من سحّــارة ذكريــات البلــد (5) - وعن أم عشّي أحكـي - الصفحة 4

عكــود · 22-09-2012, 04:21 PM

اقتباس:

المشاركة الأصلية كتبت بواسطة عبدالمنعم الطيب حسن

شكرا عكود
شكرا للمتعة ياخ
عارف ام العشي دي بتهرول ليه ...
ياخ الناس كلهم بتمسكوا بيها لانسانيتها
وهي تجامل وتقعد
وُتْوِنِس
وعند الخروج يكون الزمن قد ازف
فتهرول لتلحق اخرين غير الخدمة دايرين الونسة ،
تنسرب مهرولة وان ما زالت ريحة قُنانة اللِّبا
واريجها يملآن المكان

يا سلام عليها
وسلام عليها وعليك ...

سلام يا عبدالمنعم،

أم عشّي تهرول بين صفا الجد ومروة الإجتهاد، وكأنّها كانت تعلم أنّ تلك الهرولة ستنقطع قريباً؛ لذا فقد أخلصت فيها وأجزلت عطاء المحبّة.

ليك السلام والتحايا.

عكــود · 22-09-2012, 04:25 PM

اقتباس:

المشاركة الأصلية كتبت بواسطة وجدي الأسعد الأسعد

كتابة زي ارجاع السريحة في فجتها
والحبيبة قاعدة قدامك تقشر ليك في ابتسامتها وتحشرها ليك في ميتين ابو قلبك زاتو

^ــــــ^

سلام يا وجدي،

دحين كدي ما عصرت على الضُفُر شويي؟

يوعدك الله بتقشير الإبتسامات.

شاكر جميل كلماتك / تشبيهاتك في حق أم عشّي.

تسلم ياخي.

جيجي · 22-09-2012, 04:27 PM

والروح تروح في سحارتك دي..مامشكلة
المهم ان تعبى بازيز الانسانية تلك حد الاهتزاز
ياعمدة الجمال
دوما نشرب عندك نخب الانسان البكر

عكــود · 22-09-2012, 04:28 PM

اقتباس:

المشاركة الأصلية كتبت بواسطة الجيلى أحمد

ياسلام عليها ياأخى,
دا الحكى البخلى الواحد يحس بانو بعرف الناس وعايش معاهم..
_________
حافظ انشاء لايفوت لايموت

شكرآ ياعكود على متعة هذا المساء

سلام يا جيلي الله،

لو ما اقتبست المقطع الإقتبستو ده؛ ما تكون زولي البعرفو!
أم عشّي إنسان حقيقي بكل ما تحمل الكلمة وبكل عنفوان الإنسانيّة.

والشكر ليك على اللطف.

اقتباس:

المشاركة الأصلية كتبت بواسطة الجيلى أحمد

وجدى الاسعد,
يازول ماتداقر لى فى اى فجة أمشى فيها

شايف المحبة دي كيف؟

عكــود · 22-09-2012, 04:32 PM

اقتباس:

المشاركة الأصلية كتبت بواسطة جيجي

والروح تروح في سحارتك دي..مامشكلة
المهم ان تعبى بازيز الانسانية تلك حد الاهتزاز
ياعمدة الجمال
دوما نشرب عندك نخب الانسان البكر

سلام يا جيجي ويا سلام،

قلتي "الإنسان البكر؟"
ده أجمل وصف ممكن يتّصف بيهو "إنسان".

عنهم؛
الله يجبر بخاطرك، و

كل الشكر.

أسعد · 22-09-2012, 04:50 PM

اقتباس:

المشاركة الأصلية كتبت بواسطة عكــود

دحين كدي ما عصرت على الضُفُر شويي؟

لووووووول
يا منقة كدة عاين لنص الكباية المليان ياخ
عشان حبيبة تقشر ليك ابتسامتها ممكن تعصر علي الضفر وعلي البنكرياس زاتو
المهم القلب ياخ

اقتباس:

شايف المحبة دي كيف؟

وديك زاتها محبة ياااااخ
بس طلعت بالشقلوب
شوفت كيف يا جيلي القوم ^ــــــ^

عكــود · 22-09-2012, 04:53 PM

اقتباس:

المشاركة الأصلية كتبت بواسطة وجدي الأسعد الأسعد

لووووووول
يا منقة كدة عاين لنص الكباية المليان ياخ
عشان حبيبة تقشر ليك ابتسامتها ممكن تعصر علي الضفر وعلي البنكرياس زاتو
المهم القلب ياخ

وديك زاتها محبة ياااااخ
بس طلعت بالشقلوب
شوفت كيف يا جيلي القوم ^ــــــ^

سلام وجدي،

الأولى أنا قبلتها تب!

والتانية بنسميها باص،
لأنو قبول الجيلي.

شفق المغارب · 05-11-2012, 05:08 PM

عكود يا حبيب..
والله بالغت!!
و بالغت!!
ثم بالغت!!
بالغت فيي..
عندما تركتني أتخبط بين حسرتي لرؤيتي المُتأخرة لبوست "أم عشّي"..
وبين ذوباني في جميل وصفك لأم عشي.. التي يطول وصفها على الواصف..
وبين فرحي بإحساس المُتداخلين الكرام لدواخل أم عشي..

