شوفت الرسول؟ قصيدة
شوفت الرسول؟
ياكوز امورو ملخبطة ؟؟
شوفت الرسول ؟؟
وكمان معاهو الفاسقين
الغارقين فى بير فساد
وماكلين قروش نص العباد ؟؟
شوفت الرسول يا ارزقى
ياكوز معتق وامنجى
ما بتختشى؟
حتى الرسول
لاحقنوا
بكومة نفاق?
ما اصلك الكوز المعاق
حلمك دجل
بكل عجل.. كذبت قدام رجرجة
وهرجلت باعلاك صوت
ورجفت حد الارتعاش
ضحك الجميع على ربكتك
بكى اخرين
على ها الرزيلة المستفضة مبجحة
وهاااااااان الوطن
جات كبوتو
جيتنا انت مرهون بالنفاق
ياكوز ملخبط ومنتشى
ياكوز اضيفت على قرفنا
طمام كتيييييير
وخليتنا عايشين فى مغص
لكنها المعهود فيك
فى اسيادك اولاد ال.....
شوفت الرسول؟؟ ذات الرسول؟؟
النحنا نبحبوا
ونصلى عليهو تمام
والا الرسول الانت قاصدو نفر جديد؟؟
ورينا قبل ننفجر
اوعاك تكون قاصد رسل زمن الهوان
اوعاك تكون قاصد رسل من ناس فلان
يبقالى قاصد كوز مرسل
وامنجى
ياهو الرسول الممكن يتحكر مع حلم الغبى
شوفت النبى ؟؟
ياكوز بتلهمنا النواح
سيدنا النبى
اشرف من الكذب المباح
واياك تتعدى النبى
وتفكا فينا كما الرياح
قول شُفت
اب عفين حُلُم
ومعاه شله فاسدين
لكن رسلونا عدييل كدة
من يومنا قلنا البنقوا شر
والبشربوا لازم يلخبط
دونيتو
ويفكها فينا
مدوية
محمد معروف
|
