حميد قصائد وقصائد

[tahmoi]

بسمك اللهم

زرازير البلد / حميد





انت ليش داوش الشدر

خسران لطلقة
من زيرزيراً قدير دا

ايش ماشي تلقى؟!

لا ببشبع شية

لا مفروك بيبقي

لا كبدة نية لا في عضيمو سلقة

[rams]http://sudanyat.org/vb/uploaded/2703_1348471393.mp3[/rams]

http://sudanyat.org/vb/uploaded/2703_1348471393.mp3



[rams]http://www.mosawiland.com/upload/zrazer.mp3[/rams]

[tahmoi]

بسمك اللهم



القصيدة لدي محمد الحسن حسن سالم متجددة لاتنتهي

ولعل بعض النصوص التي سمعناها وعرفنا وحفظاها جميعا لها

وجوه لا يعرفها الا قليل منا من هذه النصوص نص

صيد العصافير والذي انتهي الي ما نعرفه بأسم زرارير البلد

والذى نشر بيدوان أرضا سلاح


صيد العصافير

[rams]http://www.mosawiland.com/upload/Said.mp3[/rams]

[tahmoi]

بسمك اللهم

حسن كلمون / زرازير البلد

[rams]http://www.mosawiland.com/upload/Hassan%20k.mp3[/rams]

نواصل

[tahmoi]

