اغاني .. واغاني

[زول الله]

معاي صديق علق على الحلقة بـ انها تسويق لأغاني بلال موسى وشكلو مدفوع القيمة






اقول قولي هذا واستغفر الله لي..............

[قيقراوي]

المشاركة الأصلية كتبت بواسطة زول الله

معاي صديق علق على الحلقة بـ انها تسويق لأغاني بلال موسى وشكلو مدفوع القيمة






اقول قولي هذا واستغفر الله لي..............

يعني ما مني براي!!














--------

لطالما رددنا : (الوقفة بتضر باللاعب) ..
وكنت قايل لاني انقطعت امس .. بقيت ما قادر اواكب البرنامج
حضرت حلقة الليلة باحساس محايد جداً .. او قول لا احساس عديل كدا!

بعيداً عن (الترفيه) او حتى (التوثيق) .. وقريباً من حقيقة البرنامج؛

بس في نقطة اثارها بلال موسى في بداية الحلقة، افتكر انها بتشرح طبيعة البرنامج ..

قال بعتبرو دا (تكريم) لي .. او نحو ذلك

فعلاً البرنامج ممكن يعد احتفاء وتكريم بالمبدعين .. لكن ابداً ما فيهو توثيق
والترفيه لا تخطئه عينٌ الا من رمدٍ!!

ول شنو يا الركاب؟
غلطان انا!؟

[زول الله]

اجدني اعضد فكرة التسويق بشدة
وكمان الركبا في راسي زيادة الاعلان من بلال موسى بـ التصريح لأي زول يغني اغانيهو بدون مقابل (ولا عزاء لناس المصنفات)

برضو حتتة التكريم مافاتت علي خاصة لما قال: أشكر الشباب ديل الشجعوني اجي وأغني في البرنامج

*لاحظت كذلك ان فرفور أدى أغنية "صحوة ضميرك" أحسن من صاحبا وبإحساس اكبر

*بلال موسى فنان موجود في الساحة وله اعماله ولونيته السامعنها الناس
بس كمان السر قدور بالغ لما جابو وختاهو وسط حلقات تتكلم عن المبدعين أمثال عثمان حسين ,الجابري والتاج مصطفى وغيرهم.

*الاغنية الاخيرة "توبة" ماكان في داعي ليها ولا كلمة "هائل" من السر قدور

*مصطفى السني كان ملك الاناقة اليوم

*معتز صباحي مسجل غياب






اقول قولي هذا واستغفر الله لي...............

[خال فاطنة]

وكمان الركبا في راسي زيادة الاعلان من بلال موسى بـ التصريح لأي زول يغني اغانيهو بدون مقابل (ولا عزاء لناس المصنفات)

سلام يا شباب
غايتو لو معيار نجاح الحلقة هو المتعة أنا استمتعت خالص بحلقة بلال موسى، هذا الفنان العصامي المتواضع، لا يتردد بلال موسى في الإعتراف بأنه مجرد ظهوره في التلفزيون حلم بالنسبة له و القنوات ممتلئة بالأصوات التي لا لون و لا طعم و لا نكهة لها....بلال موسى تجربة فريدة في كونه يكتب و يلحن و يغني، و هذه ملكات قلما تجتمع في فرد ...إختفى فترة من الزمن و ظهر أكثر بريقا و قوة، صوته من الأصوات النادرة الظهرت في الساحة الفنية...
أعتقد أنه ما يعنينا كمشاهدين و متلقين للغناء هو العرض الفني الذي يُقدم في شكل أغنيات و الحوار المصاحب...مسألة كيف تم الترتيب للحلقة و ما هي الدوافع و النيات وراء ذلك هو أمر لا يعنينا كمتلقين و الخوض فيه يدخل في دائرة الظنون، ثم ما المانع أن يتم الترويج لأغاني فنان له معجبيه و بصمته؟!
بلال موسى قصرّت في حقه وسائل الإعلام المختلفة في تقديمه للجمهور و، و ظل بعيدا ردحا من الزمن و هو بهذه الامكانات و الملكات، لا لضعف إمكانياته و لا لهشاشة الاغنيات التي يتعنى بها. لماذا نستكتر أو نستغرب مجرد الظهور في برنامج أغاني و أغاني و بعد مرور كم نسخة كدى ما عارف و مرور كل أو معظم الفنانين زوي التجارب به الحي منهم و الإنتقل الى جوار ربه...

[مها عبدالمنعم]

كل عام والجميع بخير هنا
غايتو النصيحه لله استمتعت بالتلاته غنيات السمعتهم حلقه رتم الاحساس فيها ارتفع شويه من البدايه

ثم انو الرجل بسيط ومتواضع بس مافي زول جاراه ب احساسو بالغناء ولا فرفور اعتقد

[اشرف السر]

المشاركة الأصلية كتبت بواسطة زول الله

*بلال موسى فنان موجود في الساحة وله اعماله ولونيته السامعنها الناس
بس كمان السر قدور بالغ لما جابو وختاهو وسط حلقات تتكلم عن المبدعين أمثال عثمان حسين ,الجابري والتاج مصطفى وغيرهم.

الابداع عملية مستمرة.. لن تقف بمجرد موت مصطفى سيد احمد ووردي وعثمان حسين والجابري...الخ
فلماذا نستنكر أي إبداع بعدهم؟

بلال موسى مبدع، كون انه يؤلف الأغنية ويلحنها ويغنيها، ونادرون هم من يفعلون فعله...

