في ظلال اللاموضوعية

[محمد معروف]

وبقليل من التفكير او ( الا موضوعية )

ممكن يكون فى انتاج هائل

الامثلة :


منظمة اللاموضوعيين السودانيين :

منظمة سودانية اجتماعية لا موضوعية تعنى بشؤون اللا موضوعيين السودانيين وتتيح الفرص لكل اعضائها بممارسة الا موضوعية فى ظل الوضع المائل .

وتعتمد الكروسات كمنهج اساسى وتقوم بتدريس منهج ( اللا موضوعية واثرها على المجتمع ) وكورس ( تطور اللاموضوعية ) ( واسس النظرية اللا موضوعية )


نادى اللاموضوعيين :


مجمع ثقافى يجمع كل الوان الطيف( اللاموضوعي) ويسعى الى خلق روابط اجتماعية واقامة نشاطات( بلا موضوع) :



معرض اللاموضوعيين :

حراك ثقافى متميز يعرض كل ابداعات اللاموضوعيين السودانيين ويسعى من خلالها الى اظاهر الجوانب الفنية لشريحة الاموضوعيين واثرها على (فن اللاموضوعية)

[أسعد]

المشاركة الأصلية كتبت بواسطة مواهب

أبو الجود آسفين والله لفتل البوست المفتول خلقة دا

كل الفتلات تؤدي الى سمرقند

[أسعد]

المشاركة الأصلية كتبت بواسطة الرشيد اسماعيل محمود

__
إنت وكت قدرت تحسم موضوع لا موضوعيتك كإنسان، بالمرّة باصر ليك طريقة أحسم بيها لا موضوعيتك كعزّابي، ولو نجحت، بالله شففنا معاك

لو حسمت لاموضوعيتي كعزابي
يبقى اصبحت انسانا موضوعيا
لانو يا منقة الفرق بين الانسان الموضوعي واللاموضوعي
هو انو الموضوعي عندو مصيبة معلقة ليهو فوق رقبتو دي ولعنة المصيبة دي انها كل سنتين تلاتة بتزيد مصايب اكتر

ولو صبر اللاموضوعي لقال له الموضوعي يا حظّك ^_^

[أسعد]

واللاي يا محمد انا قربت احصل جحا
في اني اكضب الكضبة واصدقها
ياخ كلامك دا خلاني اتخيلتها انو الحركة اللاموضوعية اكسيست وانا ما جايب خبر ^_^


من جهة اخرى اعتقد نحن السودانيين ينقصنا قليلا من اللاموضوعية
فنحن السودانيين موغليين في موضوعيتنا لدرجة انو الشافع تلقاهو محدد موضوعو ان يكبر ويبقى دكتور ويتزوج ويجيب اولادgap
وبالمناسبة اللاموضوعية تم استلهامها من الاخوة السودانيين عندما يعلقوا على زول قاعد يخترع في حاجة يقولو ليك (هاااا دا زول ما عندو موضوع ساااااكت)

اذا دعنا نؤسس الحركة اللاموضوعية لتضيف تناقضا في حياتنا السودانية الموغلة في الموضوعية

[همس الشوق]

بوست موغل في الموضوعية
هسه عليكم الله ( الحنة ) دي موضوع كامل الدسم

شكرا لصاحب البوست
وجدي النجومي




الإسم يُسال منو ناس أمدرمان

[خالد الصائغ]

المشاركة الأصلية كتبت بواسطة وجدي الأسعد الأسعد

اها انا غايتو عاوز استغل لاموضوعيتي عشان اساهم بيها في الارتقاء بي وهمات البشر

ياخ أحيي الاستغلال الأمثل لي اللاموضوعية البي ضلها

غايتو يا وجدي رغم إنو المعمار اتطور و بقت في حاجة اسمها أسقف مستعارة
لكن غلبني كلو كلو أتخيل اللاموضوعية دي ضلها بكون عامل كيف
فقمت طوالي أتوهمتو ليك
و صدقني يا صاحب, لولا التوهم لهُدمت حاجات كتيرة فارهة جدا سماحتا متوهمة*

فما تستهين بي هدفك الاموضوعي السامي في الإرتقاء بي وهمات البشر.





* هسة عليك الله بس يا وجدي وريني, لو لا سطوة العشق المتوَهَم, و شيطان الريدة المتلبسنا بي ضلالاتو, التركين ده سماحتو في شنو

[خالد الصائغ]

المشاركة الأصلية كتبت بواسطة وجدي الأسعد الأسعد

لو حسمت لاموضوعيتي كعزابي
يبقى اصبحت انسانا موضوعيا

و هكذا كذلك يا أمنقة موضوعي إنتا

لأنو بي بساطة و بي صعوبة سوا بعض
بتكون حسمتَ أمر التوهم البكون مزوزي بيك و و بي تفاصيل صحوك و منامك
ما بين إنك تكون عايش في وهمة إنك ساكي كيس النايلون الجاري قدامك و ما قادر تحصلو,
و بين إنك أول ما تمسكو ملء يديك و كرعيك
تعي حقيقة إنو































