الما عارف يقول عدس ..

[بدر الطائف]

سلام ياباش وسلام للجميع.

كدى ورونا سقف الحياء ده حدو وين عشان فى امثال ومصطلحات متداوله عندنا عادى بالزبادى الناس بتستخدمه وخايف اقوم اورده هنا اخدش لى حياء زول ساكت.

عارف يا رشيد فى واحدة من تجليات مجتمعنا وسرعة انتشار الكلمات عندنا فجاءة كده لقيت ليك السودان كله بقى يقول (يديك العافية).

[معتصم الطاهر]

المشاركة الأصلية كتبت بواسطة مهند الخطيب

والله ياباش مختلف معاك.... بفهم


مايسمى لغة قاع المدينة اندثرت وظهر بديلا لها "الرندوك" كتطور لغوي ... ...

واحدة واحدة ..
دا الخايف منو ..؟

أولا .. البوست لن يقف فى المفردة الجنسية .. لكن الايروسية دى كتيرة ..

بس اولا عشان نقعّد الموضوع ..
وريني الراندوك تطور لغوى ام انتشار لغوى ..؟

[مهند الخطيب]

طيب ياباش انا ح احاول أرد رد يمازج رأيي مع مداخلة الرشيد عشان أجيك لحتة تطور اللغة ..

اللغة في ابسط تعريفاتا هي : الأصوات المتوافق عليها بين مجموعة من الناس بقصد التعبير..

ولو أخرجنا اللغة من الاطار الأدبي لا يمكننا أن نخضعها لمعايير الجمال لذلك في رأيي لا توجد لغة جميلة أو لغة قبيحة خارج الاطار الأدبي لتذوق اللغة وحتى هذه الأخيرة قد انكمشت كثيرا بعد ثورة الترجمة والنقل في عهود نقل العلوم القديمة ...

شي تاني ، اللغة ماهي شي جامد أو قالب مطلوب من الفئات التكوينية والشرائح المختلفة (سنية - اجتماعية- فئوية.... الخ) انها تتبعه للتباين بين الفئات دي ، حتى بعيدا عن الفرق بين لغة قاع المدينة/الأفندية هناك فرق وتباين بين الفئات السنية كلغة الأطفال ولغة الراشدين بحسب نظرية فيجوتسكي اللي بيعتبر انو في فروق عصبية (جسدية) في تكوين الطفل تجعل له لغة مختلفة ...

ومدام في تغيرات جسدية ، زمانية ، اجتماعية ، اقتصادية بنقدر نعتبرا عوامل داخلة على اللغة بغرض تغييرا يبقى أي تغيير بيحصل على صعيد المفردة هو تطور (دام اتفقنا على اِبعاد الجمال كمعيار للقياس التغييري)

سأعود وأواصل ...

[معتصم الطاهر]

كويس يا مهند انك رتبت الأمور على أساس علمي و منهجي ..

و أجمل انك فهمت اننا بنحاول نتطور لغة التخاطب ..

انا بتكلم عن لغة ( حوار) بين الناس الهنا .." و الهناك برضو" باعتبار جميع الناس البتكتب هنا بتكتب للحوار و ليس للإطلاع و " المطالعة" ..هذه صحافة تفاعلية .. يعنى طرح آراء و رأي آخر او مع ..
لذا سميت منابر تفاعلية

طيب ليه ما نرتقي "بلغة" الحوار .. أعنى مفرداته ..

الارتقاء لا يعني عدم ايراد المفردات الحسية و الجنسية و الإيروسية .. لكن إيرادها حيثما يجب ..

ما جميل ابدا اقول ليهم دى" مسافة و فجوة فى القضية دى ما عارف أسدها كيف؟"
: .. تجي "XX " تقول لى
" دى قضيتك براك ان شاء الله تسدّها بالقالوا حمد"
و هي ما عارفة القالوا حمد الرواسي شنو ؟

دا مثلا ..
أو زى ما اتداولت كلمات مثل " محاثيث " " استنكاح " .. " العملية فى النملية " ..

نعم .. صارت من ( الدلالات) .. ياخ الدلالات دى خلوها ناعمة ..
شجعوا اللعبة الحلوة

يعنى تراس الهلال الأضعف زول فيهم قدر مهند الخطيب ما ممكن ألفاظوا تكون " أحي دخل " ..