بلال موسى ضرته الهجرة لخارج السودان...
وظهر بتواضع وأدب جم، وقل أن نجد مغنيا سودانيا متواضعاً في لقاءاته مع أجهزة الإعلام...
اعجبني بلال موسى اليوم

[طارق صديق كانديك]

المشاركة الأصلية كتبت بواسطة خال فاطنة

سلام يا شباب
غايتو لو معيار نجاح الحلقة هو المتعة أنا استمتعت خالص بحلقة بلال موسى، هذا الفنان العصامي المتواضع، لا يتردد بلال موسى في الإعتراف بأنه مجرد ظهوره في التلفزيون حلم بالنسبة له و القنوات ممتلئة بالأصوات التي لا لون و لا طعم و لا نكهة لها....بلال موسى تجربة فريدة في كونه يكتب و يلحن و يغني، و هذه ملكات قلما تجتمع في فرد ...إختفى فترة من الزمن و ظهر أكثر بريقا و قوة، صوته من الأصوات النادرة الظهرت في الساحة الفنية...
أعتقد أنه ما يعنينا كمشاهدين و متلقين للغناء هو العرض الفني الذي يُقدم في شكل أغنيات و الحوار المصاحب...مسألة كيف تم الترتيب للحلقة و ما هي الدوافع و النيات وراء ذلك هو أمر لا يعنينا كمتلقين و الخوض فيه يدخل في دائرة الظنون، ثم ما المانع أن يتم الترويج لأغاني فنان له معجبيه و بصمته؟!
بلال موسى قصرّت في حقه وسائل الإعلام المختلفة في تقديمه للجمهور و، و ظل بعيدا ردحا من الزمن و هو بهذه الامكانات و الملكات، لا لضعف إمكانياته و لا لهشاشة الاغنيات التي يتعنى بها. لماذا نستكتر أو نستغرب مجرد الظهور في برنامج أغاني و أغاني و بعد مرور كم نسخة كدى ما عارف و مرور كل أو معظم الفنانين ذوي التجارب به الحي منهم و الإنتقل الى جوار ربه...

شكراً ياخالا فقد عبّرت عني أنا الآخر.

---

وأنا أستمع اليه لاحت في خاطري، رحلة محببة الى نفسي، قطعتها سائقاً عربة العزيز ناصر يوسف، برفقة الأعزاء محسن خالد والرشيد اسماعيل ومبر محمود من مدني الى الخرطوم، كان فيها صوت الفنان بلال موسى حاضراً، ومازلتُ أطرب له منذ بواكير ظهوره في سنار وفي مارنجان حلة حسن ومن ثم في مدني. ذاك رجل بساطته تلفه كالسوار فتراه نقياً منساباً الى النفس كدفقة ماء في جوف ظامئ.

حلقة جميلة جداً.

[أمير الأمين]

المشاركة الأصلية كتبت بواسطة طارق صديق كانديك

[COLOR="DarkRed"]

غايتو لو خِتيت لينا مصطفى السني ده، كلنا بنحوّل معاك

بالجد بعتذر لمصطفى ومعجبيه هنا وفى السايبر لو
كان كلامى ضايق البعض وحمّله على الشخصى
ليس بينى السنى اى معرفة وما كتبته مجرد راى
خلقه انطباع ولا يخلو من "المكاواة" للبعض
فاتمنى ان يفهم كلامى عنه فى هذا الاطار بعيد عن الشخصى

[أمير الأمين]

المشاركة الأصلية كتبت بواسطة طارق صديق كانديك

حلقة جميلة جداً.

خليك مع غنى "الشواكيش" دا
يا اخى ود البادية امـتعنا بى هناك بالحرير وسال من شعرها الدهب

[الرشيد اسماعيل محمود]

فعلاً زي ما قال خال فاطنة، حلقة ممتعة بعيداً عن المَلل الفات، وفي رأيي، هي تكريمية للفنان بلال موسي، مشكلتنا بتخيّل لي لم نعهد تكريم المبدعين في حياتهم.

[قيقراوي]

المشاركة الأصلية كتبت بواسطة الرشيد اسماعيل محمود

وفي رأيي، هي تكريمية للفنان بلال موسي، مشكلتنا بتخيّل لي لم نعهد تكريم المبدعين في حياتهم.

_______

جميل جداً انو البرنامج يقدر ينجز هدفي الترفيه والتسلية .. والتكريم للمبدعين ..

مش بس الاموات .. ولا من انجزوا مشاريعهم الفنية والابداعية..
حتى للذين مازالوا في اول عتبات طريق النجومية الشائك وشائق
فاطمة ؤ ود المامون نموذجاً

عليكم الله الشايف انو البرنامج دا توثيقي او مفروض يكون توثيقي يعفي لي
انا ما شايف كدا!!

[قيقراوي]

العين تسمع .. والاذن ترى
















---------

الإلهام

نسمع بعيونا .. ونكشف باضنينا

المافي شنو !؟

[خالد غالي]

البت ديك حاتلبس توب مختلف كل يوم؟
مايعادل 30 توب، قول الواحد بي نصف مليون، يعني 15 مليون !!



بدوها كم اصلو

[قيقراوي]

المشاركة الأصلية كتبت بواسطة خالد غالي

البت ديك حاتلبس توب مختلف كل يوم؟
مايعادل 30 توب، قول الواحد بي نصف مليون، يعني 15 مليون !!



بدوها كم اصلو

يا خالد قلنا اسمع بعيونك .. وشوف باضانك
ما تلخبت الاختساسات!!

سبنا .. سمع وشوف
[يا مليح الزي]













------

الليلة يا دوب (امس ببعض الحسابات) يادوب نقدر نقول (اغاني واغاني) ابتدأ!

امتاع زي الامتاع!!

[خالد غالي]

لا والله ياقيقرا غنت الغنية سمح جدا

اسمها سبنا كمان !

كده بقت اسم وسمع وشوف، يعني تلاتة في واحد زي دعاية الشامبو