نقد ذاتى حول العنف اللفظى فيما كتبته لقيس شحاتة وعادل عسوم..

[سارة]

انا طبعا متفقة مع الناس الصفقت لـ الاعتذار والاجمل برضو متفقة
مع الناس الرفضت الاعتذار gap ...بس انا مشكلتى اخف من
الاخيرين ديل لانه انا الجيلى تحديدا بديهو بالحته الفيها المسمار
وعشان الناس ما تزعل انا فى رايى الشخصى الجيلى دا تقيفوا
ليهو فى حلقوا بى كدا الامور بتمشى صدقونى مش هو عارف
نحنا اصحابو gap وتيب تدوهو بدون رحمة ولما يبقى زول عسل
النصيحة لى الله تجوا بمسدساتكم زى جيجى

[معتصم الطاهر]

باختصار ..
بقبل اعتذار الجيلى
- لأنو ثقافة الاعتذار جزء راقى من الانسانية
لكن الاعتذار ليس التوبة و الاقلاع .. بل هو وضع تنبيه للنفس فى العلن انو " انا اعتذرت أما الخلق ختى تتم محاسبتى مرتين ..مرة اذا أخطأت و الثانية لأني اعتذرت"

الجيلى خطأه أكبر من خطأ الآخرين بافتراض حاجات كتيرة أهما
- ما هو متوقع منه
- ما هو مفروض أن يكون عليه
- وضعه السياسي.

- زول عندو باع و طوبة فى أساس المنتدى دا.
ثم إنّو
- زول كويس

أها ..

المابقبل اعتذار الجيلى لأنو الجيلى ما مضمون ..
انا بضمن ليكم انو ما مضمون ..لكن برضو ما ممكن يكون بالسوء المتوقع منو .. خاصة فى مفردات زى الفاتت.

[أبو أماني]

اقتباس:
المشاركة الأصلية كتبت بواسطة الجيلى أحمد
لم أحتاج لوقت طويل كى أدرك العنف الذى خاطبت به الزملاء عادل عسوم وقيس شحاتة, فلقد تداركنى الاصدقاء مصوبين فى العام والخاص (عكود, نبراس وكانديك)
يبدو أن النفس فى حاجة الى مزيد من الحزم..
أعتذر للاخ قيس وللأخ عادل عسوم عن مصابهما غير القابل للتعويض من غضبتى تجاههما..
تعديت فى نقاشى معهما حدود المنطق, وطرق ادارة الحوار, فجاء فى حديثى شتم وسباب وتعدى مباشر.
أبرئ الله وأهلى واصحابى من أى تطاول فى حديثى, فلقد كان انتصارآ لحظيآ وحديثآ أهويت به على كيبوردى دون اكتراث لألم قد يسببه لمن أجادله..
أعتذر للأخ قيس عن تقليلى من شأنه, وللأخ عسوم عن جرجرته الى نقاشات سابقة ..
أعتذر قبلهما لنفسى عن هذا التمادى الذى عاندت فيه طبعى المسالم..
أعتذر لكل من طالع وتألم من حرف كتب ساعة غيظ وغضب

عذرآ ياصحاب

no comment at all just I say God bless U

[صديق عيدروس]

انا عندي سؤال ..

الواحد عندما يعتدى عليه ... ويقوم يرد الصاع صاعين ، وينتصر لنفسه في كل كلمة قيلت في حقه ويتجاوز في الرد احيانا

فهل يجب عليه ان يعتذر هو ايضا ، اضافة الى قبول اعتذار الطرف الاخر ..؟

[ماريل]

المشاركة الأصلية كتبت بواسطة معتصم الطاهر

الجيلى خطأه أكبر من خطأ الآخرين بافتراض حاجات كتيرة أهما - ما هو متوقع منه - ما هو مفروض أن يكون عليه - وضعه السياسي. - وضعه الاجتماعي الجديد - دا بخصنى انا و من هم أقرب مني - ( متزوج من زولة منصفة الملايكة البحدروا ليك بابتسامة) الدغرية العوجا. فلابد أن يكون بذات المستوى . كنا زمان نسمع بزوجة فلان لازم تكون بتتعامل كيف كدا لأنو زوجها مسئول. أها الجيلى دا رغم عظمتو .. ينسب لها أحيانا).

