يا جماعة انتو شايتين على وين ؟

[عبدالحفيظ]

لي أكثر من اسبوعين افكر اكتب شنو واقول شنو وانا شايف الناس ديل كلهم مثقفين ومتعلمين لكن كل واحد عنده استايل بتاع كتابة وخيارات مختلفة دا بيكتب في الادب ودا في السياسة ودا في الدين وداك في العلوم والتقنية ودا شاعر ودا فنان ودا بينجر في الكلام الزين وااخواتنا ما مقصرات بيحمسن في الطار ، وانا حائر كدى كل واحد يورينا هو شايت على ، بس ما تقول لي انت ما تقرأ براك وتعرف ، وانا كان عارف كنت قلت ليك انت شايت على وين دا انا غلبان ...

[عبدالحفيظ]

أعزائي واخواتي
هكذا حال الدنيا تعطي لتأخذ وتفرق لتجمع وتجمع لتفرق ، وها نحن قد اجتمعنا هنا في هذه الكوة الرائعة في أكبر قارة في العالم وهي قارة الاسافير التي تجمع أكبر عدد من الأنفس اقصد الأقلام .. فهذا كاتب لا يشق له غبار .. وذاك قارئ لا يفوت أي شمار .. وبينهما ناظر لا يعجبه العجب ولا الصيام في رجب ....آمل ان ترسموا لي المسار الذي ينبغي ان أسير فيه ليلاً بدون الاستعانة بالأنوار ... هلا نسمع منكم/ منكن يا أعز الناس ..

برلوم حائر

[النور يوسف محمد]

بسم الله الرحمن الرحيم

Anbabtode

تحياتى وإحترامى ..

1) تخيل نفسك جيت صالون أو مناسبة ولقيت ناس قاعدين بتونسوا ،
واتصرف على هذا الأساس

2) مرحلة القراءة وهى تعادل السماع على الأرض ..

3) مرحلة التداخل والتعليقات الخفيفة ،
وهذه المرحلة تطول وتقصر على حضورك وذكاء المداخلات ..
يعنى العشرين مداخلة بتاعتك دى محتاج تضاعفا

4) إخفاء الميول فى المواضيع المطروحة

5) إستعمال الإيقونات الباسمة دى فى المرحلة الأولى ، بعدين مش ضرورى ..

6) المشاركه فى كل بوستات المناسبات ( الأفراح والتعازى والمناسبات وتدلى برأيك فى كل ما يطرح ، وساعتين على الأقل اونلاين ، )

7) وأخيراً الناس ديل بدل ما توريهم إنك محتار ، خليهم هم اليحتارو ..

[آخـر المواني]

المشاركة الأصلية كتبت بواسطة النور يوسف محمد

1) تخيل نفسك جيت صالون أو مناسبة ولقيت ناس قاعدين بتونسوا ،
واتصرف على هذا الأساس

سلام آآ برلوم

ما دام سعادتو النور بدأ ليك بالخيال ، فتخيل نفسك في صالون دائري وشوت علي الركن البعيد

[Hassan Farah]

التحية يا ابو الشباب ومرحب بيك فى ميدان الليق
طبعا يا خوى الشوت مش ممكن داخل صالون..
ندعوك للانضمام لينا فى الليق حتى لو شت ضفارى بنسامحك بس اوعك تكعبل ليك زول... طوالى كرت احمر.....

[زول الله]

مرحبمبك وحبابك عشرة ياود ابوك
شوت شوتك ساي ولايهمك
الشبكة في والحراس في
واقعد عافية




اقول قولي هذا واستغفر الله لي..............

[ماريل]

المشاركة الأصلية كتبت بواسطة Anbabtode

لي أكثر من اسبوعين افكر اكتب شنو واقول شنو وانا شايف الناس ديل كلهم مثقفين ومتعلمين لكن كل واحد عنده استايل بتاع كتابة وخيارات مختلفة دا بيكتب في الادب ودا في السياسة ودا في الدين وداك في العلوم والتقنية ودا شاعر ودا فنان ودا بينجر في الكلام الزين وااخواتنا ما مقصرات بيحمسن في الطار ،

مرحب باخونا انبابتود...انت اكتب فى اى شئ ادب سياسة دين علوم تقانة شعر او حتى انجر اى شئ وحميس طارك على انا دى
مرحب بيك ألف وبى قلمك اللسه ما عِرِف على وين يلِف...

