في انتظارك يا فتحي مسعد

[حافظ حسين]

يا فتحي انا علي الاطلاق ما طالبتك باعتذار
انا طالبت بتوضيح .....
و شرف أمي ما حاشتكيك للإدارة عشان تترفد
و بعدين ناسك الضربوا ليك تلفون و داير تكرمهم ديل انا ما لازمني
يعني الناس العرفت الحاجة البتطيرني من الفيس بوك و كل الاسافير
و قال ليك ما تقولها صدقني ما لازمني
إعتذارك انا ما دايره و علي الاطلاق ما طالبتك باعتذار اصلاً
انا طالبت بتوضيح
و شكراً لكل الزملاء و الزميلات المروا من هنا

[معتصم الطاهر]

اقتباس:
المشاركة الأصلية كتبت بواسطة حافظ حسين

و شكراً لكل الزملاء و الزميلات المروا من هنا

و الما زملاء ..

[احمد زين]

المشاركة الأصلية كتبت بواسطة الجيلى أحمد

البوست دا سانحة كويسة لتدوير عكة جانبية مع المدعو أحمد زين..

مافى اى سبب مباشر للمسألة دى,
لكن هفت لى بس,
أى زول ماعاجبو الكلام دا يمرق راسو,
أو يبلو

المشاركة الأصلية كتبت بواسطة الجيلى أحمد

ثكلتكم أمهاتكم

أين هذا المدعو أحمد زين؟

قولوا له أننى خلف ذلك الوادى..
وليحضر سيفه, وسنتدوتش شاورما وبعض الماء والنبيذ..

هى الحرب اذآ

مش قالوا الحرب فر وكر؟
اسي انا فاري وحا اكر ليك بكرة
خليك مستني خلف ذلك الوادي وحا ارسل ليك الشاورما والنبيذ مع بتاع التاكسي ذاتو لو بتتذكرو

المشاركة الأصلية كتبت بواسطة لنا جعفر

ياشباب وراي سفر وكده...
فحددو لي لو في شكلة عشان اتوهط
ولو مافي خلوني النعدل دربي واشوف لي شغلة....
حررو الشغل خلونا نشوف لينا كم بونية كده

لما اميرة المؤمنين تطلب على الرعية ان تستجيب
خليك خلف نفس الوادي يا اميرة

[حافظ حسين]

المشاركة الأصلية كتبت بواسطة الجيلى أحمد

تحياتى ياسلفى,

عم فتحى لازمو اعتذار مباشر..

وسيفعلها أمامك هنا, فهو لايحمل ضغائن..

وبعدين ياسلفى,
عم فتحى فى عمر أبواتنا وأجدادنا,
وأنت تعرف انهم يقولون مايتبادر اليهم فى ساعات الغضب,
وجلها تكون اشياء صغيرة وتافهة لاترقى لان يحتد المرء دونها..

ياعم فتحى
كرَب اعتذارك بالله, لانو كلامك القلتو ونبرة الغضب الفيهو, مابتشبهك كزول أبو لينا كلنا من ضمن أبواتنا وأعمامنا الذين نوقرهم ونفاخر بهم فى هذا الوطن الصغير..

يا الجيلي يا صاحب
انا ما طالبت فتحي باعتذار لكن طالبته بتنفيذ تهديده
لانو ببساطة سودانيات دي بقروها ناس بيتنا و في تهديد غريب
لازم الزول يكتبه
بعدين كونه يحمل ضغائن أو لا هذا امر برجع ليه هو
انا هنا طالبت بتوضيح ما أكتر اقلها اقفل اسافير الله دي و ابيع ال Mdsl من سكات و بينه
انا ما داير من فتحي إعتذار
لان حجم الاذي اكبر من ان يزيله أعتذار
فقط أطلب منه العدل و هو التوضيح

[فتحي مسعد حنفي]

المشاركة الأصلية كتبت بواسطة حافظ حسين

يا الجيلي يا صاحب
انا ما طالبت فتحي باعتذار لكن طالبته بتنفيذ تهديده
لانو ببساطة سودانيات دي بقروها ناس بيتنا و في تهديد غريب
لازم الزول يكتبه
بعدين كونه يحمل ضغائن أو لا هذا امر برجع ليه هو
انا هنا طالبت بتوضيح ما أكتر اقلها اقفل اسافير الله دي و ابيع ال Mdsl من سكات و بينه
انا ما داير من فتحي إعتذار
لان حجم الاذي اكبر من ان يزيله أعتذار
فقط أطلب منه العدل و هو التوضيح

برضو ما حأوضح بس ممكن أقول كلامي كان كلام زعل وحماقة ساكت..

