يوميات مواطنة

قررت اكتب يومياتى اللهى اساسا كل يوم بشبه اخوهو شبه التعاريف نفس البؤس والكآبة مع قليل من التفاصيل التى تفرق قليلا


اها الليلة صحيت من الصباح كَحلت ليك لى وشى فى المراية لقيت ليك الكريم عامل فينى عمايل بطالة الله يقلعك يا سارة انا مالى ومال سمع كلامك

مع تافف كده ختيت ليك المراية على جنب لكن والله ما وش يصتبحو بيهو الحمد لله غايتو دخلت اخدت ليك دش الصباح ودخلت ليك فى بنطلونى الجنز عبد الواحد وقلت يا دايم الرحمن وعلى الجامعة امتحان السخافة الاسلامية والمواد البحشوها لينا فى الجامعة بلا مناسبة ديك على الدين والايمان تلت ساعة وكان فضيت ليك كيسى وبقيت قاعدة فى السهلة نظرة يمين ونظرة شمال

مافى اى امل بتاع (سرقة)انتظرت نص الزمن بى فارق الصبر واتخارجت ليك مشيت ليك كافتريا داون تاون اديتا ليك واحد جبنة لزوم عدل المزاج انت يا الوشى يعدلك الله

فى نص القعدة كده جانى ليك تلفون من وحدة صحبت صحبتى كان لازم الاقيها ضرورى لزوم حل مشكل الشمس مقاصدا ليك صنقورى والزحمة الف ومواصلات مافى فجاءة كده جات ليك حافلة والناس دى قالت يا دايم الرحمن جنس كبسيبة وانا ادافر وادافس لمن وصلت الباب قلت للكمسارى ماشى وين قال لى ما ماشى!!!!
تخيلوا كمية الاحباط انا عارفة اسصبحت بى وش منو الليلة يومى متعس كده
المهم وقفت تانى شوية جات حافلة شعبى الخرطوم انقطعت ليك زى الترتيب ونزلت لى صحبة صحبتى فى الطازج الحقيقية لله البنية ظريفة سقتنى ليك الذ عصير حنك حنكيين استاذنت لاحقة الميناء البرى المهم حادث مؤسف فى نص المسافة عطل ليك الحركة ولمن وصلت الميناء لقيت روحى ما بقدر اسافر انا عارفة اصطبحت بى وش منو الليلة يوم كئيب


قلت اعرج على صحبتى فى جبرة وصلت دقيت الباب فتحت لى وقلبت ليك عيونا فوقى النصيحة لله .................انسو انسو الحمد لله
سالتنى(حليتينى من هبالتك ولا لسه)
(يا صحبتى يحلها الشربكا شوفى الشربكا منو وخلى يحلك)
المهم دخلت اتغديت عضة زى العضة اصلا بعلها مريض والجومه كانت ظابطا اكل عيان وكده اكلت وقشيت خمشى الحمد لله

دخلت عليكم اكتب يومياتى عسى ولعل اجد من يواسينى


الى اللقاء فى يوميات قادمة
بكرة احلى بكل تاكيد,,,

[أسامة معاوية الطيب]

بحسب اللغة هنا مفروض تكون يوميات كمساري !!!
لكن أحي جدا القدرة على الانتقال السلس من مذكرات (أنثى) ... إلى مذكرات (مواطنة) ... وبنفس الاحترافية !!!
طبعا انتبهت جيدا للفرق بين الأنثى والمواطنة!!!

[ممدوح أبارو]

أسمعي يا عمتك الكلام دا سنة كم؟
عشان في يوم كدا كان معكس عليّ كدا ..
وزييي الصابحت زول بالمواصفات دي

[سمراء]

وانج (أ)
تحياتى تترأ لك
ياخ خليتينى احمد ربنا عدلا وضهر بمزكراتك دى !
طبعا ، اكتشفتة ليك انى أنٌثى كاملة الدسم مقارنة بى لغتك الممعنة فى الشفتنة دى يابت ، بعد ان كانت عبارة (محمد ولد)الربطوها لى ملتصقة باعتبارات البت تربية اولاد وماعندها اخوات ، وبصراحة مابنكر فى بعض المؤشرات التى لاذالت ضاربة باطنابها (حلوة اطنابها ) فى بعض مصطلحاتى والقاعدة اتخلص منها شوية شوية بعد كل " لكزة" من اصحابى او زميلاتى لمن اكون منداحة فى الونسة او حتى فى الاجتماعات !
جميله هى الراحة فى الحديث

[رأفت ميلاد]

أول مرة أشوف لى مرة مواطنة درجة أولى .. أذيك يا حبة

[ابرا]

المشاركة الأصلية كتبت بواسطة وانجا

قررت اكتب يومياتى اللهى اساسا كل يوم بشبه اخوهو شبه التعاريف نفس البؤس والكآبة مع قليل من التفاصيل التى تفرق قليلا


اها الليلة صحيت من الصباح كَحلت ليك لى وشى فى المراية لقيت ليك الكريم عامل فينى عمايل بطالة الله يقلعك يا سارة انا مالى ومال سمع كلامك

مع تافف كده ختيت ليك المراية على جنب لكن والله ما وش يصتبحو بيهو الحمد لله غايتو دخلت اخدت ليك دش الصباح ودخلت ليك فى بنطلونى الجنز عبد الواحد وقلت يا دايم الرحمن وعلى الجامعة امتحان السخافة الاسلامية والمواد البحشوها لينا فى الجامعة بلا مناسبة ديك على الدين والايمان تلت ساعة وكان فضيت ليك كيسى وبقيت قاعدة فى السهلة نظرة يمين ونظرة شمال

