دق العـيش - الله وأكبروالعزة للسودان-بوست للوطنيين فقط

[آخـر المواني]

المشاركة الأصلية كتبت بواسطة زول الله

اقول قولي هذا واستغفر الله لي...................

**1

المحيرني في كل مشاركاتك الخاتمة دي !

زي الواحد الـ(بسب) الدين و بعدها طوالي يستغفر ...

اها انا هنا بقول استغفر الله قبل ما أكتب العبارة الجاية دي !
إنت قايل الله دا اهبل ؟

**1 عشان ما نكون ضمن زمرة الـ 140 الفوق !

[زول الله]

المشاركة الأصلية كتبت بواسطة طارق صديق كانديك

صباح الخير يازول الله
والله قد ضيقت واسعاً
قلت لي البتاوق ويلقى كلامك المنفعل ده وما يوافق عليهو ويمسك نفسو، طوالي بتوديهو الطرف التاني؟
يا أخي لاخير في الببني ولا البناول الطوب.
تسقط ليه اب كرشولا من الأول، وميزانية الدفاع والأمن تقارب الثمانين بالمائة من ميزانية تلك البلاد المنكوبة؟
الصحيح انو البتعمل فيهو الجبهة الثورية هو العبث بكل تأكيد، ولكن في المقابل، جماعتك البتهلل ليهم ديل،مافاضيين من اكتناز أموال الشعب السوداني، وهم بمثلوا أسوأ نظام يمر على السودان.

انا لا اهلل لجماعة او نظام يا كانديك وكلامي واضح
ارسل كلامي وهذا البوست للقوات المسلحة السودانية التي استعادت جزءاً من الوطن
لا يشمل ذلك اي نظام او حاكم او مسؤول سوى الجيش السوداني
وتحديداً الذين شاركوا وجاهدوا في سبيل استرجاع ابوكرشولا وقبلها هجليج وغيرها
التهليل هنا لله وحده والحمد له على هذا النصر المبين
الله اكبر ولانامت اعين الجبناء

الماعاجبو الكلام دا لديه الخيار انو مايجي وبس
المشكلة وين؟؟؟






اقول قولي هذا واستغفر الله لي.................

[زول الله]

المشاركة الأصلية كتبت بواسطة ود الخير

هنا التحية* لزول الله ود الشيخ
هنا فرح بغادر قد هرب... هنا تهليل لنصر قد أتى
هنا لا مكان للخيال ... هنا حقيقة هنا النصر

* عليك بي أن فتح باب الاهداء بناديك!

ولك مثلها يا ودالخير
لك مثلها





اقول قولي هذا واستغفر الله لي...................

[زول الله]

المشاركة الأصلية كتبت بواسطة Hassan Farah

هوووى.....اتقل شوية......لا تاخدك الهاشمية....خلاص صرت كاردينال توزع فى صكوك الوطنية....احرجتنا ياخ.... ما قبل كدا كانت توريت والميل اربعين هسع وينهم.....الحرب لم ولن تحل مشاكل البلد...الحل يوجد على طاولة المفاوضات ....الهرشة والخطب الرنانة الهستيرية مجرد فرقعة فى الهواء لن تؤخر ولن تقدم.....

هاشمية بتاعة شنو يا دكتور
طريق المفاوضات كان الهدف الـ من اجله يقاتل هؤلاء المرتزقة
الآن رجع كيدهم في نحرهم
-
منو ديل الانا "احرجتكم" يا دوك؟؟؟ وسبب الحرج شنو؟؟
ذكرني يمكن اكون ناسي






اقول قولي هذا واستغفر الله لي..................

[زول الله]

المشاركة الأصلية كتبت بواسطة عبدالله علي موسى

ما أمسك بولاً بعدها رحمة الله, من الوطء!
نعم الخزي لنا.
-------------
عليك الله يا زولة لله صلح لي واحد وطنية بي ود بلد و لف لي ود قبايل بالجمبه مدام مسكتة القصة دي..ناخد Take Away أحسن.

شطبنا والله
فوت علينا الدقة الجاية






اقول قولي هذا واستغفر الله لي.................

