اقتباس:
المشاركة الأصلية كتبت بواسطة أمين محمد سليمان
اقتباس:
المشاركة الأصلية كتبت بواسطة عادل عسوم 
اراك قد (نصبت) نفسك رئيسا دون اقتراع ولا انتخابات!
بعض الناس (هنا) مهمومون بالديمقراطية كثيرا في (خطابهم) دون فعلهم...
أخشى ان تكون منهم؟!
يا عسوم ياخي إنت زول علمي ... ما تبقي رجرجة زي ناس امال و الجيلي ديل ... كيف يعني (نصبت نفسي رئيسا دون اقتراع ولا انتخابات ) ؟! يعني نحنا شغالين حراك سياسي ... شئ تحت الأرض و شئ فوق الأرض ..ندوات و سمنارات و أركان نقاش ... شئ اقتراعات و شئ إنتخابات ... شئ مبلول و شئ مخجوج .... و تجي إنت بالبساطة دي تقول لي (نصبت نفسي رئيسا دون اقتراع ولا انتخابات ) ؟!
كلامك ده مؤلم جدا لزول ديمقراطي ليبرالي زيي كدة ... و لو ما كنت مسافر كان طالبتك ببوست إعتذار ....
و لعلمك يا عسوم ... جمعية (من يرو في خيطك ايجابا ينبغي اتمامه والمواصلة فيه) تاسست في ذو الحجة الفاتت و ورقنا بحمد الله مكتمل من رجب القبالو .... و أنا منتخب لرئاسة الجمعية دي بالاجماع السكوتي ... الناس دي إتضاربت عشان أنا أبقي الرئيس ... و كان ما مصدقني أسال قرقاش حبيبنا ده...كان حاضر الأجتماع و الشكل الحصل فيه و هو ذاتو شارك في الضرب ... فبالله عليك تاني ما تتكلم كلام ساي... كده بتبقي زيك و زي الشيوعيين واحد !!
بالنسبة لقصة سفرك دي ... أنا مكلف من الجمعية بابلاغك بصورة رسمية إنو السفر ما مبرر لعدم إتمام الموضوع و المواصلة فيه لاكتر من يومين ... يعني عندك باقي الليلة و بكرة تسافر فيهم بالسلامة إن شاء الله ... بعداك ما جيت واصلت ... الجمعية بتتكفل باتمام الحكاية بمعرفتها ... خاصة و إنو في واحد من الأعضاء قال إنو كان معاك في سفراتك الغميسة دي كلها و شاهد عيان لكل ما حدث و مستعد يمسك ليك زمن الناس دي لحدي ما تجي بالسلامة إن شاء الله و كان ما جيت ممكن يفتح كده البوست ده يواصل لمن نسلمو للسيد المسيح عليه السلام ... الناس دي dedicated ... متفرغين و عطالة... العجب الزول القال سافر معاك سفراتك دي ... اها .. كمان تعال طلعو كذاب !!
----------------
غايتو إحتسب يا عسوم ... الموضوع ده شكلو ما ماشي علي خير كلو كلو ... إنا لله و إنا إليه راجعون !! |
شكرا أخي أمين علي رفع البوست و شكرا علي المداخلات الثرة ....
---------------
عسوم يا حبيبنا ...
قلنا لو ما داير تحيينا و لا تشكرنا ... نحي و نشكر برانا ...
فرجتها علي رقبتي ... الله يفرجها علي دنيا و آخرة !!
كما و احيطك علما باني إتلقيت ايميل من الزول السافر معاك سفراتك الغميسة و هو عضو في جمعية (من يرو في خيطك ايجابا ينبغي اتمامه والمواصلة فيه) و قال جاهز يحكي الحكاية كلها ... أنا قلت ليه ندي عسوم حبينا فرقة لانو ممكن يكون مشغول ولا مسافر حته غميسة ... لحدي هسي أنا الزول ده ماسكو ما يحكي كان اتأخرت أنا ما مسؤل من كلامو !
