الأمر مُعقد

[ماريل]

المشاركة الأصلية كتبت بواسطة azzam_farah

رغباتي هي مِن صُنْع الله وهو أدرى بِصُنْعهِ وقد أباح لي الله تعالى ذلِك < ... انكِحُواْ مَا طَابَ لَكُم مِّنَ النِّسَاء مَثْنَى وَثُلاثَ وَرُبَاعَ... > النِساء 3

اسمح لى يا عزام :
رغباتك ليست من صنع الله هى من صنع نفسك والا لم تكن تقع تحت طائلة الحساب والعقاب
هل اذا كانت لك رغبة فى القتل او السرقة او شراب الخمر نستطيع ان نقول تلك رغبة الله لك
بالله ما اى شئ ترموهوا فوق (الله اراد) انت تريد وتفعل ما تريد يسوقك هوى نفسك فقط وليس للرب علاقة فى رغباتك وخياراتك...

[azzam_farah]

يَـزْني الزُنـاةِ -ويْلهُم- ولا يُلْفظوا، ومن تدثر بالتعدُدِ لمِزوا وتعجبوا!

[ماريل]

المشاركة الأصلية كتبت بواسطة وجدي الأسعد الأسعد

يا عزام لا حاجة لك للتبرير وكما قال المغني في عقد الجلاد (الحب في زاتو مبرر كافي) فالرابعة التي نالت لقب (رابعة النهار) نالها شرف عظيم وحفتها سعادة سرمدية اما بخصوص بقية العقد الفريد فان هذا القلب العاشق : قطع شك بكون قادر على بذل محبة للاربعة بالتساوي واصلن القلب هو قالب فاذا كان به رغبة فهذه الرغبة دلالة على ان به متسع للمرغوب به فا شنو يا معلم ما تسمع كلام ماريل ومن شايعها وعلمنا نحن ديل الما عندنا ولا واحدة واكتبني عندك تلميذا

مافى زول طلب منو يبرر يا وجدى بالله مطية الدين الراكبيين فوقا دى يا اركبوها صاح يا انزلوا منها وخلونا نناقش البعد الانسانى والاجتماعى...

تركبوا المطية صاح متين؟؟عندما تقروا بان التعدد مشروط بالعدل وان العدل بين النساء مستحيل (ولن تعدلوا بين النساء وان حرصتم)...

اصلن الرجال ديل فى الدين عنهم تلاتة فرمالات(التعدد والميراث واضربوهن)هريتونا بيهن هرى ياخ ارحمونا:

D

[azzam_farah]

hassan farah
كيف حالك؟ علك طَيِب

وفى الجنة بعدين يا عزام....ان شاء الله بعد طول عمر....حيتابعنك التلاتة ام حتستبدلن بحور عين

إن شملوني كعادتِهِن بِالرِعاية، سيتْبعْنني.. ولا تستطيع أحداهِنْ إهْمالي، فإني لهُن عاشِقٌ وكريم

[كيشو]

سلام يا عزام
وبركة الشوفة
ذكّرتني الشاعر ود بادي الذي قال يحكي عن الشيخ ود الشايقي:
ومضى يتلو الكتاب
مرّ بالمال والبنين فتنسم وترنم
وبآيات الطلاق فتجهم
وإذا ما لاقى مثنى وثلاث ورباع
وقف الشيخ طويلاً مثلمل فحل الضباع
وبكى ملء الجفون البقرية
وجرى دمع الزراعة المطرية
قال إنني قصرت في حق الكتاب
ساعاني ما أعاني من عذاب
++++++++
ويبدو أنك بدات تعاني

[أسعد]

يا وجدى بالله مطية الدين الراكبيين فوقا دى يا اركبوها صاح يا انزلوا منها

ماريل مع اني ما اتكلمت عن الدين
لكن بمشيها لانو الزول بكون اهبل كان لام ليهو مرأة ^_^
اها عاوزة نتناقش عن (البعد الانساني والاجتماعي)؟
ما عندي مانع

تركبوا المطية صاح متين؟؟عندما تقروا بان التعدد مشروط بالعدل وان العدل بين النساء مستحيل (ولن تعدلوا بين النساء وان حرصتم)...

