اقتباس:
المشاركة الأصلية كتبت بواسطة سارة
مهند الخطيب تشرفنا
انت قلت .
ياخ انا رايى سارة انه خصوم الانقاذ حسب وجهه نظرى بيستحقوا الشتائم
بس كدى قول لى انا شتمتهم وين عشان الموضوع يبقى واضح
ثانيا قلت
دا رايك انت لكن منو القال ليك انا موافقة على رايك دا؟؟
دا منبر للحوار ان اطلق احكامى بالطريقة التى اراها وانت ليك حق الرد
يبقى المشكلة وين؟؟
اولا لا اريد ان اسالكم من انتم فاكيد انت مفوض تتكلم بلسان جماعة
وان كنت لا اعرف من هم لكن ليس مهما عندى انا لو قلت عندى راى سالب
فى المجموعات التى ذكرتها انا سابقا هذا لا يعنى بالضرورة الدعوة لكم(انت ومن تتكلم بلسانهم) ان تكونوا انقاذيين اما الديمقراطيين الذين اعنى هم عارفين روحهم
بس مكابرين
بوالمناسبة اعتذر لو وصلك فهم انا بقصى المجموعات ديل انا بس قلت
الثورة مستمرة ولما سالتنى العزيزة امال ياتو ثورة وريتها انا قاصدة منو
يعنى انا ما اقصيت حد وقع ليك كلامى
|
والله ياسارة الدنيا دي مافوقا زول بيستحق الشتائم أو الاساءة ......
والاستهزاء واضح لكن هو استهزاء بقيم ناس بتهمهم حتى لو حضرتكم مابتؤمنوا بيها ، شنو الديمقراطيين الجدد وابشري بطول سلامة ياانقاذ؟
الانقاذ دي الآن بتستمد جزء من وقودا من المبرراتية والمنبذاتية ، ورغم انو المجال مامجال ولا مفترع الحديث عن خيبات المعارضة الا ماعندي مانع نمشي بوست نشوف خيباتم ، ونشوف معاها مدى فلاحة الانقاذ ....
انت لو دايراني انكت ليك شتيمة على شاكلة كلب، حمار ، حيوان وكده فده بيكون من رقة العقل بمكان لكن تعميم سخطك الخاص على قوم فيهم من يناضل الآن أو يعمل (وده اضعف الايمان) على ازالة او اضعاف هذا النظام الكريه الظالم المسمى بالانقاذ ، هو تعميم مخل واخير منو اشتميهم بي كلب، حيوان ... واهو انت قلت عادي بستحقوا الشتيمة.... وعجبي ...
ورأيي في الديمقراطية الماموافقة عليهو ده انها منهاج سامي وراقي لتداول الحكم ماعندي فيهو راي من حقك ، لكن وريني المنهاج السامي شنو يمكن أؤمن بيهو واكون شايف وفاهم غلط ....
وحنك انو انت مفوض وبتتكلم باسم منو ده حنك عاضي منك ياسارة ، لو تابعتو بقول ليك انت زاتك الفوضك تتكلمي باسم الانقاذ والديكتاتورية الشمولية منو...؟؟
انا ياستي بتكلم عن البنتمي ليهو وانت جيتي تفهتيهو بكل بساطة ....
بتكلم عن الديمقراطيين الجدد ، والليبراليين اللي على كيف كيفك .....
وبرضو بالمناسبة اعتذارك مقبول ياسارة لانك فعلا اقصيتي المسميين ديمقراطيين جدد ......
تاني احتماااال اجي ....
