أقول البت دى المسح ملامحها شنو

اها آ حميد اخد من ود الطاهر

قال صورة قال

[ملكة سبأ]

و بما إنه أختك عمرها ما جربت أي وصفات كيماوية أو طبيعية
فمستعدة أقوم بالإختبار على المنتج الجديد

اي والنعم
انت اصلح من يقوم بهذا الدور .. عشان النتيجة تكون جلية وبدون أي شك حول المفعول الخطير

لكن ننادي بعدالة الإتفاقية ياحنون

انا على الجلبطة من الداخل .. والخارج انا برررة

ونحن برضو تجاربنا على البني آدمين مباشرة وعلى ضماتنا ، فكل ما ننتجة هبة الطبيعة الخالصة وبدون أي إضافات ضارة ..

حقوق حيوان وحماية انسان ومحميات وجمعيات شنو ياحنون
ماتجيبي لي الهوا

مشتاقووووون كميات والله

[بسمله]

ملكه سبأ و منك الخبر اليقين ... تعرفى فعلا الناس فى السودان كلهم بقو نفس الشكل .. نفس اللون و نفس شيله الحواجبين و كمان قايمات فى التاتو اليومين ديل .. بقو بيسمنو بى طريقتوم و ينحفو بطريقتوم .. المروقين بيمشو مهيره فى الرياض و الداخلين شمال بينطعنو ابر انسولين .. قالو مره واحده قرب زواجا المهم كانت عاوزه تزيد حجم رجولا انتى يا الفهيمه امشى اطعنى ابر انسولين .. قامت واحده من الرجلين اتنفخت و بقت اكبر من اختا .. يعنى بدل ما تبقى فى تحسين شكل عشان رقيص عروس و لا ما عارفه شنو بقت مشوهه .. لكن الخلطه دى باين عليها رهيبه .. عن اذنك انا حا اقوم اكتبا و الله يقدرنى و اعملا زز اللطيب بشير يديك العافيه ..




ا

[ملكة سبأ]

اهلييين بسملة
منورانا والله

حكاية التسمين دي ما من ناسا ، لكن مشروعنا القادم انشاء الله ابو بشير للتنحيف وخلو بالكم

لكن الخلطه دى باين عليها رهيبه .. عن اذنك انا حا اقوم اكتبا و الله يقدرنى و اعملا زز اللطيب بشير يديك العافيه

وتحت أمرك في أي إستشارة وانا جاااادة والله

وكان عندك عروسات قبائل العيد دا برضو تحت الخدمة

[بسمله]

ملكه سبا عاينى يا بتى البركه الى لميت فيكى
شوفى فى خلطه كدا بتعمل لون الاماكن الغامقه فى الجسم نفس لون الجسم عارفه مكوناتا شنو

[بسمله]

ملكه سبأ .. انتى باين عليكة مشيتى . طيب خلاص لامن تجى راجعه .. بس ورينى الخلطه اعلاه ممكن تكون مكونه من شنو .. مره مشيت لى عرس صاحبتى المهم المراه الى كانت بتعمل ليها اللخوخه كان اسما حوا لكن و الله العظيم طلعتا رهيبا كلها لون واحد يا بت يوم رقيص العروس دا كان يوم مبالغه .. كان اجمل من الحفله بتاعه الدخله مع انى انا رقيص العروس دا جنى و جنو لكن العروس طلعت كلها لون واحد . و الجلد بتاعا ماشاء الله شايننج
. بعدين تعالى اسالك دقيقه رايك شنو فى الحمام المغربى .. تفتكرى انو فعلا كويس و لا كلام كتير ساى .. ؟

[ملكة سبأ]

اهليين بسملة

بداية انصحك بزيت الزيتون ..
وفي زيت زيتون عصر أول بارد ، دا ممتاز جدا للبشرة
وممكن يستعمل مع الدخان بيعطي نتيجة مدهشة

وممكن تستعملي صابونة الحبة السوداء

******

ثلاث ملاعق بودرة جــــــــونسون للأطفال + نصف عصـــير ليمونه
زيــــــــت جونسون للأطفال +علبة جليسوليد
وتخــــــــــــلط هذه المقادير وتحفظ في علبه

توضع يوميـاً ليــــلاً

واستمــري عليها وسوف تلاحظين الفـرق

***

وتاني حا جيب ليك كام خلطة .. بس الطيب بشير ما ينفع انشر اسراره هنا حسب كلام المستشار القانوني لنا


*****
الحمام المغربي ما بطال بس ما صحي اكثر من مره في الاسبوع بشرتك حتجف وتتشقق لانه كثر الاغتسال حيزيل الافرازات الطبيعيه للبشرة وحتكون عندك بشره تعبانه جافه متشققه ..

[خالد الحاج]

دحين يا الملكي "الطيب بشير" الليلك ده بينفع في الكبر؟

[بسمله]

ملكه سبا
تسلمى كتير زيت زيتون عصره اولى دا بعرفو ..
قالو انوو فى زيت جميل جدا اسمو زيت الخروع بيطول الرموش رايك شنو فى صحه المقوله دى ؟
و بعدين الدخان دا انا بكرهو مووت يا زوله حار و ريحتو مزعجه بس قالو فى كريم بيدى اللون بتاعو .. بيتباع فى امدرمان .. تقريبا

الطيب بشير حقوق الطبع محفوظه

[نولا]

ملكة سبأ

سلامات يا منقة ..

