(المرة مرة والعب عب).. لعناية بابكر عباس

[أبوبكر عباس]

المشاركة الأصلية كتبت بواسطة أحمد طه

حافظ مساء الخير ، طبعاً حتة ( فرش البيت حرير ترقد عليه فرختنا) دا كلام يبدو لي إنو قديم و مفروض يُنظر اليه من باب إنو تاريخ و كده
ثم إنو الزول سََمَح لي فرختو بالرقاد فوق الحرير الوثير و ما اضطهدا ولا حاجة ، يعني كان بعاملا زي بناتو واحد

الكعب كلام البشير داك النقلو عنو الترابي

سلام أحمد طه
لو صحت قراءتك لبيت الشعر بتاع "فرش البيت حرير" وانت الخبير ببواطن الشعر، يبقى إعتراض حافظ على بث التلفزيون لهذه الأغنية في سياق الفخر بالتراث، إعتراض قوي وحقو الناس ترسل لمدير التلفزيون هذا الإعتراض.

سلام يا إشراقة
مؤقتا أكتفي بالموافقة على مداخلة وجدي الأسعد.

[أحمد طه]

المشاركة الأصلية كتبت بواسطة بابكر عباس

سلام أحمد طه
لو صحت قراءتك لبيت الشعر بتاع "فرش البيت حرير" وانت الخبير ببواطن الشعر، يبقى إعتراض حافظ على بث التلفزيون لهذه الأغنية في سياق الفخر بالتراث، إعتراض قوي وحقو الناس ترسل لمدير التلفزيون هذا الإعتراض.

سلام يا إشراقة
مؤقتا أكتفي بالموافقة على مداخلة وجدي الأسعد.

متلقي حجج

[أبوبكر عباس]

المشاركة الأصلية كتبت بواسطة أحمد طه

متلقي حجج

أبدا
حجتك بتاعة "ينظر إليه من باب التراث" من غير مراعاة للسياق الإتبثت فوقو، ضعيفة؟ إما تدعمها أو تتراجع عنها وصحوبتك لينا ما بتحلك؟؟
وفكرة الحوار أصلا هي: إلقاء وتلقي حجج
فألقي بعصاك...

[أحمد طه]

المشاركة الأصلية كتبت بواسطة بابكر عباس

أبدا
حجتك بتاعة "ينظر إليه من باب التراث" من غير مراعاة للسياق الإتبثت فوقو، ضعيفة؟ إما تدعمها أو تتراجع عنها وصحوبتك لينا ما بتحلك؟؟
وفكرة الحوار أصلا هي: إلقاء وتلقي حجج
فألقي بعصاك...

السياق الاتبثت فوقو كان شنو؟
الخلاصة يا بكة إنو الكلام دا قديم ، زي(دا ان اداك و كتر ما بقول اديت)
و الزول القال الكلام دا كلامو ما كان شاذ في الزمن القالو فيهو

كلام بقى محض تاريخ يا بابكير

[مبر محمود]

إشراقة يا صديقتنا في الهمِ والأغنيات، تحيّاتي والمحبة.
كلما وقعت عيناي على موضوع يتناول بعضاً من المخازي الإنسانية في مجتمعنا كلما قلت في نفسي إننا كناشطين في حقل العمل العام نتحمل جزءً كبيراً من وزور تلك المخازي، فالتجارب الإنسانية تقول إن المجتمعات الجاهلة المتخلفة تظل دائماً في ذمّةِ نخبتها العاقلة، فهي -أي مجتمعاتنا- -بديهياً- لا تغير نفسها بنفسها، وإنما تحتاج لثورات فكرية (واعية) تخلخل الثوابت، وتقدم البدائل، وتشرف بصبر على إرساء دعائم النهضة، ومن هذا المنطلق تجديني أقول: إننا كمثقفين سودانيين نعيب مجتمعنا، ونقسوا عليه، والعيب الحقيقي فينا!

إننا، يا عزيزتي، نحتاج، أولاً وأخيراً، أن نسحب مثقفينا من أبراجهم العاجية التي درجوا على إلقاء خطب التنوير من فوقها، نحتاج أن نلقي بهم في غيهب الواقع بكل إشكالاته، وتناقضاته، وعنفه، وتمترسه، فالمثقف الحقيقي ليس حارس لغة فقط كحال مثقفينا اليوم، وإنما رسول تغيير بكل ما تحمله كلمة رسول من تبعات ورهق!

