اغاني .. واغاني

[ماريل]

المشاركة الأصلية كتبت بواسطة خالد غالي

حلقة مملة بشكل !!

معتز صباحي من غير طرحة حمراء وكمان ماغنى !

خالد غالى خلى عندك سالفة شنو معتز من غير طرحة دى ..بعد كده سأدعو الاخ وجدى يقدم ليك دعوة رسمية للانضمام لمجموعة اللاموضوعية

معتز عندو ظروف ليست مدعاة للسخرية اقلاهو لو ما راح ندعمو من باب الانسانية نصمت فقط أنا جادة بالمناسبة كدى عاين لمعتز كويس وشوف
هل هو كويس ..

عشان تحكم على معتز صباحى كويس وبى كلام علمى ارجع لى تاريخو الفنى وشوف قدم شنو وكان بيغنى كيف

او حاول تعرف انو الاداء بتاعو اتدهور لى شنو ...

[خالد غالي]

ماريل الرومانسية

سخرية شنو اسي، نحن بنتونس ساكت
بعدين الظرف الفيهو معتز ده شنو؟

بخصوص الصوت وما الصوت انا شايف انو صوتو ماسمح ومابيعرف يغني، وانا جني وجن الزول البيهرمن الغنا وطبعا هو ملك الهرمنة ذاتو
بعد اغنية من حور الجنان ديك انا حلفت تاني معتز ده مايخت صوتو في اضاني، واسي لمن يجيبوهو قاعد اقفل الصوت واتفرج فيهو

[احمد زين]

المشاركة الأصلية كتبت بواسطة ماريل

معتز عندو ظروف ليست مدعاة للسخرية اقلاهو لو ما راح ندعمو من باب الانسانية نصمت فقط أنا جادة بالمناسبة كدى عاين لمعتز كويس وشوف
هل هو كويس ..

يا ماريل ياختي
الكلام القلتيهو لي فوق داك انا ما حا اشتغل بيهو الشغلة
لانو ده كلام عاطفي ساي كان ممكن تختصريهو في كلمتين بدل المقال المطول ده
لكن خليني اسالك سؤال يختص بظروف معتز العارفاها انتي بس من الشعب السوداني كله

هل يوجد انسان او بالاصح فنان مرّ بظروف ممكن تدمره اكتر من مصطفى سيد احمد (الله يرحمه)
مصطفى يا ماريل كان نهر ابداع لآخر لحظات حياته
ظروف شنو دي البتخلي الفنان يجوبك الغناء الما حقو بالطريقة دي؟

[آخـر المواني]

المشاركة الأصلية كتبت بواسطة قيقراوي

مايك تسوي بيو شنو الليلة!؟
غايتو الا كان تعوس بيو عصيدة للفطور!!
ما شفتي عمك قدور اليميني شمتان كيف في اهل اليسار الليلة!!
وفرحاااان اوي!!

هسة أمانتن في ظمتك الزول الأكل معاك البيك يوم طارق كان معانا دا كلوا وفي تربيزة واحدة وبرضو تجي تقول لي شفتي ؟
تشوفك الملاريا قول آمين قال شفتي قال


ــــــــ
كويس الليلة معاي ضيوف وما حضرت الحلقة ..

[قيقراوي]

المشاركة الأصلية كتبت بواسطة احمد زين

يا ماريل ياختي
الكلام القلتيهو لي فوق داك انا ما حا اشتغل بيهو الشغلة
لانو ده كلام عاطفي ساي كان ممكن تختصريهو في كلمتين بدل المقال المطول ده
لكن خليني اسالك سؤال يختص بظروف معتز العارفاها انتي بس من الشعب السوداني كله

هل يوجد انسان او بالاصح فنان مرّ بظروف ممكن تدمره اكتر من مصطفى سيد احمد (الله يرحمه)
مصطفى يا ماريل كان نهر ابداع لآخر لحظات حياته
ظروف شنو دي البتخلي الفنان يجوبك الغناء الما حقو بالطريقة دي؟

احمد يازين كلامك زين
تجدني اقف وراك عدد واحد اندهاش في الصف!!