اعلان للجميع ...

ادعوكم لاستخدام منتوج الطيب بشير ..

وذلك بعد مشاهدتي للمملكة في الاجتماع الاخير ...

كده وزاد وجدي ... ما شاء الله عليها عين بارده ... زي الورد


الملكة انا عايزه لي برطمانية

[ملكة سبأ]

دحين يا الملكي "الطيب بشير" الليلك ده بينفع في الكبر؟

لا يصلح العطار ما افسد الدهر ياخال


كتر من الموز .. ولو مزنوق في الشغلانة خالص ادينا خبر جواني
وانت هين ؟

[align=justify]اكتشف الخبراء أن الإكثار من تناول الأسماك، والفواكه والخضراوات، يقاوم تجاعيد البشرة، الأمر الذي يعزز وجود علاقة بين الأطعمة المتناولة والمظهر الخارجي للإنسان، وأشاروا إلى التأثيرات السلبية التي تسببها أشعة الشمس والتدخين والمرض على الجلد، حيث تساعد على تسريع ظهور التجاعيد



واكتشف العلماء أن الحلويات والسكريات هما السبب وراء ظهور نصف حالات الشيخوخة الجلدية. وأوضح اختصاصيو الجلدية أن السكريات خطر على البشرة، وتسبب التهابات تدمر الخلايا الجلدية فيها وتزيد من ارتخائها وسماكتها وتلونها واصفرارها، وللتخفيف من التجاعيد ابتكر الباحثون في مشاكل تجاعيد الوجه نظاما غذائيا مضادا للتجاعيد فقيرا من ناحية السكريات وغنيا بالبروتينات، يركز بشكل أساسي على أسماك المياه الباردة مثل السلمون والتونة والماكريل التي تحتوي على عوامل مضادة للالتهاب والأحماض الدهنية المفيدة، ويشجع الحصول على الكربوهيدرات من خلال الفواكه كالكرز والتوت والكيوي والدراق والخضراوات الورقية الداكنة والسبانخ والبروكولي.

وتقول خبيرة التجميل حسناء غرري: "في سن المراهقة يكون جلد البشرة مشدوداً ممتلئا وخاليا من التجاعيد، ومع مرور الزمن تبدأ هذه التجاعيد بالظهور، وعادةً ما تبدأ في الجبهة وحول العينين، ثم في الخدين ثم حول الفم والرقبة، وهي علامة من علامات تقدم العمر، وهذه التجاعيد إما مكتسبة وإما وراثية، والمكتسبة الجزء الأكبر منها ناتج عن حركات عضلات التعبير في الوجه، كما يبدو عندما نضحك حول العينين، أو حول الفم عند محاولة الأطباق، وجزء منها عند التعرض للشمس، حيث إن الأشعة فوق البنفسجية تضعف الجلد وتؤدي لتجاعيد عادةً ما تكون غير عميقة، وفي معظم الحالات تكون ثابتةً بغض النظر عن تعبيرات الوجه وبعضها بسبب بعض الأدوية والكريمات، وبعضها بسبب وضعية النوم، أما الحالات الوراثية فهي التي تحدد سرعة وأماكن حدوث التجاعيد والعمر التي تبدأ بالظهور فيه".

وقسمت خبيرة التجميل التجاعيد إلى قسمين، التجاعيد الحركية والتي نراها عند قيام عضلات التعبير بحركتها، والتجاعيد الثابتة وهي موجودة بغض النظر عن حركة عضلات تعبير الوجه، وتختلف درجاتها بين البسيطة وهي تجاعيد سطحية ثابتة، ولا يكون هناك ترهل بالجلد، ومتوسطة ربما تكون مصحوبة بزيادة في حالة حركة عضلة الوجه، وهناك التجاعيد العميقة التي تتكون مع زيادة في حجم الجلد والارتخاء فيه". وعن طرق علاج التجاعيد قالت "هناك عدة طرق لعلاج التجاعيد تعتمد على الدرجة والسبب وهي: الحقن وتستخدم في معالجة التجاعيد الثابتة وتشمل مناطق محددة ويمكن استخدامها في حالات التجاعيد العميقة.

وتستخدم في الحقن الدهون حيث يتم شفط الدهون من المريض وإعادة حقنها، كما تستخدم مواد مصنعة وهناك عدة أنواع منها متوفرة في الأسواق، والليزر ويتم استخدامه لمعالجة التجاعيد السطحية والتي تكون منتشرة في عدة أماكن في الوجه، أيضاً تستخدم الأدوية التي تضعف العضلات التي تؤدي إلى تجاعيد معينة مثل البوت****. وأضافت خبيرة التجميل " ولإخفاء التجاعيد تتم عمليات الشد، ويتم استخدامها في حالة وجود ارتخاء في الجلد والطبقات الداخلية من الوجه، وأشارت إلى أنه يمكن عمل أكثر من إجراء من الإجراءات للمريض حيث يمكن إجراء شد للوجه وحقن Botox وعمل ليزر وحقن أي مادة من المواد المذكورة أعلاه ولكل وجه وتجعيدة خصوصيتها في العلاج، وينصح بمناقشة التفاصيل الدقيقة مع طبيب جراحة التجميل للمساعدة في إعطاء جواب واحد للمريض الواحد.[/align]