اللات ، العزى ، مناة .. ( وهُبل طبعاّ )

[أسعد]

المشاركة الأصلية كتبت بواسطة ماجد تاج

ـ


أسعد ..

كنت عايز أكتب الاوغاد يمتنعون ..

لكن كتابتها مبكراً ممكن تبعد آخرين من البوست


ـ

المشاركة الأصلية كتبت بواسطة ماجد تاج

ـ
تسود في معظم المنتديات السودانية لغة خشنة ، ومفرطة في التجاوز ، ومتعدية بشدة على الاخر
ـ

gap

[أسعد]

المشاركة الأصلية كتبت بواسطة عادل عسوم

وطالما قمتم بذكر المصائب فساعمد الى تفسير السبب في تغييركم للاسم الى اسم جدكم الكريم ...على ضوء ماتقدم

يا عادل ياريت لو تفسر لي السبب
انا زاتي عاوز اعرف انا غيرت اسمي لييييه؟!

[ماجد تاج]

المشاركة الأصلية كتبت بواسطة أسعد

gap

ـ



قسم بالله انت فهمت غلط ياخ ( في المرتين )



ـ

[ماجد تاج]

المشاركة الأصلية كتبت بواسطة أسعد

يا عادل ياريت لو تفسر لي السبب
انا زاتي عاوز اعرف انا غيرت اسمي لييييه؟!

ـ


يا أسعد ..

بكل أدب ياخي : رجاءاً ما تفتل لي البوست دا

خلي الواحد لمرة واحدة فقط في سودانيات الجن دي يكتب ليه بوست يقول فيه كلامه كامل

رجاءاً يا حبيب


ـ

[عادل عسوم]

المشاركة الأصلية كتبت بواسطة أسعد

يا عادل ياريت لو تفسر لي السبب
انا زاتي عاوز اعرف انا غيرت اسمي لييييه؟!

داير اشوفك زول مشاكل والاّ لا

بهظر معاك والله ياأسعد
ما اهظر معاك يعني...
وعلى كل حال اهو صاحبك ماجد زاااتو طردنا من بوستو دا ياخ

التحية ليك ماجد و...متابع

[ماريل]

المشاركة الأصلية كتبت بواسطة ماجد تاج

ـ

الجيلي ..

لنا جعفر ..

أمال ..

وهُبل ..

هُبل طبعاً معروف لكن لن أورد إسمه الان صراحة حتى لا يسهم انفلاته وتهوره في فتل البوست مبكراً


وللحق فكرة البوست أوجدتها ابتسامة طفت على سطح القلب من مداخلة بعينها في بوست الاخ الجيلي المعني ... ـ

السلام عليكم صاحب البوست والمتداخليين والمعنيين بالبوست
ارجو من امال ولنا والجيلى وهبل* ما يتداخلوا
فى البوست حتى تتضح رؤية مفترعه وذلك لنتجنب
ما يحتمل ان يؤول اليه البوست من موت مبكر
يكون سببه سؤ فهم المعنيين بسبب احساس سابق
بالترصد من مفترعه يا ريت تصبرو لحدى ما تتضح الرؤية....

*سؤال يا ماجد المداخلة الخلتك تفترع البوست هل هى مداخلتى فى بوست الاخ الجيلى؟؟ اذا كانت هى عشان امشى اجيبا ونسهل على الناس المساسقة وبالتالى يقدرو يربطو....

[ماجد تاج]

ـ

المشاركة الأصلية كتبت بواسطة الجيلى أحمد

التحايا الطيبة للجميع,
منعتنى مشاغل عن متابعة الرد والكتابة فى البوست..

شكرى فى البدء للمتداخلين والمتداخلات على ماتفضلو به,
وسأعود بردود على الداخلات حالما قلت المشاغل..

بعض المداخلات كانت اسقاط لحالات خلافات أخرى هذا ليس مكانها.

من المهم قبل عودتى ازالة بعض اللبس والخلط الذى يبدو أن البعض وقع وفيه,

النقد الذاتى الذى تقدمت به هنا يعتنى بالاعتذار المباشر عن العنف اللغوى خارج اطار الموضوع الذى كان محل النقاش بينى وبين من حددتهما بالاسم,
هذا النقد الذاتى الواضح والمباشر شديد التحديد , لايعنى البتة ولو عن طريق الخطأ
أى اعتذار عن الحوارات وعن الآراء التى اوردتها فيها .
باعتقادى ان العنف اللفظى يضعف الحجة ولايوصل الى نتيجة بل يخلف الكثير من السلبيات والألم عند الموجه اليه أو مطالعه, وهو ماقمت بمواجهته فى خطابى, وعنه كتبت النقد الذاتى بعاليه.

سأعود للمداخلات كل على حدة فى القريب
فالى الملتقى

ـ


أعلاه المداخلة المعنية في كلامي السابق ..