أذكر " تراس الهلال " العفوى كان يبدأ مبارياته بـ " الله أكبر الله اكبر لا إله إلا الله الله أكبر و لله الحمد " كانها -" كل مباراة" .. يوم العيد ..
عزمنا مولانا مرة و انبسط
ثم بعد شوية تحول العيد الى مساء العيد " الربة الربة يا عشة .."

"أها" ..قال "خربتوها .."

المنابر ليست جلالات الجيش ..

أنا ما عاوز اكون كوزنجي الدلالة .. لكن هنا دعونا نرفع الحد الأدني للغة ..

لو قلت ليك فى الرحلة نغنى " أعلى الدلال تغار منّا ..فى الميكرفون و "يابهية" جنب القيف ....بكون منافق صاح ..

[معتصم الطاهر]

اقتباس:
المشاركة الأصلية كتبت بواسطة الرشيد اسماعيل محمود
".

بتخيّل لي واحدة من تجليّات العقل المجتمعي قاعدة تظهر في خلق وتداول مصطلحات جديدة وانتشارها بسهولة في أوساطه. السؤال البطرح نفسو: طيب ليه الحركة دي؟
ليه مثلا مصطلح مأسورة انتشر وصار مرادفاً لصفات يمكن التعبير عنها بمعانيها الموجودة سلفاً في اللغة؟ هل العلة في ان اللغة اصبحت لا تفي بالغرض؟ هل لسهولة المصطلح الجديد المتداول، أم فقط لحب الانسان للجديد أيّاً كان؟
في ظني، ليست الحادثة فقط هي التي تصنع المصطلح، بل حوجة الناس لشكل تعبيري جديد فيه مميزات تعبيرية أكتر خفة وبلاغة عامل مهم في الحكاية دي، بمعني إنو كتير من الاحداث قاعدة تحصل يوميا وبشكل ثابت، لكن الناس بتتعلق بمفردة معينة قيلت في حدث معين وبيتم تداولها دون مفردات أخري قيلت في أحداث أخري مختلفة ذهبت مع ذهاب الحدث المرتبط بها.
تطور المجتمعات دايماً بيستدعي الحوجة لتطوير المفردات والمصطلحات لتتماشي مع روح المجتمع المتحوِّل، .
النتيجة:
مفردة واحدة تعمل علي جهات دلالية مختلفة، توافق عليها المجتمع ككل، وعلي معانيها، تتماشي وروح المجتمع السريع والـ "تيك أوي" المفاهيمي.
عشان كدة في رأيي، مفروض ناخد الدلالة من الحدث، دون التركيز علي تفاصيل الحدث الذي انتهي كحادثة وغنمنا منه قيمته التعبيرية ذات الدلالة العالية.

تحياتي

سلام الرشيد ..

ليه مثلا مصطلح مأسورة انتشر وصار مرادفاً لصفات يمكن التعبير عنها بمعانيها الموجودة سلفاً في اللغة؟ هل العلة في ان اللغة اصبحت لا تفي بالغرض؟ هل لسهولة المصطلح الجديد المتداول، أم فقط لحب الانسان للجديد أيّاً كان؟

ظهور مثل المصطلحات يعنى انحدارا فى القيمة للمفردة .. كما هو حادث فى كل مفردات المجتمع السوداني ..
هذا نتاج ..
من واجبنا الارتفاع بالمفردة اللغوية لا نشرها ..
كما هو كل جديد جميل ..لماذا نؤكد على تداول هذه المفردة و حتى بيننا و عندنا البديل الأفضل
لماذا ليس الافضل ؟

تطور المجتمعات دايماً بيستدعي الحوجة لتطوير المفردات والمصطلحات لتتماشي مع روح المجتمع المتحوِّل،

و هذا التطور يمكن أن يتماهى مع المفردة الجديدة الجيدة ..
فى هذا المنبر بعض المفردات جمّلت أيامنا

باذخ .. مثلا .. جميلة و قيّمة ..