إن المثقفين الساعين الى التغيير والتقدم في مجتمعنا، ذو الثقافة المنغلقة، لم يدركوا طبيعة الرفض الثقافي العنيد المستبسل، فواجهوا التخلف وهم يجهلون صلابة تكوينه، بل لا يعترفون بوجوده كبنية صلبة قوية وراسخة، فلم يدرسوا جيداَ طبيعتة المنغلقة، ولا متانة حصونه، ولا تعدد عوامل ديمومته. إنهم -للأسف- يظنون إن عوامل التقدم تُستجلب من أي مكان فيتجاوب معها المجتمع بسهولة ويسر، وهذا وهم ساذج، بل هو وهم أشد فداحةً من التخلف الذي تعيش فيه مجتمعاتهم، إذ لا بد أن يعي المثقفين، ناشدو التغيير، إن الثبات على التخلف والجهل هو الأصل في كل المجتمعات، وإن هذا الأصل مدجج بأصلب العواطف والخزعبلات المتوارثة جيلاً بعد جيل، وهو مقيم في ذوات الأفراد بنفس القوّة التي يقيم بها الوعي في ذوات المثقفين، وإن الإنفلات من قبضته أمراً اشبه بالمعجزة، بل هو المعجزة بشحمها ولحمها، وإنهم إن أرادو لمشاريع التنوير التي يؤمنون بها أن تستوطن في مجتمعاتهم فلا سبيل لهم سوى المراهنة على تحقيق هذة المعجزة، والمعجزات من هذا النوع لا تتحقق بالأمنيات والخطب الحماسية و"بأخوي وأخوك" وإنما تحتاج لجهد جبار وصبر عظيم ووعي خلّاق، كما لا بدّ من بعض "التحايل النخبوي" [العبارة لروسو وردت في إعترافاته] لتجسير الهوّة ما بين الوضع القائم والوضع القادم.

[Ishraga Hamid]

المشاركة الأصلية كتبت بواسطة وجدي الأسعد الأسعد

لم ولن يعطل التراث حراك اي انسان كائن من كان الا اذا كان الانسان معطلا نفسه بنفسه
سيدني بوتيه ما لقى الواطة مفروشة ورود وتم الترحيب به كممثل عظيم وسط اعظم نجوم هوليوود في التاريخ كله
روزا باركرز كانت اعظم من (التراث الموجود) والمبذول في حقبة الستينات
نيلسون مانديلا كان قاهرا (للتراث الموجود) الذي اسسه المستعمر في جنوب افريقيا
وما من امرأة ناجحة الا وكانت مثل المحراث في تذليل طريقها الوعر من تضاريس (التراث الموجود).
فاشراقة حامد حققت حياتها بأن اتبعت قلبها في تحقيق ذاتها وتركت ما قيل وقال في (التراث الموجود)
هذه الحياة اجمل ما فيها انها تؤخذ غلابا
فلو كانت سهلة المنال لصعبت على غيرنا من الاجيال القادمة


عشان كدة يا منقة
يظل العب عب والمرة مرة والخواف خواف والمسكين مسكين والغبي غبي والاحمق احمق
حتى يدرك بنفسه ويسعى لاصلاح عيبه بنفسه تاركا ما قيل له وقيل عنه

لا يا وجدى بذات منطقك مافى ثبات
فى تغييير دائم
فى زمن الحقوق والوعى بيها لن يظل (العب عب والمرة مرة) ولنرى مايحدث على الساحة السياسية من تغييرات..
فى كتاب مهم قريتو للدكتورة فاطمة بابكر عن الجنس والجنسانية بيوضح كتير وبيدى رؤية مغايرة عن هذه الصلة بين النوع والاثنى.
انجيلا دفيس كتبت كتير وقالت قول من زمن الصراع لاجل الحقوق المدنية
التحية لامنا روزا بارك.. وكأن التاريخ يعيد نفسه ولكن هذه المرة فى السودان
فدخول خليل لامدرمان دفع ثمنه كل ما من شأنه منتميا لاثينات غرب بلادنا...
زول تنزلو من البص لانه من دارفور.... راجع الفترة ديك وكتبت عنها وبشوف اللنك

