عند التعويذة يتصاعد الدخان

[ام التيمان]

المشاركة الأصلية كتبت بواسطة شهرزاد

أيها الساحر ؟
أتلي علينا تعويذتك الأخيرة ليتصاعد الدخان مطلقاً هذا المارد ..
عندها سيكتمل الظل ل يلامس جدار القلب تماماً ..

ــــــــــــ
أم التيمان أنيقة كعادتك
تحياتي ,,

يا شهر زاد
اعطى نضارتك للاخرين
كى يرو بوضوح

[البديري]

المشاركة الأصلية كتبت بواسطة أحمد محمد زين حسين

سلامات يا بديري
ايوة تمشي تقعد معاها في مائدة مستديرة المشكلة وين
اذا تعذر انك تصل لنقطة مفيدة في حوارك مع اي زول من خلال الكيبورد انا شايف احسن تمشي ليهو بالدرب او بالتلفون على الاقل وما افتكر صعب
ثم انت فاكر انو العلاقة بين الاعضاء هنا حدها الكيبورد ده بس؟

شاكر ليك جدا ولمن حدثك عني هذا الاطراء لكن يا البديري قدرت تكون فكرتك عني بالسرعة دي كيف؟ ولو ممكن تفسر لي لما اكتب هنا بكون شي آخر كيف؟

سلام احمد ومساءالخير،

ايوة تمشي تقعد معاها في مائدة مستديرة المشكلة وين
اذا تعذر انك تصل لنقطة مفيدة في حوارك مع اي زول من خلال الكيبورد انا شايف احسن تمشي ليهو بالدرب او بالتلفون على الاقل وما افتكر صعب

والله ياحمد ماعرف اقول ليك شنو!! انت جادى!!
معناتة انا حاتصل وادعو حوالى ٢٠٠٠ عضو! عشان اعرف شخصيتهم وتركبتهم عن قرب! يابوحميد الكلام دا مابجى، لانهم لافاضين لى ولا انا فاضى ليهم!
ولنفترض بان وجدهم كلهم بصدفة وجلست معهم ووجدهم (عسل مصفى)
ويجى واحد فيهم يقول: (الدين خنجر فى صدور الناس)! هل حاصفق ليهو ولا ابقى شيطان اللجن واعمل فيها رايح؟ لوكان قال ;(الانقاذ خنجر فى صدرالناس) لرفعت له العمة! وحتى لو قالالبديري خنجر ووساخة فى سودانيات) لاحترامت رائة والله ..من غير ماحتك بة زيادة عن اللزوم!
لكن تصل لدرجة الاساءة للدين وقذف كلام الله بالقاسى!! لا يابوحميد والف لا!..دى فيها طيران رقبة من غير مفاهمة ،فى بعض بقاع الارض!
فى خطوط حمر ممنوع الاقتراب منها،ومافى حاجة اسمها حرية رائ ولاعلمانية، ولاثقافة ولا كُتاب ولامثقفيين ولابطيخ! آى مثقف او بدعى الثقافة وحرية الرائ يمشى ينظر ويشتم بعييييد ، يهديييك السياسة والشعر والرياضة وكتب القصص والروايات ،والفن وكتب الطبيخ ..الخ يمشى ينظر فيهم مافى زول حايقول ليهو حاجة! لكن تصل للقرآن الكريم وباقى الاديان السماوية الاخرى، لا يابوحميد، فى ناس جاهدت وقدمت شبابة وارواحه فداء لذلك! الف رحمة ونورلهم..
وعلى فكرة ياحمد نفس الشخص الذكر لى جمال روحك واخلاقك ذكر لى جمال خلق وطيبة ورقة ام التيمان - وانا بثق وبصدق هذا الشخص وعيونى مغمضة.
لكن انا بتعامل مع منتدى حوار وليس ملزم بان التقى واهاتف الكل وحتى لو حصل ماحايغير شئ عن لقائى بة بمجرد انو يكتب شئ ويتعدى حدودة وحدودالله حتى لوكانت امى رقية او مدام المستقبل ان شاءالله.
الجد جد واللعب لعب!

ثم انت فاكر انو العلاقة بين الاعضاء هنا حدها الكيبورد ده بس؟

اكيد لا..ربنا يديم لماتكم ولقأتكم وتواصلكم ان شاءالله
وعبرك احث الادارة الموقرة بان تعمل منتدى حوار خاص بالاعضاء البعرفوا بعض والبلتقوا وبتلموا وبتهاتفوا مع بعض، عشان الاعضاء الزى حلاتى مايجوا خاشين شمال سااااى ونحرج نفسنا! عشان مانقعد نقول انا بعرفو وانا هاتفتو وانا التقيت معة!

