شخصيات خيالية ام حقيقة

[رأفت ميلاد]

المشاركة الأصلية كتبت بواسطة أبو دعد
كثير من الاسماء اتبطت بأمثلة سودانية حتى اصبحت تشكل مكون ثقافى لا فكاك منه
فهل هذه الشخصيات حقيقية ام خيالية؟
و هل بالإمكان التوثيق للقصص التى انتجت الامثال المتداولة ؟
ومن هذه الاسماء
الطريفى ...ز(فراق الطريفى لى جملو )
حماد ....(الخيل تجقلب و الشكر لى حماد)
الجنيد....(الجمل مات و الجنيد سعى فى الفارغة )
طه....(لحق امات طه)
عامر... (قميص عامر)

غايتو الطريفى وعامر شخصيات حقيقية .. وقصصم سمعتها هنا .. الله يخليهو شوقى بدرى ..

تعرف يا أبو دعد زمان كان فى برنامج ظريف بقدمو الفكى عبد الرحمن .. بسأل الحضور عن هكذا أمثال .. قام سأل عن قصة أمات طه دى .. مافى زول جاوب .. قام شاب أتشجع ورفع يدو وقال (والله ما عارف قصة المثل .. لكن أتخيل لى طه ده كما فى المستشفى .. قامن خالاتو وعماتو وكل نسوان الحلة أجرن لورى عشان يزورنو .. قام اللورى أنقلب بيهن وماتن على بكرت أبيهن) .. الفكى عبدالرحمن قال ليهو (بينى وبينك أنا زاتى ماعارف .. لكن طالما أنت الوحيد الأفتيت ليك الجايزة)

غايتو شوقى بدرى كان سخى لينا بجيب الرليحة .. لكن الجنيد بتاع الفارغة ده منو