حميد ... البصيرة الشعرية النافذة

[ماريل]

المشاركة الأصلية كتبت بواسطة أسامة معاوية الطيب

خلاصة فكرة الوجود الفاعل ... الإنساني ... الكوني !!!
خاليا إلا من وفاء ... لا تعبأ بكون تمور مادياته من تحتك ... وفي جنبك الروح كلها !!!
أن تنتج (سمن) إنسانيتك كلها من عمق إيمانك بجلال قدر الإنسانية ... ستنفح العافية شوارعك الداخلية ... وترفرف أعلام الحرية والعدل والخير على ساريات حلمك الأبدية!!!

وستمشي أغنياتك الشبعى بين الناس تنّز سمنا ورائحة عافية واكتمال وكمال

كنت أقول دائما ... لو لم يقل حميد من الشعر سوى هذه التميمة ... لطار حيث يطير الآن ... وظللنا نلوّح له بالمناديل المبللة بالدهشة!!!
ولي قدام

غايتو يا اسامة خليتك لى الله
تحليلك ده لا يقل دهشة
عن (ذات المقطع)وايم الله

****************
عليه انا مسامحاك بهناك
ولى قدام

[أسامة معاوية الطيب]

المشاركة الأصلية كتبت بواسطة ماريل

غايتو يا اسامة خليتك لى الله
تحليلك ده لا يقل دهشة
عن (ذات المقطع)وايم الله

****************
عليه انا مسامحاك بهناك
ولى قدام

ماريل ... انت عارفة قدر شنو واثق في حاجاتك وشوفك وقدرتك وسماحتك ... فكوني بالضبط هذي
وهنا بيتك ... وحميد نفسه - رحمه الله - يعرف هذا ... فخيبي ظن الانفعال والمكاجرة ... نحلق سويا
وراجين شوفك

[أزهري سيف الدين]

بوست جميل وواعد جداً والله
شكرًا أسامة/طيبان
وأظننا موعودين ب(ون تُو) في غاية المتعة والدهشة!

المشاركة الأصلية كتبت بواسطة أسامة معاوية الطيب

خلاصة فكرة الوجود الفاعل ... الإنساني ... الكوني !!!
خاليا إلا من وفاء ... لا تعبأ بكون تمور مادياته من تحتك ... وفي جنبك الروح كلها !!!
أن تنتج (سمن) إنسانيتك كلها من عمق إيمانك بجلال قدر الإنسانية ... ستنفح العافية شوارعك الداخلية ... وترفرف أعلام الحرية والعدل والخير على ساريات حلمك الأبدية!!!

وستمشي أغنياتك الشبعى بين الناس تنّز سمنا ورائحة عافية واكتمال وكمال

كنت أقول دائما ... لو لم يقل حميد من الشعر سوى هذه التميمة ... لطار حيث يطير الآن ... وظللنا نلوّح له بالمناديل المبللة بالدهشة!!!
ولي قدام

جداً!

المشاركة الأصلية كتبت بواسطة أسامة معاوية الطيب

عبيّت دغيش سعن الدِنيِ المرفوع علِي سيبات وفا
روّابي كان قُطّاع غٌنِي وشوقَن مفورِن وانكفى

عبّيت أم خشّيت؟
...

[أسامة معاوية الطيب]

المشاركة الأصلية كتبت بواسطة أزهري سيف الدين

بوست جميل وواعد جداً والله
شكرًا أسامة/طيبان
وأظننا موعودين ب(ون تُو) في غاية المتعة والدهشة!


جداً!





عبّيت أم خشّيت؟
...

حبيبنا سيف الدين : خشّيت ... وتصدق أنا لو ما ملاحظتك دي قريتا عشرين مرة خشيت
يمكن عبيّت من بداية القصيدة "عبيت زوادتي الريقة من بايت القوى" ... حايمة معاي !!!
خليك قريب ياخي

[أزهري سيف الدين]

من مشاركة لي في بوست قديم عن حمّيد:

زولي المَلامُو مَحَـنّة، كُتر الريدة غَي
قَــلَـدِي سلامو الحِـنـّة شالت في إيدَيْ
يا الإن بقيت قصّرت فيك تصيدني فَيْ
وقتي البقُش الدمعة من صفحة وشيك تزيدني سَيْ
يا الله وين في الدنيي زي
وطني البموت و بخلّي حي



أي مَحَــنّة هذه التي (تشيل) في الأيادي في مسافة قَلْدَة؟
فـ (تشيل) فعل حِـنّة (وقيل مضارع)، ماهل وطوييل
لا تفوقه مَهَـلة إلا (مُروق) الحِنّة نفسها!
والتي غنى لها عاطف خيري ذات مهلة:
أمرُق على مهلك، مُروق الحِنّة من ضُفر العروس

هذه لعمري مَحَــنّة لو عرفت النساء لها درب، لبارت (النشادر) على رفوف كل الدكاكين!

...

[أسامة معاوية الطيب]

منو العزَّ الحبيب ما لاك
وقدَّس لي عيونو السود
أكان سوِّيت غناك في عود
كان خدّر ملا الواطة
وكان فوّح عبير وورود
وما كان الزمن طاطا
ولا وقع انحزم واقود

يا إلاهي !!!

[ماريل]

المشاركة الأصلية كتبت بواسطة أزهري سيف الدين

بوست جميل وواعد جداً والله
شكرًا أسامة/طيبان
وأظننا موعودين ب(ون تُو) في غاية المتعة والدهشة!