[زول الله]

المشاركة الأصلية كتبت بواسطة سر الختم إبراهيم نقد

نعم أسعدنا هذا الانتصار،وهو انتصار حقيقي ، لا عاش ولا كان من لا يساند القوات المسلحة السودانية في حربها العادلة لتحرير كل شبر من أرض السودان من هؤلاء الخونة قاتلي الأبرياء ، الذين يدمرون البنى التحتية المملوكة للشعب ويقتلون ويشردون ثم يلوذون بالفرار.
السؤال إلى متى سنظل على هذه الحال؟
كر وفر، احتلال تحرير، تدمير تعمير، مشردون نازحون.
لماذا لم يسأل أحد نفسه: لماذا تمرد ثلاثي الشر والفتنة عقار الحلو عرمان؟
الأول كان والياً ، ثم تمرد بعد انفصال أسياده في الجنوب ما ذنبنا؟ يريد أن يحتفظ بجيش موازي للقوات المسلحة القومية؟ هل يعقل هذا ؟ ترك منصبه الذي ولاه إياه المؤتمر الحاكم، واختار التمرد لأن دم الخيانة والإجرام يجري في جسمه, والثاني سقط في الانتخابات، وهو أيضاً مجرم وعنصري، وكان زمان موظف عادي في الكهرباء من أين له الملايين من الدولارات؟ والثالث ساقط في انتخابات الرئاسة وحاقد على طول الخط ؟ من طاردهم حتى يتمردوا ليست لديهم أي قضية ،كما أن هذه الحكومة أيضاً مشاركة في البلاوي التي تتعرض لها البلاد ، كيف هربت أكثر من 120 عربة تابعة للعدل والمساواة بعد ضربة خليل ، ودخلت الجنوب ، كيف وكيف ؟ كلها تتحملها الحكومة ويجب ألا يعفيها من المساءلة التي تصل إلى حد المطالبة بسقوطها.
شكراً جزيلاً زول الله.

لا قول بعد هذا
تحية تقدير واحترام






اقول قولي هذا واستغفر الله لي................

[زول الله]

المشاركة الأصلية كتبت بواسطة آخـر المواني

**1

المحيرني في كل مشاركاتك الخاتمة دي !
زي الواحد الـ(بسب) الدين و بعدها طوالي يستغفر ...
اها انا هنا بقول استغفر الله قبل ما أكتب العبارة الجاية دي !
إنت قايل الله دا اهبل ؟

**1 عشان ما نكون ضمن زمرة الـ 140 الفوق !

ج/ حاشا وكلا تنزهـ جل جلاله عما يصفون

اي سؤال تاني؟؟





اقول قولي هذا واستغفر الله لي................

[يحي عثمان عيسي]

اقتباس:
المشاركة الأصلية كتبت بواسطة زول الله

بل قل: بئس المغلوب وسحقاً له
الخزي والعار لمن حلموا بنضال زائف وتسلقوا له على اكتاف البسطاء
وامتلأت جيوبهم قبل خزائن اسلحتهم بدعم الاجنبي الجبان مثلهم
-
التحية والتجلة لأبطال القوات المسلحة الاشاوس
والعزاء كله لأسر شهدائنا




اقول قولي هذا واستغفر الله لي..............



زمان انا قلت ليك يازول الله لو ما سويت كده حتغني وين؟؟؟
أها اردح

[Hassan Farah]

اقتباس:
المشاركة الأصلية كتبت بواسطة زول الله

هاشمية بتاعة شنو يا دكتور
طريق المفاوضات كان الهدف الـ من اجله يقاتل هؤلاء المرتزقة
الآن رجع كيدهم في نحرهم
-
منو ديل الانا "احرجتكم" يا دوك؟؟؟ وسبب الحرج شنو؟؟
ذكرني يمكن اكون ناسي
-------------------------------------------------------------
وضح ....اذا كان (هؤلاء المرتزقة) كما تصفهم يقاتلون من اجل الدخول فى مفاوضات مع الحكومة حول كل القضايا فما هو العيب فى ذلك وكيف لك ان تفسر دعوتهم للدخول فى مفاوضات بالكيد....السؤال : هل ترى ان هناك مشاكل فى تلك المناطق ام تنكر ذلك.....
وهل -اذا اعترفت بوجود مشاكل-ترى ان يتم القضاء عليها بواسطة الحملات العسكرية وقتل وتشريد وتجويع المواطنين ام هناك طريق آخر...
وهل نجحت هذه الحكومة التى تسميها انت وطنية بحل اى مشكلة فى اطراف السودان الاربعة بواسطة التجريدات والحملات العسكرية

[زول الله]

المشاركة الأصلية كتبت بواسطة يحي عثمان عيسي

زمان انا قلت ليك يازول الله لو ما سويت كده حتغني وين؟؟؟
أها اردح

مشكور على المرور
معليش ماعندي ليك زيادة






اقول قولي هذا واستغفر الله لي................