سلامات يا باش ..دى دغمسة شديدة يعنى هل مطلوب من الجيلى انو يكون نسخة من زوجتو؟؟


ثم انو انت ما مرت عليك (الاقطاب المتشابهة تتنافر)قصة النُسخ دى بتخليهم غير منجذبين ولا جذابيين زاتو

كل ما اشوف شراسة الجيلى طوالى تخطر على بالى وداعة (المدام)فاسبح الله وادعو بحفظهما

بتخيل لى هم كده احلى واجمل (الجيلى )لا يتجمل اطلاقا هو انسان صادق وهذه محمدة وليست مذمة

انا اعتقد انو كل زول مفروض يكون نفسو فقط فنحن اجمل عندما نكون (ذواتنا)

[معتصم الطاهر]

المشاركة الأصلية كتبت بواسطة صديق عيدروس

انا عندي سؤال ..

الواحد عندما يعتدى عليه ... ويقوم يرد الصاع صاعين ، وينتصر لنفسه في كل كلمة قيلت في حقه ويتجاوز في الرد احيانا

فهل يجب عليه ان يعتذر هو ايضا ، اضافة الى قبول اعتذار الطرف الاخر ..؟

صديق ..
سلام الله عيك ..

ما مطلوب من أى زول يعتذر ..
أصلا ما مطلوب ..
ولا مفروض أى زول يقبل اعتذار

دا شيء انساني برتقى الزول بنفسو بيه .. سلّم انسانية العاوز يرتقى يرتفع يطلع بيهو لى فوق ..
و العندو اى حاجة يسمو بيها .. و شايفها أحسن من الاعتذار.. برضو يسمو بيها.
بس يكون مقتنع بيها جواهو..
المهم ما تشعر بانك أفضل لما تعملوا و اتنوم وانت راضى.
تخت راسك فى الوسادة و ما يحرقك ضميرك.

غايتو أنا لو سودانيات أو أى حاجة ما أضافت لانسانيتي شيء
بشعر بانو أنا ساى ..

[سارة]

المشاركة الأصلية كتبت بواسطة صديق عيدروس

انا عندي سؤال ..

الواحد عندما يعتدى عليه ... ويقوم يرد الصاع صاعين ، وينتصر لنفسه في كل كلمة قيلت في حقه ويتجاوز في الرد احيانا

فهل يجب عليه ان يعتذر هو ايضا ، اضافة الى قبول اعتذار الطرف الاخر ..؟

اخى العزيز عيدروس
زمان مش بقولوا لكل فعل رد فعل والجزاء من جنس العمل
والعين بالعين والسن بالسن يبقى البزيد من السن بالسن ويقوم
ياخد معاهو الضرس المفروض يلزمو اعتذارgapgap
لكن انا بتمنى تسن قوانيين تعاقب من يتسببون فى اشعال نيران
الفتن والمشاكل لانه اى حاجة بكون دايرة ليها سبب
بمعنى نحاول ان نطبق اللائحة على اى تجاوز ولو صغير وفى وقته وحينه
وبى كدا نكون كفينا المؤمنيين شر القتال

[قيس شحاتة]

المشاركة الأصلية كتبت بواسطة طارق صديق كانديك

ومني إليك: حقك على رأسي من فوق، إذ أكن لك احتراما وتقديرا كبيرين.

حبيبنا أبو الطرُق
واللهِ ليس لكَ في القلب إلا كلّ الحُب والتقدير والمعزّة.
وإنْ أتاكَ حديثي جافاً وقاسياً، فذلك لِعشمٍ أتوسّمهُ فيك، وأملٍ أرجوه - دائماً - عندك، وثقة أخالكَ - أبداً - أهلاً لها.

[أميرى]

المشاركة الأصلية كتبت بواسطة صديق عيدروس

انا عندي سؤال ..

الواحد عندما يعتدى عليه ... ويقوم يرد الصاع صاعين ، وينتصر لنفسه في كل كلمة قيلت في حقه ويتجاوز في الرد احيانا

فهل يجب عليه ان يعتذر هو ايضا ، اضافة الى قبول اعتذار الطرف الاخر ..؟

أنا زاتي عندي سؤال بالمناسبة
معيار التجاوز عندك سايقو بي ياتو دركسون إنت؟
يعني التجاوز نسبي ... الشي الإنت شايفو تجاوز مثلا غيرك يمكن بي مفهوم جوكية الركشاتشايف إنو الزول القدامي ده أربعة و سايقني لي مطب..أتخطاو و أعدل مراية الشوف و لا أداقش وراو بي مسافة السبعة متر القانونية ..نظام و للطريق حرمات
.....
الرد الفوق ده. ما عندو أي علاقة بي الشي الإقتبستو منك إنما هو مجرد كود مشفر للعزيز قيس
فلو شايف إنو ردي يعنييك يا مولانا فعادي فلل تنكك والحقنا او إتجاوزنا زاتو إن شئت
قالوا الفقرا اتقسموا الدرب

......
يا قيس.
قيل ثم من!!!