يا ماريل واستصحبي معاك تجربة محمود ... مسيح الشباب المضيع
في زول في الدنيا دي عاش آلام محمود .. الوحد ذات الانسان والفنان .. كفكرة .. وفرضها فرض على واقح (التصحيف مقصود) فالواقع كان بذيئ مبتذل .. بؤس وظلم .. ظلمات بعضها فوق بعض!!

في بلد في الدنيا دي بتجلد فنان ... فناااااااان!!!

مالكم كيف تحكمون

الدنيا دي ما خلقت للضعفاء ..
خلقت للجسورين .. الادمنوا عشق هوامش .. وعيشة الخطر!!

فطوبى لهم











-------

الليلة الانسة (سلطة روب) تحتجب ..
لظرف قاهر ..
فاطر برة البيت

لا تعليق على حلقة اليوم

يا شباب يديكم العافية
داوموا على تفجير النقاشات الحيوية دي ..
وخلوا الاستديو التحليلي دا برنامج موازي
المافي شنو!؟

وكت عمنا قدور معينو نضب .. خلونا نحقن وريد البرنامج بافكار معاصرة ..
ولو كانت منقولة .. الاستعراض والترفيه ..صار بزنس عديييل كدا وفاتح بيوت ولاتم خشوم في مجتمع الراسمالية العلينا دا

يديكم العافية
والمحبة للجميع

[زول الله]

مشكلة البرنامج هي فرض الاغاني على الفنانيين بدون حفظ او بروفات كفاية
والاخيرة دي واضحة لأي فنان او اي زول في المجال الفني
ثم واضح برضو ان الشغل دا تم بدون لجنة فنية تشرف عليه
اللجنة الفنية هي البتوزع الاغنيات للفنانين حسب الامكانيات والاصوات
مجرد فنانين وورق مكتوب وعازفين ينفذوا الاغنية
طبيعي يكون اغلب الشباب ديل ماقادرين يوصلوا امكانياتهم للناس
وانا اتوقع ان مستوى اغلبهم احسن مما ظهر به
حتى المحترفين فرفور وطه وغيرهم لم يظهروا في البرنامج بمستواهم الفني المعروف

صباحي زول موهوب ومتمكن ويمتلك خامة صوتية فخمة جداً
وهذا ليس مستواه الحقيقي





اقول قولي هذا واستغفر الله لي................

[قيقراوي]

المشاركة الأصلية كتبت بواسطة آخـر المواني

هسة أمانتن في ظمتك الزول الأكل معاك البيك يوم طارق كان معانا دا كلوا وفي تربيزة واحدة وبرضو تجي تقول لي شفتي ؟
تشوفك الملاريا قول آمين قال شفتي قال


ــــــــ
كويس الليلة معاي ضيوف وما حضرت الحلقة ..

اه!!

كان ما الزهايمر ما كان رديت ليك ذاتو!













------

اسي انا قلت آخر المواني (دي) تكون جكس من النوع المسكت داك!

[أمير الأمين]

المشاركة الأصلية كتبت بواسطة قيقراوي

اسي انا قلت آخر المواني (دي) تكون جكس من النوع المسكت داك!

جنكم جكس



بالجنبة
البرنامج طبعا سبلتو
حولت الى "ياملك" مع الجميلة سلمى وابن البادية

[قيقراوي]

اها يا آخر المواني

http://www.youtube.com/watch?v=X5WvS...ature=youtu.be


انا ذاااتي ما حضرتها لايف

[آخـر المواني]

المشاركة الأصلية كتبت بواسطة قيقراوي

اه!!
كان ما الزهايمر ما كان رديت ليك ذاتو!
------
اسي انا قلت آخر المواني (دي) تكون جكس من النوع المسكت داك!

