قهوة النشاط !

[حجة امنة]

المشاركة الأصلية كتبت بواسطة سارة

غايتو وكت اتذكر اخوانى ود ابوى وولاد عمى
يا كافى البلا الغبى اليغبى سكينة على قول اسامة صاحبى

غايتو عيالنا
شدة ما غبش وشينين عليم الله تقول فول حاجات

يا موني و مولي يا عملات وجدي الاسعد الاسعدgap

رشاد نميري دا انا سمعت عنو أيام عملو عرض الأزياء و ناس النظام العام كشوهم صُرة في خيت كلهم بالمتفرجين
عندي صحبتي إسمها سوسن سنادة، مركبه ليها مكنة ناشطة و سيدة مجتمع راقية أحياناً كلمتني تاني يوم بالقصة: ما شفتي ياامنة الشباب عملو عرض أزياء و ...
انا مقاطعتن للشمار: وين دا؟!
هنا دا ياخ في الخرتوم دي و ناس النظام العام كشوهم و دا ما موضوعي، كان شفتي عارض الازياء السوداني نميري، مبالغة يا امنة، سماحة الجن تتحيري فيو بت ولا ولد!!!
انا بي براءة : بشبه منو من العيال أصحابنا؟!
يا بت أصحابنا منو و الله دا أسمح من صحباتك زاتو!!!

و ضحكت ما هماني شي

[جيجي]

المشاركة الأصلية كتبت بواسطة سارة

شدة ما غبش عليم الله تقول فول حاجات

الرشيد وينو

[أمير الأمين]

المشاركة الأصلية كتبت بواسطة حجة امنة

انا بي براءة : بشبه منو من العيال أصحابنا؟!
يا بت أصحابنا منو و الله دا أسمح من صحباتك زاتو!!!

غايتو انا شفت جزء منهن طبعا صدقت و الله

[حجة امنة]

المشاركة الأصلية كتبت بواسطة أمير الأمين

غايتو انا شفت جزء منهن طبعا صدقت و الله

سجمك

قايلهن ما بيقرن النت دا ولا شنو؟! gapgapgap

لكين "الولد" رشاد نميري دا مبالغة يااخوانا

[سارة]

حجوج انتى يا يمة تبرى من مرض الكبر سغيرة وجاهلة
وبعدين ما تحرجينا تقومى تنبذى الناس
رشاد نميرى منو الاسمح من صحباتك ناس هناية وهناية
غايتو الجابتو مولى دا وحات ضومتى اخير نسكت بس

[أمير الأمين]

المشاركة الأصلية كتبت بواسطة سارة

حجوج انتى يا يمة تبرى من مرض الكبر سغيرة وجاهلة
وبعدين ما تحرجينا تقومى تنبذى الناس
رشاد نميرى منو الاسمح من صحباتك ناس هناية وهناية
غايتو الجابتو مولى دا وحات ضومتى اخير نسكت بس

شهد شاهد من اهلها

[سارة]

المشاركة الأصلية كتبت بواسطة أمير الأمين

شهد شاهد من اهلها

امير ازيك
ياخ انا دايرة اخزن تلفونك بتاع جدة ممكن

[احمد زين]

المشاركة الأصلية كتبت بواسطة AMAL

الود ده ما عندوش غمازات
ما بيكسب مع ابواماني
هههههههه

[أمير الأمين]

المشاركة الأصلية كتبت بواسطة سارة

امير ازيك
ياخ انا دايرة اخزن تلفونك بتاع جدة ممكن

جدا نتشرف

[همس الشوق]

المشاركة الأصلية كتبت بواسطة AMAL

ياموني
تذكري الوهمة بتاعت انا شاب جذاب ودخلتو المهندية ديك
غايتو رشاد دا لو لاقا ابو اماني
احتمال يجيه شلل اطفال
نديك نيقاتيف تاني شان تآمن بس

أمول ياخ أبو اماني داااااااااااااااك
دا لو لاقاني أنا بعمل ليهو إحباط مزمن
الود دا لكن مااا سمح لمن غلط
بس بصراحة ما بديك احساس أنه راجل
اخير لي أبو أماني دي بي قميصو لون زينب

[أبو أماني]

اقتباس:
المشاركة الأصلية كتبت بواسطة بله محمد الفاضل
وحات الله (حننتني) بابكر عباس
لقيتا شوية
في هذا المفترك العظيم..

