يوميات الثورة السودانية (الاخبار ساعة بساعة)

[ماريل]

صعود ام روابة على اكتاف جنود جيش الجبهة الثورية لتحرير السودان

[ماريل]

[سارة]

سلامات يا ماريل وحمد الله على السلامة

الحصل دا وحسب تلفونات وشهود عيان من مواقع الحدث فى ابرياء ماتوا
نتيجة الهجمة دى دا غير الناس النزلوهم من البصات وشالوا قروشهم وموبايلاتهم
ياخ منعول ابو الثورة البتكتل الابرياء وتسرق قروشهم ياخ انا ود اختى شقيقتى
كلمنى من بين دموعه اتنين من زملائه استشهدوا ذنبهم شنو فى انه الجماعة ديل
دايرين يلقنوا الانقاذ درس؟؟ مالهم ماشايفين الخرطوم ولا ما عارفين ناس الانقاذ
وين؟؟؟؟؟؟؟؟؟؟؟؟

[ماريل]

27 أبريل 2013م
شبكة أحرار : الجبهة الثورية


قال الناطق للجبهة الثورية لشبكة أحرار ان قوات الجبهة الثورية علي بعد 350 كيلو من الخرطوم ولم نجد اي مقاومة وطمئن الشعب السوداني بان الجبهة الثورية تعمل من اجل اسقاط واراحة المواطنين وشدد ان لواء الفجر الجديد الان في طريقه للخرطوم ودعا الشعب السوداني لاستقبال ابطال الجبهة الثورية واضاف ان قوات الجبهة ستتحرك في كل الولايات دارفور النيل الازرق جنوب كردفان واضاف ان كتائب الزلزال والطوفان واسود السودان الان اخترقوا العمق في اول عملية للجبهة الثورية تحت القيادة المشتركة وكذب الناطق باسم الجبهة بيان قوات الابادة الجماعية بان الجبهة الثورية خربت ودمرت ممتلكات المواطنين وقال نحن لم نجد مقاومة وبالعكس نحن نوفر الحماية علي المواطنين وحذر الحكومة من اتباع سياسة النعرات القبلية وقال ان هناك تحركات انطلقت من دارفور والنيل الازرق وجنوب كردفان لدعم وسند لواء الفجر الجديد وتوقع سقوط نظام الابادة الجماعية في اقرب وقت وقال عقدنا العزم كقوة مشتركة انه لا بد من اسقاط النظام

[ماريل]

المشاركة الأصلية كتبت بواسطة سارة

سلامات يا ماريل وحمد الله على السلامة

الحصل دا وحسب تلفونات وشهود عيان من مواقع الحدث فى ابرياء ماتوا
نتيجة الهجمة دى دا غير الناس النزلوهم من البصات وشالوا قروشهم وموبايلاتهم
ياخ منعول ابو الثورة البتكتل الابرياء وتسرق قروشهم ياخ انا ود اختى شقيقتى
كلمنى من بين دموعه اتنين من زملائه استشهدوا ذنبهم شنو فى انه الجماعة ديل
دايرين يلقنوا الانقاذ درس؟؟ مالهم ماشايفين الخرطوم ولا ما عارفين ناس الانقاذ
وين؟؟؟؟؟؟؟؟؟؟؟؟

جايين على الخرطوم ما تستعجلى على رزقنا ساكت يا بت الناس
ثم انو ما عايزة اعد ليك عدد الابرياء الماتوا فى عهد الانقاذ...
وماعايزة ادخل معاك فى مغالطات وجهة نظرك وصلتنى ومشكورة عليها

[سارة]

الموضوع ما وجهات نظر الموضوع الحقائق على الارض
وخليهم يجوا الخرطوم ما يبقى كلام ونهب ساكت

[ماريل]

بيــــــان رقم 2مـن قــائـد القــوات المشتركة للجبهـة الثــورية الســودانية

قامت قوات الجبهة الثورية السودانية المتحـــدة (جيش الحركة الشعبية/ مناوي؛ جيش الحركة الشعبية/عبدالواحد؛ جيش حركة العدل و المساواه وجيش الحركة الشعبية – ش ) برد الهجوم الغادر الـــذي قامـــت بها منذ ايام قوات الموتمر الوطنى الماجورة واســـفر ذالك