ولو ممكن تفسر لي لما اكتب هنا بكون شي آخر كيف؟

آخر كيف ; لمن اللتقى بك (واتمنى ولى الشرف والله) حاتكون أحمد ،أحمد، ولمن تكتب فى سودانيات تكون بنسبة لى عضو عادى اسمه أحمد فقط! وعلى حسب خلفيتى عنك اللتى تكتسى بجمال روحك واخلاقك ،فمن واجبى اذا شفت لديك عيوب ومُصر فيها وماعندك استعداد انك تصلحها وان تطور من ارائك سانبهك بشتى الطرق عشان ماتكون اضحوكة وارجوز للماشى والغاشى! واعتقد دا الاحترام والمحبة الحقيقية والعلاج الناجع ..بدل الطبطبة وهلوماجرا! لو اتفهمت (انصر اخاك ظالم ام مظلوم) بطريقة الصحيحة ،لعاش سكان الارض فى محبة وسلام!

والسلام عليكم يابوحميد

[احمد زين]

المشاركة الأصلية كتبت بواسطة البديري

والله يا البديري لو انت حا تختلف مع 2000 عضو يبقى مافي داعي للحوار اصلا

اها يا البديري ده الكلام الخلاني امشي ليها واقعد معاها ذاااااااااااتو رايك شنو؟

هنا متفقين يا بديري

معذرة يا البديري والله هنا ما فهمت منك ولا كلمة

وعليكم السلام ورحمة الله وبركاته

[البديري]

المشاركة الأصلية كتبت بواسطة أحمد محمد زين حسين

وعليكم السلام ورحمة الله وبركاته

ابوحميد سلامات ومساء الخير،

والله يا البديري لو انت حا تختلف مع 2000 عضو يبقى مافي داعي للحوار اصلا

ياحبيب،قول بسم الله، كيف يعنى اختلف لى مع ٢٠٠٠ شخص!!!
- نعم.. كل من يكتب حرف هنا اطلع عليه لو حالفنى الحظ بالوقت ..ولكن لا ارد على كل من كتب هنا، حتى لو الكلام ماعجبنى !!
- فقط بتفاعل مع العضو/ة البحس بهم فى "" كيمياء"" بينهم!!!!
وبعدها لكل حادته حديث!

اها يا البديري ده الكلام الخلاني امشي ليها واقعد معاها ذاااااااااااتو رايك شنو؟

دى مابعملة لو إنطبقت السماء على الارض! ليه وفوق كم؟!! حدنا المنتدى العام فقط!!! واللوائح المنوط بها هنا.

معذرة يا البديري والله هنا ما فهمت منك ولا كلمة

ok ; مثلاً;مثلاً ; لو انا التقيت بك فى آى لمة وعرفتك عن قرب واتبادلنا اطراف الحديث والرؤية ووجهات النظر فى شتى المجالات، ووجدتك انسان لبق وذات ثقافة وعلم واوفق ومٍدرك تماماً للحاصل فى الحاضر ولك وجهة نظر بعيدة المدى للمستقبل، واكون اقتنعتا بخلقك واخلاقك وتهذيبك ورقتك معى ، وتجى فى المنتدى العام و""تجلط"" !!
هل تفتكر كل ماذكر اعلاه سيشفع لك؟!!!!
واتى هنا واقول لمعارضيك ومنتقديك، لاااااااا ، الزول دا انا بعرفو وعارف كيف بفكر ونفسياتو كيف؟!!!

لا ياحبيييب،

اتمنى تكون فهمت مارمى له

ولك المودة والتقدير.
السلام ورحمة الله وبركاته

[مهند الخطيب]

وأعتقد أيضا ياأم التيمان أن من صفات النفس النقية التي ذكرتيها ألّا تتشفى ولا توجه اتهامات لمن لايملك قدرة الدفاع عن نفسه ....تحديدا الاتهام بالنفاق ...

رجائي مراجعة المداخلة الاخيرة من قبلك .... شكري واحترامي

[واحة]

ام التيمان

سلام ، اجبرتنى مداخلتك الاخيرة للتواجد هنا ،

اعتقد التشفى ليس من صفات النفس...(لقد انتصرت النفس النقية ) كما ذكرتى

ثم اى كان الخطاء فكلنا نخطى ، ولكل خطاء توابعه.