[زول الله]

المشاركة الأصلية كتبت بواسطة Hassan Farah

وضح ....اذا كان (هؤلاء المرتزقة) كما تصفهم يقاتلون من اجل الدخول فى مفاوضات مع الحكومة حول كل القضايا فما هو العيب فى ذلك وكيف لك ان تفسر دعوتهم للدخول فى مفاوضات بالكيد....السؤال : هل ترى ان هناك مشاكل فى تلك المناطق ام تنكر ذلك.....
وهل -اذا اعترفت بوجود مشاكل-ترى ان يتم القضاء عليها بواسطة الحملات العسكرية وقتل وتشريد وتجويع المواطنين ام هناك طريق آخر...
وهل نجحت هذه الحكومة التى تسميها انت وطنية بحل اى مشكلة فى اطراف السودان الاربعة بواسطة التجريدات والحملات العسكرية

طيب وضح انت الأول متين ووين لقيتني سميتها "حكومة وطنية"؟؟؟
بعدين اجاوبك





اقول قولي هذا واستغفر الله لي......................

[Hassan Farah]

اقتباس:
المشاركة الأصلية كتبت بواسطة زول الله

طيب وضح انت الأول متين ووين لقيتني سميتها "حكومة وطنية"؟؟؟
بعدين اجاوبك
---------------------------------------------------------------

دق العـيش - الله وأكبروالعزة للسودان-بوست للوطنيين فقط

هذا البوست لكل سوداني ود بلد فقط
اللقيط والعملاء ولحم الراس والمشكوك في وطنيتهم يمتنعون

نحن عدونا ب نعصرو و نطلع زيتو

------------------------
دا كلام منو يا ودالدرديرى... انت تمدح وتكبر وتهلل لافعال الحكومة وتعتبر شغلها دا قمة الوطنية ومن يقف ضدها لقطاء وعملاء ومشكوك فى وطنيتهم......وتجى الآن لتنكر انك وصفتها بالوطنية....
دا كلام مهزوز ولا تستطيع تسويقه حتى فى سوق ام سويقا خليك من صفحة سودانيات..... احترم عقول الآخرين ياخ..

[زول الله]

المشاركة الأصلية كتبت بواسطة Hassan Farah

دا كلام منو يا ودالدرديرى... انت تمدح وتكبر وتهلل لافعال الحكومة وتعتبر شغلها دا قمة الوطنية ومن يقف ضدها لقطاء وعملاء ومشكوك فى وطنيتهم......وتجى الآن لتنكر انك وصفتها بالوطنية....
دا كلام مهزوز ولا تستطيع تسويقه حتى فى سوق ام سويقا خليك من صفحة سودانيات..... احترم عقول الآخرين ياخ..

اذا التهليل للقوات المسلحة بعد استردادها لأرض مغتصبة بتسميهو تهليل للحكومة
اذن ما حنتفق يا دكتور
-
لعلمك و آخرون
أنا والحكومة "الحالية" خطان متوازيان لا نلتقي إلا في ديباجة جواز السفر
كلامي لم اكتبه بغرض التسويق..
وعلى عقول الآخرين التي هللت سابقاً للإعتداء ان تستوعب الآن واقع الهزيمة المرة
وبالمرة يرجعوا القروش الدعموهم بيها وماسووا بيها شيء
تحياتي






اقول قولي هذا واستغفر الله لي...................

[أميرى]

زول الله سلامات
تعرف الزول البهتف جدا للجبهة الثورية و ما مشي لبس لبس خمسة و شاركهم الثورة ف ده زول ساي حدو كيبوردو ده

و نفس الشي بالمناسبة للزول البهتف للجيش

عشان كده من زمانا بدري بطلنا الهتاف و اكتفينا بالفرجة الملونة

هتاف ما لابس لبس خمسة يا فردة ما منو كدة

وانا ما بفسر و انت ما بتقصر

[ود الخير]

المشاركة الأصلية كتبت بواسطة أميرى

زول الله سلامات
تعرف الزول البهتف جدا للجبهة الثورية و ما مشي لبس لبس خمسة و شاركهم الثورة ف ده زول ساي حدو كيبوردو ده

و نفس الشي بالمناسبة للزول البهتف للجيش

عشان كده من زمانا بدري بطلنا الهتاف و اكتفينا بالفرجة الملونة

هتاف ما لابس لبس خمسة يا فردة ما منو كدة

وانا ما بفسر و انت ما بتقصر

اها دا الكلام
فصيلة سودانيات نمرة كاملة عد
واحد

روحنا ودمنا فداء شرف وعرض الوطن