اقتباس:
المشاركة الأصلية كتبت بواسطة وهاد ابراهيم محمد
يا حافظ والله اليوم ده ابدا ما مناسب للضحك
لكن بخليك للبقدر عليك
______
دعم بالخشم؟
انا ناهزني من صباح الرحمن عشان ألم فيك وأكلمك
تقول انا البقرا ليك..
بالخشم يا مفتري.. الرسلوها ليك دي, انا ست الروح ما اترسلت لي ولا قضيت بيها شغلة لي يوم الليلة.
تكتر تقلل, ترجع لي القميص في ليلك ده  |
يا حليلك و حليل القميص الطوبي
انت من زمنه
شاله قريبنا عنده ميول بتاع غناء زي ناس زول الله ديل (قلت لي يا زول الله وقت ناس الهيئة بجوا بدسوكم وين؟) ..... و الله الزول اتوحم في القميص
يا حافظ انت راجل موظف القميص دا ما بناسبك
مفروض البسه انا الفنان*
و لبس الموظفين مفروض يكون كيف و كيف
و هو ناسي انا بمشي الشغل ب t-shirt التي شيرت الاحتجي عليه معتصم و بداله جاب لي قميص بتاع ناس الستينات ابيض و جلابيتين
و الله يا وهاد حرمكم المصون ما قصر و انا داخره للتقيلة لكن ما تتفسحي فيني شديد... هسي بقوم بمسح ليك بيه الأرض....
-----------------------
*الفنان دا مرة اصر علي شديد اني امشي معاه حفلة
وافقت لاني ما عندي موضوع .... يا خي العرس بعد سوق ليبيا
و الحفلة بتبدأ بعد واحدة
علي ما بال يشغلوا الجنريتر
و برعي البشغلة ما في
المهم الحفلة بدت تلاتة
و الله الحفلة الواعي الوحيد انا و الجكس
فجاءة كدا تدور حرابة في الحفلة تقول هسي 999 بتجي بطلعوا المتحاربين برا و قريبي يستأنف الغناء و هكذا دواليك