اها يلا كدي قولي لي العدل في شنو؟
عشان اجي ارد ليك بناء علي العدل الفي طايوقك دا

[كيشو]

المشاركة الأصلية كتبت بواسطة خال فاطنة

ما خاب زواج وراه قلب يرنو

هسه حبك الكتير دا كان استفدت منو في الانتخابات ما كان أخير ليك ؟

[ماريل]

المشاركة الأصلية كتبت بواسطة azzam_farah

لقد تَزَوجت بِثالِثة.. لَيس التعقيد هُنا.. التعقيد سَيِداتي سادتي أن قلبي يرنو لِرابِعة

واها يعنى بعد الرابعة عادى قلبك ممكن يرنو لخامسة عندها الحل شنو؟؟
القلب يا سيدى لا يتوقف عن الحب او الحوجة للحب طالما كان على قيد
نبض على قيد حنين وهنا المحك وبالله استصحب معاك ان للنساء قلب

[azzam_farah]

ماريل

رغباتك ليست من صنع الله هى من صنع نفسك والا لم تكن تقع تحت طائلة الحساب والعقاب
هل اذا كانت لك رغبة فى القتل او السرقة او شراب الخمر نستطيع ان نقول تلك رغبة الله لك
بالله ما اى شئ ترموهوا فوق (الله اراد) انت تريد وتفعل ما تريد يسوقك هوى نفسك فقط وليس للرب علاقة فى رغباتك وخياراتك...

لِنُرتِب الأمر سَيِدتي الفاضِلة
(1) مشروعِية التعدد (الإباحة/الشروط/فك الإرتباط).
(2) البُعد الإنساني للتعدد (الفوائِد وضِدُها).

(1) مشروعِية التعدد (الإباحة/الشروط/فك الإرتباط):-
يقول الله تعالى <... فَانكِحُواْ مَا طَابَ لَكُم مِّنَ النِّسَاء مَثْنَى وَثُلاثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ> 3 النِساء

وقال جلا وعلا <وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن تُصْلِحُواْ وَتَتَّقُواْ فَإِنَّ اللَّهَ كَانَ غَفُورًا رَّحِيمًا> 129 النِساء

إذن:-
الآية الأولى:
- التعدد مُباح.
- من خاف عدم العدل في النِساء، فله واحِدة.
- يُمْكِن أن يجور بِالمَيل.. كُل المَيل في ملْك اليمين.

الآية الثانية:
- العدل لَيس في مُمْكِن الزَوج.
- جاءت التوَصِية الربانِية لِلمُتعدِد <... فَلاَ تَمِيلُواْ كُلَّ الْمَيْلِ...>

و العدل هو الوسط بين الإفراط و التفريط، و من الصعب المستصعب تشخيصه، و خاصة من حيث تعلق القلوب تعلق الحب بهن فإن الحب القلبي مما لا يتطرق إليه الاختيار دائما.

المصدر [الميزان في تفسير القرآن]: http://www.holyquran.net/cgi-bin/alm...29&sp=0&sv=129

يتبع

[ماريل]

المشاركة الأصلية كتبت بواسطة كيشو

سلام يا عزام
وبركة الشوفة
ذكّرتني الشاعر ود بادي الذي قال يحكي عن الشيخ ود الشايقي:
ومضى يتلو الكتاب
مرّ بالمال والبنين فتنسم وترنم
وبآيات الطلاق فتجهم
وإذا ما لاقى مثنى وثلاث ورباع
وقف الشيخ طويلاً مثلمل فحل الضباع
وبكى ملء الجفون البقرية
وجرى دمع الزراعة المطرية
قال إنني قصرت في حق الكتاب
ساعاني ما أعاني من عذاب
++++++++
ويبدو أنك بدات تعاني

من بديت اقرأ فى البوست ده وانا مكهفرة الوجه حتى اذا ما قرأت مداخلتك هذى ضحكت ملء قلبى
والله والله يا مولانا صنعت يومى ياخ...اتذكرت نكتة بى مناسبة صنعت يومى دى
قال واحد بلدياتنا مشى ضيف عند ناس وشرب شاى كيفو ليك كيف شديد بعد بقى
ماشى اصر يشكر ست البيت على الشاى الجميل ناداها قال ليها (شكر الله الصانع)
المرة اتلفتت كده بعد شوية قالت ليهو(يصنعنى ويصنعك يا ود امى)
فشنو هسه انت صنعت يومى عليه(يصنعنى ويصنعك يا ود امى)....

