حق الفطور

[خالد الصائغ]

تحياتي لكل الأحباب هنا

حا أكون صريح و مباشر و أرجو إنو آمال و عبد المنعم ما يزعلو من كلامي
لأنو في النهاية نحن كلنا هدفنا واحد.

و ده الساتر بتاعي
تحسبا لأي هجمات مرتدة

نبراس كتر خيرا يخوانا بذلت مجهود و اخدت من زمنا و أضافت موجهات حقيقية للمشروع من واقع تجربة مجددون.
ما ممكن يخوانا نجي نحبطا و نقول ليها
مجددون شن نفرم
و لا .. مجددون بتاعت الساعة كم

بعدين معقولة بس يخوانا مجرد ورود اسم عمرو خالد في موضوع مجددون يكون مدعاة لتجاوز تجربتم الممكن تفيدنا كتير.

ما في شي بمنع إنو ناخد من أي تجربة بغض النظر عن صاحبا طالما إنها ممكن تضيف قيمة للمشروع

قليل من البراجماتية الموجبة لا يضير يا أحباب


معزتي و كامل تقديري

[ناصر يوسف]

المشاركة الأصلية كتبت بواسطة AMAL

ياخوانا مجددون ديل شن نفرم !!!!
افتونا
صراحة اتمني ان نعمل مستقلين
عندي تجربة مع بنك الطعاام طلعوا ماسورة
فشنو
خلونا نبتدع تجربنا ونطورا برانا
بنعرف مستوانا
ذلك لايمنع الاستفادة من التجارب الموجودة والناس الخيرين فعلا وحقيقة

ياناصر رجاء اصل ازهري عباس بالاسكلا
يمكنهم توفير الكثير من الدعم للفكرة


ورونا التحويل كيف؟

مجددون بتاعت الساعة كم
وكمان جابت ليها عمرو خالد

شليل حصل الحكاية جاطت خالص
يا جماعة
سودانيات تستلم وتنفذ وتتابع حق الفطور لامن يصل لطفل يحتاج له فعلا
غير كدة ما ينفع
المنظمات دي اختوها
لا نثق فيها ولا في عمرو خالد
نثق فقط في حافظ ومحمد زين ونبراس وناصر يوسف وكل سودانيات

أعتقد أن نجاح المشروع مرتبط بالاسراع في تكوين لجنة قيادة-تسيير له . ناس يديروا المشروع و يتخذوا قرارات و يبدأوا التنفيذ قبل أن تفتر همة الناس , و أوافق ناصر في ترشيحه ل:
1- حافظ حسين
2- نبراس السيد الدمرداش
3- د. أحمد محمد زين
4- مهند الخطيب
و أضيف لهم:
5- ناصر يوسف
6 (و كل من لديه استعداد من الاخوة و الاخوات المقيمين بارض الوطن) .

أيضا يستحسن أن يتم تمثيل المغتربين – في لجنة تسيير هذا المشروع – بواسطة بعض ممن يقيموا في بلاد قريبة للوطن كالسعودية و دول الخليج , و أرشح :
7 - شليل – باعتباره صاحب الفكرة و بصفته زول هميم.
8- ممثل لسودانيات (عكود , النور أو طارق) .

أتمني أن يوافق المرشحون فهذا تكليف وليس بتشريف وان كانوا كلهم/ن يتشرف المرء بمعرفتهم/ن – و يمكن أن يضاف لهم كل من يأنس في نفسه الاستعداد .

الأحباب
أمال
عبد المنعم الطيب
حسين عبد الجليل


كيفنكم ونعلكم طيب ياخ ،،

عبد المنعم ،،،

بمثل ما إنتَ بتثق في أخواتك وأخوانك أعضاء سودانيات ،،، بمثل هذه الثقة ،،
يا ريت لو الثقة دي تمتد في مسيرتهم وتديهم ثقة في نفسهم أكتر بإنهم يمشو منظمة مجددون لأجل التفاكر ونقل تجربة تلك المنظمة الرائدة في نفس المجال
وكونوا أختنا الحبيبة ( هذه البنت التي تسد عين الشمش) نبراس ،،، مشت علي منظمة مجددون ،، ما بيعني ده إننا حنكون تحت سقف أو مظلة مجددون ...
أبداً يا أخوي ،،، مجرد معرفة آلية عملهم هو المطلوب
بالنسبة لي أنا شخصياً مثلاً ، دي أول مرة أدخل معترك تنظيم مشروع إنساني من هذا القبيل ،،،
وبمثل ما مشينا لمنظمة مجددون ،،، حأمشي بنفسي للأخ أزهري عباس بالأسكلا كما أوصتني أختي امال برضو لمزيد من نقل التجارب ،،،
واليوم ،، بعد شوية كده ،،، حأرسل للأخ عكود رسالة خاصة للتفاكر حول تجربة ليهم في ذات المجال ،،، لديهم مجموعة كما ذكر هو هنا في هذا البوست تعمل في نفس العمل الإنساني ،،
والإتصال بكل الجهات التي لها تجارب لكي نبدأ من حيث أنتهوا هم ،،،
مع فائق إحترامي ليك ولأمال ودعوتكم بإننا نعمل من خلال تجربتنا نحن اللسة ما بدأت دي ،،، والمسألة برمتها ما بتاخد مننا كثير وقت ،،، شيلوا الصَبُر


