اغاني .. واغاني

[الرشيد اسماعيل محمود]

المشاركة الأصلية كتبت بواسطة أسعد

يا الرشيد كلامك دا ما صاح جزئيا
معتز صباحي فنان قبل يرجع السودان

جزئياً دي هل بتعني إنو لاعب كورة!
هو أصلا ما نفي حكاية إنو بغني دي، لكن قال إنو بلقي نفسو في الكورة أكتر، والسبب الاساسي الرجّعوا السودان ليس الوتر، بل الكفر يا حبّة.

[الرشيد اسماعيل محمود]

المشاركة الأصلية كتبت بواسطة طارق صديق كانديك

يازول صيني إنت دا

غنت فهيمة، فطرب منا كل بنان،مش خالد غالي قال النصيحة؟

والله يا عمّك، فهيمة الموسم دا كلو صينية
بتأدِّي الغنا بحركات كدا زي الزول العندو وجع أضان

[أسعد]

المشاركة الأصلية كتبت بواسطة الرشيد اسماعيل محمود

جزئياً دي هل بتعني إنو لاعب كورة!
هو أصلا ما نفي حكاية إنو بغني دي، لكن قال إنو بلقي نفسو في الكورة أكتر، والسبب الاساسي الرجّعوا السودان ليس الوتر، بل الكفر يا حبّة.

لا انت في كلامك داااك
صورت معتز كأنو كان ماشي معزوم سماية
وقام شاف واحدة عجبتو وقام خلى السماية وعمل حفلة زواجو

[الرشيد اسماعيل محمود]

المشاركة الأصلية كتبت بواسطة أسعد

لا انت في كلامك داااك
صورت معتز كأنو كان ماشي معزوم سماية
وقام شاف واحدة عجبتو وقام خلى السماية وعمل حفلة زواجو

خلاص غلطان أنا في تصويري، لكن أنا قصدت إنو كان معزوم سماية، وفي نفس الوكت خاتِّي إحتمال يلقي واحدة من البنات البسوّن الشاي للمعازيم ديلك ويتزوّجها، وأهو، موضوع السماية طرشق، وعمل حفلة زواجو.

[أمير الأمين]

المشاركة الأصلية كتبت بواسطة طارق صديق كانديك

يازول صيني إنت دا

غنت فهيمة، فطرب منا كل بنان،مش خالد غالي قال النصيحة؟

امرق النصيحة انت
قول فاقد الجميلات

[أمير الأمين]

المشاركة الأصلية كتبت بواسطة مهند الخطيب

طريقتنا حلاتا

[أمير الأمين]

الشماتة ما سمحة
لكن تستاهلو
قال "فرفور/معتز/فهيمة" قال

[الرشيد اسماعيل محمود]

المشاركة الأصلية كتبت بواسطة أمير الأمين

الشماتة ما سمحة
لكن تستاهلو
قال "فرفور/معتز/فهيمة" قال

والله يا أمير أشمت ساي، أداء فرفور لـ "سال من شعرها الذهب" كان غريب!!
كتل الأغنية وأدّاها ببرود عجيب!، الأغنية دي فيها حيوية ما عادية، محتاجة بالضرورة لأداء يوازيها، لكن نسوِّي شنو مع عدم إنفعال المغنِّي مع ما يغنيه؟!، حليل نادر خضر.
تقول لي البلابل صوتهن أصبح نشاز

[أمير الأمين]

المشاركة الأصلية كتبت بواسطة الرشيد اسماعيل محمود

والله يا أمير أشمت ساي، أداء فرفور لـ "سال من شعرها الذهب" كان غريب!!
كتل الأغنية وأدّاها ببرود عجيب!، الأغنية دي فيها حيوية ما عادية، محتاجة بالضرورة لأداء يوازيها، لكن نسوِّي شنو مع عدم إنفعال المغنِّي مع ما يغنيه؟!، حليل نادر خضر.
تقول لي البلابل صوتهن أصبح نشاز

عارف قبل يومين سمعتها من سيدا (ود البادية)
اخر إنبساطة وقريفة
اها جا فرفور مسح كل شئ
إلا نمشى نعيدها

[أمير الأمين]

المشاركة الأصلية كتبت بواسطة الرشيد اسماعيل محمود

تقول لي البلابل صوتهن أصبح نشاز

بفتش لى شئ مسجل من الحلقات
عشان تقتنع ما لقيت
الناس قناعين منهم

[AMAL]

معتز دا ليه بذكرني امين حسن عمر

[احمد زين]

المشاركة الأصلية كتبت بواسطة الرشيد اسماعيل محمود

لمّا رجعت قريت مداخلتي، لقيت إنو فعلا حكاية بيوتات الأزياء دي صعب يتم تطبيقها علي جميع المشاركين، عشان كدا حأتفق مع رؤية غالي في إقتصارها علي مقدِّمي البرامج إن كانت فعلا حاصلة.

يا زول والله اريتك كان فضلت على رايك الاول
ازياء نسرين هندي فعلا هي من احد بيوت الازياء
ولو تلاحظ في بداية البرنامج او قول في المقدمة
بتظهر في الشاشة عبارة (ازياء الفنانة نسرين هندي من .........)
بس والله ما قدرت اقرأ اسم الجهة بس بوعدك بكرة بجيبو ليك

[الرشيد اسماعيل محمود]

المشاركة الأصلية كتبت بواسطة AMAL

معتز دا ليه بذكرني امين حسن عمر

السؤال دا أكيد موجّه لماريل!

[AMAL]

المشاركة الأصلية كتبت بواسطة الرشيد اسماعيل محمود

السؤال دا أكيد موجّه لماريل!

الرشيد ازيك ياخ
بس بالجد نفس الضرسة




معليش ياصاحبتي

[الرشيد اسماعيل محمود]

المشاركة الأصلية كتبت بواسطة احمد زين

يا زول والله اريتك كان فضلت على رايك الاول
ازياء نسرين هندي فعلا هي من احد بيوت الازياء
ولو تلاحظ في بداية البرنامج او قول في المقدمة
بتظهر في الشاشة عبارة (ازياء الفنانة نسرين هندي من .........)
بس والله ما قدرت اقرأ اسم الجهة بس بوعدك بكرة بجيبو ليك

هيْ لكن كمان مداخلتك دي ما كان تكتبها قبل الجماعة ديل ما يقنعوني!
أنا عندي معلومة زي دي من السنة الفاتت سمعتها من زول، وكنت باقي عليها تب، ومستعد أقاتل (من أجل حبي) كمان، لكن مجرّد ما زول الله جاب لي سيرة أزياء معتز صباحي، طوّالي جرّيت واطي، لأنو حسب حوامتي في الخرطوم، ما لقيت لي محل بعرض الحاجات البلبسها الراجل دا!