بسمك اللهم

باسم الحاضر والمستقبل
ست الدار بت أحمد تكتب
ليك يا الزين ود حامد شوقنا
أما بعد المبعوتة المنك وصلت
ورح فكيت الطلب الفوقنا
وباقي الدين يا الزين خلصتو
وقدر الفاضل مصروف راشد والتومات
والجايات من جاي لي جاي
وزي ما قتلك قبال دا شهر أتنين
حا نطهر راشد شهر إتنين المدرسة تجز
الله يبعد العارضي تجينا
وراشد حالف ما يطهر
إلا أبوه وعمتو تحضر
وإلا يجيبو الغنايين شان
الشوق بت سرنا ترقص
قتلو نجيب المداحين طن طن
أنا جاي من الحج ؟
وعارف راشد لما يطنطن
كالدنيا الفي تطنطن
غايتو بشر بس ربو يهون
ربو يهون ،،،،،،،،،،
وما كلمتك بالتومات أول البارح
جني يرطنن قالن نحنا الخواجات
إتبسملت مرق حصلت
لقيتلك جعفر زارد البيت بالخواجات
يبقى حداشر وخواجية
ناس البلد الكسروا عليهن
صدوا يقلبو في إيدهن
عدمانين من أسم حكيم
واللا خبيرا للمشروع
علماء آثار فضلت في آثار
ما خموها الجونا قبلكن شن
خلولنا بلا حجار الله يصرف الخواجات
في الله يصرف الخواجات
بينات جعفر والمحجوب
والمحجوب والخواجات
طقت حجي العمدة طفاها
باقي الناس الجات للفرجي
قنبو قيلو شبعو لحوم
والخواجي يصور ساكت
صوروا بت الجنفاوي
طالعي تكسر في الواقود
شافع الحلب أبو ضلعا بره
إيدو تدمم وجارلو عود
والخواجي الكلو لقود
وكنا نصور في البوبار
ويا بوبار العمدة وبزخو
ست خرفن وتيس وإنسلخو
ست خرفن وفي فد يوم
المعدوم أشكال وألوان
أي خدار في اليوم داك في
كملن رف كمين دكان
صاطو السكر شوالين
يا سوق أسود جات من وين
لولا اللعب الفي التموين
والتموين أحزان ما كفن
تالتت جدك عالم الله
إلا الجاها من الجيران
وبعض الناس درشوا الكرملة
الناس في الفيها
قمار بي جيها وطار بي جيها
ومره يدعن ومره نديها
وكان أول يوم في عمر الزاوية
إنو تقيل دون آذان وإنو الناس
ما صلوا جماعة الناس في الفيها
البيت غنمو القوى يوم داك
الرفض الطاعة البقى ينكرفن
وكل راس ساعة تخش صينية
وراء صينية وراء صينية
أول كفوا الخواجات الترجامة
وناس أغراب جيش المجلس
والمشروع عقب الطلبة
وباقي الناس حتى الشفع والحروم
الناس في الفيها
قمار بي جيها وطار بي جيها
ومره يدعن ومره نديها
الناس في الفيها
الدهشان حدر طاقيتو
شان خواجي أداهو سجارة
ود الخير ودر يوميتو
وشوق شدتلها ست جرارة
شيخنا محمد قالب حسو
طه مكفكف وحازم نصو
وموسى الفطقة مودر شبطو
وفطت عكفة مع الخواجة
الخواجة يقوم عكفة يصفق
يقعد عكفة يصفق يرطن يسكت
طق طق عكفة يصفق قام العمدة
وشيهو أتغير حمر فيهو
عيونو وطير صفق
عكفة العمدة أتحير
وشيخ عثمان ينقدف
وكان أول يوم في عمر الزاوية
إنو تقيل دون آذان وإنو الناس
ما صلوا جماعة
وكل الدنيا مدودي ملاري
أي بشر يخدم صايداه
خلق الله طول ليلا تساري
حمى الشارع من تبداء
من راس داك تلب فوق دا
المستشفى زيارتك زفة
الإهمال وبعوضة تنقد
رقد خرج خرج رقد
خمس حقن بندول ودرب
وباكر ترجع طب ما طب
حمى غريبة الأغرب وين
قامت ندوة قبل يومين
وكان يا الزين راي ناس الدين
إنوقدر مكتوب ويصيب
قلنا سمح نطرأ الله يختانا قريب
قالوا أكلوا ذبيب
بيض كبدة حليب
قالوا أكلوا التين
أكلوا الزيتون أشربوا عرديب
وكل الحسبوك باكر جلبوك
جابوك من وين من وين جابوك
شوف عينا التين شوفنا الزيتون
كرتون كرتون زي طور سنين
علب البف باف أصناف أصناف
والمطعم جيب بيض كبدة حليب
جنس أساليب جنس ألاعيب
وبعدين يا الزين يا الزين
لمتين لإف قريش
تملانا هريتي بنوك العيش
تنفضنا فقر ندقس شقيش
بيغادي كتر وبي جاي الديش
معقول دا قدر معقول دا الدين
صلوا مصلين ذكوا مذكين
أصبروا صابرين
قصرنا في إيش يا الزين
معليش ،، معليش ،، معليش
يا الزين أنا أقول
قول بت حمدين
يوم لقت القش مسروق حوضين
قالولا قدر يا حاجة أراد
غامتالا قدر هاجة يا ولاد
أيوه الله أراد نعم إحنا عباد
لكن دا أتر يبقى الله بشر
ما ما معقول شايلالي يمين
لا مع الله في زول
والزول بيبين لا بد بيبين
بيبين يا الزين
ما أتونسنا معاك يا الزين
كيف أخبار المغتربين
المدة آ الزين طالت مالا
سلِّم لينا على العذابة
وأي إنسان النار صالا
من سور كوبر ولي شالا
قلوا صحانتك بكرة تفت
هي يا الزين زغرد ما قتلك
بت تامزين جابتلها بت
ست قصاف حتان البت
وأخدو نورا الحاج بالدق
وباكر دور ما خش عليها
نورا القنا تكون دكتورة
نورا ،،، دموعة
يسوِّن طق ،، طق ،،،طق

[tahmoi]

بسمك اللهم

البنطون صدوبو الورشة
العمال سوولن دوشة
هو البنطون يتصلح ليه
المعدى الكان طرادة بي الفيلوكة الليلة جنيه