وياااا حسين عبد الجليل يا أخوي

ناصــــــــر يوسف ده وعشان يكون مفيد لي آخر المشوار أبعدوه دايماً من حكاية عضو لجنة دي لأنو هو في الأصل ( لُجنَة) ههههههه أنا أشكرك ،، ،، لكني عارف نفسي كويس بإني حأكون مفيد جداً خارج نطاق أكون عضو لجنة

ــــــــــــــــــــ عبد المنعم الطيب حسن

بالنسبة لنطقة الريف الشمالي لمدينة بحري ( واوسيات والوادي الأبيض ودبك والدهم ... إلخ)
أنا عملت إتصالات ببعض الأشخاص منهم بن عمك الصحفي معز ،،، الأسبوع القادم بمشيئة الله حيكون لي لقاء بمديري مدارس الأساس ،،، ونقاشي معاهم حيكون محدد فقط في معرفة كم عدد الأطفال الذين هموا في أمس الحوجة لمد يد العون ،،، وذلك من غير أي وعود لهم بتوفير ساندوتش واااااااااحد
يعني وببساطة حأقول ليهم عندي دراسة لمشروع إنساني لو ربنا سهل للمشروع ده بإنو يقوم علي بركة الله ،،، نحن هنا في الريف الشمالي نكون مستعدين ليه ،،

بالرغم من إنو هذا الريف الشمالي من أكثر المناطق التي تحتاج إلي الدعم ،،،
منطقة واوسي الكبري 8 مدارس لمرحلة الأساس لوحده
الوادي الأبيض والدهم 4 مدارس ،،،

ولحساسية الأمر في تلك المناطق يا عبد المنعم وكما تعرف أنت ،، يجب التعامل مع الأمر بكامل التعقل والتروي ،،،

يا سادة يا كرام ،،، لآآآآآآآآآآآآآآآآآآ قِدَام دام فضلكم

[هيثم علي الشفيع]

المشاركة الأصلية كتبت بواسطة هيثم علي الشفيع

إذ أنني ولظروف متفاوتة لا أستطيع أن ألتزم بالمبلغ المحدد للشير ولنفس الظروف لا أستطيع أن ألتزم أن أكون مع المتطوعين ،............وبالتأكيد -وأظنني لست وحدي- لدي الرغبة الأكيدة للمشاركة في هذا العمل العظيم بما استطيع.......

فما رأيكم دام فضلكم؟؟؟؟؟

المشاركة الأصلية كتبت بواسطة هيثم علي الشفيع

أقترح :

تحديد جهة معينة -وبطريقة معينة "تحويل الرصيد مثلاً"- لإستلام مساهمات غير المضمنين في قوائم "شليل" أعلاه(مادية أو عينية)...

قلت يمكن الناس المعنية بالرد علي في الكلام الفوق دة تكون ما شافتو


فعاوز أذكّر إني منتظر رد
-ما دام ما معاي آخرين-

[بله محمد الفاضل]

مبهج
قيضكم الله للخير
وفتح عليكم




تحياتي واحترامي

[ناصر يوسف]

المشاركة الأصلية كتبت بواسطة هيثم علي الشفيع

قلت يمكن الناس المعنية بالرد علي في الكلام الفوق دة تكون ما شافتو


فعاوز أذكّر إني منتظر رد
-ما دام ما معاي آخرين-

يا هيثم كيفنك ياخي مع توارد الأخبار عن ذلكم الهجوم الذي بجنوب السودان الجديد ؟؟ نعلك وزملاءك طيبين يا أخوي

وياخي كل الناس معنية بالرد علي مداخلتك دي
إنتَ ذااااتك ممكن ترد عليها كمان ،،،
وهي رسالة مقنعة للحد البعيد وواضحة جداً