[الجيلى أحمد]

تحياتى يامعتصم,

أى خطاب أرجو أن توجهه نحوى فقط,
ولاتقحم اسم زوجتى أو أسرتى لأى سبب كان

[طارق صديق كانديك]

المشاركة الأصلية كتبت بواسطة قيس الصديق شحاته

حبيبنا أبو الطرُق
واللهِ ليس لكَ في القلب إلا كلّ الحُب والتقدير والمعزّة.
وإنْ أتاكَ حديثي جافاً وقاسياً، فذلك لِعشمٍ أتوسّمهُ فيك، وأملٍ أرجوه - دائماً - عندك، وثقة أخالكَ - أبداً - أهلاً لها.

شكرا يا قيس ياخي

وأنت والله عندي كذلك.

ممنون

[نبيل عبد الرحيم]

أولا يجب أن نشجع ثقافة الإعتذار وهى صفة من صفات الشجاعة التى نفتقدها وأشيد وأحى أخى الجيلى
ممكن أن نتختلف سياسيا ولكن يجب ألا نشخصن الخلافات ونعتبرها إختلافات في وجهات النظر .
ثانيا أتمنى من أخى قيس الذى أحترمه رغم خلافى السياسى معه أن يقبل الإعتذار ويسامح
وأتمنى ألا يأجج البعض شقة الخلاف بينهما
لأن ذلك سوف يدفع الكثيرين ألا يقدموا على هذه الخطوه مستقبلا .
من تجاربى إختلفت مع أعضاء كثيرين هنا ومنهم الجيلى ولكن بعد ذلك علاقاتى بهم أصبحت أقوى الأن من السابق.

[سر الختم إبراهيم نقد]

المشاركة الأصلية كتبت بواسطة الجيلى أحمد

تحياتى يامعتصم,

أى خطاب أرجو أن توجهه نحوى فقط,
ولاتقحم اسم زوجتى أو أسرتى لأى سبب كان

[عبدالمنعم الطيب حسن]

المشاركة الأصلية كتبت بواسطة الجيلى أحمد

تحياتى يامعتصم,

أى خطاب أرجو أن توجهه نحوى فقط,
ولاتقحم اسم زوجتى أو أسرتى لأى سبب كان

لا ارى اين مبرر، لاقحام اسرة الجيلي في الامر،
ماعارف في ناس لمن تكتب ، اظنها بتلغي الذوق السليم ،
وتعفص من طرف ، قليل من المراعاة لمشاعر بعضنا ،
يدعم انسانيتنا ،
............
ارعوي يا هذا ...
فكر قليلا قبل ان توتر صباحاتنا ،
امسحا في وشنا يا الجيلي ،
كامل القومة ليك ، ولاسرتك الكريمة .....

[صديق عيدروس]

المشاركة الأصلية كتبت بواسطة معتصم الطاهر

صديق ..
سلام الله عيك ..

ما مطلوب من أى زول يعتذر ..
أصلا ما مطلوب ..
ولا مفروض أى زول يقبل اعتذار

دا شيء انساني برتقى الزول بنفسو بيه .. سلّم انسانية العاوز يرتقى يرتفع يطلع بيهو لى فوق ..
و العندو اى حاجة يسمو بيها .. و شايفها أحسن من الاعتذار.. برضو يسمو بيها.
بس يكون مقتنع بيها جواهو..
المهم ما تشعر بانك أفضل لما تعملوا و اتنوم وانت راضى.
تخت راسك فى الوسادة و ما يحرقك ضميرك.

غايتو أنا لو سودانيات أو أى حاجة ما أضافت لانسانيتي شيء
بشعر بانو أنا ساى ..

وعليكم السلام ورحمة الله وبركاته
والله ياباش انا شايف ان الانسان عندما ينتصر لنفسه ويرد السيئة بمثلها واكثر ، فلم يبق لديه مبرر واحد يمنعه من قبول الاعتذار