ســـــــــــــــــــاحة ســــــــــــــــــــاره

[فخري الزين]

المشاركة الأصلية كتبت بواسطة سارة

اصبح الصبح وانا فى هوتيل كازابلانكا اتصل العزيز فخرى الزين
وفخرى دا يا جماعة الخير عروبى ومخ اتجاه واحد اتصل فخرى
وقال انا فى الطريق عشرين دقيقة بكون عندك..لبست عبايتى الجميلة
وانتظرت فى الاستقبال والعشرين دقيقة بقن ساعة وفخرى رايح
المهم وصل الجميل تسبقه ابتسامة لو قسمت لاهل الارض جميعا
لشفت سقيمهم واحيت ميتهم وبعد التحايا والسلامات سالنى ان كنت
اسكن فى الفندق مع فوج ..قلت لا انا وحدى..قال وحدك؟؟؟؟؟؟؟؟
على الطلاق بالتلاتة ولا دقيقة ما تقعدى قومى تقوم قيامتك قومى لمى
حاجاتك ويلا قدامى..هذا هو فخرى الزين أب احمد حاولت جاهدة
ان اقول له بانى رفضت الذهاب مع يحيى وبلة ولكنه لم يسمعنى
دهبت معه الى منزله العامر وست بيته الراقية جدا جدا ام احمد
وبسرعة البرق تعلقت باحمد واخته وتعلقوا بى وشكلنا تيم خطيييييييييير
لعبنا أتارى ولعبنا كراتيه وكل ما يخطر بالبال وسعدت بمقابلة
بعض افراد اسرة العزيز فخرى شقيقته وابنها وابن اخته الحبيب رامى
وللحظة شعرت انا وابنى فرح فى مكان واحد
شكرا اب احمد فقد كنت واسرتك فى تمام البهاء وكامل النور
شكرا لاحمد ولوزة فقد جملوا ايامى والله وشكرا مقدما لام احمد

اما موضوع البوش بالصينية فدا داير ليهو بوست براهو وصور
فخرى الزين بدون تجميل برضو عندى انتوا بس سووا صبر
والله سوى تدبير.

شكرا جزيلا سرور الكرور
شكرا جزيلا سودانيات
شكرا .... شكرا .... شكرا.... الحبيب الخالد الذي جعل ذلك ممكنا في ميزان حسناتك يا خالد
ما اجمل ان تقدم لاختك ( بت امك وابوك ) واولادها ولزوجتك ولاولادك زوله جميله جمال كل من عرفتهم من خلال سودانيات وتقول ليهم ( دي اختي ) وانت فخور بها
شكرا جميلا يشبهك يا ساره
سلام يا ناس الرياض

[نصار الحاج]

سارة
وفي حضرة سارة
وفي ساحة سارة
كان يوماً ساراً جداً ..

أمينة الأمينة
كان الترتيب سريع
ومفاجاة سارة بالرياض سريعة
واللقاء سريع
والطريق إلى ساحة سارة سريع
ومرت الساعات خاطفةً ..
حين هاتفني الرائع أبداً الصديق والأخ أسامة ملاتني البهجة بان لقاء سارة التي في تلك الأقاصي ولا تكف عن نثر جمالها صار ممكناً ..
وكان يوماً خفيفاً وجميلا وكانت سارة أجمل وأجمل .. سارة الشريرة بكت ولم تستطع الحديث .. إنها سارة النبيلة الجميلة .. التي تحب الناس وتهتم بالناس وتسعى ليكون الفرح ساكناً بين الناس .. بروحها .. بتلقائيتها .. بوثوقها العظيم في سارة ومحبتها الفائضة للجميع وقد كان كل من حضروا يتدفقون حباً وجمالاً وكيف لا نكون كذلك وقد جئنا جميعا لسارة .. كانت السعادة بالغة بكل الاخوة والاخوات وأسرهم والبعض يلتقون للمرة الاولى ولم يكن هناك من غربة .. كان الجميع في مودة عالية .. كانت القفشات والمشاغبات والضحك والفرح هي أجواء المكان واجواء الجلسة ..
لهذا يحب الجميع سارة
شكراً أمينة يا فائقة المحبة والإنسانية والجمال ..
وفرحي بكم جميعاً من جمعتنا تلك الأمسية، النور يوسف الربان الماهر ، أسامة عبدالماجد، هالة عبدالله خليل، مواهب عبد العزيز، رحاب سليمان، عاطف، عبدالحفيظ، ازهري سيف الدين، جمال عبدالناصر، عباسالشريف، زول الله وكل الأخوات العظيمات اللائي كن حضوراً والأطفال الذين ملأوا المكان بهجةً وفرحاً ..

