*ثم انو العمل الخيري*

[AMAL]

المشاركة الأصلية كتبت بواسطة قوت القلوب

ستنا امالنا
القومة ليك لفتح نفاج طال مواربة ابوابه بالاتكال او شي بعيد عن تفكيرنا
المهم في الامر
تنظيم العمل والتخطيط والتفرغ لمن يجد انه قادرا على الاستمرار لانجاح هذا العمل
او يرشح من قبل الاعضاء ان كان من خارج البورد
ده بيدينا اننا نتابع

تانيا
اقترح انشاء اعضاء خارج العاصمة لانو الاقاليم فيها الاكثر فقرا
وتتوسع الدائرة ان شاء الله لنغطي اكبر عدد ونساهم في امكانية استمرار الكثير في الدراسة
يحدث تسرب من المدارس بسب اللقمة وسد الرمق
ده من خلال معاصرتي لكثر
ان شاء الله يكون صدقة جارية لكل من ساهم
وطبعا بعد الله الفضل يرجع للخالد فينا ربنا يتقبل

غايتو ياقوتنا لقيتك متفائلة
اقاليم مرة واحدة
والله بتمني زيك مشروعنا يكبر ويتمدد زي مامتمنين
وقدحنا يصل لكل جيعان بس براك شايفة
خلونا نشوف الاخطاء وين ونحدد المعوقات
خليك قريبة دايما وماتبعدي ياهويدا
بالجد وجودك بطمن وبضيف للمكان كتير
وبحسسنا فعلا بالتواصل وسودانيات بيتنا الكبير
خلينا نفرش ملايات الامل
ونشد ستاير الخير
ونطلق بخور المودة
سعيدة بيك جدا

[مهند الخطيب]

المشاركة الأصلية كتبت بواسطة معتصم الطاهر

اقتباس:
المشاركة الأصلية كتبت بواسطة لنا جعفر






سلام لنا و مجلس الادارة ..

شعارى معكم و مع الأعضاء

من لا يقدم لا يحاسِب ..

يعنى ما ممكن كل النقدمو لمجلس الادارة انتخابهم ..

نحن نقترح و لو ضعت اقتراحاتنا فى برنامجهم نحاسبهم ..

لو كلفونا و ما نجح البرنامج ( نحن الأعضاء) جزء من الفشل
و النجاح للجميع و الفشل مسئولية الجميع أيضا

مجلس الادارة عليه التخطيط فقط و رسم الخطط ..

كبير انت يامعتصم .... كبير ....

الينا بالمقترحات ... ومعا قبل بدء العام الدراسي الجديد ننجز ، هناك خطة جيدة بطرف الأعزاء نبراس وأحمد زين تحتاج لاقتراحاتكم تحديدا فيما يخص تدوير الميزانية والدعم المادي ...

شكرا لك ...

[ماريل]

شكرا يا آمال على فتح الموضوع ده للنقاش اقتراحى انو يتم انشاء مؤسسة خيرية باسم
الخالد(خالد الحاج)وتكون الاسهامات من اعضاء سودانيات والبركل لان فى كتير
عضوية مشتركة وكتير اخوانا فى البركل نادوا بقيام عمل زى ده باتعاون مع منتدى
سودانيات اعتقد كده بكون باب المساهمات اوسع والهم ياهو الهم الواحد يا ستى
كونى بخير يا حبيبة ولى قدام............

[الفاتح]

بعد الإذن :
يقرأ هذا البوست مع :
تجربة النفاج :
http://sudanyat.org/vb/showthread.php?t=14406&page=12
ومع : حق الفطور
http://sudanyat.org/vb/showthread.php?t=23690&page=11
والبوستات الإتفرعت منو
1/ http://sudanyat.org/vb/showthread.php?t=23909
2/ http://sudanyat.org/vb/showthread.php?t=25508



الملاحظ إنو في تجربة النفاج حوالي 50 عضو أبدو إستعدادم لإنو يكونو حاضرين.. بكل أسف إنفعال الناس ده ما صمد لفترة بتاعة شهر شهرين.. لأنو بعد داك وضح إنو الناس الملتزمة شهريا ما إتجاوز 4 أشخاص