وبين تخبطي بين كل هذه المشاعر..
لي أحرف..
و أحرف عن أم عشي..
ولي عودات كُثر..
إن ظلّ في العمر بقية..

عكود حبيبي..
والله بالغت!!!

شفق المغارب · 05-11-2012, 05:33 PM

علاقة أم عشّي ببيتنا أيها الأكارم..
تختلف عن علاقتها بسائر بيوت القرية..
و علاقة أم عشّي بأمي آمنة..
تختلف عن علاقتها بكل سكان الأرض!!
فهي تحمل لبيتنا وداً خاصاً..
و تحمل لأمي آمنة حُبا يفوق أي وصف مهما كانت بلاغته..

تجد أم عشي صعوبةً في نطق إسمي! لا أدري لِمَ!!
فهي لم تناديني ب "إيمان" قط!!
بل تكتفي بأن تُخاطبني ب "بت أسامة".
و علما بأنها على دراية سيكولوجية كاملة بكل أفراد المنزل..
فهي تُلخص كلاً منهم بجمل مُعينة..
فهي مثلاً تصفني دوماٍ قائلة:
"بت أسامة بتريت النضافة ريييييييت.. يا أمها آمني زاتا.. عِلّي بت أسامة حارة"!!
علماً بأنها تنطق حرف الدال تاءاً في كثير من الأحيان..
و علماً كذلك بأنها ترى أن أمها آمني أكثر أهل الأرض حُلماً.. "وقد صدقت في ذلك"

عن أم عشي..
لا بدّ أن أحكي..
و أحكي..
إن طاوعني الحرف في وصف سماحة دواخلها..
في سخيّ ابتسامتها..
و طائية عينها في تجسيد المحبة..
و بذخهما في ذرف الدموع..
حيث بأمكانهما دخول موسوعة غينس للأرقام القياسية في ذرف الدموع بلا منافس..

فطاوعني يا حرف ولا تبخل..
فنحن في حضرة أم عشي..

22-09-2012, 04:27 PM	#[48]
جيجي :: كــاتب نشــط::	والروح تروح في سحارتك دي..مامشكلة المهم ان تعبى بازيز الانسانية تلك حد الاهتزاز ياعمدة الجمال دوما نشرب عندك نخب الانسان البكر
جيجي :: كــاتب نشــط::

05-11-2012, 05:08 PM	#[53]
شفق المغارب :: كــاتب نشــط::	عكود يا حبيب.. والله بالغت!! و بالغت!! ثم بالغت!! بالغت فيي.. عندما تركتني أتخبط بين حسرتي لرؤيتي المُتأخرة لبوست "أم عشّي".. وبين ذوباني في جميل وصفك لأم عشي.. التي يطول وصفها على الواصف.. وبين فرحي بإحساس المُتداخلين الكرام لدواخل أم عشي.. وبين تخبطي بين كل هذه المشاعر.. لي أحرف.. و أحرف عن أم عشي.. ولي عودات كُثر.. إن ظلّ في العمر بقية.. عكود حبيبي.. والله بالغت!!!
شفق المغارب :: كــاتب نشــط::

05-11-2012, 05:33 PM	#[54]
شفق المغارب :: كــاتب نشــط::	علاقة أم عشّي ببيتنا أيها الأكارم.. تختلف عن علاقتها بسائر بيوت القرية.. و علاقة أم عشّي بأمي آمنة.. تختلف عن علاقتها بكل سكان الأرض!! فهي تحمل لبيتنا وداً خاصاً.. و تحمل لأمي آمنة حُبا يفوق أي وصف مهما كانت بلاغته.. تجد أم عشي صعوبةً في نطق إسمي! لا أدري لِمَ!! فهي لم تناديني ب "إيمان" قط!! بل تكتفي بأن تُخاطبني ب "بت أسامة". و علما بأنها على دراية سيكولوجية كاملة بكل أفراد المنزل.. فهي تُلخص كلاً منهم بجمل مُعينة.. فهي مثلاً تصفني دوماٍ قائلة: "بت أسامة بتريت النضافة ريييييييت.. يا أمها آمني زاتا.. عِلّي بت أسامة حارة"!! علماً بأنها تنطق حرف الدال تاءاً في كثير من الأحيان.. و علماً كذلك بأنها ترى أن أمها آمني أكثر أهل الأرض حُلماً.. "وقد صدقت في ذلك" عن أم عشي.. لا بدّ أن أحكي.. و أحكي.. إن طاوعني الحرف في وصف سماحة دواخلها.. في سخيّ ابتسامتها.. و طائية عينها في تجسيد المحبة.. و بذخهما في ذرف الدموع.. حيث بأمكانهما دخول موسوعة غينس للأرقام القياسية في ذرف الدموع بلا منافس.. فطاوعني يا حرف ولا تبخل.. فنحن في حضرة أم عشي..
شفق المغارب :: كــاتب نشــط::