[سارة]

[سارة]

النور ..كما النور يجهرك يبهرك ويهديك الطريق تشعر معه بدفء الاخوة
وامان الابوة .انتظرنى كثيرا فى المطار ووبمجرد وصولى صالة القدوم
رايته رافعا يده تسبقه ابتسامة ووجه صبوح ووقور..كانت اول مرة اراه
فيها ولن تكون الاخيرة باذن الله وبعد السلام الحار والترحيب واستقلينا
العربة لمنزله كانت الرابعة والنصف صباحا...وصلت ووجدت كل البيت صاحيا
فى انتظار مقدمى رفيقة دربه الانسانة الجميلة جدا وزهراتها حتى الصغيرة
لم تنم وكانت هى الاخرى تنتظرنى لم ينم احد وجلسنا حتى لم نشعر بالوقت
وكعادتى تمت صحبة قوية جدا بينى وبين بناتى وبدأنا فى التخطيط للخروج
بدون اذن لنقضى وقتا معا وكان لنا لم احس غير انى بين اسرتى وعيالى
وبدأت احسد نفسى هل انا فعلا محظوظة واراد لى الله ان ازور بيته واعيش
اجمل اللحظات مع الملائكة السمر(هذا التعبير لاخونا عثمان حمد ورايته يتوافق
فى وصف النور واسرته) شكرا ابو أرام شكرا ام ارام شكرا بناتى الحبيبات
فصحبتكم ومعرفتكم تاج على راسى افاخر به فى المحافل.

[سارة]

ابو فجر...دا حكاية براهو انت يا زول مقنع حوبة وكتين المضارى يبين
كرمك .نبلك انت ورفيقة دربك يخجل حاتم فى زمانه شكرا نبيلا يشبهكم.
زارنى ابو فجر وزوجه فى بيت العزيز النور وكانت لحظات ما اجملها
الشاب الفنان الخلوق ابو فجر لا ترى وجه الا ويلفت نظرك بابتسامته
العريضة وقفشاته ..صحيح لم يسعفنى الحظ لمجالستكم طويلا ولكن يشهد
الله سعدت جدا جدا جدا بكم وللغالية الحبيبة الراقية شديد ام فجر كل المحبة
ودا وعد منى العمرة الجاية باذن الله لكم نصيب الاسد فيها فانا لم العب
مع فجر واخوها كما تمنيت لكن طالباكم وحقى ما بخليهو مودة تعلمونها
واخرى الله وحده يعلم بها.

[AMAL]

هنيئا باللمة
وبصحبة الحاجة موني
التي تخطو بخطي وئيدة نحو الكير هوم
شن فضلك تاني

[أمين محمد سليمان]

سارة يا ستهم ... كان قلت ليك إنو امبارح - بعد ما شفت بوست كبر - أول مرة أعرف انك أمينة عيسى الفي س. أونلاين بتصدقي ؟!
حكمة ربك، أنا هذه الأمينة عيسى ما بدورها كلو كلو و السبب الوردة السوداء الفي البروفايل ... كميات من الاكتئاب التقول نحن ناقصين !!

بالجمبة كده :واضح إنو معزة الناس ليك صادقة و عميقة لكن عمرتك المنقولة في الفضائيات دي إلا تعيديها !!

[كيشو]

المشاركة الأصلية كتبت بواسطة أمين محمد سليمان

سارة يا ستهم ... كان قلت ليك إنو امبارح - بعد ما شفت بوست كبر - أول مرة أعرف انك أمينة عيسى الفي س. أونلاين بتصدقي ؟!
حكمة ربك، أنا هذه الأمينة عيسى ما بدورها كلو كلو و السبب الوردة السوداء الفي البروفايل ... كميات من الاكتئاب التقول نحن ناقصين !!

