اقتباس:
المشاركة الأصلية كتبت بواسطة طارق جبريل
|
شوف يا تارق انا طبعا بت الديم يعنى ولاد العمارات ديل جيرانا حيطة بالحيطة طوالى
فلازم اقيف واشجعم ليك جنس تشجيع
عليك الله يا تارق اوعك تقول لى مااااا برضو ولاد الامتداد جيرانكم حيطة بالحيطة كده بتحرجنى ياخ وتبرز برجوازيتى ياخ
بعدين يا تارق على قول المثل (فى جناك ليك جنى وفى جيرانك ليك جيران)فشنووو انا بحب جيرانى بالحيطة الشرقية ياخ
(خالد)فردة جناحى نكون ماشيين اقول ليهو عايزة موية يجيب لى موية سوبا اقوم اقول ليهو (افتح لى القارورة دى غلبتنى)
يقوم يفتح القارورة ويحمر لى تقوم مع التحميرة دى شو شو شو دموعى تنزل يقعد يحنس ليك فينى ويمعلش لى وينقنق(البت دى حنكوشة وله شنو)
يعزمنى شاى بى لقيمات اقول ليهو ممكن لو سمحت تجيب لى (سوسروول)يقول عايز شاى لبن مقنن اقول ليهو ريحة القنانة بتصدع بى
وفى العيد يقول مسافر لى اهلو فى الشمالية انا ارقد مستشفى لمان يجى راجع من السفر اها يا سيدى يوم زهج ليك من حركاتى دى شديد
ركبنى العربية وفووووووووووو على شارع محمد نجيب(اللهو الشارع الفاصل بين الديم والعمارات) قام وقف ليك العربية ونزل
قال لى شوفى يا بت الناس من رافت ربنا ان جعل هذا الزلط فاصلا بين الديم والعمارات وجعلكى من سكان الناحية الاخرى
اللهى الديم والله انتى كان ولدوك بى غادى للزلط ده كان بلعت حركاتك الغياظة دى.. قمت اتغزت ليك ونسيت دور الحنكشة
وقلت ليه هوووووووووى وتانى هووى جر شخيت واقيف بعيد جر لاين واقيف بهاين انت يا اخوى كان ما حدثوك النحدثك وكان ما وروك النوريك
انت ما سمعت بالمثل البقول (من جاور قوما اربعيين يوما صار مثلهم)..قام بمساخة قال لى (طيب العشش مش برضو جيرانكم)
المهم يا تارق انا بشجع ناس زهرة اللازانيا والارتاريا والزوزانا وحجة امنة مالى ومال ناس صباح الخير والجهنمية ...