[كيشو]

المشاركة الأصلية كتبت بواسطة ماريل

من بديت اقرأ فى البوست ده وانا مكهفرة الوجه حتى اذا ما قرأت مداخلتك هذى ضحكت ملء قلبى
والله والله يا مولانا صنعت يومى ياخ...اتذكرت نكتة بى مناسبة صنعت يومى دى
قال واحد بلدياتنا مشى ضيف عند ناس وشرب شاى كيفو ليك كيف شديد بعد بقى
ماشى اصر يشكر ست البيت على الشاى الجميل ناداها قال ليها (شكر الله الصانع)
المرة اتلفتت كده بعد شوية قالت ليهو(يصنعنى ويصنعك يا ود امى)
فشنو هسه انت صنعت يومى عليه(يصنعنى ويصنعك يا ود امى)....

غايتو ما شفت لي زول بخلص دينو أسرع منك
بالله لو عايزة دين طوالي تعالي لي :D

[كيشو]

المشاركة الأصلية كتبت بواسطة ماريل

من بديت اقرأ فى البوست ده وانا مكهفرة الوجه حتى اذا ما قرأت مداخلتك هذى ضحكت ملء قلبى
والله والله يا مولانا صنعت يومى ياخ...اتذكرت نكتة بى مناسبة صنعت يومى دى
قال واحد بلدياتنا مشى ضيف عند ناس وشرب شاى كيفو ليك كيف شديد بعد بقى
ماشى اصر يشكر ست البيت على الشاى الجميل ناداها قال ليها (شكر الله الصانع)
المرة اتلفتت كده بعد شوية قالت ليهو(يصنعنى ويصنعك يا ود امى)
فشنو هسه انت صنعت يومى عليه(يصنعنى ويصنعك يا ود امى)....

أنا غايتو السمعتو إنو الضيف قال لي سيد البيت:
بالله لو فكرت تفك المَرَة دي أدينا خبر

[ماريل]

المشاركة الأصلية كتبت بواسطة وجدي الأسعد الأسعد

ماريل مع اني ما اتكلمت عن الدين لكن بمشيها لانو الزول بكون اهبل كان لام ليهو مرأة ^_^

اها عاوزة نتناقش عن (البعد الانساني والاجتماعي)؟

ما عندي مانع اها يلا كدي قولي لي العدل في شنو؟

عشان اجي ارد ليك بناء علي العدل الفي طايوقك دا

يا وجدى انت فعلا ما اتكلمت عن الدين نوهائيا وانا ما حددت قلت وجدى اتكلم عن الدين خطابى كان جماعى(بالله انزلوا من مطية الدين)يعنى ما خصيتك ك وجدى

اها شوف عزام مافى مداخلة الا وجاب فيها آية وكل الرجل المسلميين بتكلموا عن التعدد من منطق ومنطلق دينى وده سبب خطابى الجماعى

اولا قبل نمشى خطوة لى قدام ورينى الواحد ببقى اهبل كان لام ليهو مرة دى قاصد بيها شنو لانى ما بقدر اناقش راجل بتعامل معاى بالدونية دى
فقط لكونى امرأة دونية لدرجة انو ببقى اهبل (والله عارفاك ح تجى بى مراقة تمرق معاك قندران)

[زول الله]

المشاركة الأصلية كتبت بواسطة ماريل

من بديت اقرأ فى البوست ده وانا مكهفرة الوجه

السبب شنو انو المرأة دائماً مكفهرة الوجه لمن تجي السيرة دي؟ - ماريل نموذجاً
والغالب الاعم انهن انفسهن سبب كبير في التعدد او تطبيقها بأخرى
طبعا للعلم ياماريل لستُ من انصار التعدد رغم اني "سوابق"
لكن استغرب من هذا الأمر الذي ترفضنه جملاً وتفصيلاً حتى لومسبب
-





اقول قولي هذا واستغفر الله لي..................

[ماريل]

المشاركة الأصلية كتبت بواسطة كيشو

أنا غايتو السمعتو إنو الضيف قال لي سيد البيت:
بالله لو فكرت تفك المَرَة دي أدينا خبر

يا مولانا زولى حق النكتة براهو وزولك براهو لانو واضح انو زولك من انصار التعدد بالتالى يقع فى زمرة عزام ووجدى واحمد طه
اما زولى واقع فى زمرة ياكل ويغش خمشوا ويتوكل على الدايم وبالكتير يعبر بى (شكر الله الصانع)