هيثم يمكنك أن تبعت بمساهمتك قدر ما تقدر ووكت ما تقدر علي جوال أخوك
حافظ حسين ،، ( وما تقول لي هو إعتذر من حكاية معول مالي دي ) ولا علي كيف كيفو ،،، هو المسئول

[الفاتح]

سلام يا شباب..
آسف على التأخر ، لدرشة شغل لم تمهلني طويلا..
نحاول نلخًلص البوست ده في كم نقطه..
* من ناحية تسمية المشروع ماعندي مانع إنو يحل إسم المرحوم خالد الحاج ، أو وجبة إفطار سودانيات ، أو أي مسمًى الناس تتفق عليهو..
* أهم نقطة في تقديري هي الجات بيها العزيزه نبراس حول : الإلتزام.. لمسئوليتنا الأخلاقية أولاً ومسئوليتنا الإجتماعية تجاه أخواننا.. وكلنا مرًينا بالظرف ده ، وعارفين معنى إنو ما تلقى حق الفطور في حين إنو زميلك عندو ، الحاجه البتخلق صدمة نفسية وتعاظم من الصراع الطبقي... فرجاءً يا شباب/ات ، ما تأخروا إرسال المساهمة بتاعتكم.

* يتم الدفع قبل 31 مارس
* باب الشيرنغ حيكون مفتوح ، وفي تقديري إنو عددية الإخوة التنسيقيين كافية ( رايكم شنو في النقطه دي ! )
أي زول مقيم خارج السودان .. يجتهد في إنو يجيب ليينا ناس يساهموا مادياً..

* النقطة التانية المهمه .. الهدوء يا أخواننا.. ما عايزين (شو) وتلميع.. كل ما الواحد قدر يعمل واجبو بدون ما يحسس الناس الحوالينو كلما كان أكتر تصالحا مع نفسو ، ورصيدو الإنساني فووق.

* بالإمكان دفع الإشتراك كل شهر ، أو دفع مقدم 3/6/9/ سنه كل حسب وضعو المالي..
يتم إرسال التحاويل المالية للأخ حافظ حسين (. ما تعمل فيها غمران ).. رقم موبايلو ..249929487608 ، للإتصال من داخل السودان 0929487608
كمسئول مالي.. وهو بدورو يعمل على تكوين لجنة مالية من الإخوة الفي التنسيق ، نبراس السيد الدمرداش
د. أحمد محمد زين
مهند الخطيب
ناصر يوسف

- كمقترح من مداخلات الأخوان/ات-

ويشوفوا الحاجه المناسبه ، عايزين ينزلوا الأداء المالي بتاع كل شهر ويذكروا فيها أسماء الناس العملوا التحاويل - بعد أخذ الإذن منهم- أهلا وسهلاً .. ما عايزين أسماء.. أهلا وسهلاً برضو.. نثق فيكم وفي حضوركم الإنساني..

* ال rate of exchange.. الدولار داٌي الدلجة في السوق الموازي.. أمس كان عامل 5500 ، اليورو ماعندي فكرة..
في حال إنو أخواننا خارج السودان واجهو صعوبة في إرسال تحاويل مالية ، " ناس أمريكا مثلاً " .. ما عندي مانع إنو إستلمها عبر western union exchange ، بشرط إني حأنزًل ال receipt إللي حيتضمًن إسم المرسل ، وفي حالة رفض المرسل وضع إسمو حأشير للحاجه دي..
الوضع ده ممكن يتمرر على كل الأخوان خارج السودان.. وضعت إسمي لتسهيل عملية الحوالات للناس المقيمين بقطر/خارج قطر..
الإسم : الفاتح السعيد .. موبايل 0097455663802..
Elfatih Elsaeed
* النقطة الأشار ليها هيثم.. جديرة بالإحترام.. بإنو قد يقدر يساهم بشكل متقطًع.. فإذا في أخوان/ات بيقدروا إنو يساهموا بشكل متقطًع وما شهري ملتزم يقولوا عووك باللاي.

* وفقاً لتقديرات الزملاء/ات ، وبحجم المشاركين/ات في الشيرنغ الشهري ، الساندويتش حيكون خالي من المحسًنات البديعية ، إلى أن يقضي الله أمراً كان مفعولاً ، ونشوف إمكانية مربى، طحنيه ، أو طعميه.. بس محتاج شوية وكت ، والناس تركز شويًه ، وبعديها من تجارب أخواننا وأخواتنا حنستفيد أكتر.