هسي تجربة حق الفطور ماشه على نفس الموال بتاع النفًاج

الحل في تقديري :
- تعيين مسئول مالي جديد مهمتو تتمثل في إرفاق جداول مالية شهرية ، مرفق معاها صورة من التحاويل المالية - بعد مسح إسم المرسل منها - ، وإلزام المسئول المالي ده بإنو تكون أوجه الصرف ما تتعدى بند الإفطار ، وفي حالة الحوجه لتوجيه المنصرف لبند تاني ، عليه الرجوع للجمعية العمومية للتأمين على جدوى المنصرف الجديد أو رفضو.
تكليف المسئول المالي لا غير بإدارج جدول إكسل شهري
وبالتعاون مع الإدارة تثبيت بوست ليكون فولدر لاحقا تدرج فيهو حركة الوارد والمنصرف من يناير إلى ديسمبر.
+ التأكيد على إنو المسئول المالي هو المنوط بيهو إنو يفتح بوست يوضح الوارد والمنصرف ، عشان الناس ما تتجهجه ساي .

سلام.

[AMAL]

سلام مهند
وخليك متابع ومركز معانا بالله

ماريل
اقتراحك وجيه
رايي انك تكتبي تصور شامل وتختي لناس المجلس في تربيزتهم


شليل
ياخ البركة الفكت الحردة
وخلينا نمشي خطوة في اتجاه العملي
بأمن علي مقترحاتك دي
ونبدأ
اولا
تعيين المسئول المالي
رشحوا لينا ياناس الداخل
ثانيا
تجديد الملتزمين شهريا لالتزامهم
ثالثا
نبراس واحمد يطرحوا تصورهم
وتتم مناقشته والموافقة عليه

[خلاسية]

سلامات امال والبقية
حسب متابعتي للبوست انو الناس عاوزة تراجع
وصلت وين ووقفت وين في عدد من البرامج
بس شايفة التركيز كان علي المثال (افطار طالب)
هو مشروع رايع بس ليه الناس ما جابت سيرة
لمقترحات تانية برضو محتاجة لمناقشة
زي جمعية خالد الحاج الخيرية
كانت مقترح من اكتر من سنة
وين المقترحات لبرامج جديدة
بقترح تكون اللجنة المتابعة للشغل دا
من خارج الادارة حتى يتفرغ اعضاء الادارة
لمتابعة اعمال المنتدى وتطويره حسب رؤيتهم
وتتفرغ اللجنة المنتخبة لمتابعة الاعمال الخيرية والثقافية التابعة لسودانيات
حتى تكون المحاسبة منفصلة حسب التقصير

[Ishraga Hamid]

هذا بوست العام بلا منازع
شكرا آمال المؤملة

[AMAL]

المشاركة الأصلية كتبت بواسطة خلاسية

سلامات امال والبقية
حسب متابعتي للبوست انو الناس عاوزة تراجع
وصلت وين ووقفت وين في عدد من البرامج
بس شايفة التركيز كان علي المثال (افطار طالب)
هو مشروع رايع بس ليه الناس ما جابت سيرة
لمقترحات تانية برضو محتاجة لمناقشة
زي جمعية خالد الحاج الخيرية
كانت مقترح من اكتر من سنة
وين المقترحات لبرامج جديدة
بقترح تكون اللجنة المتابعة للشغل دا
من خارج الادارة حتى يتفرغ اعضاء الادارة
لمتابعة اعمال المنتدى وتطويره حسب رؤيتهم
وتتفرغ اللجنة المنتخبة لمتابعة الاعمال الخيرية والثقافية التابعة لسودانيات
حتى تكون المحاسبة منفصلة حسب التقصير

الله ياخلاسية
سعيدين بيك
لقينا روحنا في البوست دا شغالين بطريقة الجفلن خلهن
وهسي بنقرع في افطار طالب
عموما العزيزة ماريل طرحت نفس الرؤية
واقترحنا ان تتقدم بالفكرة بموجب دراسة لنناقشها هنا وترفع للمجلس
البوست مفتوح لكل مايخص هذا العمل
وكل الشكر للادارة لرفعه عاليا واتمني ان يجد الاهتمام من الجميع

[AMAL]

المشاركة الأصلية كتبت بواسطة Ishraga Hamid

هذا بوست العام بلا منازع
شكرا آمال المؤملة

شكرا ياجميلة




ومازلنا في انتظار جودو

[حسين عبدالجليل]

شكرا ياأمال .

كل يوم يمر ولدينا مبلغ مجمد كان يمكن أن يُفطِر عدد من الطلبة الفقراء في مدرسة ما , هو دليل آخر علي فشلنا في نقل أحلامنا الوطنية الصغيرة لواقع يأثر في حياة بعض البسطاء .

مازلت أعتقد بأن مسئولية تفاصيل التطبيق يجب أن يتولاها منسق من أعضاء مجلس الادارة .