يبقى ليس من ثبات وانت وانا وغيرنا نعمل من اجل التغيير الذى يوصلنا الى هدف قانون مدنى يقول اننا متساويين امام القانون.

http://www.youtube.com/watch?v=1tuCAAPOZQQ

[Magdy]

المشاركة الأصلية كتبت بواسطة Ishraga Hamid

فى كتاب مهم قريتو للدكتورة فاطمة بابكر عن الجنس والجنسانية بيوضح كتير وبيدى رؤية مغايرة عن هذه الصلة بين النوع والاثنى.

للاسف الفيديوهات مابتظهر عندي في الشركة

بالنسبة للمقتبس هل الجنسانية المقصود بها الجندرية

[Ishraga Hamid]

سلام يا مجدى

فى انتظار قرايتك للموضوع ورؤيتك

الجنسانية تعنى الجندر,, مع مراعاة الاشكال فى الترجمة

[عبدالمنعم الكتيابي]

اقتباس:


لاغرابة فى ذلك فى مجتمع لاتشكل فيه قضية المواطنة بمفهومها الواسع المرتكزة على اسس الديمقراطية وحقوق الانسان اذ يتساوى الجميع امام القانون بغض النظر عن اللون، العرق، الانتماء العقائدى والتوجه السياسى الخ...
الصلة مابين {المرة} و {العب} تشير الى أزمة حقوق المواطنة فى بلد متعدد ومتنوع وتشكل النساء نصفه المهمل رغم المجهودات الجبارة التى قامت بها الحركات النسائية والنسوية داخل السودان مستفيده من إرث حركات التحرر الوطنى فى كل عالمنا النامى


هنا عصب القضية ( إشراقة ) ولو أنا أدركنا ممنزلة المواطنة هذه لاستحينا من صورتنا في مرآة الحق ، ينتظرنا الكثير من البذل في شتى الأصعدة لتحريك مفهوم المواطنة في ثقافتنا اليومية ولا يتأتى ذلك إلا بالاستنكار العلني لكل ماينتقص من قدر الإنسان (نوعه أو عرقه أو معتقده ) من فعل أو قول ، ولا تأخذنا رأفة في ذلك مع تحريك ما هو مهمل في القوانين التي تدين مثل هذا الانتقاص ، كلنا مسئول عن ذلك ومدان ، ، ،

[Magdy]

المشاركة الأصلية كتبت بواسطة Ishraga Hamid

سلام يا مجدى

فى انتظار قرايتك للموضوع ورؤيتك

الجنسانية تعنى الجندر,, مع مراعاة الاشكال فى الترجمة

انا متابع من فترة لي فتره

اظن الناس كلها متفقة على المشكلة الاختلاف في الاسباب والحلول

متمني انك وبكل حياد ومن خلال وجودك في البندر (بالنسبة للعالم)

توري الناس الانعكاس الحقيقي للحاجات الافلاطونية البنقراها في الكتب

على الواقع المعاش (بعيون سودانية)

المراة في الغرب كانت وين واصبحت وين

تاثير القانون على حماية حقوق المهمشين الخ

انا بالنسبة لي المراة في الغرب اصبحت سلعة تباع وتشترى وغالبا بدون ثمن

لو عاينت للدعايات الفي الشارع والتلفزيون والجرائد اظن دا كافي

بالنسبة للقوانين مابتغير من نظرة المجتمع يعني محتاجين لي حاجة اكتر من مجرد قانون

والناس البتضرب مثل بالفنانين والمغنين السود في امريكا حقو تشوف

حلقة اوبرا شو(Oprah Winfrey)

الكان ضيفها الفنان الكوميدي الاسمو Dave Chappelle

باختصار الناس ممكن تسقط تجربة السودان علي العالم ككل وحاتصل لي نفس النتيجة

يعني ديالكتيك المركز والهامش(حسب فهمي)بنطبق علي العالم ككل مع اختلاف بسيط

في التفاصيل؟!

والغريبة انصار الهامش(المحلي) دايرين يفرضو علينا حلول المركز(العالمي)!!