* يتم تخصيص راتب/نثرية ، للأسر الفقيره الحتقوم بالمشروع ده ، بالتعاون مع الإخوة/ات المتطوعين ، إللي مهامهم ما بتقتصر على خلق صلة بيننا وبينهم ، بل تمتد للتعاون ، وتوزيع وجبة الإفطار ، وتوفير نقل الإفطار ، والتنسيق مع جهات المدارس الإدارية..

* المدارس المعنيه بالمشروع ده ، هي البتقع في الهامش.. إللي بتنعدم فيها البنى التحتيه ، وغالبية طلبتها بيتساووا في إنهم مقشًطين..
كبداية حنبتدي بمدرسة واحده ، يجمع عليها الإخوة في اللجنة التنسيقية ، وبعديها إن شاء الله نحاول نوسًع في مشروعنا..

* يوضع في الإعتبار لاحقاً .. بعد ما نقطع شوط.. ضرورة الإنتباه لمسألة الشرب.. بإعتبار إنو في نماذج لطلبه بيشربوا من موية ما صحيًُه ، من براميل مصدًيه وو.. وذلك بتوفير أزيار ، صهاريج ، أو الحاجه البنتفق عليها..


* يتم الإبتعاد عما يسمًى المحلية ، تجنباً لإنها تطقط حناننًا..

* مجموع الطلبة المستهدفين وفقاً لتقديرات الأخوان/ات ، ورحمة السوق بيتفاوت بين 180 - 200

* في حالة إنو طلعت قروشنا مبروكه ، وواحد مننا طلع فكي.. ومرقنا بفائض شهري.. يتم شراء الإستوك ( فول ، دقيق ، زيت )

* الإخوة الفي الجنة التنسيقية ممكن يمروا على بتعاين الأفران ، وقد نلقى لينا ود حلال يخفض لينا قيمة شوال الرغيف..

* يجب دراسة تجارب الناس السبقونا في التجربة دي ، والإستفادة من خبرتهم
- مداخلة نبراس نموذجاً-

* المتاح حاليا : بحوزة حافظ حسين
300 جنيه من أحد قراء سودانيات و التحية لهذا الصديق اينما كان
500 من أحد أعضاء سودانيات
1000 عضوة من سودانيات رفضت الاشارة لإسمها
وبحوزة ناصر يوسف شوال فول أو ما يعادله.

إتضمًت أخت عزيزة لقروب الشيرنغ ، رفضت ذكر إسمها ، حأشير ليها ب " م ".. وبكده يكون عندنا 22 زول حيلتزم شهريا بدفع 200 ج ، و13 في اللجنة التنسيقية ، وعدد 1 بيلتزم بالمساهمة متى ما سنحت أحوالو المادية

الملتزمين بالمساهمة الشهرية :
1- بدر الطائف
2- البديري
3- نولا
4- طارق صديق
5- ساره
6- عكود
7- خالد الصائغ
8- حسين عبد الجليل
9- ناصر يوسف
10- عبد المنعم الطيب
11- نور العين
12- حافظ حسين
13- مروان هلال
14-سر الختم
15- أحمد محمد زين
16- أميري
17 زول خرافي
18- آمال
19- مرافئ
20- العزيزه (س)
21- العزيزة (م)
21- شليل

المتطوًعين
1- حافظ حسين
2- نبراس
3- والدة نبراس
4- عبد المنعم الطيب
5- ناصر يوسف
6- بدرالدين عبدالباقي
7- رقية عمر
8- توسل نصر الدين
9- أماني حدو
10- السيدة حد الريد (والدة أماني حدو)
11- مني عبداللطيف
12- سميًة آدم
13- سمراء

المشاركين بدفع الشيرنغ بشكل غير منتظم :
1- هيثم

---------
تحية إجلال وإحترام ، للمشاركين من خارج سودانيات..
وتحية إجلال وإحترام لكل من تحفًظ عن ذكر إسمو..
وتحية تقدير وإجلال لكل من شارك في الشغل ده.

[الفاتح]

+ تم إرسال مبلغ 500 ريال سعودي من عضو المنبر أ.ا أي ما يعادل 662 ج سوداني ، سيقوم العزيز ود حليمة بإستلامها..
فله التحيه والتجله.

[هيثم علي الشفيع]

شكراً ناصر
شكراً شليل

وآمل أن أكون عند حسن الظن

ولي قدام يا شباب

[ناصر يوسف]

شكراً شليل
أوفيت وكفيت
متبقي لنا هنا داخل الوطن الجريح أن نلتقي
ربما اليوم سنلتقي لو ربنا أدانا مهلة وكِت

[AMAL]

المشاركة الأصلية كتبت بواسطة خالد الصائغ

تحياتي لكل الأحباب هنا

حا أكون صريح و مباشر و أرجو إنو آمال و عبد المنعم ما يزعلو من كلامي
لأنو في النهاية نحن كلنا هدفنا واحد.