نحتاج لبعض الإنتصارات الصغيرة لينعدل مزاج أيامنا السودانية المليئة بالانكسارات.

سارعوا!

[أمين محمد سليمان]

المشاركة الأصلية كتبت بواسطة حسين عبدالجليل

نحتاج لبعض الإنتصارات الصغيرة لينعدل مزاج أيامنا السودانية المليئة بالانكسارات.

سارعوا!

شكرا يا حسين ..

--------
و شكرا ليك يا آمال و لي كل من شارك و لو بكلمة ...
من أساسيات العمل الخيري وجود جهة مسؤلة من وصول التبرعات لمستحقيها، التعطيل في صرفها غير إنو بحرم المحتاجين، بكتل حماس المتبرعين و بالتالي بموت المشروع زي ما كل حاجة سمحة قاعدة تموت في السودان !!

[هاني عربي]

تحياتي إخوتي وأخواتي الكرام.

سر نجاح العمل الخيري هو النيّة الطيبة المصحوبة بالفكرة الواضحة والأداء الفعّال والبعيد عن التعقيدات.

آفة العمل الخيري هي التنظير وكثرة الجدال والشخصنة.

كلنا نخطئ ونصيب. كل منّا لديه أسلوبه وطريقته في إدارة الأمور ووزنها والحكم عليها بل نختلف في طريقة رؤيتنا للأمر. لكن يتفق الجميع - أو معظمهم - على نية طيبة وفكرة مفيدة يريدون أن يشعلوا بها شمعة بدلاً من أن يلعنوا الظلام.

دعواتي لكم جميعاً بالتوفيق.

[AMAL]

المشاركة الأصلية كتبت بواسطة حسين عبدالجليل

شكرا ياأمال .

كل يوم يمر ولدينا مبلغ مجمد كان يمكن أن يُفطِر عدد من الطلبة الفقراء في مدرسة ما , هو دليل آخر علي فشلنا في نقل أحلامنا الوطنية الصغيرة لواقع يأثر في حياة بعض البسطاء .

مازلت أعتقد بأن مسئولية تفاصيل التطبيق يجب أن يتولاها منسق من أعضاء مجلس الادارة .

نحتاج لبعض الإنتصارات الصغيرة لينعدل مزاج أيامنا السودانية المليئة بالانكسارات.

سارعوا!

عيال بتسرح في المدارس
والفطور نجما بعيد


والشتاء ياناس
وفكة الريق مسمار قلب

[AMAL]

المشاركة الأصلية كتبت بواسطة أمين محمد سليمان

من أساسيات العمل الخيري وجود جهة مسؤلة من وصول التبرعات لمستحقيها، التعطيل في صرفها غير إنو بحرم المحتاجين، بكتل حماس المتبرعين و بالتالي بموت المشروع زي ما كل حاجة سمحة قاعدة تموت في السودان !!

اشك كثيرا في اننا سنحصل علي ربع هذا المبلغ مستقبلا
شخصيا قربت ايآس
عندي آمل واحد هسي حاقولو في ردي علي هاني
شكرا امين
احاول دائما ان اجعل وجودي فاعل هنا اقله نبعد من البل والبلالين

[AMAL]

المشاركة الأصلية كتبت بواسطة هاني عربي

تحياتي إخوتي وأخواتي الكرام.

سر نجاح العمل الخيري هو النيّة الطيبة المصحوبة بالفكرة الواضحة والأداء الفعّال والبعيد عن التعقيدات.

آفة العمل الخيري هي التنظير وكثرة الجدال والشخصنة.

كلنا نخطئ ونصيب. كل منّا لديه أسلوبه وطريقته في إدارة الأمور ووزنها والحكم عليها بل نختلف في طريقة رؤيتنا للأمر. لكن يتفق الجميع - أو معظمهم - على نية طيبة وفكرة مفيدة يريدون أن يشعلوا بها شمعة بدلاً من أن يلعنوا الظلام.

دعواتي لكم جميعاً بالتوفيق.

سلام ياهاني وجيتك دي اشارة زي مابقولو
تابعت باعجاب شديد ياهاني قيادتك للعمل الجبار ابان محنة طالبات دارفور وحقيقي انبهرت بطاقتك والعمل الرائع الانجزتوه فدحين ياخوي لازمنا عونك ومساعدتك ومغرودين في همتك
اقرا الروابط الفوق دي وشوف مداخلة شليل
وورينا همتك
شخصيا معولة كتير علي وجودك هنا فارجوك تعال ياخ
وورينا بيان بالعمل