***** ***** *****

معليش ،، معليش ،، معليش
يا الزين أنا أقول
قول بت حمدين
يوم لقت القش مسروق حوضين
قالولا قدر يا حاجة أراد
غامتالا قدر هاجة يا ولاد
أيوه الله أراد نعم إحنا عباد
لكن دا أتر يبقى الله بشر
ما ما معقول شايلالي يمين
لا مع الله في زول
والزول بيبين لا بد بيبين
بيبين يا الزين

[tahmoi]

بسمك اللهم


حسن كلمون / جزء من ست الدار غناء


[rams]http://www.mosawiland.com/upload/arad.mp3[/rams]

[مهند الخطيب]

انزف يامعز وامنحنا الحياة من نظم هذا الرجل .....

لله در هذا الرجل....!

[AMAL]

[youtube]http://www.youtube.com/watch?v=-VwoccdiZ8A[/youtube]

[tahmoi]

بسمك اللهم

مهند سلام كان عنوان هذا البوست قصائد حميد المخفي والمعلن ...
خرج هكذا قصائد وقصائد لك ولـ AMAL ولك ناس حميد
فلتكن يا عام بمشاركة الحبيب فنان الشمال ميرغني النجار

[rams]http://www.mosawiland.com/upload/3am3am.mp3[/rams]
كلنا للأرض والأرض لنا
ولنا متسع حتي السما
فإلاما ولما يغمر
الأوطان سطان الدما

[tahmoi]

بسمك اللهم

سلامات يا أحن الناس

[rams]http://www.mosawiland.com/upload/Slamat1.mp3[/rams]

[جيجي]

سلام ما سلموا العبّاد أواخر الليل قليبن حاس
سلام والفيها شن بوفيها وإنت حجابي والوسواس
سلام ما خشَّ خيط النور على إبر النهار ومقاس
مشاعر قلبي عند زرزور يلاوي الريح بلا أنفاس
يلم الصور يسوِّي قصور وما من خرطة ما من ساس ،،
يسايسوا الريح ، يساومو صريح ، مع إنو جريح ،وما ينساس
سلامات يا أحنّ الناس
--
يا للحميد
ولك
شكرن يا اخي المحترم
وتحياتي

[tahmoi]

بسمك اللهم

جايي أغنِّيها وأقول
طيبة زي قولة سلام
قاله تربالاً دغيش
لي مراكبيةً تجول
شاله كف الموج بشيش
لي بنياتاً بيردن
تمّن أزيار السبيل
ومدّن إيدن كورا .. كورا
رشرشن قلب الشتول
أدّن الطيّانة دورة
وشويمن تالا المدارس
خدَّرن كل الفصول
صفقّن هلا يا حبيبة
جايي أغنِّيها وأقول
طيبة جبّارة خواطر
وجنَّها الريح التطفِّر
للعصافير التكاجر
ما تعشعِش إلاَّ وين
في الحراز اليومو ماطر
ولاَّ بين سمرة النخل
التقدِّم تالا باكر
وكت أكون صبحان مسافر
زادة ليّا معَ الزوادة
صنّة بسمعا في البنادر
ماب أقول لك ما تساهر
ساهر السهر اليفيد
لاب أقول لك ما تظاهر
وإنت هسَّع كم شهيد

[rams]http://www.mosawiland.com/upload/Hashim11.mp3[/rams]

[tahmoi]

بسمك اللهم


مشايلة

[rams]http://www.mosawiland.com/upload/66998877.mp3[/rams]

[tahmoi]

بسمك اللهم
الرجعة للبيت القديم غناء

[rams]http://sudanyat.org/vb/uploaded/2703_1348394850.mp3[/rams]

[نغم]

معز يا المعز

ما تكمل جميلك لى
و ترمى لينك الحفظ هنا


وزارزير البلد بفتش عليها زمن
الحقنا وتتبارك ايامك