الملف الشخصي للأعضاء

[فيصل سعد]

السلام و التحايا يا بابكر و
محاولة عودة لموضوع البوست :

على حسب رؤيتي و وجهة نظري ; اعتقد ان موضوع الملف الشخصي دا موضوع اختياري و كل عضو مخير انه يكتب باسمه الحقيقي او باسم مستعار كيفما يختار ; و يختار المعلومات التي يريد اظهارها في البروفايل بحر اختياره ايضا ; و ثق و تأكد بان المعلومات الحقيقية موجودة طرف الادارة عند التسجيل ; و هي شرط اصيل من شروط التسجيل و محفوظة بايادي امينة ; هي ايادي اصحاب الاختصاص الذين يقودون دفة هذا المنبر في صمت و هدؤ و تفاني و نكران ذات و بعزيمة لا تلين الى غاياته الرحيبة و آفاقه المنشودة ..

و كل هذا لا يمنع استمرارك في التحشيد و التحفيز و محاورة الزملاء و الزميلات و محاولة اقناعهم للكتابة باسمائهم الحقيقية ; و لك الحق في ذلك و هم مخيرين بالقبول او رفض مقترحاتك بكامل المحبة .. انت قايل الحشد و التحفيز دا الا في الانتخابات و الترشيح بس

و ارقد عافية ..

[GamarBoBa]

و ثق و تأكد بان المعلومات الحقيقية موجودة طرف الادارة عند التسجيل ; و هي شرط اصيل من شروط التسجيل و محفوظة بايادي امينة
_
فيصل سعد

الأخ فيصل..
هل لي أن أعلم ككاتب بشخص مستعار أن اعرف ان معلوماتي في ايدي امينة..؟؟
هل هي في سيرفر سودانيات؟؟والخلي سيرفر سودانيات أيدي أمينة شنو في وكت بخترقوا فوقه وزرات امنية عالمية..
ام ان المعلومات موجودة كنسخة ورقية ويمكن الرجوع لها بعيدا عن الاسفير..وفي حال حدوث جريمة الكترونية..سب/قذف/تشهير/انتحال..كيف يمكن الاستفادة من هذه المعلومات..فقط اريد أن اعرف الآلية ..
الداير اصل ليه برضو في دواعي تقنية بتخليك تلجأ للمستعار

مع العلم انني مديت الادارة باسمي الحقيقي وتزكية من عضو هنا
مع الشكر والتقدير

[أبوبكر عباس]

المشاركة الأصلية كتبت بواسطة GamarBoBa

الداير اصل ليه برضو في دواعي تقنية بتخليك تلجأ للمستعار

شكرا فيصل سعد على التلخيص الجميل الوافي، ويا سيدي لو أديت نديدك شوية من الحكمة والهدوء دان كان ساعدنا في تقليل العداءات!

قمر بوبا، عليك الله أشرح لينا كيف الإسم الحقيقي ممكن يشكل مخاطرة تقنية تخليك تلجأ للمستعار؟
لو أمكن أمثلة؛ عشان الراس دوبكة!

[فيصل سعد]

المشاركة الأصلية كتبت بواسطة GamarBoBa

الأخ فيصل..
هل لي أن أعلم ككاتب بشخص مستعار أن اعرف ان معلوماتي في ايدي امينة..؟؟
هل هي في سيرفر سودانيات؟؟والخلي سيرفر سودانيات أيدي أمينة شنو في وكت بخترقوا فوقه وزرات امنية عالمية..
ام ان المعلومات موجودة كنسخة ورقية ويمكن الرجوع لها بعيدا عن الاسفير..وفي حال حدوث جريمة الكترونية..سب/قذف/تشهير/انتحال..كيف يمكن الاستفادة من هذه المعلومات..فقط اريد أن اعرف الآلية ..
الداير اصل ليه برضو في دواعي تقنية بتخليك تلجأ للمستعار

مع العلم انني مديت الادارة باسمي الحقيقي وتزكية من عضو هنا
مع الشكر والتقدير

الحبيب قمر بوبا :

