راكوبة المجادعات.. النمة والدوباي

[سجمان]

المشاركة الأصلية كتبت بواسطة سارة

جايز شرعو فينا حتى ان تكانا ضبحنا
عسلة ريقو تشرق لو جرعة واحدة بلعنا
اسمر وزاهى لونو ونظرتو بتصرعنا
زراعينو فى مسامنا ورضينا بى يقًلعنا

مشنون جبال برنو المنقح عودو
مالو بس لو مرة اوفى وعودو
الشاغل الفكر لو كان عرفنا بنودو
ما هماني حت ابليس معاه جنودو

[جيجي]

المشاركة الأصلية كتبت بواسطة سجمان

ما هماني حت ابليس معاه جنودو

انت خلاص مشيت البلد ديك وشوطنت
ازيك ياشيخنا
وربنا يجعله قدم خير عليك

[سجمان]

المشاركة الأصلية كتبت بواسطة سارة

من باقى الصبر صابر وكاتم ازايا
اسبوعين تمام وانا بين مرض وقرايا
جسانى الطبيب وهز راسو قال دى حكايا
بى ريق الحبيب انا عارفة ببقى دوايا

انعل ابو الغزل زاتو خالد غالى نام اكييييييييييييد

الله يقطع الموبايل دي ما شفتها..

يالسارة الحبيب مانع عليا طيوفو
اسبوعين تمام انا في المنام ما اشوفو
لو كان السبب في غيابو عني ظروفو
رضيان لي مجيو اتشولبني سيوفو

[سجمان]

المشاركة الأصلية كتبت بواسطة جيجي

انت خلاص مشيت البلد ديك وشوطنت
ازيك ياشيخنا
وربنا يجعله قدم خير عليك

اهلين..

الحاجة الوحيدة الممكن تعرفا في البلد دي النت..
اما الشياطين والله مقيدن الموبايل الخاشي بيهو دا
كان ما كدا سارة الا تقوم جارية..

[حافظ حسن مختار]

يا ناس المجادعات كدي افتحولي الباب
جيتكم ضيف جديببببيييد كايس الترحاب
سامع نميمكم ,,,, والله أحلي خطاب
ومن غيركم العنكبوتية تبقى خراب

[علاءالدين عبدالله الاحمر]

راجيك يافجر
متوسد الجباد
سهدني الوجع
إتصرصر المداد
عدم في حشاي العشم
ولا جيتا علي ميعاد

[سارة]

المشاركة الأصلية كتبت بواسطة عبدالله علي موسى

تقيله اردافا حامياها الوقوف والمشيه
لينه رطيبه ناعمه وبي الدلال مرتشيه
سهام نظرات عيونا البي الدلع منتشيه
هردت كبدي جابتلي المرض والخشيه

هارد كبدى شاوى قليبى خالف الكية
سهام لحظو بتودر من دروب الجية
سمحة اخلاقو عالية صفاته يادوب ليا
كيفن الصبر يا ناس حفن كرعيا

[سارة]

المشاركة الأصلية كتبت بواسطة حافظ حسن مختار

يا ناس المجادعات كدي افتحولي الباب
جيتكم ضيف جديببببيييد كايس الترحاب
سامع نميمكم ,,,, والله أحلي خطاب
ومن غيركم العنكبوتية تبقى خراب

حباب مختار جيتن جيتنا تانى حباب
جيبوا الناقة اتكوها لا تقلية لا ويكاب
فطورنا خصيب وشرابنا حليب ونحنا صحاب
يجيك سجمان هو عمدتنا وود كانديك زول ارباب

حبابك مختار منور الساحة

[حافظ حسن مختار]

المشاركة الأصلية كتبت بواسطة سارة

حباب مختار جيتن جيتنا تانى حباب
جيبوا الناقة اتكوها لا تقلية لا ويكاب
فطورنا خصيب وشرابنا حليب ونحنا صحاب
يجيك سجمان هو عمدتنا وود كانديك زول ارباب

حبابك مختار منور الساحة

يا سارة نمك موزون وليا أصبح عاجب
انتي الملكة ليك بقيت الحاجب
أنا الآسرني زولاً بي نفسو مو متعاجب
كلها سمحه شخصيه وعيون وحواجب

حبابك الف والنور نوركم ...

[Hassan Farah]

اقتباس:
المشاركة الأصلية كتبت بواسطة حافظ حسن مختار
يا ناس المجادعات كدي افتحولي الباب
جيتكم ضيف جديببببيييد كايس الترحاب
سامع نميمكم ,,,, والله أحلي خطاب
ومن غيركم العنكبوتية تبقى خراب
--------------------------------------------------------------
مرحب مرحب حافظ.....بس لا تقولى من آل قراشى

[سجمان]

المشاركة الأصلية كتبت بواسطة حافظ حسن مختار

يا ناس المجادعات كدي افتحولي الباب
جيتكم ضيف جديببببيييد كايس الترحاب
سامع نميمكم ,,,, والله أحلي خطاب
ومن غيركم العنكبوتية تبقى خراب

ضنكلت النضم الكان بلاك مسهّج
وبي نمك يمين رقّيتنا أحسن منهج
يا خلي أم شِعب نورك علاها اتوهج
قبال طارق يجي حالف يمين تتقهوج

[حافظ حسن مختار]

المشاركة الأصلية كتبت بواسطة Hassan Farah

اقتباس:
المشاركة الأصلية كتبت بواسطة حافظ حسن مختار
يا ناس المجادعات كدي افتحولي الباب
جيتكم ضيف جديببببيييد كايس الترحاب
سامع نميمكم ,,,, والله أحلي خطاب
ومن غيركم العنكبوتية تبقى خراب
--------------------------------------------------------------
مرحب مرحب حافظ.....بس لا تقولى من آل قراشى

تسلم يا حسن... لا ماني منهن

[حافظ حسن مختار]

المشاركة الأصلية كتبت بواسطة سجمان

ضنكلت النضم الكان بلاك مسهّج
وبي نمك يمين رقّيتنا أحسن منهج
يا خلي أم شِعب نورك علاها اتوهج
قبال طارق يجي حالف يمين تتقهوج

حباب سجمان سليل القبائل الحرة
نضمك سمح خاطري بيهو انسرة
وكت قريت حروفك قلبي المتيم فرة
ألهبت المشاعر نيران تبق لا بره

[سجمان]

المشاركة الأصلية كتبت بواسطة حافظ حسن مختار

يا سارة نمك موزون وليا أصبح عاجب
انتي الملكة ليك بقيت الحاجب
أنا الآسرني زولاً بي نفسو مو متعاجب
كلها سمحه شخصيه وعيون وحواجب

حبابك الف والنور نوركم ...

القلب العلي حار الطبيب في ضبطو
يوم جس العمومي لقاهو زايد نبطو
الشاغل الفؤاد يا خلي أحكم ربطو
مشنون جبال تقلي الغلبني اشفطو

[خالد غالي]

المشاركة الأصلية كتبت بواسطة سارة

من باقى الصبر صابر وكاتم ازايا
اسبوعين تمام وانا بين مرض وقرايا
جسانى الطبيب وهز راسو قال دى حكايا
بى ريق الحبيب انا عارفة ببقى دوايا

انعل ابو الغزل زاتو خالد غالى نام اكييييييييييييد

خالد غالي اغما عليهو نام شنو


عليك الله مابركة الما موتا