الزهايمر ولا مفلحط عيونك بي تحت النظارات

مشكور علي الحلقة خلينا نشوف وبعد داك نقرر هل نحول مع أمير ولا نجاهد معاكم

[الرشيد اسماعيل محمود]

المشاركة الأصلية كتبت بواسطة خالد غالي

السر قدور متواطيء مع طه الضرس، قاعد يعزل ليهو الاغاني السمحة من دون باقي الناس !!

سلامات يا خالد،،
الموسم الحالي، طه الوحيد في الشباب ديل القاعد يقوم بأداء أيّ أغنية بطريقتها المعروفة بالنسبة للناس، ودي كان بعملها عصام محمد نور زمان في المواسم السابقة، لو لاحظت زمان أيّ أغنية كاملة ودسمة، بغنيها عصام محمد نور، زي الوصية، الطير المهاجر، تحرمني منّك، عشرة الأيام.. إلخ من أغنيات سمحة. لأنو عصام بسمِّعك الاغنية زي ما هي، وما تنسي إنو الأداء هنا توثيقي، يعني حافظة مفاهيم (زي ما بقول مُحسن)، عشان كدا مفروض تصل سالمة لبرّ التوثيق، دون إضافة هارموني، أو منتشة ما.
بغياب عصام، طه استلم المهمّة، وقاعد يأديها بإجادة تامة نوعاً ما، إجادة لا تخلو من بعض المنتشة مرّات، زي لمّا غني هوج الرياح في المقطع البقول (وكساني بالآمال وشاح)، قام عمل ليهو حركة منتشة كدا ومعاها رفعة حاجبين معتادة

يعني في ذمّتك، هوج الرياح دي قول غنّاها صباحي!!

سؤال دمازيني:
الحركة اللونها وردي في رقبة طه الضرس دي، كرفتة ولا منديل؟، عليك الله كان طلعت ولا واحدة في ديل، أعفي لكيشو

سلام يا قيقا وبقية الشباب

[طارق صديق كانديك]

المشاركة الأصلية كتبت بواسطة آخـر المواني

هسة أمانتن في ظمتك الزول الأكل معاك البيك يوم طارق كان معانا دا كلوا وفي تربيزة واحدة وبرضو تجي تقول لي شفتي ؟
تشوفك الملاريا قول آمين قال شفتي قال


ــــــــ
كويس الليلة معاي ضيوف وما حضرت الحلقة ..

تستاهل

كلام القِصَيّر ما بِنسَمِع

المشاركة الأصلية كتبت بواسطة قيقراوي

اه!!

كان ما الزهايمر ما كان رديت ليك ذاتو!


------

اسي انا قلت آخر المواني (دي) تكون جكس من النوع المسكت داك!

المشاركة الأصلية كتبت بواسطة أمير الأمين

جنكم جكس

بالجنبة
البرنامج طبعا سبلتو
حولت الى "ياملك" مع الجميلة سلمى وابن البادية

غايتو لو خِتيت لينا مصطفى السني ده، كلنا بنحوّل معاك

[الرشيد اسماعيل محمود]

المشاركة الأصلية كتبت بواسطة عبدالله وداعه الامين

بالله دي ريماز ميرغني!!
غايتو أنا الليلة إتأكّدتَ إنو مافي زول في الدنيا دي شين، بعد دا نقرِّض علي الأخلاق

لكن برضو يا عبد الله وداعة، ريماز دي ما واقع لي فكرة إنها فنانة، كان زمان كان هسّع

[قيقراوي]

اجهزوا للبل .. اذا بتريدو

















---------

الحلقة عن (بلال موسى)

[زول الله]

رابط للمتابعة المباشرة على قناة النيل الازرق
http://bnile.tv/index.php?news=3006


بعدين نجي للـ خج





اقول قولي هذا واستغفر الله لي...............