وحين تعود ماريل ننتظرها بكل الشوق لقلم مقدر .

ولو بالنفس شى من حتى .

............

واحة

[ام التيمان]

المشاركة الأصلية كتبت بواسطة مهند الخطيب

وأعتقد أيضا ياأم التيمان أن من صفات النفس النقية التي ذكرتيها ألّا تتشفى ولا توجه اتهامات لمن لايملك قدرة الدفاع عن نفسه ....تحديدا الاتهام بالنفاق ...

رجائي مراجعة المداخلة الاخيرة من قبلك .... شكري واحترامي

يا مهند انا برد على مداخلة فى بوستى
التى توصمنى بالكفر
لاى كان من الاعضاء

[رئيس مجلس إدارة سودانيات]

الأخت أم التيمان

السلام عليكم ورحمة الله

قمت بنقل المداخلة رقم (94) وكذلك المداخلة رقم (96) لتعلقها بالمشاركة الاولى لمنبر الأمانة العامة ليقرر فيها الأمين العام.

هذه المشاركة ليست مخالفة للوائح فحسب، بل هي تتعدي الى باب آخر لم يجنح اليه قرار مجلس الادارة في ذاك الأمر.

[ام التيمان]

المشاركة الأصلية كتبت بواسطة رئيس مجلس إدارة سودانيات

الأخت أم التيمان

السلام عليكم ورحمة الله

قمت بنقل المداخلة رقم (94) وكذلك المداخلة رقم (96) لتعلقها بالمشاركة الاولى لمنبر الأمانة العامة ليقرر فيها الأمين العام.

هذه المشاركة ليست مخالفة للوائح فحسب، بل هي تتعدي الى باب آخر لم يجنح اليه قرار مجلس الادارة في ذاك الأمر.

انا ما فاهمة يا مجلس الادارة
ايهما مخالف للوائح مداخلة عضو يتهم عضو بالكفر
ام رد العضو الاخر يدافع عن نفسو

[محمد الطيب يوسف]

اقتباس:
المشاركة الأصلية كتبت بواسطة ام التيمان
انا ما فاهمة يا مجلس الادارة
ايهما مخالف للوائح مداخلة عضو يتهم عضو بالكفر
ام رد العضو الاخر يدافع عن نفسو



حتفهمي ان شاء الله
لوكي الصبر بس

[ام التيمان]

المشاركة الأصلية كتبت بواسطة محمد الطيب يوسف

اقتباس:
المشاركة الأصلية كتبت بواسطة ام التيمان
انا ما فاهمة يا مجلس الادارة
ايهما مخالف للوائح مداخلة عضو يتهم عضو بالكفر
ام رد العضو الاخر يدافع عن نفسو



حتفهمي ان شاء الله
لوكي الصبر بس

وكت انت ما عندك اللاجابة
مجاوب مالك
ناس جنها تحشر

[مهند الخطيب]

المشاركة الأصلية كتبت بواسطة ام التيمان

يا مهند انا برد على مداخلة فى بوستى
التى توصمنى بالكفر
لاى كان من الاعضاء

العزيزة ام التيمان ، ادرك أنه بوستك وايضا ان لك الحق في الدفاع عن نفسك ، ولكن من تدافعين عنه ليس بموجود ليدافع عن نفسه واظنك تعلمين ذلك ، واشارتك لاتهامك بالكفر احسب انها تاتي من مداخلة العضو غير الموجود ... فلماذا الآن ياأمهم؟؟؟ انتظري رجوع الخصم ليستطيع الرد والدفاع عن نفسه .. حتى لاتظهري بمظهر من يتشفّى ...

تحياتي لك ...

[محمد الطيب يوسف]

اقتباس:
المشاركة الأصلية كتبت بواسطة ام التيمان
وكت انت ما عندك اللاجابة
مجاوب مالك
ناس جنها تحشر



ام التيمان
انت شفقة امونة بت حميدان دي اصلك ما دايرة تخليها
لوكي الصبر دي هسي ما اجابة مكتملة الأركان ووافية جدا جدا


ــــــــــــــــــــــــــــــــــــــــــــــــــ ــــ
لو دايرة تعرفي شفقة امونة بت حميدان دي عليك الاستعانة بقوقل واخوته من المتخصصين لكن بدون شفقة برضو