اقتباس:
المشاركة الأصلية كتبت بواسطة بابكر عباس
بات واضحا سقوط النظام خلال شهور قليلة
أُرجح منتصف مارس
|
يا بابكر عمر بشير الكضاب دا ، انا قاعد اصدقه لمن يقول حنمزق فاتورة
القمح وحنمزق فاتورة السكر..... دا السودان مزقه مش شوية فواتير.
----
زمان بعد ما يسمى بالتحرير الاقتصادى بتاع عبد الرحيم حمدى ، التقيت
ببعض الكيزان الكبار وسألتهم عن دور الدولة تجاه المواطن كتوفير الطعام
والعلاج فقط لغير المستطيع، فرد علي احدهم بانهم يعرفون ان الشعب
كله مستهبلين وكل بيت بيكون فيه واحد مغترب ومفروض يأكِل اهل بيته
وجيرانه الماعندهم مغترب....اما البيت المافيهو مغترب وجاره كمان
ما مغترب فديل ما عندنا بيه شغلة.الزول القال الكلام دا لسع قاعد
متحكر مع عمر بشير وفى المقابلة الفوق دى قال ما حيتخلى عنه.
هسع يا بابكر انت مفروض تتكفل ب ٨ بيوت وتمزق فاتورة اى توفير
للمستقبل واوعك تقفل على منتصف مارس .
