حوار مازريف بين ام التيمان وماريل.
كأنما بشوف مشهد في فيلم سيء الاخراج
مع احترامي ليكم الاتنين
يعني حتصلوا وين..قبال كدا اتناقشتو ووضح تماماً انو نقاشكم مابوصلكم لنهاية حوار صحي.
مكررنها تاني ليه..
اللوم ليك مضاعف ماريل لأنّك ابتدرتي..وأبداً أبداً ماممكن نطالب حد يكتب حسب مانعتقد عنه أو نحدّد له خط كتابة حتّى لو طرح قناعاته على الملأ.
يابت انتي زولة واعية كفاية..مالك؟
ويا أم التيمان ردّك بتاع قلب أسود استفزازي للحد البعيد.
المزعلني انكم أسمح من كدا بكتير
وممكن تتلاقوا يكون كلامكم ألطف مع بعض
النت دا جاف ومابديك تعابير الوش عند الكتابة
فخلّونا ندفق فيها مااستطعنا من حسن النيّة، حتّى نكسب زمن خلافات في غير معترك حقيقي.
النصيحة لي الله خلافكم بتعبني نفسيّاً
فريّحونا ربنا يريّحكم حتى لو
من
بعض
