راكوبة المجادعات.. النمة والدوباي

[مي هاشم]

المشاركة الأصلية كتبت بواسطة عبده سعد

ياكنديك شوفو جيجى من شكرى كيفن غايرة.
ويامى لوبقيتى من الوصوف جد حايرة.
كلمى ناس تماضر وفق الطقوس السايرة.
خليهون يطرزو درر الحروف الطايرة .

جيجي راقدالا فوق راياً أظن مو هيّن
لا دارت الشّكُر لا الرّيد الشفيف وحنيّن
عاد شِن ننضم في الدنيا ام قدود ونبيّن
كان ما الناس والغرام والله عمرنا مطيّن

[مي هاشم]

المشاركة الأصلية كتبت بواسطة تماضر حمزة

شراب البن غرامو وليّ محال يتنّن
قطّاع معصم الليد الصباعا محنّن
مابنساهو هن مت بي وراو واتجنّن
الأمياقو رامحة وسام سهمها مسنّن

البن يا بنيّة بدورلو قعده مهيله
فيها الريد دفيق والونسة رااقده بهيله
والقهوة ام عروق ساهل سريع تشهيلا
ومن جمر الوداد نسكُت نكِب ونهيلا

[مي هاشم]

المشاركة الأصلية كتبت بواسطة تماضر حمزة

مابقيسوهو بالدهب أب عيار معروف
الزول السماحو من الجنان مغروف
طلة وشو ياخلّاي بتملا الشوف
ومابوفيهو دوبيت هن مليتو حروف

ما بقيسوهو بالدّب المجمّر وصافي
الزول السّمح حارت معاو أوصافي
ظالم قلبي مانع الوصال إنصافي
ساقيني السّهاد إن جافي ولاّ مصافي

[مي هاشم]

المشاركة الأصلية كتبت بواسطة تماضر حمزة

أياود الشمس أنا قلبي فيك اتهوّر
نمّ مع العشق شقّق وريدو وعوّر
الصاغ وجهك قمر بي سبعتين و اتدوّر
الليل بي وراي وشّك صباحي ال نوّر

وشن همّاهو إن قلبي الرّهيف اتعوّر ؟
أو جرحي المنوسر في الغرام اتوّر ؟
الزول القبيل سارق عقلي فوقو اتسوّر
فقّدني المنطق بقيت براي وادوّر

[مي هاشم]

المشاركة الأصلية كتبت بواسطة طارق صديق كانديك

أبطيت في النضم وحروفي يوت سكرانة
ربيع القامة في تنياتو الرويح ودرانة
الحارق الحشا وناقز القليب كالــزانة
داغساها العيون وفي البسمة كل نيرانا

ماك البطي وفارس الحروف والنّمّـة
وجيْـتَك يا الرزين والله غالية مهمّـة
في وكر الشِّعِر جيتني وردودي مُسِمّـة
ما بتقدر عليها أخيرلك أمِش انجمّ

[طارق صديق كانديك]

المشاركة الأصلية كتبت بواسطة مي هاشم

ماك البطي وفارس الحروف والنّمّـة
وجيْـتَك يا الرزين والله غالية مهمّـة
في وكر الشِّعِر جيتني وردودي مُسِمّـة
ما بتقدر عليها أخيرلك أمِش انجمّ

زازيت بالنضم .. أفتح مكان الضًمة
ومن سهري العلي ناجيتو كاشف الغُمة
خالف الكية قال قولا كما ذي الرِمة*
لـفلف للفــؤاد لـِفـليف كـمال للـعِمة **

* الشاعر الاموي (ذو الرمة)
** كمال ترباس

[طارق صديق كانديك]

المشاركة الأصلية كتبت بواسطة عبده سعد

كانديك ناس تماضر (مىِ ) بدور تعريف .
وقولون كلو واضح ناعم لذيذ و لطيف.
الحازقات حروفن فى جودة التوصيف .
زى ضو (البدور ) فى ليالى الصيف .

قولك في الشعر موزون يعدل الكيف
مامقطوع جذور مطرا تقيل وخريف
الخلاني فوق مسداري ابطي اقيف
فاقد شوفة الظبية الحديثا هـفـيف



* الفكا دينو نامت عينو

[طارق صديق كانديك]

المشاركة الأصلية كتبت بواسطة مي هاشم

شِلت الليل أنين جفـّن معاهو حلوقي
زي فرخ القماري اصبَحْ برايا أقوقي
الخلاّ الغرام وهمومو تنلم فوقي
سمح الطلّة باهي الحُلّة مالي فروقي

الزول في الانين وجعوا العليهو بخبرو
كاسر ل الضلع كسرا يغالبو يجبرو
الشال المنام وبدل صفاي بي كدرو
موزون بالدهب وزنا مخالف عبرو