و ده الساتر بتاعي
تحسبا لأي هجمات مرتدة

نبراس كتر خيرا يخوانا بذلت مجهود و اخدت من زمنا و أضافت موجهات حقيقية للمشروع من واقع تجربة مجددون.
ما ممكن يخوانا نجي نحبطا و نقول ليها
مجددون شن نفرم
و لا .. مجددون بتاعت الساعة كم

بعدين معقولة بس يخوانا مجرد ورود اسم عمرو خالد في موضوع مجددون يكون مدعاة لتجاوز تجربتم الممكن تفيدنا كتير.

ما في شي بمنع إنو ناخد من أي تجربة بغض النظر عن صاحبا طالما إنها ممكن تضيف قيمة للمشروع

قليل من البراجماتية الموجبة لا يضير يا أحباب


معزتي و كامل تقديري

ياخالد ماتدرق ياخ
دا كان سؤال في شكل استنكار
واوعدك مابتشوف مني اي شر في البوست دا
غادي امكن واظن
اما هذه البنية البتفتح الروح ضلفتين نيبو النبراس
فلمثلها ترفع القبعات مافي زيها اتنين
لي قدام شباب
والالتزام ثم الالتزام

[ناصر يوسف]

اليوم سيكون لنا إجتماع بمشيئة الله

نبراس
مهند
حافظ
احمد
ناصر

توقعوا نتيجة الإجتماع

ولآآآآآآآ قِدام

[الفاتح]

ممتاز يا ناصر ، ورونا أجندة الإجتماع ، والقرارات الوصلتو ليها شنو ، وتوزيع التكاليف..
تحياتي يا هيثم ، آمال.

[سارة]

عاليا

[البديري]

السلام عليكم ياهل المحبة والخير

عاوز انوية لحاجة بسيطة يا شباب

قبل عدتة ايام بل حوالى اسبوعين تقريبا كنت فى اتصال مع حبيبنا حافظ حسين وطلبت منة فى حينها ان يرسل اسمو بلانجليزى كما فى بطاقتة ولكن " العفين " اتجنن فى ينى وقعد يكورك ويشلت بل انو شاكلنى عديل كدا قرب يدقنى ٠٠ شابكنى انا وانا وانا ٠٠ طبعا فى سرى طوالى لصقت ليهو (النينى اليهردك)

المهم ; اتمنى من حافظ ان يرسل لى اسمو رباعى
ومعى ايضا مساهمة من شخص آخر
حافظ ٠٠ كتبت هنا فى العام عشان لو رافض ادينى اسم شخص آخر
وباذن الله سيتم ارسالة بعد عدة ايام لانى فى سفر الان ولمن ارجع سيتم التحويل ان شاءالله
حتى دخول النت فى الحتة المتواجد فيها فى تلتلة

لكم خالص التقدير والاحترام
31-03-2012 طبعا دا تاريخ الالتزام

[سارة]

المشاركة الأصلية كتبت بواسطة البديري

السلام عليكم ياهل المحبة والخير

عاوز انوية لحاجة بسيطة يا شباب

قبل عدتة ايام بل حوالى اسبوعين تقريبا كنت فى اتصال مع حبيبنا حافظ حسين وطلبت منة فى حينها ان يرسل اسمو بلانجليزى كما فى بطاقتة ولكن " العفين " اتجنن فى ينى وقعد يكورك ويشلت بل انو شاكلنى عديل كدا قرب يدقنى ٠٠ شابكنى انا وانا وانا ٠٠ طبعا فى سرى طوالى لصقت ليهو (النينى اليهردك)

المهم ; اتمنى من حافظ ان يرسل لى اسمو رباعى
ومعى ايضا مساهمة من شخص آخر
حافظ ٠٠ كتبت هنا فى العام عشان لو رافض ادينى اسم شخص آخر
وباذن الله سيتم ارسالة بعد عدة ايام لانى فى سفر الان ولمن ارجع سيتم التحويل ان شاءالله
حتى دخول النت فى الحتة المتواجد فيها فى تلتلة

لكم خالص التقدير والاحترام
31-03-2012 طبعا دا تاريخ الالتزام

يا بديرى دا اصلو جرنيتر
انا بديك معلومات كيف ترسل

لما تلقى نت راجع الخاص

دا مطوفش