[مهند الخطيب]

ظهور مثل المصطلحات يعنى انحدارا فى القيمة للمفردة .. كما هو حادث فى كل مفردات المجتمع السوداني ..
هذا نتاج ..
من واجبنا الارتفاع بالمفردة اللغوية لا نشرها ..
كما هو كل جديد جميل ..لماذا نؤكد على تداول هذه المفردة و حتى بيننا و عندنا البديل الأفضل
لماذا ليس الافضل ؟

الارتفاع والارتقاء ده بحسب منو ؟

القياس مستحيل ياباش للغة ، يعني لغة أجمل ، لغة أطول ، لغة أسمن ، ... ولو تابعنا الدرب ده ممكن نقر عااادي بتصنيف -بعض- علماء الفيلولوجي البقسمو اللغة الى قسمين : لغة منحطة (أي والله اسما كده) زي اللغات الأفريقية والهندية والصينية ، وباستخدام قياس (ماموجود) قالو انها لغات اقل قدرة على الدلالة وفقيرة .... ولغة مرتقبة ودي بتشمل اللغات البقولو انها شاملة المعاني وواسعة الدلالة! جرمانية واغريقية وتركية الخ ..

رأيي ياباش ، أي لغة بتطور (وللا بتندثر) لكن ماف لغة بترتقي وبتنحط ...

لغة الكتابة كان في منتديات تفاعلية وللا غيره بيشوبها بعض التقنع اللي في رايي بعيد عن الوواقع شوية ، الواقع أقرب للقالو حمد ، ولشوف عيني ، ولشيل القفة ، الخ ..
وبحسب اسموزك بسيط المفردات ح ترشح من محل الكثافة الأعلى للكثافة الأدني ...

مودتي ياباش ..

[آيات]

[COLOR="DarkOrange"] سلامات ياباش
مايعرف بالفن القولي أو ( الادب الشفاهي المنطوق) الذي يحوي بداخله الامثال والحكم والاغنيات والألغاز .الصيحات البكائيات . الخ وهو هو طريقة التعبير الوحيدة عن المجتمعات .. لتعكس من خلاله فلسفة المجتمع ورؤيته للعالم بطريقة فنية وإيحائية..إذن يبقى ماعون تكرس فيه الخبرة والتجارب في الحياة لأجيال قادمة ..أذن المفردة هي بنت أفعالنا وقيمنا وليس شفاهنا..تتغير وفق المجتمع وليس بقانون أو نظام..قد تتغير في أحايين بسيطة أذا تبناها قادة رأي دينيين ، سياسيين تحديداً و من خلال ملاحظتي .. أن التناول الكثيف للإعلام كثيراً مايأتي بنتائج عكسية
فالأمثال والمقولات .. تخرج من أصل فردي .. فتتبناها جماعات .. حتى تصبح كثيرة المضامين والاصول . فيضيع معناها الأصلي الذي لايتبادر الإ لقلة قليلة .. لذلك تبقى الدلالة كما تفضل الاخوة عالياً
و في رأيي ان هذه المفردات لاتخدش الحياء الإ في حالة النطق المباشر للفظ .
المهم بقولو ليك تشرب الحمت رمت ماهو ؟؟
أريتك بي حسادة أبحيدر ؟؟
عاين إذا عرفت المعنى براحة علينا

[معتصم الطاهر]

المشاركة الأصلية كتبت بواسطة مهند الخطيب

بتصنيف -بعض- علماء الفيلولوجي البقسمو اللغة الى قسمين : لغة منحطة (أي والله اسما كده) زي اللغات الأفريقية والهندية والصينية ، وباستخدام قياس (ماموجود) قالو انها لغات اقل قدرة على الدلالة وفقيرة .... ولغة مرتقبة ودي بتشمل اللغات البقولو انها شاملة المعاني وواسعة الدلالة! جرمانية واغريقية وتركية الخ ..

..

سلام مهند والبقية

بعض العلماء قالوا لغة دنيا و عليا ..
واحدة مفرداتها .. شاملة و عندها قواعد و مكتوبة أو ممكن تتكتب

وواحدة .. بسيطة .. و بس ..

فى جنوب السودان فى لغات مكتوبة و عندها قواعد
و أهلها اجتهدوا فيها

و اللغة النوبية أهلها بدوا يجتهدوا ..

و دا بعنى انو فى لغات بتندثر و تتغير .. و فى لغات بتتطور
و التطور يعنى للأعلى .. أو الأمام ..

مفردة ( ماسورة ) و تصريفاتها .. حل مريح .. و بس ( يعنى بدلالتها ( حل ماسورة ) ..

و البقدر وعارف أكثر من لغة و ما بطور بكون مقصر أو حاسد .. و بكون بخيل .. لما يكتب بلغة قاصرة .. وهو ممكن يكتب بلغة أفضل أرقى ..


و ممكن أقول ..
لماذا إذا نكتب فى المنتديات و نتحاور

لنرتقى
لنقدم قليلا من الوعي ..