الجزء منها الملون باللون الاحمر سبب التبسم ومنبت فكرة هذا البوست

ل هُبل قطعاً معنى واسع لكن في إيراده هنا تعيين ( لا يشمل فيما يشمل ماريل )



ـ

[ماجد تاج]

ـ


قيل : اللاتُ : يجوز أن يكون من لاتَه يَلِيتُه إذا صرفه عن الشيء كأنهم يريدون أنه يصرف عنهم الشرّ.

وقيل : هي مشتقة من لويت الشيء إذا أقمت عليه .

وقيل : أصلها لَوْهة فعلة من لاهَ السراب يلوهُ إذا لمع وبَرق

وقُلبت الواو ألفًا لسكونها وانفتاح ماقبلها وحذفوا الهاء لكثرة الاستعمال واستثقال الجمع بين هاءين

وقيل : اللات هي مؤنث اسم ( الله )

وقد كانت تعرف في عهد هيرودت باسم : أليتا ، ويذكر هيرودت بأنها كانت الزهرة السماوية .

والثابت أن اللات هو وثن كانت تعبده ثقيف

ورد أنها صخرة كان يجلس عليها رجل كان يبيع السمن واللبن للحجاج في الزمن الأول

وقيل إن اللات كان يَلتّ له السويقَ للحج على صخرة معروفة تسمى صخرة اللاتّ وكان اللاتّ رجلا من ثقيف

فلما مات قال لهم عمرو بن لُحي: لم يمت ولكن دخل في الصخرة.

ـــــــــــــــــــــــــــــ

ولكن أصح ما روي عن اللات هو ما رواه البخاري في صحيحه :

عن ابن عباس رضي الله عنهما، في قوله: {اللات والعزى} كان اللات رجلاً يلت سويق الحاج. اهـ

يعني يعجن العجين للحجاج وهي كلمة عربية يستخدمها أهل البادية .

فـ "السويق" هو العجين، ولت السويق هو خلطه بالسمن وعجنه .

فالظاهر أن "اللات" كان رجلًا محسنا يعجن العجين للحجاج ويطعمهم إكراما لهم .

فلما مات عظموه وعكفوا على قبره ثم جعلوه إلهًا.

وقد قيل إن اسم هذا الرجل "صرمة بن غنم ".

وروى ابن أبي حاتم عن ابن عباس:

( كان يلت السويق على الحجر فلا يشرب منه أحد إلا سمن فعبدوه )

وروى سعيد بن منصور والفاكهي عن مجاهد:

( كان اللات رجلاً في الجاهلية وكان له غنم

فكان يسلو من رسلها ، ويأخذ من زبيب الطائف والاقط ، فيجعل منه حيساً

ويطعم من يمر من الناس فلما مات عبدوه وقالوا هو اللات . وكان يقرأ اللات مشددة ) .




ـ

[خال فاطنة]

سلامات يا ماجد تاج و كيفنك يا حبوب...وين ليك فترة يا رجل؟

مقاومة هذه اللغة تصبح في الان فريضة على كل عاقل يهمه أن يحفظ للاسفير السوداني قدرته على

تأدية الدور المتوقع منه ( نشر الوعي وتغيير الواقع للافضل ) كما حدث في دول أخرى

الكلام دا على مستوى النظرية مفهوم، لكن، هل البوست دا و ما شابهه من بوستات هو أحد ميكانيزمات المقاومة المعنية؟
اللغة محل نقدك يا ماجد إنت من أكبر المساهمين في توفير بيئة خصبة لها كي تستمر و تبقى...و الدليل هو كم البوستات ذات الطابع الشخصي التي تُفترع من قبلكم...
لو داير يا ماجد فعلاً تقاوم اللغة دي ك (عاقل يهمه أن يحفظ للاسفير السوداني قدرته على....) ركز على كتابتك في الأدب و ماشابه من ضروب المعرفة، و إنت راجل في الشغل دا ماك ساهل...عليك الله جرّب النصيحة دي مدة شهر بس و تعال شوف المقاومة البتقول عليها دي كم تحقق منها...

[رأفت ميلاد]

والات والعزة أنت ما نصيح يا ماجد تاج

مشتاقين ياخ

[سارة]

المشاركة الأصلية كتبت بواسطة رأفت ميلاد

والات والعزة أنت ما نصيح يا ماجد تاج

مشتاقين ياخ

وخلتان كمان

انا برضو مشتاقين

[أمين محمد سليمان]

سلام يا ماجد و لعلك طيب ياخي ....
إنت يا ماجد يا أخوي ما بتفتر من البل ده ؟!!
ياخي ما معقول تمشي و تجي كل مرة راجع لنفس الفلم : الشيوعيين و لنا جعفر و منو و منو و منو ... الشخصنة دي حدها وين و حدها شنو ؟!!
من جانب تاني، إنت يا ماجد ترد الاساءة باساءة و زيادة، و تولغ في التهاتر، تستفز الناس و تشخصن القضايا و تجي تفتح بوست تتكلم عن الوقوف في وجه اللغة المنهكة و المهلكة، و تنسبها للشيوعيين، و ترص اسمائهم واحد وراء التاني و الطاحونة تدور من أول و جديد !!

