تألم انت في السودان...

[مرافي]

انا اقترح ان يهدم السودان ويصير انقاضا
بعدين تتبانا دوله نلتجيء اليها لحين اعادة بنائه
اعادة بناء من المطار وانت ماشي تستثنى من الهدم عمارات ناس الحكومة
لانها عيني باردة مواكبه ومدفوع فيها كويس.. لكن نخليها وقف
اما انسان بلادي وارض بلادي ندخلن الانعاش حتى تدب الحياة في اوصالهم
بالمناسبة هي البلد دي حقت منو...!!!
اطالب الانجليز ان يستعمرونا بعد اعادة بناء السودان الجديد..
الموافق يرفع ايدو...

[Sahar]

مرافي ازيك وحمد الله على السلامة،
بقدر ما بفرح بالإجازة في السودان بقدر ما برجع من الإجازة وجواي كم متناقض من الأحاسيس..

بس نقول شنو، ياهو بلدنا وهو الأصل..
ربنا يلطف بالبلد وبأهلها..

[قرقاش]

مرافى يابنتى
حمدا لله على السلامه ..رايح جاى
المهم من فى اعلى السلم يرى ابعد ....
وكل ما ارتفعتى درجه حتما سترين اكثر بعدا
اتمنى لو تحلقى فى الاعلى بعيدا حتى تحكمى وتقارنى ..بين السودان واى مكان اخر .
عموما عتدما نكون ملوك اللحمه فى العالم
او نكون ملوك زيوت الطعام فى العالم
او ملوك الذره الشامى مثلا
او تكون بلادنا افضل بلد فى العالم يصدر مواد غذايئه اورجانك ..
او عندما تصرخ الحكومه كل صباح فينا ( مثلما حدث فى اليابان ) ...
ايها الشعب الفضل .. قللوا ساعات العمل شويه ... مامكن الانسان يشتغل عشرين ساعه فى اليوم ...انتوا بتتعبوا نفسكم حرام والله ..
اليوم داك تعالى قارنى ..
غير كدا ..قضى اجازتك ...واضربى الهم بالريال او الدولار ..

[مرافي]

المشاركة الأصلية كتبت بواسطة Sahar

مرافي ازيك وحمد الله على السلامة،
بقدر ما بفرح بالإجازة في السودان بقدر ما برجع من الإجازة وجواي كم متناقض من الأحاسيس..

بس نقول شنو، ياهو بلدنا وهو الأصل..
ربنا يلطف بالبلد وبأهلها..

اهلين سحر
ولله يا سحر الكم المتناقض من الاحاسيس ينتابك من عتبة المطار للاسف
فالبون واسع في كل شيء... في بلادي ليست هناك من قيمة للانسان
عكس مانري ونعايش في البلاد التي نقيم فيها وذاك ما يزيد إحساس الحسرة والالم لحال البلد واهل البلد
ربنا يتطلف بي اهل البلد ويعوض صبرهم نعيم ورفاهية يارب
مودتي وسلامي للعائلة الكريمة

[مرافي]

المشاركة الأصلية كتبت بواسطة قرقاش

مرافى يابنتى
حمدا لله على السلامه ..رايح جاى
المهم من فى اعلى السلم يرى ابعد ....
وكل ما ارتفعتى درجه حتما سترين اكثر بعدا
اتمنى لو تحلقى فى الاعلى بعيدا حتى تحكمى وتقارنى ..بين السودان واى مكان اخر .
عموما عتدما نكون ملوك اللحمه فى العالم
او نكون ملوك زيوت الطعام فى العالم
او ملوك الذره الشامى مثلا
او تكون بلادنا افضل بلد فى العالم يصدر مواد غذايئه اورجانك ..
او عندما تصرخ الحكومه كل صباح فينا ( مثلما حدث فى اليابان ) ...
ايها الشعب الفضل .. قللوا ساعات العمل شويه ... مامكن الانسان يشتغل عشرين ساعه فى اليوم ...انتوا بتتعبوا نفسكم حرام والله ..
اليوم داك تعالى قارنى ..
غير كدا ..قضى اجازتك ...واضربى الهم بالريال او الدولار ..

سلام عمنا قرقاش
والله هم السودان لا بيضربو الريال ولا الدولار... قوي ومنيع
بلدنا قديما قيل سلة غذاء العالم في الاول اليبقى سلة غذاء اهلو ويشبعن
والله يا عم قرقاش نفسي اعرف سبب المعاناة دي
هل الارض صارت بور عقيم..؟؟؟
ولا الانسان اصابه الوهن وهدتو المعاناة
واحد باكستاني عامل روحو بيعرف عن السودان قال لي انا معلوم سودان هادا واجد خير بس هذا سوداني كسلان واجد في نوم مافي شغل..
بالله شوف ...
الناس كلها تقول السودانيين كسلانين..حسع يعني الحاصل علينا دا سببو الكسل بس!!!!
الله كريم علينا
شكرا للمرور

[قرقاش]

المشاركة الأصلية كتبت بواسطة مرافي

سلام عمنا قرقاش
والله هم السودان لا بيضربو الريال ولا الدولار... قوي ومنيع
بلدنا قديما قيل سلة غذاء العالم في الاول اليبقى سلة غذاء اهلو ويشبعن
والله يا عم قرقاش نفسي اعرف سبب المعاناة دي
هل الارض صارت بور عقيم..؟؟؟
ولا الانسان اصابه الوهن وهدتو المعاناة
واحد باكستاني عامل روحو بيعرف عن السودان قال لي انا معلوم سودان هادا واجد خير بس هذا سوداني كسلان واجد في نوم مافي شغل..
بالله شوف ...
الناس كلها تقول السودانيين كسلانين..حسع يعني الحاصل علينا دا سببو الكسل بس!!!!
الله كريم علينا
شكرا للمرور

مرافى لك التحيه ..
اهديك برنامج اسمه ..طرق قاتله ..يقدم فى حوالى الساعه السادسه مساء بتوقيت السودان من الاحد الى الاربعاء ..على قناه الجزيره الوثائيقيه ..لتعرفى مدى معناه البشر فى كسب رزقهم ...وبعدها قولى رايك ..؟
صديق باكستانى يعمل معنا هنا فى السودان كمدير لواحده الشركات الكبرى هنا مما ادهش الرجل فى بلدنا ان العامل السودانى يشترى كل يوم طعام افطاره من البوفيهات والدكاكين بما يساوى تقريبا ثلث مرتبه ..ويسال لماذا لايصنع العامل او الموظف طعامه ليلا فى منزله وياتى به الصباح فى عمود اوماعون ما الى عمله ..
هذا من الجانب التحت ...
ومن الجانب الاعلى فانا اعتقد ان مشكلتنا فى قياداتنا ..فهم ومنذ الاستقلال كلهم مشغولين بالحفاظ على كرسى الحكم فقط ...