إلي الرقاص وعضو البرلمان ال...

[AMAL]

مرحبتين عماد
وحبابك الف
والله لقد اقشعر بدني من الفيديو
يالله عليهن
وعلي هذه الطريقة البديعة في رفض العنف ضد النساء
وياسلا م علي الرقص وعلي لغة الجسد عندما تصير
لا للقبح ولا في وجه الظلم

اتحفظ علي عنوانك ياعماد
وحقيقي الاشارة مابتشبه روعة الفيديو
شكرا لتفهمك واتمني ان يطيب بك المقام هنا

[عماد علي]

سلام الله عليكم جميعاً

يحي عثمان عيسى
تحياتي ودايماً البدايات هي الأصعب.

الجيلي
الشغل البديع العملوه الناس دي وما أنا إلا بناقل تحياتي

حسين عبدالجليل
وما تتصور انا محتاج للمكان ده قدر كيف, تسلم.

قيس
برضو وجهة نظر ومالو, بس كدي حاول عاين ليها من حته تانيه, يديك العافيه.

عادل قسوم
ياخ المقام طيب بي ناسو وانا ما جيت إلا عشان اخد منه نفحه, فعلاً سوح فكر وعلم
وديموقراطيه والحاجات دي صعب تلقاها فى حته تانيه, تسلم كتير.

امل
فعلاً فيديو جميل بذكرني بي نيلسون مانديلا اللي قدر يزيل ولو جزء بسيط من مفهوم التفرقه العنصريه الموجود فى جنوب افريقيا عن طريق لعبه الركبي, حاجه بسيطه زي الرياضه أو الفنون بما فيها الرقص وغيره كتير كل الناس بتتوحد حوالينها بغض النظر عن العرق والجنس.
بالنسبه للعنوان فعلاً صادم شويه وما حسيت بي كده إلا لمن جيت خاشي تاني, بس الله يجازيه حسبو دماغو فى راسو التاني, من أين اتى هؤلاء؟؟



وبالنسبه للمشاحنات الحاصله.. والله جد ما بتشبهكم...

تحياتي

[AMAL]

المشاركة الأصلية كتبت بواسطة عماد علي

بالنسبه للعنوان فعلاً صادم شويه وما حسيت بي كده إلا لمن جيت خاشي تاني, بس الله يجازيه حسبو دماغو فى راسو التاني, من أين اتى هؤلاء؟؟

بالمناسبة
ممكن تطلب من المشرف يغيرو
لو حبيت


سعيدين بوجودك اكيد

[AMAL]

شكرا ليك
ولي احلي برنس

امير الامين ياصاحي
وياحارسنا وفارسنا

[أمير الأمين]

المشاركة الأصلية كتبت بواسطة AMAL

شكرا ليك
ولي احلي برنس

امير الامين ياصاحي
وياحارسنا وفارسنا

نحن فى الخدمة بس



تسلمو والله

[قيس شحاتة]

المشاركة الأصلية كتبت بواسطة الجيلى أحمد

قيس ياأخى
(الصبى بتاع عسوم)

أنْ أكون صبيّاً لعادل عسوم (عُقدتكم المُزمنة) أشرفُ عندي من أنْ أكون سِيدك إنت الجيلي. عرفته في هذا المنبر، واشهدُ له بما رأيتُ منه أنّه رجلٌ عفيف الكيبورد، تنضح مداخلاته بالطِّيب ولغته بالنظافة، بعكسك أنتَ أيُّها الطُفيلي وعكس لغتك التي لا أكادُ أمَيِّزُ من أيِّ مخرجٍ لديك تخرج.

[قيس شحاتة]

المشاركة الأصلية كتبت بواسطة الجيلى أحمد

أوعا تكون مصدق انو انت شاعر بى بيتين بتاعين دوبيت..

فلنترُك الحُكم في شعريّتي للعرض الذي لا يُقاوَم الذي قدّمتُه لك؛

أكتب فيك قصيدة عصماء، أسمّيها (الجيلي الطُفيلي)، لو عجبتك القصيدة تسحب قلة أدبك، ولو ما عجبتك تسحب صفة الشّاعر.

ولكَ أن تختار القالب الشّعري المناسب للقصيدة: دوبيت، حُر، عمودي... وإن طلبتَ المزيد أجبتك بلا تردُّد.