العايز المحل ده ينصلح يصلح حالو أولا، لو كلنا عملنا كدا المحل ده بنصلح، لكن قصة نخوض مع الخائضين و نبل مع البالين و نجي نتمسح بالمسوح المريمية و نكيل التهم جزافا لمن نخالفهم الرأي و نحملهم مسؤلية ما يحدث فدا واحد من أسباب الهتر المابي يقيف ده .

اللغة المنهكة و المهلكة البتتكلم عنها و العايز تحاربها دي ما عندها علاقة بالشيوعيين و لا الكيزان، عندها علاقة بينا كشعب سوداني شقيق ما بقدر و ما بفهم ذاتو يعني شنو نختلف بمحبة، عندها علاقة باننا ما بنشوف عوجة رقبتنا و الدليل بوست ده ذاتو : ياخي ما ممكن تفتح بوست و تحمل تنظيم سياسي مسؤلية القباحة الحاصلة هنا و ما تكتفي بكده، تجيب لسته باسماء الناس فلان و فلانة و علان و علانة، و تنصب نفسك حكما على سلوك الناس و تدينهم و إنت - و حسب ما شفت و قريت ليك - في الكم شهر الفاتو مساهم بشكل رئيسي و فاعل في القبح الحاصل هنا !!
والله قدر ما حاولت ما أقول ليك الكلام ده ما قدرت، غايتو اعفي لي كان عصرت عليك و يبقى الود و الاحترام ...

[كيشو]

المشاركة الأصلية كتبت بواسطة خال فاطنة

..عليك الله جرّب النصيحة دي مدة شهر بس و تعال شوف المقاومة البتقول عليها دي كم تحقق منها...

خال فاطنة
سلام وتحية
ذكرتني واحد صاحبنا أيام الصبا وكنا نلعب الكورة ومعانا واحد أناني جدن جدن، أها صاحبنا يجري عن يمين الأناني وعن يسارو؛ يفتح في الخانات لامن " فتر "، والأناني يحاور ويحاوور لامن يقلعوها منو
في النهاية صاحبنا قال للأناني: " علييك الله مرة أطلع من طورك واديني باص "

[خالد غالي]

والله ياماجد اللات انت ده

ياخي انت بتجيب كميات من الحاجات وتعجنهم مع بعض من غير سمن وتزغدهم للناس بالغصب

على كل حال المدهش في الموضوع ده كلو اصرارك الشديد على استعداء آمال رغم انها والله اصلو ماقصرت وبزلت لك من المحبة وطولة البال الشيء الكثير ومع ذلك انت مصر انك تستعديها في كل مرة

اتمنى من كل قلبي يجي واحد شيوعي بالو رايق ويبستفك بستفة الجن اذ انك تستاهل البستفة والله

هذا مع المحبة التي تعلمها

[أمير الأمين]

المشاركة الأصلية كتبت بواسطة أمين محمد سليمان

سلام يا ماجد و لعلك طيب ياخي ....
إنت يا ماجد يا أخوي ما بتفتر من البل ده ؟!!
ياخي ما معقول تمشي و تجي كل مرة راجع لنفس الفلم : الشيوعيين و لنا جعفر و منو و منو و منو ... الشخصنة دي حدها وين و حدها شنو ؟!!
من جانب تاني، إنت يا ماجد ترد الاساءة باساءة و زيادة، و تولغ في التهاتر، تستفز الناس و تشخصن القضايا و تجي تفتح بوست تتكلم عن الوقوف في وجه اللغة المنهكة و المهلكة، و تنسبها للشيوعيين، و ترص اسمائهم واحد وراء التاني و الطاحونة تدور من أول و جديد !!

العايز المحل ده ينصلح يصلح حالو أولا، لو كلنا عملنا كدا المحل ده بنصلح، لكن قصة نخوض مع الخائضين و نبل مع البالين و نجي نتمسح بالمسوح المريمية و نكيل التهم جزافا لمن نخالفهم الرأي و نحملهم مسؤلية ما يحدث فدا واحد من أسباب الهتر المابي يقيف ده .

اللغة المنهكة و المهلكة البتتكلم عنها و العايز تحاربها دي ما عندها علاقة بالشيوعيين و لا الكيزان، عندها علاقة بينا كشعب سوداني شقيق ما بقدر و ما بفهم ذاتو يعني شنو نختلف بمحبة، عندها علاقة باننا ما بنشوف عوجة رقبتنا و الدليل بوست ده ذاتو : ياخي ما ممكن تفتح بوست و تحمل تنظيم سياسي مسؤلية القباحة الحاصلة هنا و ما تكتفي بكده، تجيب لسته باسماء الناس فلان و فلانة و علان و علانة، و تنصب نفسك حكما على سلوك الناس و تدينهم و إنت - و حسب ما شفت و قريت ليك - في الكم شهر الفاتو مساهم بشكل رئيسي و فاعل في القبح الحاصل هنا !!
والله قدر ما حاولت ما أقول ليك الكلام ده ما قدرت، غايتو اعفي لي كان عصرت عليك و يبقى الود و الاحترام ...

لا جدوى يا يسوع*


الحقوق محفوظة طبعاً