مافى اى امل بتاع (سرقة)انتظرت نص الزمن بى فارق الصبر واتخارجت ليك مشيت ليك كافتريا داون تاون اديتا ليك واحد جبنة لزوم عدل المزاج انت يا الوشى يعدلك الله

فى نص القعدة كده جانى ليك تلفون من وحدة صحبت صحبتى كان لازم الاقيها ضرورى لزوم حل مشكل الشمس مقاصدا ليك صنقورى والزحمة الف ومواصلات مافى فجاءة كده جات ليك حافلة والناس دى قالت يا دايم الرحمن جنس كبسيبة وانا ادافر وادافس لمن وصلت الباب قلت للكمسارى ماشى وين قال لى ما ماشى!!!!
تخيلوا كمية الاحباط انا عارفة اسصبحت بى وش منو الليلة يومى متعس كده
المهم وقفت تانى شوية جات حافلة شعبى الخرطوم انقطعت ليك زى الترتيب ونزلت لى صحبة صحبتى فى الطازج الحقيقية لله البنية ظريفة سقتنى ليك الذ عصير حنك حنكيين استاذنت لاحقة الميناء البرى المهم حادث مؤسف فى نص المسافة عطل ليك الحركة ولمن وصلت الميناء لقيت روحى ما بقدر اسافر انا عارفة اصطبحت بى وش منو الليلة يوم كئيب


قلت اعرج على صحبتى فى جبرة وصلت دقيت الباب فتحت لى وقلبت ليك عيونا فوقى النصيحة لله .................انسو انسو الحمد لله
سالتنى(حليتينى من هبالتك ولا لسه)
(يا صحبتى يحلها الشربكا شوفى الشربكا منو وخلى يحلك)
المهم دخلت اتغديت عضة زى العضة اصلا بعلها مريض والجومه كانت ظابطا اكل عيان وكده اكلت وقشيت خمشى الحمد لله

دخلت عليكم اكتب يومياتى عسى ولعل اجد من يواسينى


الى اللقاء فى يوميات قادمة
بكرة احلى بكل تاكيد,,,

[COLOR="Purple"]اسمعي يا اونجا صاحبتك الفي جبرة دي زولة شرانيه مش[/COLOR]

المشاركة الأصلية كتبت بواسطة أسامة معاوية الطيب

بحسب اللغة هنا مفروض تكون يوميات كمساري !!!
لكن أحي جدا القدرة على الانتقال السلس من مذكرات (أنثى) ... إلى مذكرات (مواطنة) ... وبنفس الاحترافية !!!
طبعا انتبهت جيدا للفرق بين الأنثى والمواطنة!!!

كيفك يااديب بي المناسبه مذكرات انثي كتبتها لمن كنت بقرا صيدله يعني البرستيج بيحكمك برضو لازم لغتك تكون رفيعه اما يوميات مواطنه كتبتها وانا بقرا تسويق يعني لغه سوقيه طبعا"انتباهك مؤالمني جدا لانو ربما لقراه ماهو ابعد من الحروف
وشكرا"

المشاركة الأصلية كتبت بواسطة ممدوح أبّارو

أسمعي يا عمتك الكلام دا سنة كم؟
عشان في يوم كدا كان معكس عليّ كدا ..
وزييي الصابحت زول بالمواصفات دي

والله سنه امبارح القريبه دي

المشاركة الأصلية كتبت بواسطة سمراء

وانج (أ)
تحياتى تترأ لك
ياخ خليتينى احمد ربنا عدلا وضهر بمزكراتك دى !
طبعا ، اكتشفتة ليك انى أنٌثى كاملة الدسم مقارنة بى لغتك الممعنة فى الشفتنة دى يابت ، بعد ان كانت عبارة (محمد ولد)الربطوها لى ملتصقة باعتبارات البت تربية اولاد وماعندها اخوات ، وبصراحة مابنكر فى بعض المؤشرات التى لاذالت ضاربة باطنابها (حلوة اطنابها ) فى بعض مصطلحاتى والقاعدة اتخلص منها شوية شوية بعد كل " لكزة" من اصحابى او زميلاتى لمن اكون منداحة فى الونسة او حتى فى الاجتماعات !
جميله هى الراحة فى الحديث

تصدقي اجمل مافي الديم انك بتاخد فيهو اسبوع بتبقى من الشفوت الديم دا عالم براهو حاجه كداللدين والديم له ثقافتو الضاربه بي اطنابهافي اللذاذه

المشاركة الأصلية كتبت بواسطة رأفت ميلاد

أول مرة أشوف لى مرة مواطنة درجة أولى .. أذيك يا حبة

حبه عند اللزوم؟؟
اذيك انت دا والله انا بتكيف ليك لله في الله كدا
دي عند اللزوم

المشاركة الأصلية كتبت بواسطة زول خرافي

[COLOR="Purple"]اسمعي يا اونجا صاحبتك الفي جبرة دي زولة شرانيه مش[/COLOR]

صحبتي دي حزرتي من سيرتا عليك الله ماتدخلني معاها في جحر ضب

[أسامة معاوية الطيب]

المشاركة الأصلية كتبت بواسطة وانجا

كيفك يااديب بي المناسبه مذكرات انثي كتبتها لمن كنت بقرا صيدله يعني البرستيج بيحكمك برضو لازم لغتك تكون رفيعه اما يوميات مواطنه كتبتها وانا بقرا تسويق يعني لغه سوقيه طبعا"انتباهك مؤالمني جدا لانو ربما لقراه ماهو ابعد من الحروف
وشكرا"

يعني لو ربنا قدر ليك تقري آثار بتكتبي حجار حجار ؟؟ بعدين انت بتقري تسويق ومن خلال قرايتك مقتنعة انو التسويق هو مجرد لغة السوق ؟؟ نرجع نعيد قرايتو !!!
الجملة البنفسجي دي غامضة وتشي بالكثير !!!