[قيس شحاتة]

المشاركة الأصلية كتبت بواسطة الجيلى أحمد

قيس (صبى عسوم)

أوعا تكون مصدق انو انت شاعر بى بيتين بتاعين دوبيت..

أنت ياقيس لاتصلح الا لحمل المبخر
والتصفيق المتأخر..
تأتى ياصبى عسوم فى الزيل, حين يخون عسومك الحديث ويصبح خالى الوفاض,
تملا له أنت فراغاته بكل حدب..
انسان بلا رأى يخصه,
امعة يحمل المبخر ويود ان يكتب شعرآ!

أها أكتب ياصبى عسوم

خبِّرني أيُّها الجيلي الطُفيلي - أكُن لكَ من الشّاكرين - في أيِّ الحالين تحلو لكَ الثرثرة في (الفارغة ومقدودة ونيّة*): في صَحْوِك ويقظة العقل عندك، أم عندما تذهب به كأسُ الخندريس مذاهبَ وتسلكُ به مجاهلَ وترتادُ به أخيلة وتبلغُ به مقامات لا تُدْرَك إلا بعد شمّة من بعدها ضَمّة أو حُمّى؟
____
* (الفارغة ومقدودة ونيّة) هي المُعادِل الموضوعي والمُناظِر الكُفء لـ(الفاضي ومغتغت وخمج). وهي براءة إختراع مُسجّلة حديثاً باسم قيس حسن شحاته الشّاعر، في غزوته المُباركة ضد الجيلي الطُفيلي.

[ود الخير]

اخ قيس بنفس هذا السيناريو فقدنا ماجد تاج
نحتاجك يا رجل!

[فتح العليم]

مرحبا بك عماد وحبابك في سودانيات التى تأخرنا كثيرا في الوصول لها .
ولكنها زحمة الحياة .
العنوان غريب شوية ولايتناسب مع روعة الفيديو ياريت تغير لينا العنوان عشان الشئ الاول دائما يبقى له طعم ومذاق خاص .
مرحبا بك وفرصة طيبة للتواصل وعليك بقراءة مقالي ( تعديل رأفت ميلاد عن تعديل استقالته والاعضاء الجدد في الزفة ) عشان ما تعمل لينا فيها حركات في المستقبل .
الجماعة ديل كلهم طيبين يختلفون في الراى ولكن قلوبهم طيبة ( عادل عسوم ، كانديك ، امال ) الجميع هنا حبايب .
اقامة طيبة في سودانيات

[قيس شحاتة]

المشاركة الأصلية كتبت بواسطة ود الخير

اخ قيس بنفس هذا السيناريو فقدنا ماجد تاج
نحتاجك يا رجل!

سودانيات - يا ود الخير - التي علّمتني سماحة الاختلاف سابقاً، تعلمتُ فيها أيضاً واللهِ أنّ الرّأي سيُكلفني الخنق والتكبيل والتعسُّف، وأنّ التصريح بما لا يُرضي ذوق الجيلي وعصابته، سيفتح عليّ أبواب جهنم. وأنا - أحمدُ الله وأثني على فضله - رجلٌ حُر، وعربي جزيرة ساكت، أرفضُ أن أكون إضينة، ولم أختبر - بعد - تجربة السّير مع القطيع أنّى سارَ به الحادي وحيثما وجّهه الرّاعي. فإن بقيتُ هنا، أبشّرك وأبشّرهم أنّ هذا ديدني مع كلّ مَن يُبادر بالسّفاهة، وإن رحلتُ، أعدك أنّني لن أكتبَ بوست استقالة، أو أقومَ بأيّ دراما.

[عكــود]

سلام يا عماد وألف مرحب بيك بيننا.

سلام يا جيلي،
هنا قال قيس رأيه في الموضوع:

المشاركة الأصلية كتبت بواسطة قيس الصديق شحاته

عماد، مرحب بيك في سودانيات
الرّقص الذي شاهدته في الفيديو يصلُح أن تُعبّر به هؤلاء الفتَيات عن رفضهن لأعراف المجتمع ورغبتهن في الخروج عليها، لكنّه لا يمثّل عندي أبداً وسيلة مناسبة ومفهومة للتعبير عن رفض العنف ضد المرأة.