جداً!

عبّيت أم خشّيت؟
...

سلامات يا ازهرى
حسب النص المتوفر عندى
(خشيت)وليست(عبيت)

عبيت بتجى هناك فى بداية النص:
عَبيّت زُوادتي الرّيقة من بايت القَوَى ..

الوطن الدّشَرْ ...

غيمو الرّبَطْ

ساعة بقينا من الرّوَى ..

فرسخ مطرْ ...

[أسامة معاوية الطيب]

المشاركة الأصلية كتبت بواسطة أزهري سيف الدين

من مشاركة لي في بوست قديم عن حمّيد:

زولي المَلامُو مَحَـنّة، كُتر الريدة غَي
قَــلَـدِي سلامو الحِـنـّة شالت في إيدَيْ
يا الإن بقيت قصّرت فيك تصيدني فَيْ
وقتي البقُش الدمعة من صفحة وشيك تزيدني سَيْ
يا الله وين في الدنيي زي
وطني البموت و بخلّي حي



أي مَحَــنّة هذه التي (تشيل) في الأيادي في مسافة قَلْدَة؟
فـ (تشيل) فعل حِـنّة (وقيل مضارع)، ماهل وطوييل
لا تفوقه مَهَـلة إلا (مُروق) الحِنّة نفسها!
والتي غنى لها عاطف خيري ذات مهلة:
أمرُق على مهلك، مُروق الحِنّة من ضُفر العروس

هذه لعمري مَحَــنّة لو عرفت النساء لها درب، لبارت (النشادر) على رفوف كل الدكاكين!

...

يا إلاهي
هل يحتاج شعر حميد لناقد حاذق وكفى ؟ دون أن يكون عندو إجازة في التصوير الفتوغرافي والفيديو ؟؟؟ ويكون مهول القدرة على إمكانية تخيُّل المستحيل ممكنا ؟؟؟

[أسامة معاوية الطيب]

المشاركة الأصلية كتبت بواسطة أزهري سيف الدين

بوست جميل وواعد جداً والله
شكرًا أسامة/طيبان
وأظننا موعودين ب(ون تُو) في غاية المتعة والدهشة!


جداً!





عبّيت أم خشّيت؟
...

اسمحوا لي ازهري وماريل اخلي النص الكتبتو أنا بي (عبيّت) حتى أظل محتفيا بمتابعتكم اللصيقة ...
وحبابكم جدا

[سمراء]

غايتو لو ماخايفة على كلوسترولى ، كنت دايرة اجيب عزالى وابقى ساكنى !
بس دسامة الفكرة ، وقوادها الاتنين ديل
بجيبو أجلى قبل اتابع الجمال ده ..

اسامة-طيبان
دى شيلة تقيلة ربنا يعينكم
ترانا بنتاوق حد شوفنا

[جيجي]

المشاركة الأصلية كتبت بواسطة أسامة معاوية الطيب

اسمحوا لي ازهري وماريل اخلي النص الكتبتو أنا بي (عبيّت) حتى أظل محتفيا بمتابعتكم اللصيقة ...
وحبابكم جدا

هههههههه
عفيتك والله
حننتني

[أسامة معاوية الطيب]

المشاركة الأصلية كتبت بواسطة جيجي

خشوا لينا في صلب الموضوع طوالي لو سمحتوا
وعليك الله لما تجي لي
في رقراق الخيمة معاكم ماديتوه شوي بحرجل
اقيف لي شويه الاخد نفس
ياخ كمية الحنين الهنا قاعد تخطف روحي خطف وتطير بيها

جيجي الجميلة
أصلب من كدا
خليك قريبة ... مشكلة حميد أي مقطع تختارو تلقى بقية المقاطع تمد ليك في لسانا !!!
مرهق جدا الشعر الذي يكتبك أنت خاصة ... وينثرك للعامة حتى تجهد وأنت تلقط احساسك وروحك وجسدك من بين ملايين القراء ... وأنت حائر

[ناصر يوسف]

سعيدٌ للغاية بهذا المفترع الجيد ،،،
وسعيدٌ آخر أنك وقد عدتَ لتُعمل فعلاً موجباً هنا من جديد
شكرا أسامه
شكراً طيبان
شكراً لكل الأقلام وهي تكتب عن هذا الإنسان الفكرة ،، الإنسان الإنسان حميد

[عكــود]

المشاركة الأصلية كتبت بواسطة أسامة معاوية الطيب

عبيّت دغيش سعن الدِنيِ المرفوع علِي سيبات وفا
روّابي كان قُطّاع غٌنِي وشوقَن مفورِن وانكفى

بداية تستحق الغوص ...

والله ما قريت حميد كما يجب!

"الكشمبير" شايل تقيل بالحيل.

سلام يا أسامة / طيبان،

متابعكم.

[ماريل]

الاّ يا بِتْ جاك زمن دارِعْ الأيام قُلُبْ !!!

الدفاتر والكتبْ ...إستحمّتْ بالغُلُبْ

التلاميذ النُّجُبْ .. طيّشا الفقُر الغبينة

صنّت الأجراس وجينا ...إلاّ يا آخ ما لقينا

الجوامع مستباحة .. والمصلّين صَرْ جُنُب


اذا سمحت يا أسامة تعال لى للمقطع ده
عايزة تصورك للنفاق هنا...محتاجة اقراهوا بى حروفك انت واكون شاكرة