هذا هو البند السادس من اللائحة :

6 التسجيل بالمنتدي
1/ التسجيلات الجديدة بالمنتدي تتم تلقائياً والكترونياً ويتم فحص الأسماء والتأكّد من المعلومات.
2/ لمن يود التسجيل الحق في إختيار إسم حركي علي أن يراعي في إختياره جديّة المنتدي.
3/ تحفظ معلومات العضو الحقيقية لدي المالك ولا يُكشف عنها إلاّ بأمر قضائي أو بموافقة جماعية من مجلس الإدارة.
4/ يُمنع التسجيل بأسماء الشخصيات العامة أو المشهورة ما لم تكن تمثل تلك الأسماء.
5/ يجب علي العضو الذي يتقدم للحصول علي عضوية الموقع الإفصاح عن إسمه كاملاً وعنوانه الحقيقي وأن يوافق على الميثاق ولوائح سودانيات.

و لمعرفة المزيد من التفاصيل يمكنك مراسلة الاعزاء ممثل المالك او المشرف الفني و ستجد عندهم الاجابة لتساؤلاتك و استفساراتك بكل اريحية..

و ابقى طيب ..

[GamarBoBa]

الاعزاء فيصل وبابكر..
شكرا للردود وبعض التساؤلات سأواصل في المحاذير التقنية التي تبرر لأي شخص الكتابة بإسم مستعار ويمكن عدم تقديم معلومات خاصة لأي ادارة منتدي وسآتي بنموذج.
أولا:قانون جرائم المعلوماتية للعام 2007 قانون به قصور من ناحية التشريع والتنفيذ في السودان..الامارات يمكن لديها نماذج قوية وكبيرة في هذا المجال..لكن في السودان لا توجد اي نوع من المعرفة التقنية لتتبع الجرائم المذكورة أعلاة وآخرها حلقة تلفزيونة لأشهر قضية اسفيرية ويمكن شاهدتم ما قاله وكيل النيابة المختص ...كلام ما يقوله طفل في الروضة.
ثانيا:هنالك نماذج ا تضرر منها اخوان واخوات اعزاء كتبوا بكل شجاعة باسماءهم الحقيقيه ووضعوا صورهم الحقيقية..تمكن الهكرز من الحصول علي داتا بيز اكبر موقع سوداني ..الاسماء والايملات وعمل بها كما يعمل النجار بالخشب..ردي المحدد بشكل دقيق..طالما اسمك الحقيقي مربوط بايميلك الحقيقي ليس هنالك ما يقنعني تقنيا انني في امان
الكلام الفوق دا للاخ بابكر..قد يقنعه او لا يقنعه

الكلام الجاي للاخ فيصل سعد
يا ابن عمي اللائحة كويسة،لكن دا ما البقصده انا..الادارة هنا أو في اي موقع لا تملك التدابير اللازمة لحماية الاعضاء مع احترامي الشديد لمجهوداتهم...أول حاجة بجي المعلم القرصان بشيل نسخة داتا بيز برة وببدا يشتغل عليه..يعني بفتش ايملك دا ويبدا يزازي بيك لحدي ما يتحصل علي كل ما في جهازك...

دا فيما يختص فكرة التبرير للاسماء المستعارة كمبرر واحد ويمكن باقي المبررات كتبتها فوق في مداخلة فاتت..

بس برجع واقول انو انو في فرق بين حث الناس لمليء البروفايلات والكتابة باسماءها..وبين تطوير البروفايلات نفسها بحيث تكون فاعلة في الحياة الواقعية السودانية

ثورة تونس ومصر قامت بأسماء مستعارة مسؤولة تماما..والآن بدوا يكشفوا النقاب عن أنفسهم..صفحة تخيلوا ماذا كان يسوي وايل غنيم بدون صفحة كلنا خالد سعيد ومن كان يعرفه ومتي كشف عن نفسه!!