ولكنك هنا، تجاوزت عن رأي قيس، وتخطّيت على شخصه:

المشاركة الأصلية كتبت بواسطة الجيلى أحمد

ودى هى المشكلة ياقيس شحاتة..
انت كقيس شحاتة لايمكنك أبدآ أن تلتقط الفكرة خلف الموسيقى,
وشحنة الرفض فى كل حركة لأشكال القهر.

قيس حسن شحاتة الشاعر
يسأل ويجيب:

أسلوب مهاجمة الأشخاص، بدلاً عن الآراء، يقود دائماً لمزيد من التراشق، وبالتالي لحرف البوست عن قصد مفترعه، ولتوتّر الجو العام للمنتدى؛ وهذا بالضبط ما حدث هنا.

أرجو أن نساعد في تنقية الجوار وتسهيل مهمّة الأمانة العامة.

مع تحيّاتي.

[ود الخير]

المشاركة الأصلية كتبت بواسطة قيس الصديق شحاته

سودانيات - يا ود الخير - التي علّمتني سماحة الاختلاف سابقاً، تعلمتُ فيها أيضاً واللهِ أنّ الرّأي سيُكلفني الخنق والتكبيل والتعسُّف، وأنّ التصريح بما لا يُرضي ذوق الجيلي وعصابته، سيفتح عليّ أبواب جهنم. وأنا - أحمدُ الله وأثني على فضله - رجلٌ حُر، وعربي جزيرة ساكت، أرفضُ أن أكون إضينة، ولم أختبر - بعد - تجربة السّير مع القطيع أنّى سارَ به الحادي وحيثما وجّهه الرّاعي. فإن بقيتُ هنا، أبشّرك وأبشّرهم أنّ هذا ديدني مع كلّ مَن يُبادر بالسّفاهة، وإن رحلتُ، أعدك أنّني لن أكتبَ بوست استقالة، أو أقومَ بأيّ دراما.

اكتر ما اخافه عليك هو عدم مراعاة منفذ اللائحة للإستدراج الذي
يتعرض له العضو من بعض الزملاء، وتقع عليك عقوبة ، ستشعر بعدها
بغصة ومرارة حلق انت في غنى عنها

أخ عماد مرحب بيك في سودانيات
والرقاص دا كان بقى رمز بلادنا تكون بالغت معانا،
ونحن ناس لو شفنا (عربة الهايس )جات من بعيد
بناخد لينا عرضة

[الجيلى أحمد]

الأخ عماد على,
يااخى عذرى لو بوستك الأول فى سودانيات مضى على هذه الطريقة..
لك العتبى ومرحبآ بك مجددآ فى سودانيات


_____________
(ضنيب عسوم)

كل خلق لماهو ميسر له,
وأنت ياصبى عسوم و لاتصلح الا لهذا الدور القذر,

دور الصبى المتماهى مع مهمته فى (الهوهوة والنباح)
لمثلك من حارقى البخور من الغلمان, ليس لدى حرف أزيده على مامضى,
هذا كل ماتستحقه,
وأى كلمة أخرى سيكون كرم فى التعامل معك لاتستحقه أيها (الضنيب)

[قيس شحاتة]

المشاركة الأصلية كتبت بواسطة الجيلى أحمد

_____________
(ضنيب عسوم)

كل خلق لماهو ميسر له,
وأنت ياصبى عسوم و لاتصلح الا لهذا الدور القذر,

دور الصبى المتماهى مع مهمته فى (الهوهوة والنباح)
لمثلك من حارقى البخور من الغلمان, ليس لدى حرف أزيده على مامضى,
هذا كل ماتستحقه,
وأى كلمة أخرى سيكون كرم فى التعامل معك لاتستحقه أيها (الضنيب)

وممّا يعجب له المرء ويَحُك رأسه عجباً، بلاهة الجيلي الطُفيلي وهو يشتم ويكيل السّباب، وتنتفخ كضيماته كلما أوغل في غيّه، متوهّماً - بفِعل تأثير ما يشربه - أنّه أسد سيفترس كلّ شيء أمامه، شأنه في ذلك شأن الفأر المسطول والكلب المسعور.

وستظل يا الجيلي جيلي ولو طالت عُمامتك، وستبقى يا الجيلي جيلي ولو تركت النباحا