[حافظ حسين]

المشاركة الأصلية كتبت بواسطة فتحي مسعد حنفي

برضو ما حأوضح بس ممكن أقول كلامي كان كلام زعل وحماقة ساكت..

و الله يا سيد اقول ليك آخر كلام
زعلك و حماقتك أمر بخصك و انا ما لي فيه يد
شكراً جزيلاً علي كل التجريح الممكن
و شكراً جزيلاً علي ان هذا الكون ملي بمثل هذا القبح
و شكراً علي كل شئ
و فتك بعافية
توضيحك بقي ما لازمني
و لا أعتذارك
لكن اقول ليك انا المشكوك في اسلامي دا
يا فتحي نتلاقي قدام عزيز مقتدر
و يقتص لكل منا حسب خبثه و نيته
و شكراً علي كل شي
و فتك بعافية

[ماجد تاج]

المشاركة الأصلية كتبت بواسطة حافظ حسين

يا فتحي نتلاقي قدام عزيز مقتدر
و يقتص لكل منا
و شكراً علي كل شي
و فتك بعافية

ـ



عم فتحي : أحسن الاعتذار يا اخوي قبل توسد راسك الليلة

المحرية فيك حسن الاعتذار ..

وحق حافظ عليك إزالة ما علق في قلبه ...



ـ

[فتحي مسعد حنفي]

يللا ياجماعة الفاتحة..رفعنا..

[الجيلى أحمد]

المشاركة الأصلية كتبت بواسطة فتحي مسعد حنفي

برضو ما حأوضح بس ممكن أقول كلامي كان كلام زعل وحماقة ساكت..

والله العظيم
ماتعتذر ياعم فتحى لى السلفى الصالح ..
تانى أنا مادق حرف هنا

[فتحي مسعد حنفي]

المشاركة الأصلية كتبت بواسطة الجيلى أحمد

والله العظيم
ماتعتذر ياعم فتحى لى السلفى الصالح ..
تانى أنا مادق حرف هنا

انت حر ان شالله تدق شلوفتك..

[حافظ اسماعيل احمد]

المشاركة الأصلية كتبت بواسطة حافظ حسين

و شرف أمي ما حاشتكيك للإدارة عشان تترفد

حافظ حسين سلامات
شرف أمك الصانتو هي ما تحلف بيهو انت حتي لو كنت مبراً جدا لها
افضل الحلف بالطلاق من ذلك

[جيجي]

المشاركة الأصلية كتبت بواسطة حافظ اسماعيل احمد

حافظ حسين سلامات
شرف أمك الصانتو هي ما تحلف بيهو انت حتي لو كنت مبراً جدا لها
افضل الحلف بالطلاق من ذلك

لاحولالالا
احبطنى والله بالمقارنة الضيزى دي يا استاذ

[فتحي مسعد حنفي]

سؤال موجه لجميع من يطالبونني بالاعتذار هل اعتذاري وأنا غير مقتنع بالاعتذار شيئ مقبول؟؟؟؟؟ حافظ فوض أمره الي الله والله يعلم ما في الصدور ولكن ان كنتم تصرون علي اعتذاري فأنا أعتذر للعضو حافظ حسين عن ما بدر مني تجاهه علي الملأ..

[فتحي مسعد حنفي]

لو لم يكفي ما كتبته كاعتذار أرجو من أحد الزملاء كتابة اعتذار يليق بسودانيات ويرسله لي في الخاص وسأقوم بتنزيله باسمي..

[حافظ اسماعيل احمد]

المشاركة الأصلية كتبت بواسطة جيجي

لاحولالالا
احبطنى والله بالمقارنة الضيزى دي يا استاذ

بعد اعتذار عمنا فتحي ليه التحية والتقدير
الحلف بغير الله غير صحيح في العموم
لكن حافظ ممكن يتزوج اربعة نساء ويطلقهم
بس ما بقدر يجيب ربع أم تانية
دا قصدي من المقارنة لاني ما عاوز اقول لحافظ
أحلف بالله او اصمت الموضوع كان متعلق بالتشكيك
في اسلاميتو والكلام دا ماغائب عنو وهو عارف كدا
وهو ذاتو حلف بشرف أمو لانه شايف انه بعزها شديد
بس ما مفترض تكون أعز من الله ليحلف بها

لك وله سلامي