نفس الشي البتعمل فيهو الانقاذ في السودان نفس الحاصل في العالم

قريت ليك مداخلة في ورطة الكتابة عن الجسد وفي عنوان جانبي اولويات الغرب

اعتقد كلامك ماكان بعيد من نظرتي دي

العالم اصبح عالم الاشياء النتائج واحده الموت في السويد(لكثرة الاشياء) هو نفسه

الموت في افريقيا(لقلة الاشياء).

انا داير وجهة نظرك لانها عن تجربة(واقعية) وليست مثالية كمعظم مانقراء.

بالنسبة للجنسانية هل هي نفس افكار سيمون دي بوفوار؟



ودمت بخير

[حافظ حسين]

المشاركة الأصلية كتبت بواسطة أحمد طه

حافظ مساء الخير ، طبعاً حتة ( فرش البيت حرير ترقد عليه فرختنا) دا كلام يبدو لي إنو قديم و مفروض يُنظر اليه من باب إنو تاريخ و كده
ثم إنو الزول سََمَح لي فرختو بالرقاد فوق الحرير الوثير و ما اضطهدا ولا حاجة ، يعني كان بعاملا زي بناتو واحد

الكعب كلام البشير داك النقلو عنو الترابي

مساء النور أحمد طه
فعلاً الكلام قديم و تراث.... لكن التراث النتن دا تجي تتغني بيه شابة جامعية و طارحة نفسها فنانة واعدة هنا بتكون الكارثة
و أم الكوارث وقت يبثه تلفزيون السودان القومي....
هنا ما في اي إشارة يا أحمد طه؟
ما في إشارة ان ثقافة الكراهية دي مصرة تبرز جوانبها السيئة من التراث؟
و وقت نجتر تراث زي كدا , و الناس تصفق و تدندن مع البت دي و كمان تبشر فيها و لو الله ما ستر و ما كانت محجبة عادي ممكن تدي شبال.....

قلت لي السيد دا بعامل الفرخة دي زي بناته (الفرخة لغير الناطقين بها بتعني الخادم), بعاملها زي بناته بدليل انه رقدها فوق الحرير؟
يا أحمد الكلام دا ما صاح لا حاجة و أقراها تاني و شوف الصياغ .... زي بناته بتاع شنو يا خي؟
هسي الزولة دي لو غنت و قالت فرش البيت حرير ترقد فيها بتنا؟
هنا ما بتكون اي مفاجاءة عادي بتي ممكن ترقد في حرير لو انا عندي
المقطع دا يا أحمد محاولة لابراز كرم السيد و شهامته لدرجة الفرخة الكان رقادها مع الكلب و شرابها مع الجداد بقت ترقد في الحرير شفت كيف؟

غايتو يا أحمد الا كان داير تزوق بزوقة المثقفين وقت يجوا يتكلموا عن الرق, ان النسخة السودانية أجمل من الامريكية .....

علي العموم كلام عمر البشير هو شين و مقرف لكن ما كان نشاذ

[أبوبكر عباس]

المشاركة الأصلية كتبت بواسطة حافظ حسين

علي العموم كلام عمر البشير هو شين ومقرف لكن ما كان نشاذ

سلام يا حافظ،
كلام عمر البشير نشاذ
موضوع الرق دا، في الوقت الراهن، عمليا إنتهي، وتوجد منه حاليا فقط بعض الأقوال النشاذ. الحمد لله، على مستوى القانون الناس وصلت قمة المساواة وكل الناس أصبحت متساوية امام القانون. تخرج في بعض الأحيان وفي أوقات الهزيمة بعض الألفاظ العنصرية للتقليل من نجاح الآخر المختلف معه وهي إنعكاس لهزيمة قائلها أكثر منها تعالي.
أرى يا إشراقة، انو موضوع العبودية والعنصرية تجاه المرأة مجرد تاريخ، ترك بعض الترسبات في النفوس، لكنها غير معنوية.
على مستوى الواقع الحالي بالسودان على كل المستويات السياسية، الثقافية والمهنية، اديني أمثلة لممارسات فيها تعدي على المرأة لانها إمرأة، أو تعدي على حقوق زول لانو أهلو كان عبيد.

[Muhib]

العنوان الذى يبدو صادما ليس من عندى, هذا من التراث الموجود

>>

ومن صنع تراثنا ؟