السلام عليكم ورحمة الله - الصفحة 2

البدري عبدالله · 21-01-2013, 08:24 PM

مهند الخطيب
اللام عليكم ورحمة الله

اقتباس:

المشاركة الأصلية كتبت بواسطة مهند الخطيب

غايتو انتشار الصلع في البورض بقى يخوف ...

مبدئيا كده مرحب بيك ياالبدري...

أمين البروف مامرحب بيك ولا شي

يا مهند ان الصلع من سمات الرجل القيادي المثقف والمستنير ..ولا اظنني قادرا على جلب جميع اسماء الاعيان والمفكرين من ذوي الصلع الكاملة او المجزأة ..عموما ارجو مطالعة كتابي الاخير عن الصلع ...بعنوان الصلع على مرّ العصور ,,دراسة مقارنة (الامبراطورية الرومانية نموزجا )
..

أمين محمد سليمان · 21-01-2013, 10:18 PM

اقتباس:

المشاركة الأصلية كتبت بواسطة ماريل

احسن منك بى صلعتو

ده الحد الأدني يا ستهم !!

البدري - حيث لا بدر هناك - أنا أحسن منو في أسوأ حالاتي الانسانية !!

اقتباس:

المشاركة الأصلية كتبت بواسطة مهند الخطيب

غايتو انتشار الصلع في البورض بقى يخوف ...

مبدئيا كده مرحب بيك ياالبدري...

أمين البروف مامرحب بيك ولا شي

امبارح يا مهند حلقت صلعة - لاول مرة - صلعة يعني صلعة بالموس ...ولاني الأيام دي في مدينة تانية .. صورت رقبتي بالتلفون و رسلتها مسج لحرمنا المصون و معاها تعليق ( عايني إنت معرسه شنو ) !! بعد ثانيتين ردت لي ( سجمي !! ) و لحدي هسي ما اتكلمنا بالتلفون فما عارف الحاصل شنو ... إحتمال كبير جدا تكون رفعت يدها مني !!

بيني و بينك المنظر ازداد قساوة بعد حلقنا صلعة للصلعة !!
بعدين يا عم مهند الداير ترحيبك منو ؟! زماااان فرجتها علي رقبتي !!

اقتباس:

المشاركة الأصلية كتبت بواسطة AMAL

مايغشاك شر

آمال
عن اللجنة الدائمة للترحيب بالبروف

يديك العافية يا ستهم ... الأيامات دي محتاج ترحيب شديد و رفع لروحي المعدنية بالذات بعد قصة الحلاقة و الramifications حقتها !!

اقتباس:

المشاركة الأصلية كتبت بواسطة طارق صديق كانديك

شوفي لينا فرقة معاكم في اللجنة دي .. صاحبك ده ما صدق إني بقيت معاش، مرقني في دمشق

يا عم طارق ... ما تزعل مني ياخي لكن اللجنة دي لازم أعضاءها يكونو من الجنس "اللطيف" لانو القصة فيها رفع معدنيات و براك عارف جنسنا "السخيف" ده ما بنجح في الحاجات دي !!
بعدين ياخي ما قلنا ليك عفيناك من دمشق و أمشي السعودية ... إنت بيت الله ده مالك مابي ؟!!

اقتباس:

المشاركة الأصلية كتبت بواسطة البدري عبدالله

يا نوتة هو عليك الله انت متين كنت قادر تكتب ؟!! ما ياهو شغل اخنق فطس حقك داك ولا جدّ جديد ؟

------
مشتاقين والله يا وغد

غايتو يا البدري ما عارف لو أنا ما كنت بحترق عشان انير ليكم دروب الاسافير كنت قلت شنو ... لكن لا كرامة لنبي في وطنه !!
هسي الناس كلها عرفتك صاحبي ... بالله ما تحرجني ببوست تعيس !!

