الملف الشخصي للأعضاء

[الجيلى أحمد]

دلاخ

[الجيلى أحمد]

خديج

دى احسن من خلودى

[أبوبكر عباس]

المشاركة الأصلية كتبت بواسطة خالد الصائغ

ياخ عليم الله يا بابكر إنت زول استثنائي, بالذات لمن تشحذ يراعك و تتحفنا بي فاكهة الكتابة.
قلت لي السودانيين بإعتبار إنهم من الموالي مفروض يتخففو من الإندلاق الإستعرابي الماسكين فيهو ده
عليك الله يا بابكر أنجدنا معاك, و شوف لينا مخرج (إن شاء الله حتي مخرج طوارئ ) لي إسم خالد.

طبيعة عملي يا خالداً في القلب، خلتني أحتك ببدو السعودية والخليج ودائما في بداية التعريف بسألوك عن إسم الولد، أقول ليهم: عمر
أها الرمسة كلها تفضل يا أبا عمر، وكيف حالك أبو عمر
وفجاءة يقول ليك شو إسمك أبو عمر؟
تقول ليهو: أبو بكر
طوالي تشوف في وشو عبارة:
شو الخبلة هاذا؟!

[أسعد]

صحي واللاي
الفايق يهمز ملفو

[الجيلى أحمد]

ابوبكر عرفناهو مشهور ببابكر

انت مشهور بى شنو ياأسعد؟

[زول الله]

المشاركة الأصلية كتبت بواسطة بابكر عباس

أنا كاتب كبير ومعروف للجميع

ونِِـعـِم




اقول قولي هذا واستغفر الله لي...........

[الجيلى أحمد]

الغريبة انو عندنا زميلنا فى البورد اسمو عثمان ..

قمة الاستهتار ياأخى بالفكرة العربواسلامية

[الجيلى أحمد]

صحي واللاي
الفايق يهمز ملفو

كااااااااك
البطريين ديل عندهم مرات عدم شغلة
أخير منها عوارتم لما يشاغلو البنات

[أسعد]

المشاركة الأصلية كتبت بواسطة الجيلى أحمد

كااااااااك
البطريين ديل عندهم مرات عدم شغلة
أخير منها عوارتم لما يشاغلو البنات

gap

[طارق صديق كانديك]

المشاركة الأصلية كتبت بواسطة الجيلى أحمد

الغريبة انو عندنا زميلنا فى البورد اسمو عثمان ..

قمة الاستهتار ياأخى بالفكرة العربواسلامية

[طارق صديق كانديك]

المشاركة الأصلية كتبت بواسطة بابكر عباس

أبوبكر عباس
الشهير ببابكر عباس

لو في زول قال لي: ليش انت بتكتب ببابكر عباس وليس أبوبكر عباس؟
بقول ليهو:
أعتقد ان تسمية الرجال والنساء بالسودان بكُنيات الصحابة والصحابيات فيهو إندلاق إستعرابي زايد ورواشة.
هذه الطريقة في التسمية ليست جيدة؛ لذلك وجدت في تحوير إسم أبي بكر لبابكر مخرج كبير.

يعلم الله مش كان نكرّتا، برضو ما بحلك

[وهاد ابراهيم محمد]

المشاركة الأصلية كتبت بواسطة طارق صديق كانديك

يعلم الله مش كان نكرّتا، برضو ما بحلك

بالله يا بابكر شوف الإستعراب المتحرك حثيثاً نحو الإستغراق
عند الأخ (طارق صديق كانديك)..
ده اسم يتدحرج نحو الإستعراب بصورة في الآخر حتقصم رقبتو ليس إلا
بالله شوف جدنا كانديك بوّظ الشغلانة دي كيف
ويبدو ان والدنا صديق كان يحلم لإبنه ببعض حظوة في بلاد الأندلس

______
و.. تماضر؟

[خالد الصائغ]

المشاركة الأصلية كتبت بواسطة تماضر حمزة

خلودي!


أهن يابكّة، ملينا تلات أرباع الفراغات!

بالغتي يا خنساء لكن
كان تتميهم أربعة أرباع ياخ, و كنا ميَّسنا علي كدة

هسة بابكر, كزول لمّاح, حيجي يستغل هامش الربع ده و يقول لينا:
خلودي ممكن تمرقكم من شبهة الإندلاق الإستعرابي,
لكن شبهة الرواشة تظل قائمة

[خالد الصائغ]

المشاركة الأصلية كتبت بواسطة الجيلى أحمد

خالد عباس..

نو ديل
دي يا جيلي, منتهي الإندلاق الإستعرابي,

المشاركة الأصلية كتبت بواسطة الجيلى أحمد

دلاخ

دلاخ دي حتبعد بينا النجعة
كدة لا حنلم في عرب, لا في موالي و عجم

المشاركة الأصلية كتبت بواسطة الجيلى أحمد

خديج

دى احسن من خلودى

إطلاقا يا جيلي

خديج دي موش ياها, مذكر خديجة


خلودي يكسب

[الجيلى أحمد]

خديج دي موش ياها, مذكر خديجة


خلودي يكسب

يضحك يومك يااخى ..

والله خلودى يكسب

بس العضو الجديد أسعد
كان بدلعوهو بالعربى كيف؟
لو قلتا لى وجدى حاازعل منك