بالجمبة كده :واضح إنو معزة الناس ليك صادقة و عميقة لكن عمرتك المنقولة في الفضائيات دي إلا تعيديها !!

قلنا بسمة خفيفة قبال ما سارة تجي تحرمنا منها

[أمين محمد سليمان]

المشاركة الأصلية كتبت بواسطة كيشو

قلنا بسمة خفيفة قبال ما سارة تجي تحرمنا منها

يا زول إتبسم ساي ... الحبة ما بتجيك .... ستهم دي كان إنعصرت عليك تبلع ليك الظلط !!
الحاجة الوحيدة المحيراني في عمرة ستهم دي انها ما مصورة فيديو !!

[كيشو]

المشاركة الأصلية كتبت بواسطة أمين محمد سليمان

يا زول إتبسم ساي ... الحبة ما بتجيك .... ستهم دي كان إنعصرت عليك تبلع ليك الظلط !!
الحاجة الوحيدة المحيراني في عمرة ستهم دي انها ما مصورة فيديو !!

الغريبة كنا في مكة في وقت واحد، وفي المدينة برضو، وجات الرياض فجر اليوم الذي غادرنا فيه، وما اتكتب لينا نلاقي الحاجة دي
كنا صورناها ليك

[سارة]

مولانا وعمو امين تلبوا لى من دفار عمرتى دى
قبال ما اتلوم معاكم والبوست دا احتفاء بمقابلة الصحاب
والناس السمحين ويا مولانا انت ابيت تقابلنى عشان انا حلفت
كان لاقيتك بعمل زى قريبتك الزمان ديك وانت قمت فكيت البيرق

[سارة]

اسامة عبد الماجد احد مهندسى وعرابين هذه اللمة
كالنحلة نشيط وهميم ولا تجد منه الا العسل رائعا
وانسانا يجبرك ان تنحنى تقديرا واحتراما له كان له
الفضل بعد الله فى الاتصال بالكثيرين الذين تشرفت
بلقائهم شكرا يا نبيل لك ولزوجتك الجميلة الراقية
كل المحبة ولن انس وقفتها اكثر من اربعة ساعات
لتحضير الشواء والاكل ولم تجلس ولم تاكل الا بعد ان تاكدت
ان الجميع اخذ كفايته... من وين انتى يا بنية؟؟؟
فمثلك نادر يا غالية لك ولعيالك وابوهم المحبة التى تستحقون
وكما وعدتك ستكون ان شاء الله فى المرة القادمة
زيارة خاصة جدا لك.

[أمين محمد سليمان]

المشاركة الأصلية كتبت بواسطة كيشو

الغريبة كنا في مكة في وقت واحد، وفي المدينة برضو، وجات الرياض فجر اليوم الذي غادرنا فيه، وما اتكتب لينا نلاقي الحاجة دي
كنا صورناها ليك

المشاركة الأصلية كتبت بواسطة سارة

يا مولانا انت ابيت تقابلنى عشان انا حلفت
كان لاقيتك بعمل زى قريبتك الزمان ديك وانت قمت فكيت البيرق

شكلك كلامك صاح يا ستهم !!
انتي قريبة كيشو عملت شنو خلتو فك البيرق ؟!!

[كيشو]

المشاركة الأصلية كتبت بواسطة أمين محمد سليمان

شكلك كلامك صاح يا ستهم !!
انتي قريبة كيشو عملت شنو خلتو فك البيرق ؟!!

قريبتي ما قدرت أفك منها البيرق، لكن خلتني أعمل حسابي لي قدام

[علاءالدين عبدالله الاحمر]

المشاركة الأصلية كتبت بواسطة كيشو

قريبتي ما قدرت أفك منها البيرق، لكن خلتني أعمل حسابي لي قدام

كرهتنا يأكيشو عليك الله صندوق رسايلك الذي شنطة الروضة فتفتو شوية نوالسك شوية شنو مستفو ذي المقرون يأخ ده بقي سحارة حبوبة عديل