فيصل سعد · 21-01-2013, 10:27 PM

اقتباس:

المشاركة الأصلية كتبت بواسطة البدري عبدالله

[COLOR="Navy"]

اخوك ما محتاج وصية ...النصيبة دي انا عاجنة وخابزة

اوعى كمان يكون قمر الحقد الاصلع فردة امين صاحبك
انت كمان .. دي مصيبة و وقعت على دماغنا تكون

أمين محمد سليمان · 21-01-2013, 10:33 PM

اقتباس:

المشاركة الأصلية كتبت بواسطة فيصل سعد

و احب بتحفظ ايضا ..

مرحب يا البدري و حبابك
و خالك امين بفوتك بسؤ الظن العريض
و اعمل حسابك مغنطيسو كارب شديد

يا عم فيصل ... البدري - حيث لا بدر هناك - زول بتاع كركبة إسفيرية و بلال بدرجة فارس، مات فيه الانسان منذ أمد بعيد ... المسجل معاكم هنا دي البقايا !! فاستوصو به خيرا بالله !!

------------
بمناسبة المغنطيس يا بدري ....أقعد مؤدب عشان هنا في ناس شرسة و عندهم مغنطيسات ... قال ليك ممكن ينشروك زي برادة الحديد و يلموك بالمغنطيس !!
و لم المغنطيس ده بالذات يا بدري يا أخوي إنت لا بتقدر عليهو لا الله قال !!
اللهم اني قد بلغت !!

أمين محمد سليمان · 21-01-2013, 10:38 PM

اقتباس:

المشاركة الأصلية كتبت بواسطة فيصل سعد

اوعى كمان يكون قمر الحقد الاصلع فردة امين صاحبك
انت كمان .. دي مصيبة و وقعت على دماغنا تكون

يا فيصل ... قمر الحقد الأصلع هو الأب الروحي للبدري حيث لا بدر هناك ... و في حسبو و مورتا الضفادع الاسفيرية و خضر حسين و أميرة الشيخ ... و دي شلة كلها عاهات بعيد عنك !!

ناس الأدارة بسجلو ساااي مافي زول برجع لي ... غايتو الله المستعان !!

البدري عبدالله · 21-01-2013, 10:51 PM

اقتباس:

المشاركة الأصلية كتبت بواسطة فيصل سعد

اوعى كمان يكون قمر الحقد الاصلع فردة امين صاحبك
انت كمان .. دي مصيبة و وقعت على دماغنا تكون

يا فيصل ياخ قمر الحقد الاصلع والسيد نوتة الاصلع وشخصنا الضعيف برضو الاصلع جميعنا من مصابي العمليات الوراثية وعوامل التعرية فيما يختص بتساقط الشعر وليس الشعور ..
قمر وأنا شعورنا لا يزال متسقا مع الواقع وتصاريف الحياة ..اما الاخ نوتة فاخشى ان يكون قد اصيب بداء تساقط الشعور ايضا ..ولذلك الحديث مقام آخر سوف نأتي اليه في حينه ان شاء الله

البدري عبدالله · 21-01-2013, 10:53 PM

اقتباس:

المشاركة الأصلية كتبت بواسطة أمين محمد سليمان

يا عم فيصل ...------------

أها شفت جنس المحن دي يا فيصل ..

هشام ديدي · 21-01-2013, 11:08 PM

وعليكم السلام يا البدري.

وسودانيز في الخط...............وعليكم السلام.

البدري عبدالله · 21-01-2013, 11:28 PM

مرحب بيك يا هشام

اقتباس:

المشاركة الأصلية كتبت بواسطة هشام ديدي

وعليكم السلام يا البدري.

انت بتاع بروكسل.............وعليكم السلام.

