اقتباس:
المشاركة الأصلية كتبت بواسطة GamarBoBa
ماجد مرحب سلامات..
انا موضوعي ما منطلق خوف..
مسألة اي فورمة تعبيها فيها تبعات لازم تفكر فيها..خاتي ايملك ممكن جهات تخترقك وبدون ما تحس وتشيل رقم حسابك ومعلومات ولدك الصغير اتولد الساعة،وحبيبتك الكبيت ليها راندوك سنة 2005..يعني بإختصار المسألة ما فيها شجاعة.
يعني الجداد الاكتروني دا نعم التربية زي دجاج دوو والوطنية..متربيين في الاسفير..بفشلوا الاحتاجات وبخشوا البروفايلات وببتزوك..يبقي الموضوع ما عنده علاقة بالشجاعة بقدر ما عنده علاقة بالسلامة العامة
ثم في محور تاني عن تطوير البروفايل بشكل فعّال جليته وجيت درعتني بنوارة نجم..القالته نوارة 2010 قالته فاطمة احمد ابراهيم سنة 64..لكن النتيجة شنو..وليه قدروا علي فاطمة لامن خشت البرلمان.. موش بالمعلومات * 2 !!! 
وبالنسبة للبوشي العمله وقف ضد نافع بتفق علي شجاعته معاك..لكن لو اتكلمت عن حسابينه الفيس وقدر المعلموات البوفرها ممكن نختلف..انا كلامي من منطلق محدد..ما تفك معلومة وانت ماعارف حدودها وين..فخلينا في موضوع البروفايل عشان بابكر دا يجي يسكنا بعكازه ونمرق من هنا |
ـ
لا يا قمر ياخ
أنا ما بقول نطلق المسائل
أنا عن نفسي للحق ما عامل كدا ، لكن لمبرر تاني خالص
أنا بشوف أنو لما تعرفني معرفة شخصية كتير جداً من أرائك حول ما أكتب ح تتداخل فيها حتة المعرفة دي وممكن تحجبها
أسامة عبد الماجد ود عمي دا كمثال مرات كتيرة بيلقى خطي في مكان يسألني دا كلامك ؟
ـ أنكرو حطب شان ما يتأثر رأيه فيما اكتب
انا شايف الكتابة بالنيك نيمز بتخدم العمل
الكتابي أكتر
غض النظر عن نوعه ( سياسي ، أدبي ، انصرافي حتى )
ولو لاحظت ح تلقى كتير من النصوص هنا ممكن تقول فيها كلام مخالف لكن تتحفظ بسبب المعرفة المباشرة
ما أشرت ليه كان متعلق
بالعمل العام ـ موضوع بابكر الاساس ـ مش الكتابة في النت ..
متفقين يعني
بالمناسبة والله الحق أنا بكتب من غير أنتي فايروس حتى ، لكن مستخدم خاصية مدهشة
أترك جهازك لامعاً ونظيفاً وبراقاً ، وقول لمن يرغب تفضل
بالكتير كان لقى ليه صورة لعيش الريف الزارعو هنا في قطر دي بكون ما قصرت معاه
فهمتني ؟
ـ