[مي هاشم]

المشاركة الأصلية كتبت بواسطة طارق صديق كانديك

زازيت بالنضم .. أفتح مكان الضًمة
ومن سهري العلي ناجيتو كاشف الغُمة
خالف الكية قال قولا كما ذي الرِمة*
لـفلف للفــؤاد لـِفـليف كـمال للـعِمة **

* الشاعر الاموي (ذو الرمة)
** كمال ترباس

الحالة دي مزازاة ساي gap

والله يا كانديك يا اخوي ..الشّي بدورلو أكتر من اللّبن..كدي النّشرب وأجيك

[تماضر حمزة]

ياميّ وتارق وعبده،
انا والله الشهر دا زنقة، زنقة
مامرّت عليّ قبال كدا


لكن بفضى ليكم
وبوريكم

[حجة امنة]

خليتكن لي الله يا تماضر و مي

ماشاء الله تبارك الله
ماشاء الله تبارك الله

طبعاً الغيرغان كتلني عديييييييل gap

لكين و اللهي انا زمان لمن كنت طويلة القامة و بكتب شعر
حاولت أكتب مسادير و النصيحة ليك يا الله
فشلتا gap
المهم
حسع زي البنات الفالحات تشيلن البوستي دا صُرة في خيت للويرد يا قول ناصر يوسف
لانو لو المنتدى دا لا قدر الله حصل ليو شي(أوووخ تووووووف)
لو حصل شي ، أمانة ما سجمي انا شخصياً

يا شباب المسادير و عنهم طارق إتو زاتكم خليتكم لي الله gap



أحي انا من حب المشاركة ياخ
انا الحشرني هنا شنو

[مي هاشم]

المشاركة الأصلية كتبت بواسطة تماضر حمزة

ياميّ وتارق وعبده،
انا والله الشهر دا زنقة، زنقة
مامرّت عليّ قبال كدا


لكن بفضى ليكم
وبوريكم

أجود الشِّعر أزنقـُه ..

بتاع الزنقة ده بكون زيتو طالع معاك ..

في رجاك يا تماضر..

[مي هاشم]

المشاركة الأصلية كتبت بواسطة حجة امنة

خليتكن لي الله يا تماضر و مي

ماشاء الله تبارك الله
ماشاء الله تبارك الله

طبعاً الغيرغان كتلني عديييييييل gap

لكين و اللهي انا زمان لمن كنت طويلة القامة و بكتب شعر
حاولت أكتب مسادير و النصيحة ليك يا الله
فشلتا gap
المهم
حسع زي البنات الفالحات تشيلن البوستي دا صُرة في خيت للويرد يا قول ناصر يوسف
لانو لو المنتدى دا لا قدر الله حصل ليو شي(أوووخ تووووووف)
لو حصل شي ، أمانة ما سجمي انا شخصياً

يا شباب المسادير و عنهم طارق إتو زاتكم خليتكم لي الله gap



أحي انا من حب المشاركة ياخ
انا الحشرني هنا شنو

أخير من الله مافي يا زوزانا


وانا غرغرينا الرسايل حقتك قطعت قلبي عدييييييلgap

ياخ ما تعملي لينا لمن كنت طويلة القامة وهناي..مالك ؟ كشّيتي هسي؟؟
أكتبي ساي ..بجي بجي بجي gap

دي مالها ما نفس فكرة الأوخ توف؟؟ بس بي روج طبعاً

فشلك ده أثبتيه هنا عشان أصدقك

خسّمتك .. كان تكتبي ..

[علاءالدين عبدالله الاحمر]

المشاركة الأصلية كتبت بواسطة طارق صديق كانديك

الزول في الانين وجعوا العليهو بخبرو
كاسر ل الضلع كسرا يغالبو يجبرو
الشال المنام وبدل صفاي بي كدرو
موزون بالدهب وزنا مخالف عبرو

يأخي عوق بحيل
سوات شوقي ليك الكية
ما خابرك تغيب
وقدت فيني الحية
شلت جوف السؤال
عنك دوام يا خية
عنك بطيب وبخير
مافيك غمة برية

[طارق صديق كانديك]

وقت الليل برد شلعن بروق عينيها
خفسن للـفـؤاد هزنوا قـام بـاريها
العتمة أم سواد بي بسمتو مضويها
أنفاسو المسك أنا في المنام ناديها


أصبح كالغريق لي شوفتو النفس تتشابا
غرزت في القليب سهمأ سنين نشابا
الخلا الارض تضحك تزيد أعشابا
لمعان السنون والبسمة جات خاشابا


بالوصف العديل كل صورة ليها معاني
ما بقدر أبوح بي ريدو مهما أذاني
الزول المليح في طلتو الكاتلاني
شال كل الفؤاد وعيونو شيتن تاني