دا نشاط شنو يا اخي
البخليك تجيب أخرك بدري كدا


بله محمد الفاضل
عازب
23 سنة إلا تاشر يوم وتلات ساعات وأربعتاشر دقيقة وخمسة ثوانيgap



رشاد شنو يا إيمولا البتقارنيه مع أبو أماني ..! إذا أنا تامر حسني بيقلد مشيتي بس ولحدي أسع ما قادر يجيبها .. ومهند التركي طار السماء لما إتنازلت ليو من دعاية هيد آند شولدرز لأني كنت مرتبط بدعاية رولز رويس وفيراري.. الرسول عليك يا بلة .. ما حاجة تورم الفشفاش لما سرورة الجنها بعر دي وأمال الجنها شكل ديك.. يشيلو عينهم يختوها فوقي .. وأنا بعيد عنك يتيم قبرين وما عندي في الدينا دي ميراث غير سماحتي والمكنة الفاكيها روحي حقت خفة الدم .. مكنة شنو علي اليمين جد جد دمي خفيف .. بدليل إنو أم أماني جمبي الباعوضة أصلو ما قع تجي جمبها وأنا تشرط الناموسية وتجيني داخله .. تقول لي شنو تقول لي منو .. همس الشوق أصبري لي الليلة قلتي ختيبي بتاع زمااااان !!! ليه يا يمة ما بنشبه ولا ما بنشبه ؟ مصيرك تفصلي لما أحكي تفاصيل زيارتي الأخيرة لباريس .. والحاجات الكان طلبتيهم مني .. كلهم جبتهم .. حتى الخاتم السولوتير الوصفتيه لي جبتو بس شكلك كده بعينك ما حتشوفيه .. غايتو بنات حواء .. بري يا إتو مرتي ما منهن .. يلا .. تشششااااووو

[رأفت ميلاد]

أبو أماااااانى

ياخ شوق شديد والله ..

[أبو أماني]

اقتباس:
المشاركة الأصلية كتبت بواسطة همس الشوق
أمول ياخ أبو اماني داااااااااااااااك
دا لو لاقاني أنا بعمل ليهو إحباط مزمن
الود دا لكن مااا سمح لمن غلط
بس بصراحة ما بديك احساس أنه راجل
اخير لي أبو أماني دي بي قميصو لون زينب



أيوه كده يا ها دي هموستي البعرفها وأبيع الدنيا عشانها تقولي لي نميري الله يرحمه؟ أخير ليك أبو أماني يحسسك إنه معاك أسد أكان كح ساكت الحرامي يفنجط .. مش رشاد .. ينافسك .. نعومة وأنوثة .. وبدل تغيري عليو من النسوان تغيري عليو حتى من الرجال ظااااطهم !!!!!!! ما تبقى لي جهولة أم سكاسك زي ناس كده .. وتجري لي وراء خيال المقاتة .. تسلمي لي يا بت يا .... فســــــــــــــــــــــــــــــــــــــــــيخة ..!!!!!

[أبو أماني]

اقتباس:
المشاركة الأصلية كتبت بواسطة رأفت ميلاد
أبو أماااااانى

ياخ شوق شديد والله ..



مش معقول .. ! عرابي العزيز !.. القهوة نووورت وحياتي بقت أحللا غنوة.. وجنى ظاااطو فرهد .. رأفت .. كل الحب ليك يا ألذ زول .. وصدقني أنت في أول قائمة من كانوا سببا في تمسكي بسودانيات حتى آخر قطرة من دمي .. عليك الله يابن ميلاد .. ما تبخل علينا بطلتك البهية الكاردينالية ... دم بخير يا أحب الناس

[أبو أماني]

اقتباس:
المشاركة الأصلية كتبت بواسطة احمد زين
الود ده ما عندوش غمازات
ما بيكسب مع ابواماني
هههههههه



يا دكتور حراااام عليك .. يا أخي ما وصيتك أسراري الخاصة ما تنشرها يا أخي؟ أسع أنا أطير وين ؟ بعد كشفت للمعجبات السر ده؟ ما بتحمل صدقني معجبات زياده .. يا أخي أسع دي أنا تعبان تعب الموت مع ناس أمال الشيخ .. وسارة وهمس وشخصيات محلفاني ما أجيب سيرتها .. قال غمازات .. قال .. إنشاء الله شحدت ربي عليك يا ود الزين .. يلمنها فوقك السحارات اللتنين .. سارة وسرورة يغمزوك بكسرة بايتة وبركت سيدي الحسن .. بعد يكملنك باقي الكسره يبلوه موية ويتموها موص .. غمازات .. النونات مالهن ؟؟ أب نيني إنشاء الله ..