[هاني عربي]

الخطة تفترض عدم وجود هجمات مرتدة.

في تلك الحالة ستفشل تماماً

[يحي عثمان عيسي]

اليومين ديل سوق الاسلام هل هو الحل و ابوهريرة هل هو خوجلي ابو ساحوته ولا البارجغل الفي بطنو شغل والتفسير وكل ما له صلة بالاسلام سل سيفك .والله المنتدي بقي يحنن

[د اسامه]

تحياتي اخ Anbabtode
والف مرحب بيك
يا اخوي دا سوق عكاظ
كل يروج لبضاعته ويجمل
ومن هناك بدأت المنتديات
فكل يغني علي ليلاه
فغني مع المغنيين وغرد


بالجنبة كدا ورينا اسمك دا في التبادي معناتو شنو

[عبدالحفيظ]

المشاركة الأصلية كتبت بواسطة النور يوسف محمد

بسم الله الرحمن الرحيم

Anbabtode

تحياتى وإحترامى ..

1) تخيل نفسك جيت صالون أو مناسبة ولقيت ناس قاعدين بتونسوا ،
واتصرف على هذا الأساس

2) مرحلة القراءة وهى تعادل السماع على الأرض ..

3) مرحلة التداخل والتعليقات الخفيفة ،
وهذه المرحلة تطول وتقصر على حضورك وذكاء المداخلات ..
يعنى العشرين مداخلة بتاعتك دى محتاج تضاعفا

4) إخفاء الميول فى المواضيع المطروحة

5) إستعمال الإيقونات الباسمة دى فى المرحلة الأولى ، بعدين مش ضرورى ..

6) المشاركه فى كل بوستات المناسبات ( الأفراح والتعازى والمناسبات وتدلى برأيك فى كل ما يطرح ، وساعتين على الأقل اونلاين ، )

7) وأخيراً الناس ديل بدل ما توريهم إنك محتار ، خليهم هم اليحتارو ..

الأخ النور مشكور على المحاضرة القيمة دي لكن بيني وبينك البرلوم برلم بيك ياخي انت فسرت الماء بعد الجهد بالماء - والله ظاهر عليك احترت انك تفسر مغزى هذا البوست ودي اشارة الى البند السابع من مداخلتك

[عبدالحفيظ]

المشاركة الأصلية كتبت بواسطة آخـر المواني

سلام آآ برلوم

ما دام سعادتو النور بدأ ليك بالخيال ، فتخيل نفسك في صالون دائري وشوت علي الركن البعيد

كتر خيرك آخر الموانئ ممكن تحددو لينا في الاول كيف نحول الصالون الدائري الى متوازي أضلاه عشان نحدد الركن البعيد

[عبدالحفيظ]

المشاركة الأصلية كتبت بواسطة Hassan Farah

التحية يا ابو الشباب ومرحب بيك فى ميدان الليق
طبعا يا خوى الشوت مش ممكن داخل صالون..
ندعوك للانضمام لينا فى الليق حتى لو شت ضفارى بنسامحك بس اوعك تكعبل ليك زول... طوالى كرت احمر.....

اخونا حسن والله معقوله الانضمام لليق بس انا بلعب استوبر لعب نضيف لكن لو لقيت لاعب انفرد بالقون الله قال بي قوله

[عبدالحفيظ]

المشاركة الأصلية كتبت بواسطة زول الله

مرحبمبك وحبابك عشرة ياود ابوك
شوت شوتك ساي ولايهمك
الشبكة في والحراس في
واقعد عافية




اقول قولي هذا واستغفر الله لي..............

والله صحي زول الله انت - الزمن دا شوت ساكت مافي لو ما جهزت دفاعاتك - بتجيك هجمات مرتده بتألب عليك القائمين على أمره لما يودوك حجر الطير

[عبدالحفيظ]

المشاركة الأصلية كتبت بواسطة هاني عربي

الخطة تفترض عدم وجود هجمات مرتدة.

في تلك الحالة ستفشل تماماً

استاذ هاني برضو وجهة نظر يعني بس الواحد يلبد