اقتباس:
المشاركة الأصلية كتبت بواسطة Sana Mursi
وجدي انت مهكر ولا بصحك ولا الحاصل شنو
غايتو انا عن نفسمي كسناء مرسي حافضل اولول على مصطفى لغاية ما اغادر الفانيه دي لانو ضهرنا انكسر برحيل مثطفى دون خاطره ودون خاطرنا و لكن نحنا مؤمنين بربنا ولا نقول تاا ما يرضي الله.
اناواحده من الناس الكنت باعتبر مصطفى الله يرحمه بيعبر عن لسان حالي كان متجاوز كونه مجرد فنان و كنت باحس بانو علاقتي بيه علاقة دم بغض النظر نوع القرابه و قلتها ليه في القاهره قبل جسمه يلفظ الكلى الزرعها في روسيا، نتيجة تعاطيه مضاد للانفلونزا.
|
واللاي يا سنسن انا بصحي
ياخ فرانك سيناترا مات الناس ما عملت ليهو جنس عمايلكم دي
ثم انو ايه قصة ضهرنا انكسر دي؟!
أها خلينا نقول مصطفى دا طلع بروميثيوس وسرق النار من الهة الظلام وجدعها للناس
اها الناس تخلي النار الاداها ليهم ويقعدوا يبكوا يا حليلك يا بروميثيوس؟!
بينما النار دي كل مرة ماشة في الخفوت!!
اسي يا سناء في ذمتك دي
17 سنة من تكرار سيرة (ورحل صوت المغني حزين) نحن استفدنا منها شنو؟!
الـ 17 سنة دي موش كان اولى بيها الاحتفاء بارث مصطفى الغنائي بدراسته والبحث في حدائقه اللحنية وسهوله الشعرية وبحيراته الصوتية وغاباته الرمزية
موش بي كدة بنكون ساهمنا في في نشرة جزوة نار الوعي البذلها لينا مصطفى سيد احمد؟!
هذه البكائيات على رحيل مصطفى العاملة على تقدسي فردية مصطفى
وتركنا لأرث مصطفى الثقافي
بذكرني زي الاولاد الابوهم مات وخلف ليهم ثورة عظيمة
اها الاولاد ديل قعدوا في الصيوان سنين عددا -يعني اكتر من 17 سنة- في انهم يبكون على رحيل والدهم، ومن جهة اخرى ثورة ابوهم ماشة في النقيصة
