اقتباس:
المشاركة الأصلية كتبت بواسطة ناصر يوسف
الأخ ماجد تاج
تحية واحترام ،،،
أنا قلت قبل كده ، عن كتابات الأخت الصديقة أميرة ( أم التيمان ) بإنها ما بتضيف لي أي معرفة جديدة ،،، ده عن نفسي أنا ،،،
في بعضهم شايفين كتابات أم التيمان بتضيف ليهم ،،، وبرضو ده ،،، فهم .
مشكلة الإختلاف في الرأي ،، شئ طبيعي زي نسبية نظرتنا للجمال في درجة قياس الجمال مثلاً ،،،
كل إنسان بشوف من وجهة نظره هو ،، مُش من وجهة نظر الآخر
يبقي شنو ،،،
ويمكن ده الأنا شايفو في حواراتنا ،،، التشدُد
التشدد في طرح نظرتنا وإصرارنا إنو الآخرين لااااااااااااااااازم لازم يقبلوا بيها ،،،
ولو ما قبلوا يكونوا ضِدنا ،،،
ذات الأمر عند أهل السياسة برضو ،،،
ويمكن ده واضح جداً عند أختنا أم التيمان بإنو لما يجي زول يقول ليها كلامك ده أنا شايفو زي ( كلام الطير في الباقير) ،،، علي طول تجيه شايته فيهو ضفاري ،،، وإنتَ يا جاهل ويا ما مثقف ويا العاوز تشتهر وإنتَ قاصدني وإنتَ وإنتَ وعيييييييييييييييك ،،،
أنا شخصياً أم التيمان كقلم قاعد ينثر كلامو هنا ده ،،، مختلف مع القلم ده تماماً في الكثير جداً من الحروف المنثورة هنا ده ،،،
ورأي ده ما بسوقو سواقه وبعنت ،،، وأقول يا ناس هوووووووووي قولوا قولي ده بالله ،،،
الرأي المختلف يجي ويقول قولو حسب رؤيته هو ،،، المشكلة وين بالضبط يعني
|
يا ناصر مداخلاتك البتردد فيها في كل البوستات انو بوستات ام التيمان كلام فارغ و ما تضيف ليك اى معرفة ياخى مش حرام عليك
كونك ما بتفهما دا بخليها كلام الطير فى الباقير
يا ناصر ما مجبور تقراها و حكاية تصفنى فى الرايحة و الجاية
وتبهتنى فى عنف لفظى و عضلى ابدآ ما جاى و ما مقبول منك
وانا بوستاتى دليل نجاحها ما عاد مخفى على زول
و ما عاوزة منى اثبت ذلك