ياهو انا زاتو ..... بس يا زول انا والله ما عرفتك .. بعرف كم واحد اسمه هشام في بلجيكا ..لكن ما قدرت اعرفك ياتو هشام فيهم ...وتشكر على الترحيب يا امير

البدري عبدالله · 21-01-2013, 11:35 PM

اقتباس:

المشاركة الأصلية كتبت بواسطة أمين محمد سليمان

يا فيصل ... قمر الحقد الأصلع هو الأب الروحي للبدري حيث لا بدر هناك ... و في حسبو و مورتا الضفادع الاسفيرية و خضر حسين و أميرة الشيخ ... و دي شلة كلها عاهات بعيد عنك !!

ناس الأدارة بسجلو ساااي مافي زول برجع لي ... غايتو الله المستعان !!

تم ارسال رابط هذه المشاركة الى بت الشيخ ومورتا وحسبو ...اضافة الى خضر حسين وقمر وبقية الرهط

هشام ديدي · 21-01-2013, 11:44 PM

اقتباس:

المشاركة الأصلية كتبت بواسطة البدري عبدالله

مرحب بيك يا هشام

ياهو انا زاتو ..... بس يا زول انا والله ما عرفتك .. بعرف كم واحد اسمه هشام في بلجيكا ..لكن ما قدرت اعرفك ياتو هشام فيهم ...وتشكر على الترحيب يا امير

الف مراحب ...ركز علي الامراء يا حبيب انت امير في بروكسل لك التحايا.

نبراس السيد الدمرداش · 22-01-2013, 12:19 AM

حبابك الف والدار دارك
ان شاء الله يطيب بيك وليك المقام

غايتو حيكون البل مدور طوالي
اشتغلوا ورديات حقو انت والبروف

أمين محمد سليمان · 22-01-2013, 05:15 AM

اقتباس:

المشاركة الأصلية كتبت بواسطة نبراس السيد الدمرداش

غايتو حيكون البل مدور طوالي
اشتغلوا ورديات حقو انت والبروف

البدري يا ستهم بلجيكي لا يحتاج !!
ممكن يكون مدور بل صباح مسا منو فيهو كده ... الله المستعان !

عكــود · 22-01-2013, 05:22 AM

ألف مرحب بيك يا البدري،

بك نسعد.

والتحيّة للبروف برضو.

ناصر يوسف · 22-01-2013, 08:04 AM

اقتباس:

المشاركة الأصلية كتبت بواسطة البدري عبدالله

مهند الخطيب
اللام عليكم ورحمة الله

يا مهند ان الصلع من سمات الرجل القيادي المثقف والمستنير ..ولا اظنني قادرا على جلب جميع اسماء الاعيان والمفكرين من ذوي الصلع الكاملة او المجزأة ..عموما ارجو مطالعة كتابي الاخير عن الصلع ...بعنوان الصلع على مرّ العصور ,,دراسة مقارنة (الامبراطورية الرومانية نموزجا )
..

يعني بخلان علي السيد الأمين العام بالسين ؟؟ غايتو

ياخي لكن كتابك ده باين عليه من غير غلاف ذاتو ظنيتو

عموماً كدي مرحب بيك يا معكوس الخُنفُس ياخ
شَعَرك خليناه أدينا من شعورك حبَة ياخ

حبابك يا البدري ود عبد الله حبابك تب

21-01-2013, 11:08 PM	#[23]
هشام ديدي :: كــاتب نشــط::	وعليكم السلام يا البدري. وسودانيز في الخط...............وعليكم السلام. التعديل الأخير تم بواسطة هشام ديدي ; 22-01-2013 الساعة 12:01 AM.
هشام ديدي :: كــاتب نشــط::

22-01-2013, 12:19 AM	#[27]
نبراس السيد الدمرداش :: كــاتب نشــط::	حبابك الف والدار دارك ان شاء الله يطيب بيك وليك المقام غايتو حيكون البل مدور طوالي اشتغلوا ورديات حقو انت والبروف
نبراس السيد الدمرداش :: كــاتب نشــط::	التوقيع: اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام

22-01-2013, 05:22 AM	#[29]
عكــود Administrator	ألف مرحب بيك يا البدري، بك نسعد. والتحيّة للبروف برضو.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.