هل على أن أقول ((((بكون ( ابحيدر) .. يا آيات .)))).
ولما الواحد يتعامل بالدلالة الزى دى بون قدّم للناس شنو ..

دلالة ..
لكن فى وقت الدلالة التى تمثلها انحدار ابحيدر حتى فى حسادته
أو
ألا ترين أنها ليست انحدار بالنظرة للنساء ..

[fton safei]

خالو معتصم كيف حالك
غايتو أنا ماعارفة لكن مرة قلت لبت عمي في موضوع كده ماتمسكيني الماسورة ومااشعر ليك الا بكف حار من علاءالدين وقال لي لو عارفة معناها ماكان قلتيها أنا حرقتني الكف بس بقيت اسئل فيه باصرار عن معناها ورفض حتي يرد بكلمة فمعناها الحكاية ماسوق المواسير لأنو الحادثة دي حصلت لي قبل القضية بتاعت سوق الفاشر

[معتصم الطاهر]

المشاركة الأصلية كتبت بواسطة بدر الطائف

سلام ياباش وسلام للجميع.

كدى ورونا سقف الحياء ده حدو وين عشان فى امثال ومصطلحات متداوله عندنا عادى بالزبادى الناس بتستخدمه وخايف اقوم اورده هنا اخدش لى حياء زول ساكت.

عارف يا رشيد فى واحدة من تجليات مجتمعنا وسرعة انتشار الكلمات عندنا فجاءة كده لقيت ليك السودان كله بقى يقول (يديك العافية).

سقف الحياء هو ما تستطيع أن تقوله على العلن ..ولا تشعر بحرج

[معتصم الطاهر]

المشاركة الأصلية كتبت بواسطة آيات

[COLOR="DarkOrange"] سلامات ياباش
مايعرف بالفن القولي أو ( الادب الشفاهي المنطوق) الذي يحوي بداخله الامثال والحكم والاغنيات والألغاز .الصيحات البكائيات . الخ وهو هو طريقة التعبير الوحيدة عن المجتمعات .. لتعكس من خلاله فلسفة المجتمع ورؤيته للعالم بطريقة فنية وإيحائية..إذن يبقى ماعون تكرس فيه الخبرة والتجارب في الحياة لأجيال قادمة ..أذن المفردة هي بنت أفعالنا وقيمنا وليس شفاهنا..تتغير وفق المجتمع وليس بقانون أو نظام..قد تتغير في أحايين بسيطة أذا تبناها قادة رأي دينيين ، سياسيين تحديداً و من خلال ملاحظتي .. أن التناول الكثيف للإعلام كثيراً مايأتي بنتائج عكسية
فالأمثال والمقولات .. تخرج من أصل فردي .. فتتبناها جماعات .. حتى تصبح كثيرة المضامين والاصول . فيضيع معناها الأصلي الذي لايتبادر الإ لقلة قليلة .. لذلك تبقى الدلالة كما تفضل الاخوة عالياً
و في رأيي ان هذه المفردات لاتخدش الحياء الإ في حالة النطق المباشر للفظ .
المهم بقولو ليك تشرب الحمت رمت ماهو ؟؟
أريتك بي حسادة أبحيدر ؟؟
عاين إذا عرفت المعنى براحة علينا

آيات
سلامات
انتظرت مداخلتك ..
أعجبنى

مايعرف بالفن القولي أو ( الادب الشفاهي المنطوق) الذي يحوي بداخله الامثال والحكم والاغنيات والألغاز .الصيحات البكائيات . الخ وهو هو طريقة التعبير الوحيدة عن المجتمعات .. لتعكس من خلاله فلسفة المجتمع ورؤيته للعالم بطريقة فنية وإيحائية..إذن يبقى ماعون تكرس فيه الخبرة والتجارب في الحياة لأجيال قادمة

و أعترض على الوحيدة
شوفى
هو فن ..
شفاهي أو منطوق
يعبر عنه بالأمثال .. الغناء .. النكتة .. الكتابة أحيانا كثيرة ..

و يعكس تجارب هذا المجتمع و تاريخه ووقائعه المهمة حسب مزاج المجتمع ..
مثلا ..
( شجرة المؤتمر الوطني) .. دى بالله ما تعبير جميل لشجرة تزرعها فتنمو بسرعة و تكون شكلا جميلا و غطاءا .. ثم بعد فترة تجدها شققت المباتي و اقفلت المجارى و تحتاج لقطعها ..