مع التحية

[علاءالدين عبدالله الاحمر]

المشاركة الأصلية كتبت بواسطة فتحي مسعد حنفي

عندي ليك مخرج لكن شين

هو مادير يتصور معاه وريهو ليه لو لقاه شين بدخل ليه في راسو كيس مخدة

[جيجي]

المشاركة الأصلية كتبت بواسطة علاءالدين عبدالله الاحمر

هو مادير يتصور معاه وريهو ليه لو لقاه شين بدخل ليه في راسو كيس مخدة

ياعلاء ياخ الليل دا مافلل ياخ
ماتمشي تنوم

[علاءالدين عبدالله الاحمر]

المشاركة الأصلية كتبت بواسطة جيجي

ياعلاء ياخ الليل دا مافلل ياخ
ماتمشي تنوم

بعد أدي فتون الدواء بس انتي المقلق بيك شنو راجية السحور

[جيجي]

المشاركة الأصلية كتبت بواسطة علاءالدين عبدالله الاحمر

بعد أدي فتون الدواء بس انتي المقلق بيك شنو راجية السحور

كلك ذوق
ربنا يعافيها وتقوم بالسلامة

[علاءالدين عبدالله الاحمر]

المشاركة الأصلية كتبت بواسطة جيجي

كلك ذوق
ربنا يعافيها وتقوم بالسلامة

الله يخليك ياستي ودمت بخير

[جيجي]

المشاركة الأصلية كتبت بواسطة علاءالدين عبدالله الاحمر

الله يخليك ياستي ودمت بخير

ويدوم نبلك
ولك خالص المعزة

[علاءالدين عبدالله الاحمر]

المشاركة الأصلية كتبت بواسطة جيجي

ويدوم نبلك
ولك خالص المعزة

ولك الشكر علي إلمساحة الجميلة

[أبوبكر عباس]

المشاركة الأصلية كتبت بواسطة GamarBoBa

أولا:قانون جرائم المعلوماتية للعام 2007 قانون به قصور من ناحية التشريع والتنفيذ في السودان..

ردي المحدد بشكل دقيق..طالما اسمك الحقيقي مربوط بايميلك الحقيقي ليس هنالك ما يقنعني تقنيا انني في امان
الكلام الفوق دا للاخ بابكر..قد يقنعه او لا يقنعه

سلام قمربوبا
يا أخي (صحيح انت مُذكر؟)، ردك دا، غير محدد وغير دقيق وهو رد عام، طلبنا منك تورينا الخطورة وين من ربطك إسمك الحقيقي بإميلك؟ تجي تقول لينا: طالما إسمك الحقيقي مرتبط بإميلك فليس هناك ما يقنعك بالأمان!!

[GamarBoBa]

بابكر..
جيت ختيت لي كوت ولونته لي بالاحمر من جملة مداخلات كتيرة ..ارجع بس للجملة القبليها والاجابات انا اصلا ختيتها..
وفي المداخلة الاولي يا بابكر ختيت ليك انو البروافيل دا ممكن يكون عامل كيف لكن ما بطريقتك دي...بفهمي انا.ودا مجرد رأي لكن انت مركز في حاجات تانية خالص.

يا أخي (صحيح انت مُذكر؟)
_
بابكر عباس

البكتب بيه دا مجرد اسم مستعار ..لا اعتقد انه فكرة التداخل مع الناس اصلا محتاجة مذكر ومؤنث لانها ما كلية مساحة ولا جامع ولا برلمان ممكن يكون فيه مشاركة نسبية...عموما انا مُذّكر..وعندي صلعة وتربال بسوق التركتر بحرث الواطة بيديني ديل ومولود جنب البحر في حته مافيها كهرباء وصلعتي وداللمين وشنبي سعف نخيل..

_
غريبة يا بابكر انو تبدا بالشكل المثالي للبروفايلات وتجي تتم الموضوع تحقيق...ابقي طيب

[كيشو]

سلام يا قمر بوبا
انا كنت مستغرب من طريقة كتابتك لي اسمك، ياخ والله أنا بلقى صعوبة في النظر إليه، وشايفو وعر جدا
أتاريك بتدقس في الهكر؟!