التصــــدي اليوم السابع والعشرون من ابريل عام 2013 م بتحرير كل من حاميات ابوكرشولة,وأم كتيرة, وبعدها استمرت المطاردة الى أن دخلت قوات الجبهة الثورية مدينة أم روابة ومنطقة الله كريم ومن ثم مدينة السميح وحتى بوابة الرهد. والنصر لجماهير الشعب السودانى والنصر لقوات الجبهة الثورية السودانية.
الفريق/ عبدالعزيز أدم الحلو قائد اركان قوات الجبهة الثورية المتحـــدة
السبت, 27 نيسان/أبريل 2013 15:43

[ماريل]

المشاركة الأصلية كتبت بواسطة سارة

الموضوع ما وجهات نظر الموضوع الحقائق على الارض
وخليهم يجوا الخرطوم ما يبقى كلام ونهب ساكت

كضابه يازيف الدقون...
كضابه يامطر الدلج...
كضابه حيطان العذاب ...
كضابه صيطان العنج...



الثورة مستمرة وانتصرت

[ماريل]

اكيد واضح بالنسبة ليك انى قاصدة الكيزان بالكاركتير اعلاه
بس ما لقيت ليهو مناسبة قمت اقتبست مداخلتك ..كويس

[زول الله]

المشاركة الأصلية كتبت بواسطة ماريل

27 أبريل 2013م
شبكة أحرار : الجبهة الثورية
-------

الجبهة الثورية تعمل من اجل اسقاط واراحة المواطنين
----------

نحن لم نجد مقاومة
----------

نحن نوفر الحماية علي المواطنين

نظام "الصعلقة" الجماعية دا مابنجح
"الدوحة" خلاص قفلوها
والـ "بي موية" كملت

كان عندهم طريقة تانية الـ يسووها




اقول قولي هذا واستغفر الله لي..............

[ماريل]

جيش الجبهة الثورية يحرر مطار كادقلى ويتوغل الى داخلها...
الثورة مستمرة........مستمرة.........وانتصرت
حد يصحى وزير العريس اااااقصد وزير الدفاع ده يا شباب

[ماريل]

[Sahar]

لا ادري لِما، ولكني تذكرت الصّحاف أيام الغزو الأميركي على العراق يا ماريل، وقد لايكون وجه الشبه قائماً..

فلتذهب جماعة الإنقاذ وتجار الدين لا اكسبهم الله إلى الجحيم، ولكن أن يأتي التغيير بمثل هذا الذي يحدث في أطراف البلاد فلا وألف لا..

من سميتيهم عاليه كان منهم من مستشار الرئيس وشريكه في اقتسام الكعكعة، أما عن الريالات القطرية التي امتلأت بها جيوبهم فدونك اجتماعات الدوحة والبذخ الذي تشهده.

يا ماريل، التغيير لن يأتي إلا مِنها هذه الخرطوم، مِن ساكِنها محمد احمد البسيط، فقط حين يلتحم هو والطلاب وينضم اليهم الشرفاء من ابناء عزة في الجيش وغيره من قواتٍ نظامية. فقط حينها سيأتي تغييرٌ طال انتظاره..

[ماريل]

المشاركة الأصلية كتبت بواسطة Sahar

لا ادري لِما، ولكني تذكرت الصّحاف أيام الغزو الأميركي على العراق يا ماريل، وقد لايكون وجه الشبه قائماً..

نان وكت اصلو (قد لايكون وجه الشبه قائما)الذكرك ليهو شنو يا بت امى...
شكرا يا سحر لربما كان وجه الشبه قاعدا فذكرك بالصحاف كلو ماش يا ستى
لا عليك.............

[مهتدى حامد محمد قسم السيد]

ا ادري لِما، ولكني تذكرت الصّحاف أيام الغزو الأميركي على العراق يا ماريل، وقد لايكون وجه الشبه قائماً..

فلتذهب جماعة الإنقاذ وتجار الدين لا اكسبهم الله إلى الجحيم، ولكن أن يأتي التغيير بمثل هذا الذي يحدث في أطراف البلاد فلا وألف لا..

من سميتيهم عاليه كان منهم من مستشار الرئيس وشريكه في اقتسام الكعكعة، أما عن الريالات القطرية التي امتلأت بها جيوبهم فدونك اجتماعات الدوحة والبذخ الذي تشهده.

يا ماريل، التغيير لن يأتي إلا مِنها هذه الخرطوم، مِن ساكِنها محمد احمد البسيط، فقط حين يلتحم هو والطلاب وينضم اليهم الشرفاء من ابناء عزة في الجيش وغيره من قواتٍ نظامية. فقط حينها سيأتي تغييرٌ طال انتظاره..