هو الكان ساكيك

[أسعد]

المشاركة الأصلية كتبت بواسطة همس الشوق

بوست موغل في الموضوعية
هسه عليكم الله ( الحنة ) دي موضوع كامل الدسم

شكرا لصاحب البوست
وجدي النجومي




الإسم يُسال منو ناس أمدرمان

أني لاجد ريح الملائكة ^_^
وين يا عروس
على العموم اخديها نصيحة من مفكر فيلسوف نادر
لازم تشيلي كتاب من اختك اسمه (كيف تصبري 4 ساعات للحنة في21 يوما) من اختك ^_^

[أسعد]

المشاركة الأصلية كتبت بواسطة خالد الصائغ

* هسة عليك الله بس يا وجدي وريني, لو لا سطوة العشق المتوَهَم, و شيطان الريدة المتلبسنا بي ضلالاتو, التركين ده سماحتو في شنو

كاااااااااك
نسخة لي عدولة في تكنولوجيته المجيدة ^_^
يا خلود غاية الاشواق ياخ


ثم انو شكرا علي النكتة التأملية التالية في اكتشاف انو الكيس:

هو الكان ساكيك

gapgap

[أسعد]

الأهداء اليك يا خالد غالي وانت في قمة لاموضوعيتك السرمدية ^_^
http://www.youtube.com/watch?v=27kS-Ln5sYI

[مواهب عبد العزيز نقد الله]

هذا البوست تحت شعار:
من غير الموضوعى أن تكون موضوعيا" فى ظروف غير موضوعية .......
تزوجوا تتموضعوا يرحمكم الله ......

[علاءالدين عبدالله الاحمر]

ههههههه والله الزول ده مسكم الحيطة ، والله ده ذكاء لا مرأ فيه أبدا ، سخر منكم كلكم بدون يتكلف بس نصب الشرك وخلاكم تجو براكم

[أسعد]

المشاركة الأصلية كتبت بواسطة alaa

ههههههه والله الزول ده مسكم الحيطة ، والله ده ذكاء لا مرأ فيه أبدا ، سخر منكم كلكم بدون يتكلف بس نصب الشرك وخلاكم تجو براكم

واللاي يا علاء انا مشفق عليك ياخ
معقولة انت تكون عايش الحياة بتاع انو البسخر منك ويشتمك يعني مسكك الحيطة مافي اي معاني تانية للسخرية والشتائم في قاموس عواطفك؟!

اها النوريك يا علاء
السخرية والشتيمة ممكن تكون اجمل واحلى من كسير التلج لمن تكون بين اصدقاء
الجماعة ديل المحبة البضمرها ليهم ما بقدر ابذلها ليهم الا بالسخرية والشتيمة الواردة اعلاه


انت اقعد خليك معسم كدة بين شكر الاصدقاء واساءة الاعداء

[أسعد]

المشاركة الأصلية كتبت بواسطة مواهب

هذا البوست تحت شعار:
من غير الموضوعى أن تكون موضوعيا" فى ظروف غير موضوعية .......
تزوجوا تتموضعوا يرحمكم الله ......

طبعا بتموضع متين؟!
لمن يشوف الأجن منو^_^
الراجل بكون مجنون واول ما يتزوج ويعيش تفاصيل الأجن منو
بقوم يخلي جنونو دا ويبقى زول عاقل وعندو موضوع gap

انا ما حكيت ليك قصة حياة الرجل الكان بكره المرأة؟!
أها اتزوج بي واحدة وقام انكفى علي وشو وحباها
الحب دا قام جهجهو
ويوم من الايام كان قاعد منتظر زوجتو الكانت بتتمكيج عشان يطلعوا مشوار
وفي خضم انتظاره دا سرح وشغل شريط حياته في انو كيف كان بكره المرأة الموت
واتأمل حبيبتو وعشان خاطرها قرر انو يتحول ويبقى نصير للمرأة
اها بعد ما كمل سرحتو دي ورجع الى ارض الواقع اكتشف انو قاعد منتظر زوجتو اكثر من تلاتة ساعات وهي قاعدة قصاد المراية تتمكيج
اها هنا قام طوالي عمل Delete لقرارتو الجديد وقرر انو يرجع قواعد القديمة
ويظل عدو للمرأة
في زول بنصر ليهو زول يقعد في الحنة 4 ساعات والميكياج 3 ساعات؟!


gap

[مواهب عبد العزيز نقد الله]

الاستشوار برضو ما تنسى ...
*ولد اختى صغير , الظاهر شاف شكلى متغير عليهو شوية , وعايز يستفسر, بس خانوا التعبير .......خالتو انتى مستشورة وشك كدا ماشة وين !!!!!
ما عارفة لية القزاز الوقع فى التراب فى البوست التانى ذكرنى بيك ليه